الخميس، يونيو 12، 2008

تاج الأهداف

مرر إلينا هذا الواجب المهندس فهد صاحب مدونة بصمة وجدان والأسئلة في مستوى الطالب الكويس

كل كائن حي جاء لهذا العالم يعرف هدفه الذي جاء من اجله فما هدفك؟

كتبت تدوينة سابقة عن الأهداف وبينت فيها أن الأهداف تتغير بتغير الوقت والشخص وأيضا لها عدة اتجاهات للشخص الواحد
ترتيب الرغبات والأهداف يكون واقعيا وباختلاف الشخص وليس مرتبطا بما هو سائر أو نمطي
أما الغاية النهائية التي خلقنا الله من أجلها إن كنت تقصدها فهي عبادة الله عز وجل ومفهوم العبادة نفسه هو علم شريف ينبغي على كل إنسان أن يتعلمه ويتفكر ويعرف كيف يحقق هذه العبودية والعبادة
ولابد أن يتم الربط بين الأهداف التي قلت إنها متغيرة والغاية من خلق الإنسان.

ما هي رسالتك في الحياة؟
-حلو كدة ده أفضل من السابق- الرسالة التي أعيش من أجلها أن أكون نافعا قدوة وأن أخلف خلفي أشخاصا نافعين يذكرونني بالدعاء ويكونون أجرا جاريا بعد موتي وهم بدورهم يخلفون خلفهم وهلم جرا.
رسالتي في الحياة نشر المنطق والحكمة.
رسالتي في الحياة نشر الإنصاف.

هل لك خطة مكتوبة تقرؤها قبل ان تنام كل ليلة؟
-لا دي أسئلة نمطية - أنا رجل عملي لا أحب الخيال مثل تعليق الأوراق أو نحوه لأنني أعتقد أن القيمة لابد أن تتخلل الإنسان بالإقتناع وبعد ذلك تأثيرها يكون ممتزجا به ويتحول إلى سلوك.
ثم إني أؤكد لك لو شخص له خطة أو حتى وصية يقرؤها كل يوم فسوف تتحول إلى عادة لا تؤثر فيه.

آخر مرة كنت فيها قربيا من الله وتتمني لو تعود هذا اللحظة؟
هي تأتي لحظات تذهب وتعود أسأل الله أن يمن علينا بالكثير منها والظروف التي تأتي فيها لا يشترط أن تكون وقت العبادة بل ربما تأتي في وقت تجدد نعمة أو وضوح رؤية أو هداية لاختلاف ورشد يمن الله به عليك.

من وجهة نظرك ما هو اساس المشاكل التي نعيشها الان في مصر؟

أنا ..... بجد بصراحة أنا
وأحب أن أعكس السؤال و أجيب إجابة أخرى روى مسلم في صحيحه

قال‏:‏ قال المستورد القرشي، عند عمرو بن العاص‏:‏سمعت رسول الله صلى الله عليه وسلم يقول ‏"‏تقوم الساعة والروم أكثر الناس‏"‏‏.‏ فقال له عمرو‏:‏ أبصر ما تقول‏.‏ قال‏:‏ أقول ما سمعت من رسول الله صلى الله عليه وسلم‏.‏ قال‏:‏ لئن قلت ذلك، إن فيهم لخصالا أربعا‏:‏ إنهم لأحلم الناس عند فتنة‏.‏ وأسرعهم إفاقة بعد مصيبة‏.‏ وأوشكهم كرة بعد فرة‏.‏ وخيرهم لمسكين ويتيم وضعيف‏.‏ وخامسة حسنة وجميلة‏:‏ وأمنعهم من ظلم الملوك‏.

لو وصلت للعلاقة بين الحديث والسؤال يبقى لك جايزة

آخر مرة حاسبت نفسك؟

دلوقت حالا

هل حددت ما تريد ان تكونه بعد عشر سنين من الان؟
إجابة السؤال نعم أو لا : أقول نعم وأحتفظ بالتفاصيل لنفسي ثم إنه لكبار السن أمثالي الرؤى تكون أوضح من الشباب الأصغر.

لو جاءك الموت في اي لحظة هل تركت للناس شيئا مفيدا يذكرونك به؟
أعتقد ...ولا أقصد طبعا المدونة
كم واحد ساعدته واخذت بيده لينجح في حياته مع نفسه وينجح في علاقته مع الله ؟
نفس إجابة السؤال السابق
هل انت مستعد للتضحية من اجل ما تؤمن ؟
كبر مقتا عند الله أن تقولوا مالا تفعلون

هناك 46 تعليقًا:

http://kasperb4.blogspot.com/ يقول...

صعب يا باشمهندس اشوف التعليقات صفر ومحجزش
:))

http://kasperb4.blogspot.com/ يقول...

الحديث اللي ذكرته جميل واول مرة اقراه
جزاك الله خيرا

وانا هعمل كأني مش فاهم حاجة وهقول اني موصلتش للعلاقة :))
بس مليش دعوة انا عايز جايزة
D:

عاشــــــ النقاب ـقــــة"نونو" يقول...

السلام عليكم
[ أمنعهم ظلما للملوك]
يبقى كلنا مش حضرتك بس
عاوزة الجايزة بقى:)
تاج جميل اوي اجابات حضرتك جاامعة مانعة بس كما عهدناك
عاوزة اضافة حضرتك لموضوعي الاخير
تحياتي وتقديري

Empress appy يقول...

لااااا انا بهرب من التاج ده شمال يمين برضه يتخبط فى وشى بجد ربنا يبارك فيك وشجعتنى طبعا انى اجاوبه بس عاوزة اقولك لحضرتك ان مين قال ان الناس مش استفادت من مدونتك وان الناس برضه هتفتكر حضرتك بيها

Empress appy يقول...

اه الاجابه احنا فعلا
لان احنا اللى مفيناش او متنازلين عن حاجات كتير مخليانا نبقى كده وسبب كل اللى احنا فيه وتقريبا اخر تدوينه عندى فيها نفس السؤال مين السبب احنا ولا هما

جمعاوى يقول...

جزاكم الله خيرا يا هندسة


طيب و اللى عرف العلاقة


مالوش جايزة ولا إيه ؟؟؟

جنّي يقول...

أطال الله في عمرك .

كيف لا تعتقد المدونة ونحن نراها أكثر فائدة ..

عن أبي ذر قال :
( قال لي النبي صلى الله عليه وسلم لا تحقرن من المعروف شيئا ولو أن تلقى أخاك بوجه طلق )صحيح مسلم

عن الحديث سأذاكره وأعود للإجابة ..

said

مشروع انسان يقول...

ايه التاج ده

مش عايز اشكر فيك

بس بجد والله العظيم
انت شخصية جميلة اوى ونحسبك على خير

عجبنى اوى رد حضرتك على مين اسباب اللى بيحصل فى البلد

بس طمنتى على فكرة من ردك ان الكبار اصحاب رؤية مختلفة عن من يصغرهم

الواحد نفسه تبقى نفسه مطمئنة كده
متعرفليش علاج عندك

جنّي يقول...

أوافق الأخت عاشقة النقاب

( وأمنعهم من ظلم الملوك )

هم عرفوا كيف يمنعون ظلم ملوكهم ..
ونحن استعذبنا ظلمهم لنا فكنا نحن السبب في أساس المشاكل ..

د/اجدع بنوته يقول...

مع اننا بنمتحن ومفحوتين مزاكره

الا انى لا املك التفكير ولو للحظه

بمجرد انى الاقى بوست جديد ف مدونة ابويا الروحى

ابويا (( اللى اختارته )) يكون ابويا

احساس حلو اوى ع فكره

هههههههههههههه

انى اختار حاجه م المفروض انها مفروضه عليا

ايه اللى انا بقوله ده .. ماعلينا هلوسة امتحانات

اجابات التاج كالعاده

بس فعلا تفتكر حضرتك .. ان احنا

لما نبقى كده ف عمر حضرتك ان شاء الرحمن

هنبقى بنفس الخبره والسلام النفسى ده

يارب اللهم امين

بارك الله لك ف اولادك وف زوجتك وف حياتك

واطال الله عمرك .. لننهل اكثر واكثر

ع فكره ..

المدونه بااقل وصف .. نهر ثقافه

ان لم يكن لينا جميعا .. فهو ليا ع اقل تقدير

تحياتى

mo'men mohamed يقول...

بشمهندس عصفور عودا أحمدا ان شاء الله

بالنسبة للعلاقة

اذا كان سوء الحال المقصود به هو الأمة فأعتقد انه فى قصة استسقاء سيدنا موسى الحل

بس انا مش فاهم اخر سؤال عندك
جزاكم الله كل خير
السلام عليكم

Unknown يقول...

لو شخص له خطة أو حتى وصية يقرؤها كل يوم فسوف تتحول إلى عادة لا تؤثر فيه

دي عجبتني جدا
ربنا يكرمك ويرزقك الخير

روح يقول...

اجابات جميلة
نسألكم الدعاء
تحياتي

المستنصر بالله يقول...

الاستاذ الكبير
اجاباتك عميقه جدا وجميل جدا
ما شاء الله انا كل يوم باتعلم منك الكتير
بالتوفيق دايما يارب

صاحب المضيفة يقول...

دائما متميز باجاباتك الكريمة

تسلم الايادي يا باشا وربنا ينفع بك الدين والدنيا معا


تحياتي

آفاق الحرية يقول...

السلام عليكم
هو فعلا ياباشمهندس لابد من المحاسبة كل ساعة وكل دقيقة
تحياتي

غير معرف يقول...

السلام عليكم ورحمة الله وبركاته
كعهدنا بك دائماً نبراساً مضيئاً
حفظك الله ورعاك

أخوك
محمد الجرايحى

khobayb يقول...

نفع الله بك

وبنا

---

نسألكم الدعاء

Unknown يقول...

استاذي الحبيب
من امثالكم نتعلم ,افادكم الله وجعلكم نافعين لامتكم ولدينكم
ولكن لما يا استاذي لاتعتقد ان المدونة شيئا مفيد ,لعل الله يجعلها سببا في هداية شخص او تغيير او اثبات فكر
ام تقصد الشيء في اهميته ؟ انها ليست الاهم بالطبع ,
ولاتنسانا من صالح دعائك استاذي الحبيب

Mostafa Abdelmoneam Badr يقول...

فعلا
إجابة صحيحة 100% "أنا..... بجدبصراحة أنا"

طبعا أنا وهى دى القضية الكبييييرة اللى لازم تشغلنا على طول.

وإن شاء الله يكون إعتقادك فى محله.
وانا واحد من الناس بأقصد طبعا هاجى استفاد من المدونة المفيدة دى

بارك الله فى نفعك لنا.

خمسة فضفضة يقول...

السلام عليكم ورحمة اله وبركاته

جايه سلم واسال عن الاحوال

ازي الصحه اوي الحال يارب تكون تمام وعال العال

واعتذر علي قلت حضوري و تعليقاتي



سلام

مجهول يقول...

ردود جميلة يا استاذي
وربنا يكرمك علي النصايح بتاعت تنظيم الوقت
يمكن تنفع معايا

Unknown يقول...

ما شاء الله

sa7arkash يقول...

الاخ الفاضل المحترم عصفور المدينة
مش عارفة اشكر حضرتك ازاى على الافكار الهايلة اللى بتتكلم معانا فيا وهى بالفعل فيها افاده عظيمة وان شاء الله يكون لك عظيم الاجر ...بس العجيب فى الموضوع انى كل ما افكر اكتب فى حاجة ادخل بعدها المدونة عندك واجد ما كنت افكر الكتابة عنة لكن طبعا باسلوب اكثر من رائع...وكفاية الآحاديث النبوية التى تمتعنا بيها....وجزاك الله عنا كل خير

Fahd يقول...

حبيبي عصفور

جزاكم الله خيرا يا اخي

اجاباتك رائعة كما هو المتوقع

سعيد بها

وسعيد بمعرفتك كثيرا

ياريت تظبط معاد قريب

نفسي اكي معاك كتير

.:.-=- ELGaZaLy-=-.:. يقول...

آخر مرة حاسبت نفسك؟
دلوقت حالا

-----------------------------------هل انت مستعد للتضحية من اجل ما تؤمن ؟
كبر مقتا عند الله أن تقولوا مالا تفعلون
-----------------------------------

صديقى العزيز عصفور المدينة...كيف حالك اولا

عارف فى شوية اجابات كنت عارف انك هاتجاوبها كدة...

احينا نحترم الناس فيما نقراة فى سطورهم..

واحينا اخرى نحترم قناعتهم ومرجعيتهم مما نقراة بين سطورهم

صديقى العزيز اعرف انك فهمت ما اقصدة...

تشرفت بقراءة سطورك وما بينها.

اخوك
محمد

مشتاق لله يقول...

نسر المدينة -ايها الوقور انا جاوبت علي الاسئلة ديت في مفكرتي الخاصة لان مااريد ان اكونه قد يودي بحياتي -
اجاباتك لاتصدر الا عن نسر يري الكل من السمو والعلو ادامك الله لاني اتعلم منك كثيرا

Asmaa mahaba يقول...

استاذنا عصفور
الاجابات جميله ....والتاج جامد بس لما نجاوبه بصدق زى ما حضرتك قلت ...انا برضوا موافقاك على ان احنا السبب فى اللى احنا فيه....سمعت قول لعلى ابن ابى طالب رضى الله عنه يقول..
كما كنتم يولى عليكم
بصراحه غير متاكده من النص بس اعتقد ان دا صحيح وعشان منروحش بعيد
كل اللى احنا فيه دا من صنع ايدينا
ربنا يهدينا جميعا
وايه موضوع محدش بيستفيد من حضرتك دى اقولك على شىء ....انا كمان متهيالى محدش بيستفيد منى....بس اقتنعت ان الوحيده المستفيد مما يكتب هو انفسنا
ومعرفش اذا الناس حتفتكرنى ولالا بس كفايه محدش يذكرنى على الاقل بسوء
تحياتى لحضرتك سومه_87

mohammed alsha3r يقول...

اجابات مركزة جدا

احييك يافندم

بنت الصالحين يقول...

صعععععععععب التاج ده

بس اجابات حضرتك رائعه
ومش مريحه نهائي
بالعكس دي بتجعل كل من يقرا ردك يحاسب نفسه

رفقا بنا ياباشمهندس

دعاء مواجهات يقول...

التاج مميز اوى واول مرة اشوفوا

بجد يخلى الواحد يراجع نفسة كتيير

واحنا فعلا محتاجيين دة

تقبل تحيااتى

بدعوك لزيارة مدونتنا الجديدة

(على حريتنا)

http://3la7orytna.blogspot.com/

الطائر الحزين يقول...

وايه رايك فى التلاميذ؟؟؟
ربنا يبارك فيك

Dr. Ibrahim يقول...

العلاقة والله أعلم

الأخذ بالاسباب تؤدى غلى النجاح

والعكس صحيح

الجايزة فين :)


والإنسان يعيش مفيد لغيره كالارض الخضراء

الذى نستفيد منها وبزرعها

وافضل بكثير من ارض جدباء لا تنبت


بارك الله فيكم

د/هيما

Ahmed Kamal يقول...

يا سلام يا هندسة ، حقيقي حسيت إني باقرأ الردود النموذجية اللي كنت أحب أجاوب بيها لو كنت مكانك ، و خاصة إجابة سؤال ما هو اساس المشاكل التي نعيشها الان في مصر؟ :)

تحياتي

Jana يقول...

هل تتذكر يا باشمهندس تصريح استخدام الحيدة فى اجابة التاجات
:)
احيانا تكون مطلوبة بشدة ..خاصة حين توصل المعنى بأدق ما ينبغى
العلاقة بين السؤال والحديث ذكرنى بتدوينة "فرعون" لأخينا الطائر الحزين

دائما ننتظر اجابات حضرتك على التاجات.. لأنها تكشف اشياءاً جميلة ودقيقة يصعب كشفها من خلال التدوينات
لذلك أُذكّر حضرتك بتاج الاحلام
وأعلم ان حضرتك نسيته لا أكثر فى زخم العمل والانشغال
:))

سيدى..حين أسئل عما تركته مفيدا بعدى ..سأذكر مدونة حضرتك لمن لم يعرفها..فكيف لا تعدها حضرتك كذلك
............

سلوى يقول...

ربنا يبارك فيك

حقيقي كل إجابه بقف عندها وأفكر

ما شاء الله

ربنا يحفظك دايما

الطـــائر يقول...

ما شاء الله

إجابات حضرتك محل إحترام وتفكر

بارك الله فيك

وطبعا
قالوا لفرعون مين فرعنك ....

صح كده؟ في جايزة؟

Unknown يقول...

اللهم وأذي من اذاك اللهم ولاتتركه بفعلته ,مايؤذيك يؤذينا استاذي واخي الحبيب ولاتحزن كنا تعرضنا لا1ي شديد ايام ثانوي فكنت حزينا لاقصي درجة فقال لي اخ لي ان هذا طبيعي بل لو لم يحدث لما كان طبيعيا فأبشر استاذي اسأل الله ان يكون هذا علامة لقبول العمل ,فلو صار كل عمل سهل بسيط جميل لكانت الدعوات الي الله نزه ومتعه ولكن حفت النار بالشهوات وحفت الجنة بالمكاره
ولاتهنوا ولاتحزنوا وانتم الاعلون
ولاتهنوا ولاتحزنوا وانتم الاعلون
ولاتهنوا ولاتحزنوا وانتم الاعلون
وجزاكم الله كل خير

šσяšαяαα يقول...

السلااااااام عليكممم

انا هنا من بدرى بس كنت بشوف المواضيع اللى فاتتنى
التدوينات كلها محتاجة قراءة وتفكير عميييق فكل جمله حضرتك كتبتها

ربنا يجزيك عننا كل خير ودايما نستفيد من حضرتك

بالنسبة للسؤال انا بتفق مع nonoymm فى الاجابة لاننا دايما بنلوم اللى بيحكمونا.. يمكن هما يستحقوا كل الغضب اللى شايلينو منهم بس برضو احنا السبب لاننا عمالين نشتكى وسايبين نفسنا من غير مانصلح فيها ونشوف ايه عيوبها وبعدين نبقى شوف عيوب غيرنا عشان لما نلومهم نبقى على حق

تحيااتى لحضرتك ودمت بألف خير

الربان يقول...

تحياتي

اوجزت وانجزت اخي الكريم بأجابات نحسبها
نموذجية....

و الحديث الشريف المذكور يبين اسباب ازدهار الامم...

نشكرك علي اضافتك الي معلوماتنا.

تحياتي و تقديري

لحظة يقول...

السلام عليكم يا استاذنا
جزاك الله خيرا على ذكر الحديث الشريف
اول مرة اقرؤه
كده الواحد مايحزنش
ويعطي كل ذي قدر قدره
ويحاول ويسعى
بادئا بنفسه
مركزا على دوره

مؤمنه يقول...

السلام عليكم ورحمة الله وبركاته
اجابات جميله جدا نتمنى من الله ان يعينك عليها والى المزيد دوما
والسؤال الى جذب اهتمامى كان اخر وقت كنت قريب فيه من ربنا هى فعلا الاجابه بتمثل حالتى انا الاخرى
واتمنى من الله ان تكون جميع اوقاتنا من الله اقرب
والسلام عليكم ورحمة الله وبركاته

همس الاحباب يقول...

بسم الله ماشاء الله

اجابات وكلمات تنم عن اخلاقك الاسلامية
جزاك الله خيرا
ووفقك وايانا لما يحبه ويرضاه
تحياتى وتقديرى

مجداوية يقول...

السلام عليكم

تحية وسلام الى استاذنا الفاضل
مرور للتحية للالتقاط الانفاس ونسألكم الدعاء

L.G. يقول...

سؤال لطالما ألح على
لم لا تمرر التاج لأشخاص بعينهم ألا تهتم لرأي البعض
لو كان هذا الحال ما وصل لك التاج مبدئيا أليس كذلك
في التاجات أنت كمن يستضيفك البعض ولكن لا تستضيف أحد أبدا

مجرد رأي

Maha يقول...

قرأت الإجابات الآن فقط :) كنت أنتظر الوقت المناسب لقراءتها بتمعن والإحساس بها ..

نادرة هي المدونات التي تشعر أنها لابد أن تُقرأ بعناية وبفهم .. فما شاء الله لا قوة إلا بالله .. أسأل الله لك الثواب

بارك الله فيك أخانا :)