الخميس، يناير 31، 2008

رغم انقطاع الانترنت

أحببت أن آخذ التحدي رغم انقطاع كابل الانترنت البحري وأدخل وأضع هذه التدوينة

الأدوات المتاحة
موبايل N70
خط اتصالات
تم إعداد الانترنت على الموبايل
كابل يو إس بي توصيل الهاتف للكمبيوتر
Nokia Pc Suite


اتصالات بتدينا 5 ميجا في اليوم بجنيه والشبكات الأخرى فيها برضه زي كدة

هناك 22 تعليقًا:

Unknown يقول...

أول تعليق أخيرا :)
انا النت شغال عندي عادي TEData

Unknown يقول...

عارف كمان ممكن تبعت التدوينات من الموبايل مباشره علي المدونة

الطائر الحزين يقول...

تبيع الموبايل ؟؟؟

يمكن متعرفش تدخل نت
ولا عادى ممكن تدخل نت من غير حاجة

محمد يقول...

جربت التصفح على الموبيل نفسه سواء عن طريق شبكة التليفون أو اللاسلكي

ولكن طريقتك .. عجبتني
:)

ma 3lina يقول...

مش عارف يعني ايه الكابل البحري اتعطل بس أحلى حاجة في المصريين إنهم بيتصرفوا .. مش بيغلبوا .. والشاطرة تغزل بأي حاجة

:D

الله ينور يا باشمهندس ..

فرنسا هانم يقول...

انا كنت فاكره ان النت بايظ فى السويس بس
لكن كده عرفت انه عمومى فى العاصمه كمان
النت علشان يحمل بيمشى زى السلحفاه ام رجل مكسوره
شكرا على التدوينه رغم انى مبدخلشى من الهاتف المحمول

خمسة فضفضة يقول...

السلام عليكم ورحمة الله وبركاته

انا كمان النت عندي شغال بس بيقَطّع ،
حلوه الطريقه دي يا باشمهندس

ممكن سؤال : موبايلي n73 وعملت سيت اب لبرنامج النوكيا بي سي سويت من الاسطوانه اللي جايه معاه لما باوصله بالكابل الكمبيوتر مش بيقراه ولا اكنه متوصل
ايه الحل ، ناس قالولي اشيل البرنامج واسطبه من الاول ؟؟ياتري هايكون ده حل ؟؟ ولا يبقي فيه عيب من الكابل مع العلم انه الكابل الاصلي ؟؟

افيدونا افادكم الله

مشروع انسان يقول...

حلو التحدى ده
بس الحمد لله شغال اهو
بس انا عارف فى البيت هيشلنى
انا دلوقتى فى الشغل

ربنا يستر ويشتغل فى البيت

يلا الواحد ياخد ريست شوية من التدوين

غير معرف يقول...

هو بفضل الله شغال بس بطيئ زى السلحفاة
ولكن أحسن مما فيش
جزاك الله خير يا استاذ عصفور دائما تنجد اخواتك

محمود الدوح يقول...

المصباح فى وسط العتمة

بجد بتحاول تنور لكل الناس حاجات بسيطة ممكن تبقى جنبهم لكن مش واخدين بالهم منها

شكرا يا باشمهندس مع انى مش معايا تلفون جيل تالت

Maha يقول...

الحمد لله النت شغال كويس .. هو اول امبارح بس فضل فترة مش عايز يطلب

جزاك الله خيرا على المعلومة

غير معرف يقول...

:D

النت شغال عشرة على عشرة

mohand يقول...

السلام عليكم

عندي خط اتصالات
والموبيل وكل حاجه


بس انا عندي الانترنت شغال الحمد لله

جايبة بواسطه بقي
:D:P

mo'men mohamed يقول...

أخى عصفور
حمد الله على السلامة
انا برده النت عندى الإشارة بتقطع
ولو جه يبقى بطيىء جدا
على العموم خير
وجميل جدا فكرتك
بس الموضوع ده مينفعش مع 6670 ؟
السلام عليكم

أبو عمر - الصارم الحاسم يقول...
أزال المؤلف هذا التعليق.
أبو عمر - الصارم الحاسم يقول...

يا جدعاااااااااان

اطفي الموبايل منك له
(:

الفاتورة هتيجي نار ..والكروت هتخلص..وقد اعذر من انذر


الشباب اللي معندهمش n73 او اي n ...لو عندكم طريقة توصلوا بيها الموبايل للكمبيوتر خاصة اللي عندهم لاب توب - انفرا رد او بلوتوث او كابل داتا - بحيث ان الحاجات دي تكون متوافقة في الناحيتين..تقدر وقتها تعمل تعريف للموبايل على انه مودم في الكنترول بانل خانة المودمز ..وبعدين تعمل تعريف لدايل اب كوننيكشن زي العادية اللي احنا عارفينها بس خللي الرقم المطلوب ي اللي حاطه الاخ عصفور المدينة

بس الموضع ده مكلف جدا جدا جدا ..وقد اعذر من انذر

كلبوشستان يقول...

السلام عليكم ورحمة الله وبركاته

دي اول زياره ليا يا باشمهندس

بس انا بردك الى حد ما النت شغال عندي بالزق ** عتريس << الكمبيوتر بتاعي بيجبر بخاطري كتر خيره

المشكله مش في النت

احنا ممكن نصبر بس عايزين نعرف ايه اللي سبب العطل ده وفجر الكابلات دي

ولحد امتى هيفضل العطل ؟


انا عارفه ان الناس كلها بتتهتم الحيتان والقروش والحمد لله انهم ما قالوش الاخوان ؟؟ انت بئه يا باشمهندس شاكك ان مين يكون له يد في العمليه دي بالظبط؟؟

وياترا هتكون نتجيه العطل ده ايه ؟؟

ربنا يستر

تحياتي

بالمناسبه انا سمعت كتير عن مدونتك ما شاء الله الله اكبر ولا حول ولا قوة الا بالله

ربنا يوفقك دايما يارب

خالص تقديري

عصفور المدينة يقول...

النت مش شغال عندي لا زال وبادخل بالتليفون المحمول والأنكد إن الكهرباء قاطعة في هذه اللحظة

احمد الدرعة
تعيش آي بي إم انت بتقارن نفسك بينا انا بعت المدونة من الإيميل عشان بلوجر بطيء

الطائر الحزين
اديني داخل اهو من غير كهرباء ولا نت

وضاح
انا باستخدم الموبايل للإيميل بس أما على الكمبيوتر فبتستخدم كل حاجة

ماعلينا
الله ينور علينا جميعا أحسن الكهرباء قاطعة

فرنسا هانم
عندي واقف زي السلحفاة أم رجلين مكسورين

خمسة فضفضة
لو فيه علامة توصيل بتظهر على الموبايل يبقى الكابل شغال والمشكلة تبقى تستيب برامج
لومافيش العلامة يبقى الكابل خربان

وشوفي تعليق الصارم الحاسم

إمام الجيل
في البيت مقطوع خالص

أم البنات

ربنا يحفظك

محمود الدوح

كلكم والله مصابيح ربنا ينورها بينا جميعا


مها
منة الله

ماشاء الله لاقوة إلا بالله عندنا لازال مخرف


مهند

ماشي يا واسطة

مؤمن محمد

متهيأ لي ينفع بس ربنا يسهل ونبقى نجيب طريقتها


الصارم الحاسم

ياهندسة احنا عندنا الاتصالات زي الفل ورخيصة وببلاش انت شفت السعر اللي انا كاتبه
وش بيطلع لسانه
جنيه بيدينا 5 ميجا في اليوم وبعد كدة بتتحاسب بكلام فاضي ولو عطلت الصور
حتمشي الأمور أنا مش بادفع أكثر من الجنيه في اليوم

فتافيت السكر

نورت مدونتنا الموضوع فعلا مريييييب بس مصر وقعت عقد كابل جديد لوحدنا أمس ودي غريبة في سرعة رد الفعل بس لسة قدامه سنتين بس حيفرق في السرعات

صيد الخاطر يقول...

السلام عليكم
أستاذنا

والله الحمد لله النت رجع امبارح على قده شويتين

بس اللي طاأنا عاوز أقوله

هما لسه متخلفين يمدوا سلوك تحت البحر
؟؟؟؟
ميشتغلوا ساتالايت وخلاص

دي دولة ياجدعان مش شركة ولا سايبر نت

د/اجدع بنوته يقول...

انا لما كنت ف القاهره عملتها

وكانت الادوات المتاحه نوكيا 5300 وباقى اللى حضرتك قولت ده

بس كان ناقص شوية بهارات علشان تطلع طعمها حلو ف الاخر

بس كويس انى طلعت بفكر اهو

والحمدلله لما رجعت بيتنا انا تى اى داتا

ففل يعنى

اللهم ديمها نعمه

عاشــــــ النقاب ـقــــة"نونو" يقول...

والله فكرة حلوة بس اجيب عدة مناسبة
اخي عصفور المدينة تدوينتك كلها استفادة جزاك الله خير

Ahmed Essawy يقول...

انا لما النت قطع دخلت من الواب بتاع التليفون علطول ... و كنت بقرأ التدوينه من الموبيل ... من غير جهاز الكمبيوتر ...