اكتشف خمس مقالب في الصورة
توضيح
اقرأ هذه التدوينة عند محمد مارو
الخطة الزمنية للعام الدراسي 2007/2008
رغم لونه الرمادي ومظهره العادي وكثرته وتوافره إلا أنه يتميز بأنه حر لا يعيش في الأقفاص الفاخرة ينتمي إلى شوارع المدينة
رغم لونه الرمادي ومظهره العادي وكثرته وتوافره إلا أنه يتميز بأنه حر لا يعيش في الأقفاص الفاخرة ينتمي إلى شوارع المدينة
هناك 32 تعليقًا:
حد يلاقى التعليقات صفر وميحجزش الكرسى الاول عندك
هشوف الصورة وارجع
بصراحة معرفتش ولا غلط
كل ماكنت احط واحد فى دماغى اكتشف او احس انة مش غلطة او مقلب
هههههههه
اولا الاعلان كله محطوط فى مكان غلط
ده اول مقلب
محطوط فى جدول الصفوف الاول والتانى والتالت
تانى مقلب
التعديل ده صباحى ولامسائى واضح انها مدرسة ابتدائى طبعا وفيها فترتين
المقلب التالت
مواعيد الامتحان ازاى دول صفين يعنى هيمتحنوا الساعه كااام كل واحد
المقلب الرابع متعدل فى يسار الجدول شخبطه تقريبا 10 بدل 9 ومكتبش اربعاء ولا خميس على اعتبار ان العيال هتفهم مش هتفرق معاهم
المقلب الخامس
تقريبا الامتحان كله مقلب
:)
كده 5 مقالب ياريت نتيجة الاختبار متكونش مقلب
انا شايف ان المقلب الكبير انك بتعجزنا علشان شكلها مافيهاش جوايز .... في مسابقة من غير جوايز يا استاذ عصفور ...!!!!
انا اسف ... قولي الجوايز الاول و طريقة تسليمها .. و هل هي عينية ولا ينفع اخدها كاش .. و انا مستعد اطلعهالك انها اتصورت بالشقلوب اساسا ......
تحياتي
و هابي نيو يير بالهجري ... :)
عزيزي المهندس عصفور المدينه
سمعت اشاعه انك هتسلم جوائز ياليت تكون بجد
تانيا انا عرفت شويه زي 1الاعلان فيه تعديل الصف الرابع والخامس على الثلاث صفوف الاولى اولى ةتانيا وتالتا
2 في اعلان التعديل الخميس 10/1 2008 بينما في الجدول الخميس 3/1/2008
متنساش الجوايز
أنت تقصد أن التنبيه الخاص بجدول رابع وخامس محطوط فوق جدول أول وتاني وتالت
بس يمكن الإعلان ده اتحط بعد ما انتهى جدول أول وتاني وتالت يعني مثلا يوم 5/1/2008
أما لو قبل كده فمعناه أنه مش مهم الصفوف دي ويشربوا من البحر
تحياتي
يبدو ان الجدول به لخبطة كسائر عناصر التعليم الاخري ... المهم من نظرة سريعة اعتقد ان هناك ثلاث ملاحظات :
1- كلمة يتم في زمن المضارع و المفروض ان تكون " تم تعديل .." يعني في زمن الماضي لان التعديل تم بالفعل.
2- في الجدول الاصلي الامتحان كان يوم الخميس 3/1 و ليس الاربعاء 9/1
3 في اعلي الجدول مكتوب في العنوان"
جدول امتحان نصف العام الدراسي للصفوف الاول و الثاني و الثالث " و ليس هناك ذكر للرابع او الخامس
أخيرا الجدول كله عايز يترمي ..لانه بصراحة به تضليل للطلبة خاصة انهم صغار السن و يمكن لا يستطيعوا استيعابه
بما به من لخبطه و تعديلات مضلله.
تحياتي و تقديري
انا يمكن بقول زي لماضة بالظبط
يمكن يطلع صح ويمكن لأ
يارب يطلع مظبوط بس
دمت بخير
السلام عليكم ورحمة اله وبركاته
انا شكلي جيت متأخره ، خلاص قالو كل الاخطاء
ان شاء الله يوم ما ابقي اول تعليق هنا هاعمل حفله وكلكم معزومين
انا جايه اقول بصراحه معرفتش الاخطاء فين
كل سنه وحضرتك بالف خير
هاروح اقطع الجدول بحاله
استاذ عصفور
مش فاهمه...مكن ادخل الامتحان لانى مش فاهمه
لاااااااااا انا كده اذاكر من تانى ايه اللخبطه دى
وبعدين مش كفايه الاولاد فى المدرسة
السلام عليكم
قالوا كله :(
انا هستنى بئا بقيت الصبر :D
كل سنه وحضرتك طيب
مدير المدرسه اكتشف ان الاعلان محطوط غلط راح شايل السبورة وريحنا هههههههه ولغي الامتحان يله بلا وجع دماغ
المسابقة انا جيت متاخرة والناس قامت بالواجب
اللطيف ان اولادي عندهم امتحانات بكرة والمدرسة خدت وقت علشان تبت في أمرهم انتظارا لقرار الادارة التعليمية
وضحكوا علينا وقالولنا الخميس اجازة بدل الأربعاء وهو أصلا أجازة
:(
الاستاذ الفاضل
عصفور المدينة
مقصر مع حضرتك خالص بس معلش فترة امتحانات بقى نعمل ايه مااقبح ايامها
فعلاً في ناس كتير كان عندهم امتحانات يوم الاربع وبقى الخميس
عموماً كل عام وانت الى الله اقرب
موضوعي الاخير
ايام من امتحاناتي
معلش بقي يااستاذي مبحبش اللعبه دي ومش لاعب
بس المقالب
مصر منظمه
مصر متقدمه
مصر متطوره
مصر نظيفه
مصر ام الدنيا
ايه رايك بقي مش دي هي المقالب الجامده اوي والله يااستاذنا حاجه تحزن يعني العيال من وهما صغيرين واخدين علي الاهمال وعدم النظام واللامبالاه الشديده ده الكلام ده لو حصل في بلد جنبنا حتي كانت الدنيا قامت ومقعدتش
ولكن
كم في مصر من المضحكات
وجزاكم الله خير يااستاذنا
السلام عليكم
جيت متاخر
يالا حصل خير
تحياتي
طيب اشارك انا كمان
انا أصلا حسيت بكمية مقالب كبيرة في الموضوع ده بس كتبت الرقم خمسة جزافا
1-تم الاحتياط لعيد الكريسماس يومين 6 و7 رغم أن العيد نفسه يوم 7
2- التلاميذ كانوا في أجازة يوم تعليق الإعلان
3- رأس السنة الهجرية معروف أنه سيتغير من أول ذي الحجة
4-تعليم الأطفال التسيب والإهمال في المواعيد
5- لم يتم وضع تبرير لتعديل الموعد ولا اعتذار
6- البلبلة التي سبقت الإعلان وعدم وجود مصدر مؤكد للمعلومة
7- لم أستطع بعد طول بحث في الانترنت الحصول على تفاصيل للخبر لأضعه كرابط
أنا الحمد لله ما عنديش رابعة ولاخامسة
8- إهدار حقوق المواطنة للمسلمين
وأضيف تعليق الدكتورة مناجاة
اللطيف ان اولادي عندهم امتحانات بكرة والمدرسة خدت وقت علشان تبت في أمرهم انتظارا لقرار الادارة التعليمية
وضحكوا علينا وقالولنا الخميس اجازة بدل الأربعاء وهو أصلا أجازة
:(
السلام عليكم اولا مدونتك حلوه اوى ثانيا بقى انا كل اما ابص فى الصوره عنيا تحول وتزغلل مش عارفه ليه انا هاستنى بقيت الصبر وخلاص بقى
فتافيت
استاذى الفاضل
انت كده ادتينى شرف اكبر مما استحقه
كفايه ان اسم مدونتى المتواضعه و لنكها يتحط عند اكتر المدونين النشطين
و اللى لو حط موضوع فى اقل من ساعه ممكن يجى له 50 كومنت
الف الف الف شكر ليك
السلام عليكم باشمهندس
ناس كتيرة فرحانة بالتأجيل عشان مذاكروش كويس
وناس اخرى امتحانها اتقدم يوم بدل ما يتأجل
والحمد لله انى معنديش برضه رابعة ولا خامسة لسه
ولا يبقى الا ان اهنيك بالعام الهجرى الجديد
كل سنة وحضرتك والعائلة بخير
وربنا يوفقكم فى الامتحانات
ودعوات حضرتك معانا فى الماث الله يكرمك
هلا ابا يحيى
دخلت اسلم واروح
وممكن ارجع تانى ابص للصورة تحياتى
يا فندم
ادعيلى
أخى الكريم : أبو يحيى
السلام عليكم ورحمة الله وبركاته
هذا لم يحدث فى مدرسة واحدة هذا حدث فى جميع مدارس الجمهورية ابتدائى وإعدادى
لأننا أصحاب اللحظة الأخيرة...
وكمان فى مقلب جامد جدا فى الاعلان عشان لو حد اشتكى
كاتبين يتم تعديل
يعنى لسه بيتم
متمش
:)
ملقتش تعليق احل من
الحياه بقى لونها بمبى
هاكذا نتعامل مع التعليم بحكمة
سلام
السلام عليكم يا باش مهندس
اعتقد ان المقلب الكبير اننا هانضطر نغير الحكمه اللى بتقول يوم الامتحان يكرم المرء او يهان الى قبل يوم الامتحان يهان المرء بتأجيل يوم الامتحان
هى دى الرياده بتاعت مصر فى شتى الميادين
انا بهدى الجايزه للعبقرى اللى كان ناسى ميعاد رأس السنه الهجريه وانه ممكن يبقى يوم الاربعاء
السلااام عليكممم
انا شكلى وصلت متأخر خالص
على اى حال هى دى مصر ولو ماحصلش كدا مانبقاش فمصر
وعظيمة يامصر ياارض المقالب
عايشين راضيين وفقلبنا كاتمين
بس نقول لمين..دا المقلب غالب
شعر حلمنتيشى صرصورى
وكل عام وانتم بخير
السلام عليكم ورحمة الله وبركاته
رحت اسال العيال ولاد اخت زوجي عرفوا بتغيير ميعاد الامتحان
حماتي قالتلي ايوه بقي الخميس
ماهم بعتوا تاكس للمدرسه بتغيير الميعاد
:-D
وكل راس سنه هجريه وانتم طيبين
إرسال تعليق