الأحد، مايو 04، 2008

e-Death

عندما يحيا الشخص الحياة الإلكترونية فإنه حتما يأتي عليه وقت يموت موتا إلكترونيا وربما ينتحر أيضا انتحارا إلكترونيا.

ربما يأتيه هذا الموت في عدة نكهات منها ما هو تسلسلي شيخوخة ثم موت ومنها ما يكون قتلا مثل الانشغال وقطع الانترنت أو الانتقال إلى حياة حقيقية تشغله عن الحياة الافتراضية.

الطريف في هذا الموت أن الأحياء (إلكترونيا) أيضا لا يكون لديهم تصور واضح عن حياة الشخص الميت (إلكترونيا) بعد الموت وما يعاني فيها من أهوال أو ما هو فيه من النعيم.

على قدر حيوية تلك الحياة الإلكترونية وفاعليتها وأحداثها على قدر ما يكون الموت بعدها مؤثرا وملفتا ولا ينكر أيضا أن بعض من يموتون (إلكترونيا) يقول الناس بعد موتهم "المركب اللي بتودي"

لكن كثيرا ما تكون الحياة بعد هذا الموت (الإلكتروني) خيرا وأبقى من تلك الحياة المؤقتة بالرغم من إحساس الأحياء بالفقد لذاك الميت والحزن عليه رغم أنه ربما يكون أسعد مما كان عليه قبل موته (الإلكتروني).
الحي (الإلكتروني) يحتاج أيضا للنوم كما يأتيه الموت غير أن النوم يتكرر كثيرا.

الأحياء يراهم الناس وربما تكون حقيقتهم غير ظاهرهم ولكن الباطن الحقيقي ينكشف عندما يموتون (إلكترونيا) وينتقلون إلى الحياة الأخرى


هناك 54 تعليقًا:

fahd يقول...

ياه مش معقوله

انا اول تعليق

انا كل مرة اجي اعلق الاقي نفسي التعليق الخمسه وستين او السبعه واربعين
فمكنتش بعلق احبط يعني

لكن الحمد لله لاول مرة انا التعليق الاول

هقرأ الموضوع واعلق تاني سلامون

fahd يقول...

تصدق انا فكرت في الموضوع ده قريب
وقلت انا هموت الكترونيا

يمكن مش بس الشيخوخه او الانشغال

ممكن الحياة دي لا تناسب شخص ما

او ان الاحياء الالكترونيين لا يقبلون هذا الشخص فيقرر ان يترك حياتهم وينتحر

او يكون مل هذه الحياة

او وجد نفسه بلا هدف فيقرر ان يحترم نفسه ويموت

ولكن صدقني لا يوجد عزاء للمتوفين او رثاء للمنتحرين
حيث ان المواليد بالهبل
غير انه الحياة الالكترونيه غير منتظمة وغير معرف معالمها
واحيانا ايضا غير عادلة

الناس تفكر بالعقل الجمعي

هناك اناس وصلوا لمكانه عاليه في الحياة الالكترونية لا يستحقونها لركاكه اسلوبهم وتفاهة مواضيعهم ولكن جت معاه كده

وقد رأيت اناس كثيرون ومدونين يكتبون كلاما رائعا لا يعلق عليه احد

انا بنفرح بالظيطه

مش موصوعيين يعني

فيخلي الواحد انه يفكر ينتحر

ويروح يدور علي حياة في مكان اخر

بس ارجوك اوعي تموت او تنتحر

وانا وسأقيم لك سرادقا كبيرا

ودعني القبك بألاب الروحي للمدونين العرب

واتمني الناس توافقني علي ذلك

ma_3alina يقول...

لكن الزمن لا يعود في احياة الحقيقة .. فمن شاخ لا يعود ومن مات لا يعود

أما إلكترونيا .. فقد يعود الشيخ صبيا .. وقد يعود الميت إلى صفوف الأحياء مرة أخرى

كيف حال حضرتك يا باشمهندس .. ادعو الله أن تكون في خير حال

محمد عبد الغفار يقول...

انا قرأت الموضوع ده اربع مرات حتى انفى فكره انه تأبين وداع ولم استطع ان اجزم بذلك

الحياة الألكترونيه واسعه المدى ضعيفه التأثير وبسبع ارواح والحى فيها ابقى من الميت والنايم واللى فى غيبوبه

على الأقل انت ممن نفتقدهم حال غيابهم

صاحب المضيفة يقول...

ايه يا عمنا ده

وبعدين ايه لمصطلحات الجديدة دي


ربنا يكرمك وترجع بقى من مشغلتك لتنورنا


وحضرتك من الناس اللي لما بتنام مش بتموت بس بنحس بفقدها على طول



منتظرينك دوما

جمعاوى روش طحن يقول...

الموت إلكترونيا

عله سيكون مصطلح رنان " خصوصا الفترة القادمة "

تعرف يا هندسة الحاجة الجميلة جدا ايه ؟

إن أكيد ف الموت ده " الكترونيا "

ينقطع عمله الإ من ثلاث


صدقة جارية " زى مدونة مثلا "

علم ينتفع به " أى حاجة "

أو مدون صالح يدعو له

جزاكم الله خيرا يا أبو يحيى

خمسة فضفضة يقول...

السلام عليكم ورحمة الله وبركاته

باشمهندس عصفور ازيك اخبارك ايه

هل يا تري الكلام في وراه رساله خفيه ؟؟

عصفور المدينة يقول...

جزاكم الله خيرا لا يوجد رسائل خفية ولا شيء ولكن هي مجرد تجسيد واقع
ادعوا لي وسامحوا تقصيري فأنا مشغول فوق ال"جدا" وأيضا مقطوع عندي النت

الطائر الحزين يقول...

اعمل وصلة نت وخلاص

على الاقل تموت وتحيا الكترونيا مش بمزاجك

ويبقى العيب فى الوصلة

عاشقه الفردوس يقول...

اه والله فكرت برده في الموضوع ده


الموت الالكتروني
او الانتحار الالكتروني


هو اما بفكر فيه بترعب اوي

بس مقدرش اقول غير اني برده هيجي يوم واموت نفسي الكترونيا

:))

ولايهمك ياابونا الروحي كما لقبك الاستاذ فهد

وربنا ييسرلك امورك يارب

امام الجيل يقول...

ايه ده بقيت ايونا مرة وحدة
:)

اكرمك الله يا فندم واعانك

جميل الموضوع
بس يا ترى اللى بيموت الكترونيا ده بيموت تلقائى وطبيعى
ولا هو اللى بينتحر

اعتقد ان فيه ده وفيه ده
واعتقد عشان الواحد يستمر حي الكترونيا يبقى زى ما هو ولا يكتب لاحد ولا يتجمل لاحد ولا يخرج عن مبادئه التى عرفه الناس بها واحترموه من اجلها

الا ان كانت خطئا بالتاكيد

بس برضه اثبتت الوقائع ان الحياة الالكترونية محتاجة برضه لبعض المهارات يعنى مش كفاية التواجد بس لا لازم مهارات جنبها عشان نفضل احياء

طمنا عليك دوما

Maha يقول...

عجبتني جدا معالجة الفكرة والتدوينة ^_^ ما شاء الله لا قوة إلا بالله

سبحان الله .. متداول الكلام عن "الحياة الإلكترونية" لكني لم أر أحدا قبلا يتكلم عن "الموت الإلكتروني"

نظرة ابداعية من زاوية طريفة (وأيضا وعظية) بارك الله فيك

لحظة يقول...

سيبك من بتوع المركب اللي تودي

انا بابدا البلوجر من عند حضرتك
وباساين ان من صفحة التعليقات بتاعتك
وبادخل على مدونتي من اللينك اللي في مدونتك
ومتاكده ان كتير زيي بيستنو الجديد اللي بتكتبه
وبيكون تعليقك عندهم اهم تعليق

غيب وانشغل براحتك
لكن اوعى من حكاية الموت الاكتروني دي

آفاق الحرية يقول...

السلام عليكم

او يمكن هو الشخص ده هو اللي حاسس انه توفي الكترونيا
لان اكيد حضرتك تشوقت كثيرا للتدوين
لكن طبعا حضرتك مازلت بفضل الله تحيا (الكترونيا) بيننا
انا مصدقتش ان حضرتك الفترة ده كلها منزلتش بوست جديد
لكن الحمد لله اننا اطمئنيت علي حضرتك
تحياتي

Jana يقول...

اعتقد يا باشمهندس ..زى مابيكون النوم الحقيقى وليس الالكترونى ..هو ميتة صغرى
اذن الموت الالكترونى من انواع النوم المؤقت ايضا ...وقد ترجع بعده اكثر نشاطا ...مكتشفا جديد ..ناظرا بعين جديدة للدنيا الالكترونية ..تراها افضل او اسوأ ..لا يهم ..ولكنه الاختلاف فحسب ...ومن ثم ننام الكترونيا مرة اخرى (طبيعة الحال يعنى ) فتتكرر الحالة ..ويستمر التغيير
ثم تجد ان اندماجا قد حدث بين الحياة الواقعية والافتراضية ...لدرجة ان حياتك الافتراضية ..قد تكون اثقل ما يوضع فى الميزان ..يوم انتهاء الحياتين

رفقة عمر يقول...

السلام عليكم استاذنا الكريم
افتقدنا تواجدك
ولكنى كنت قرات تنويه لحضرتك انك حضرتك مشغول والنت فاصل ونحن قدرنا هذا الغياب
بس موضوع البوست دة حزين وزعلنى جدا
ادام الله وجود حضرتك بينا

أمــانــى يقول...

أســتاذنا
لا اعتقد انه يصل لدرجة الموت لاننا اول ما نراه بعد فترة غياب بنحسه وبيرجع شباب من جديد
ربنا معاك يا استاذنا وربنا يعينك ويوفقك يااااااارب آمــــــــين

خبيب يقول...

في تصوري الشخصي - تصوري الشخصي فحسب - أن الانترنت قد يكون أحد أمرين :

1- جزءا صغيرا كغيره من الأجزاء من حياة الفرد الحقيقية

2- أغلب حياة الفرد وهو ما يصح أن نطلق عليه : الحياة الإلكترونية

وهو ما يعني أن نجاح المرء في الحياتين سويا وتميزه فيهما معا .. أمر شبه مستحيل ..

فالمرء إما أن يولي عنايته للحياة الأولى ، فتتقلص مساحة الثانية .. وإما أن تصادفه صعوبات كثيرة في الأولى ، فينغمس في الثانية ..

من هنا ، فالموت الإلكتروني - حين يتحول الانترنت إلى أمر بين الأمور لا إلى كل الأمور - قد يكون علامة صحية على نجاح ما ..

وفقكم الله وأعانكم

Doba يقول...

مش عارفة انا غبية ولا ايه الحكاية
بس انا مش فاهمة
بجد مش فاهمة انت تقصد ايه

فهمنى ربنا يكرمك
تحياتى
هبة

رينـــــــــــا يقول...

ربنا يستر ومكنش اللى فهمته صح :S

دكتور حر يقول...

عالى يا عم العالي

يا جدعان

الكلام ده كله حكم وبس

محدش يقلق من رحيل العصفور

الراجل بيستخرج الحكمه من الحياة الالكترونيه وطيعتها
وعشان الراجل منشغل فوق ال (جدا) زي ما بيقول جه في باله كده


العصافير ببتحرك كتير لكن بترجع تانيح تى ولو غابت شويه

ومن واجبات الأحياء الكترونيا
انهم يستحملوا بعض
ويدعوا لبعض بالتوفيق والعون من الله
وانه يرجع لهم الغائبين بالسلامة
ان شاء الله
******
حته عالجنب
مهو لو انت تعرف الشوارع مكنتش قلقت كده
:))

**
ربنا يعينك يا عمنا

بنت القمر يقول...

امر علي مدونه ماتت صاحبتها اليكترونيا بعد ان كانت ملئ السمع والبصر
فأجدها تعشش فيها الاشباح
وتشعر فيها بالرطوبه المفرطه
فاتذكر مررت علي الديار ديار ليلي
مثل احساس الوقوف علي الاطلال
ولكن
الفارق ان الميت هنا ملقي علي قارعه الطريق
بدون دفن
او {ها انت تريد حذف هذه المدونه}
وهكذا يتركها لنا
انأخذ عبره من الميت ونعلم انه لاييوجد بيننا وبينه الا عده سنوات او
ربما شهور
فقط علينا ان نكتب الوصيه باغلاق الصفحه حينها وترك الميل والباسوورد فيها
تحياتي لقلمك الرشيق
واسمح لي اخد وصله من التدوينه دي عندي
تحياتي

Rainbow يقول...

بوست غريب

و الاغرب ان الموت كده او كده الواحد مش عايزه يجى بسرعة و حساس انه معملش حاجة لسه

بس عارف احلى حاجة فى الموت ده ايه
ان الانتحار فيه مش حرام :)

ربنا يحفظك و يحفظنا جميعا

Unique يقول...

بقدر غنى الحياة الالكترونية يكون الموت الالكتروني مفجع ..
جعلنا الله من الصابرين فاقدين ومفقودين

خالص التحية

عدى النهار يقول...

طب خليها
e-Busy
ربنا يٌعينك على ما أنت فيه من مشغولية

la3lahakhier يقول...

مش مشكلة ماهو الموت علينا حق حتى لو الكترونى سبحان من له الدوام

ام البنات يقول...

استاذنا الفاضل
جميله التدوينه
حقيقى احيانا يحدث هذا ولكن فى شكل غياب عن النت...بسبب رغبه شخصيه..
أو بسبب انقطاع خدمة النت
ولكن ...تصورى ان الموت الالكترونى بيكون جدي فى حاله ما تكون شخصيه مريضه وتزعج المتواجدين فينتبه صاحبها لسوء تصرفه فيقتل هذه الشخصيه ويعود بأخرى طيبه
او العكس
ان يمل من دور الطيب ويعود شرير
هكذا
اما الحياة...اصعب بكثير من العالم الافتراضى
الذى بمجرد ان تغلق الجهاز...ابتعدت عن مشاكله...وانت الوحيد الذى يعود إلى مشاكل النت بملئ ارادتك
فى الواقع...لا هروب
دمت بخير سيدى الفاضل....وبارك الله فى اسرتك

ا يقول...

فى انتظار عودتك وترجعنا بالسلامة

ابن الإسلام يقول...

فى انتظار عودتك وترجعنا بالسلامة

mohand يقول...

تصدق كده بجد عيب


ولو عملتها وعد مني هتلاقيني وراك

وانا بقولهالك ومش هرجع فيها وهتشوف

سلام من غير تحياتي

انت عارفني صريح

أحمد عزيز يقول...

عصفور المدينه
يا عندليب ما تخافش من غنوتك

قول شكوتك و احكي علي بلوتك

الغنوه مش ح تموتك إنمــــــــــا

كتم الغنا هو اللي ح يموتــــــــك

عجبي !!!
تحياتى

عصفور المدينة يقول...

أدخل بالديال أب ثم آخذ التعليقات ثم أرد وأدخل لأضعها ولا حول ولا قوة إلا بالله في


fahd

أهلا بيك أخي فهد وما أسعدني بتعليقك
حقيقة تليقك يصلح تدوينة ويبدو أنني وقع على الجرح
والفكرة على بساطتها رأيت أن البعض لم يتقبلها والبعض تأثر بها جدا فيبدو أن من تقبلوها قد أحسوا بها لأنهم فكروا فيها

ma_3alina

أخي الحبيب ابراهيم جزاك الله خيرا على سؤالك واهتمامك أنا بخير الحمد لله وإن شاء الله أعود قريبا(مع شهر 7 مثلا) وادع لي أن أعود غانما

محمد عبد الغفار

جزاك الله خيرا وأنا أيضا أفتقدك واعذرني للتقصير في حقك والحقيقة ليس تأبينا ولا وداعا ولكنه خاطر مرتبط بالغياب

صاحب المضيفة

جزاك الله خيرا أبا مالك ومنورنا أحتفظ بحق الملكية الفكرية لهذا الاصطلاح أنا بحثت عنه قبل أن أخترعه فوجدته ليس مستخدما
وإن شاء الله تكون هذه غفوة ونعود

جمعاوى روش طحن

ما أجمل ربطك أخي أحمد الانقطاع بانقطاع العمل وبقاء الأثر

خمسة فضفضة

جزاك الله خيرا وأنا بخير الحمد لله

عصفور المدينة


جزاكم الله خيرا لا يوجد رسائل خفية ولا شيء ولكن هي مجرد تجسيد واقع
ادعوا لي وسامحوا تقصيري فأنا مشغول فوق ال"جدا" وأيضا مقطوع عندي النت


الطائر الحزين

حاضر يا سيدي أما أشوف آخرة شركة النت النصابين دول إيه وبعدين انت يعني شايفني موجود؟


عاشقه الفردوس

جزاك الله خيرا يا أستاذة وربنا يكرمنا دائما بتواجدك

امام الجيل

فرق سن بقى يا حمام
تعليقك إضافة قيمة للتدوينة يا محمد حفظك الله

Maha

ربنا يبارك فيك يا مها وأنا أعلم أني مقصر معك بل معكم جميعا
وكنت قد كتبت تدوينة مشابهة تذكرتها الآن اسمها برزخيات
وأنت دائما يا ابنتي تتنبهين لمعان أقصدها وأخفيها فتكونين أنت من ينقب عنها زادك الله حكمة
فالحقيقة أنني أخذت عظة من انقطاعي حيث لدي ما أقوله لكم وأقرأ ولا أجد فرصة للتعليق أو الرد وحتى في لحظات التوفيق وإحساسي بنعمة من الله أحس أن لي أهلين أريد أن أخبرهم فشبهت حالي بالميت الذي ختم على عمله حتى لا يستطيع بشارة أهله

لحظة

جزاك الله خيرا وحمدا لله على سلامة شنطتك

آفاق الحرية


نعم تشوقت إليكم كثيرا وادع لي كثرا أخي محمد وذاكر جيدا

Jana

جزاك الله خيرا على تحميسي وإن شاء الله أعود بس أهم شيء أن أعود فأجدكم كما عهدتكم وفي خيرا وأفضل حال أوصيكم ونفسي بتقوى الله

رفقة عمر


والله مش حزين يا بنتي ولكنه تشابه الحال هو ما حركني

أمــانــى

ياااااااااااه مرحبا أختنا الجنوبية الفاضلة الغائبة
جزاك الله خيرا

خبيب

طيب ماذا أرد على ما كتبت من كلام نفيس أيها الدكتور الحبيب الرائع

Doba

بل أنت ذكية وأنا المقصر والمستعجل ولكن عزاءي أن إخوانا وأخوات زادوا الموضوع وضوحا بتعليقاتهم
بارك الله فيك وفي أسرتك وأولادك ووفقك دوما وتسعدني أخبارك الطيبة دوما

رينـــــــــــا

لا يارينا انت فهمت غلط إن شاء الله


دكتور حر


ومن واجبات الأحياء الكترونيا
انهم يستحملوا بعض
ويدعوا لبعض بالتوفيق والعون من الله
وانه يرجع لهم الغائبين بالسلامة
ان شاء الله

حبيبي أوجزت ربنا يحفظك وهذا من أهم المعاني التي جعلتني أكتب هذا الكلام
وبالذات حسيت أنك زعلان مني بس اعذرني
وبعدين انت بتقول شوارع يا محمد ده انا اتحمصت شوارع يا بني ادع لي كثيرا

بنت القمر

بارك الله فيك تعليقك رائع رائع والمدونة كلها "سبيل" :)


Rainbow

جزاك الله خيرا وهذه طبيعة الحياة والموت فعلا مع فارق إقفال باب العودة

Unique


نعم بقدر أهمية الحياة بقدر صعوبة الموت على الأحباب وجزاك الله خيرا

عدى النهار

e-Busy
جزاك الله خيرا أخي الحبيب مدحت وتقبل الله دعاءك ولك بمثل

la3lahakhier

نعم مش مشكلة ولعلها خير بس أهم حاجة حسن الختام

عصفور المدينة يقول...


ام البنات

جزاك الله خيرا اهم شيء أن يكون الإنسان دايما حيث يريده الله


غير معرف ابن الإسلام

ربنا يبارك فيك ومنورنا أخي الحبيب

mohand

اوعى ياحبيبي تعملها واناكمان مش حاعمل كدة انت فاهمني غلط
:(

أحمد عزيز

إيه الجمال ده


كان معكم عصفور المدينة من بيت بعض الأقارب
شحاتة إلكترونية يعني

شــــمـس الديـن يقول...

الحمد لله ان الامر ليس به رسالة خفية و لكن مجرد تقرير واقع

ان شاء الله تعود سريعا

و مجتمع النت فعلا زييه زي اي مجتمع

بس اعتقد ان الوفاة الاليكترونية لا تحدث الا بالوفاة الطبيعية او لو حد سافر مجاهل افريقيا حيث لا يوجد تليفون ولا كمبيوتر و بالتالي مفيش نت

لكن مجرد انقطاع النت ,ممكن الواحد يعوضة باي شئ

وفقك الله و اعانك علي مشغولياتك و رجع خط النت ليك بسرعة

انا عارفة المواقف دي ,بتبقي ايام جدباء فعلا

Dr-hema يقول...

فعلا الحياة الطبيعية والموت الطبيعى
مفيش زيه
بس الإنتحار يبقى ده مش تمام


د/هيما

Salwa يقول...

أخيرا بوست جديد لحضرتك

عموما أزمه النت وانقطاعه بتحصل لنا كلنا

ولا يهمك

المهم حضرتك تكون بخير

نرجع للبوست

وقفت كثيرا عند هذه النقطه

الأحياء يراهم الناس وربما تكون حقيقتهم غير ظاهرهم ولكن الباطن الحقيقي ينكشف عندما يموتون (إلكترونيا) وينتقلون إلى الحياة الأخرى

من المقصود بالأحياء ( الطبيعيين أم الألكترونيين )؟
وباطنهم سينكشف لمن ؟

مش عارفه عباره حضرتك محيراني

******
طبعا الله يعينك ع الديل أب

دمت بكل خير أنت وكل من حولك

أنا إنسان يقول...

والله فعلا
بس ممكن يكون غيبوبه بس مش موت كامل
انا حاسس ان ده تمهيد لخطوه حضرتك هاتعملها
ياريت مايكونش اللي في دماغي صح
انا على فكره
قفلت مدونتي مؤقتا للامتحانات

مصطفى فتحي يقول...

طيب
انا
بحبك
في الله

Just a reader يقول...

السلام عليكم ...واضح إن انشغال حضرتك عن البلوج له تأثير جامد وواضح إنه مضايقك كمان....وأكيد كان فارق مع الناس كلها برده ...أنا جيت سبعتلاف مرة مستنية التدوينة الجديده:)
بس على فكرة البعد عن الحياة الاكترونية بيدي مساحة أكبر للحياة الحقيقية اللي بنبقى مقصرين في الاستغلال الأمثل لوقتهاوفي جميع الأحوال الواحد لازم يتأقلم ...لعله خير..
وأهم حاجة في الحياة الاكترونية دي هو تنظيم الوقت وحسن استخدام الرقبة:)) ربنا يوفقك إلى كل خير إن شاء الله

ammola يقول...

بالنسبة لى
هى تذكرة
بان عند موتى الكترونيا ستبقى كلماتى فى كتابى ومن ثم سأحاسب عليها
جزاك الله كل خير وربنا يعينك ويقويك ويبارك لك فى من تحب

Maha يقول...

وفيك بارك الله :)

الإنسان الملتزم يجد في كل .. لا لن أقول كل موقف .. أو كل مشهد أو ذكرى أو كائن حي .. بل سأقول .. في كل شيء حوله تذكره له بالله سبحانه وتعالى .. وعظة .. أسأل الله أن نكون ممن يتعظ بغيرنا ولا يتعظ غيرنا بنا :)

بخصوص التقصير :) يكفينا شرفا أن تقرأ لنا مع أن كلمات بسيطة تشجع وتسعد كثيرا :)

لكن ما دامت ظروف النت هي السبب فلا لوم وأسأل الله أن ييسر ويقدم لك الخير :)

nonoymm يقول...

لا الانتحار حرام مش هنتحر هسيبني اموت الكترونيا لوحدي
و لازم بيتهيالي يجي اليوم دة يجي لما الواحد عن نفسي يعني لقيتني الكترونيا مش بيضيف جديد او نافع فنموت احسن
تحياتي لطرحك الرائع

eldoctor يقول...

رشيت ملح على جرح مفتوح يا شيخنا ..
انا اشعر بكل كلمة وردت فى التدوينة.. و كأنها نعى شخصى لى انا ..
فهموم الدنيا ـاخذك حتى تنسى انك تعيش و تحيا ..

غير معرف يقول...

المشتاق لله
السلام عليكم - حياتي الالكترونية توقفت قبل اسابيع بسب الامتحانات -الحمد لله لقد ابليت فيها حسنا
-ساعود للحياة الالكترونية لكن ارجو ان تكون مفيدة للغير وليست مجرد احقاد في الصدر تطلقها بعض الايدي الحمقاء فقط لانها حمقاء - لك كل الاحترام يانسر المدينة

.:.-=- ELGaZaLy-=-.:. يقول...

هممممممممممممم


الموضوع جميل اوى يا عصفور بجد...


الفكرة نفسها اجمل...

انا حسبت فترة بالاحساس دة علشان كدة بعدت...

مش عارف وربنا معاك فى ظروفك ويرجعك على خير وكفاية حب الناس...

ربنا يكرمك

Dr-hema يقول...

وبرده أكمل كلامى لما حاولت افهم الموضوع بعمق لو انى مش عارف القصد ممكن يكون هو دا

ان الحياة بعيداً عن الواقع مش تمام حتى لوكانت فى محاولة للهرب من المشاكل
فمن الأفضل ان نجد حلول بدلاً من هروب

والحياة الإلكترونية تكونمفيدة فى بعض الحالات اللى يكون فيها خير للناس كلها

وجزاكم الله كل خير

الفقير الى الله يقول...

موضوع جميل جدا
الانتحار الالكتروني بس بجد الانتحار صعب
انت عارف انا ساعات بحس اني مدمن ادخل انت واخرج يوم ما النت يقطع بحس ان الواحد وحيد
بكره تقول هتلاقي البنات قبل ما تتجوز هتقول يانا يا النت في البيت!!!

BinO يقول...

:)
يعني لما الواحد ميدخلش علي النت يبقي تعبان أليكترونياً
أه يا ماوسي
:)

BinO يقول...

انا قرأت الموضوع تاني
الفكرة حقيقة
والناس مؤمنة بها
رغم عدم تعريفهم لها
بس الموت الألكتروني فيه أمل
ولو ضئيل
......

اليعقوبي يقول...

السلام عليكم
استاذي محمد
موضوع رائع والموت الالكتروني ده شئ طبيعي بسبب الملل ولكن المشكة ليست فيه ولكن المشكلة الاكبر هي في حالة الاعاشة الالكترونية الدائمة والتي تتحول الي ادمان في بعض الاوقات بين مستخدمي الشبكة العنكبوتية
والسلام

ابو اعصار يقول...

موت الكتروني حلو المصطلح بس هو فيه بعض الغموض والبشاعه لانه في غالب االاحيان بيكون على مزاج صاحب المدونه لاسباب خاصه تتعلق به
ربنا ما يحرمنا من ابداعك ابدا تعلمت الكثير من مدونتك

mohamed يقول...

متسيبناش يا با شمهندس النت مينفعش من غيرك انت صحيح تعب الالكترونات معاك باعتهم المدونة دى وشوية وتبعتهم المدونة اللى على اخر الشارع وعمال تلففهم وراك طول النهار بس هما على قلبهم زى العسل

wafaa يقول...

لا حول ولا قوة الا بالله
يعنى هييجى يوم ونقول :
اللهم اغفر للمدونين والمدونات الاحياء منهم والاموات ؟

و القادم....أجمل يقول...

السلام عليكم
عجبني التعبير أوي يا أستاذنا
الحياة الإلكترونية أفضلها أحيانا
و أسعى للموت الإلكتروني في اليوم
ألف مرة

إحترامي و تقديري
و ربنا يوفق حضرتك و يعينك

:)