الجمعة، مايو 30، 2008

يوميات عادية

عندما يعرض كل شخص وظيفته لاحظت تكرار كلمة المفروض يكون الدور اللي باقوم بيه كذا وأيضا يقول البعض أنا وظيفتي كذا بس ساعات بتكون كذا وكذا وكذا.

عندما طلب منه أن يذكر مشروعا فشل فيه : جلس يكتب على الفور ولكنه بدلا من أن يكتب اسم المشروع كتب أعراض ونتائج الفشل.
وكان السؤال التالي : ما هي أسباب الفشل ظل يكتب أخطاء الآخرين.
وكان السؤال التالي : ما هي وسائل الحل هنا وجد أن كل الحلول هو عنصر فيها.

تطالب المرأة بالمساواة بالرجل ولكنهم دائما ينسقون توزيع الوظائف والمهام مراعاة ظروف المرأة بدون سفر بدون تأخير رغم إن القائمين على توزيع الأدوار هم من النساء.

كانت الأقلام من النوع الذي يتكتك كان الجميع يصدرون أصواتا بمعدل ثابت ولمدة خمس ساعات قلت لزميلي لماذا يفعلون ذلك فرد إنها ممتعة جدا استغربت كلمته وفي اليوم التالي كان المحاضر طوال المحاضرة يمسك قلما ويصدر نفس الصوت.

دخل محصل القطار غاضبا وأصر أن يخرج جميع أصحاب الكارنيهات من التكييف وفعلا تم له ما أراد وقلت في نفسي "ياحمش" وغيرت مكاني عدة مرات لأستمتع بالعربة التي أخلوها ولكنهم سرعان ما عادوا بعد ذهاب المفتش وجلس المحصل معهم يتبادل السجائر.


ما أسوأ أن يفتح الكلام عن زحام الطرق وكان هدفا استراتيجيا على مدار اليوم أن ندرك الطريق قبل أن........ وتسمع الشكوى من الجميع أنهم يضيع من عمرهم أربع إلى خمس ساعات يوميا في السيارات ودائما تلح عليك هذه العبارة : انتم مش عايشين.

هناك 53 تعليقًا:

عاشــــــ النقاب ـقــــة"نونو" يقول...

السلام عليكم
انا اولا مش مصدقة اني اول تعليق
التدوينة مليانة متناقضات كتير
يمكن كلها متناقضات
اول ما تسال اي حد اسباب الفشل قليل من يقول انا قصرت في كذا على طول الشماعة اصلهم كانوا لازم والمفروض كان يتعمل عمره ما هيقول انا غلطت انما يقول بسببهم خلوني غلطت الا من رحم ربي
المراة تصرخ بالمساواة مع الرجل طيب ورينا شطارتك بقى
لما تطلب تتساوى المفروض في كله مش حتة منه
ولا ايه بس ناس متناقضة عاوزة ابقى زيه اه بس مرفهة انما هو لااااا
المحصل عاوز يطبق المفروض بتوع الكارنيهات وبس طيب مش التدخين ممنوع يا سعادة الريس
متناقضات هو دة اللي بقينا فيه
بنناقض نفسنا ونقول لا ازاي دة دة الصح
تحياتي لحضرتك

جنّي يقول...

استاذي الفاضل
السلام عليكم
اسمح لي بالتعليق حسب رؤيتي :
1- لكل منا بصمة يحاول فرضها ولو في غير محلها ..
2 - دائما ما يحاول الفاشل تعليق فشله على شماعة الاخرين مع إن الاعتراف بالحق حتى في حالة الفشل فضيلة ..
3 - المرأة ليست بكل هذا الذكاء ولكن غباء بعض الرجال يظهر اليسير من ذكائها ..
4 - سياسة القطيع ..
5 - ودي عيشة دي !!
6 - من لم يجعل ضميره رقيبا عليه فلا يصلحه مراقب او مفتش ..
تحياتي
said

مشروع انسان يقول...

حلوة التنويعة دى

بس يجمعها شئ واحد
ان الانسان لو رد الى فطرته والى طبيعته والى واقعه
ولو نظر الى نفسه نظرة صريحة
ولو اراد ان يصلح ما به
وان اراد ان يغير بحق

فلن تكون فيه هذه الصفات

مفيش احسن من ان الواحد يستغرق اوى فى واقعه وعلاقته بربه وعلاقته فى عمله ودنيته

بجد لو نظر ليها نظرة بجد كما ينبغى ممكن يلاقى نفسه بعيد اوى
او انه فى واد واللى عايز يوصله فى واد اخر

بس هى عايزة لحظة صدق مع النفس

صيد الخاطر يقول...

حبيبي ياهندسة
بالنسبة لحتت الفشل
فاحلى حاجة يعملها الانسان الفاشل انه يرمي الاخطاء على غيره
بس احيانا مبيبقاش فاشل :)

ثانيا بالنسبة لموضوع القطار
اسالني انا على دول
يوميا معاهم يابيه

مرة واحدة من بتوع المميز دخل عربية مكيفة
فالكمسري بيقلوا اطلع بره العربية قالوا هطلع من الباب التاني
فقاله ممكن حد منهم يكون حاطط موبايله ويتاخد ومتعملناش دوشة

فالراجل قاله يعني هما بس اللي معاهم موبايلات
احنا كمان معانا موبايلات

فقاله ياعم هتلاقي معاك موبايل
الف مية وعسرة

لكن دول ان سبعين ومش عارف ايه


الغريب ان الكمسري طلع محق


الراجل طلع معاه الف مية وعشرة


على فكرة صحيح
بالنسبة لعدد الصفحات في الساعة
بتزيد ياعمو عن عشرين
برضه انا مصر على حسب تركيزك وصقاءك الذهني
وهل بتكتب معاهم ولا بتقرا بس كل دي عوامل تاخير

وادعيلي الله يعزك

محمد عبد الغفار يقول...

نواميس كونيه مصريه
لا شئ واضح
انا محور الكون
اسد على وفى الحروب نعامه
اللى تقدر تقفشه اقفشه

عدى النهار يقول...

إحنا بقينا فُرجة
:)

حمدالله عالسلامة.. شايف البانر بتاع مشغووووول إختفى

Unknown يقول...

استاذي الحبيب
اوحشتنا كثيرا والله
اسأل الله لك من خير الدارين
اما عن اول موقف يا استاذي انه الانا الموجوده في كل انسان ام ان يحددها واما ان يطلق لها العنان ,كنا في ندوة وكان المتكلمين يمثلون احزابا مختلفة فنبهني احد اصدقائي الي شيء ان معظم المتكلمين باسم تلك الاحزاب يتكلمون بصيغة المفرد يقول انا فعلت وانا فعلت وقلت وذهبت!!!!!!!!
----
اما المقطع الثاني
لا اعلم اشعر بقشعريرة كلما سمعت عن المساواة ,من الممكن ان اصدر كتاب خلال ال150 سنة بعنوان "تحرير الرجل"
:)
----------
المقطع الثالث
بس هما مركزين في ايه بالظبط ,علي فكرة من الممكن الانسان ان يركز في اكثر من عمل طالما لايتعارضان معا .مثل قيادة السيارة والكلام مع الاخر وهكذا
بس هو الاقلام كان نوعها ايه ..اكيد كان نوع جيد انه يتكتك خمس ساعات
-----
المقطع الرابع
معلش يمكن يكون لسه مفطرش ,او يمكن يكون الناس صعبع عليه انه كسر بخاطرهم او,,او,,او,,
هناك الكثير من المواقف يعجز العقل عن تفسيرها لربما فسرتها لايام
:)
-----
المقطع الخامس
4او5 ساعات في المواصلات و4او5ساعات في الكلام عن الظاهره ,طيب هما بيناموا امتي!!
اظن يا استاذي انها مشكلة شعب فقد النظام في ادق امور حياته
وجزاكم الله كل خير استاذي الحبيب
ولاتنساني من صالح دعائك

خمسة فضفضة يقول...

السلام عليكم ورحمة الله وبركاته

احوال الناس فيها العجب واللي يدقق ويتابع ياما يشوف

AHMED SAMIR يقول...

على الرغم انها متناقضات ويوميات سلبية
الا انها للاسف الشديد واقعية
تحياتي

رئـــــيسـة حزب الأحلام يقول...

مواقف جميلة
احييك عليها
تحياتى

walaa rizk يقول...

ممكن تكون يوميات عاديه لكن حضرتك حللتها تحليل غير عادى

اما موضوع الفشل

ففعلا للأسف بنقعد نفكر ايه عذرنا فى الفشل

يعنى لو فى شغل مثلا فى الكليه وحد مطلوب منه حاجه ومعملهاش يفضل يدور على عذر ويفنن فى طريقه تقديمه عشان لا يعاقب

وكذلك الفشل

مش بننظر انه دفعه حتى لو كان كبوه
لا بنعلق كل حاجه على الظروف وبنبرأ انفسنا
رغم احنا المدان الوحيد

اما موضوع المرأه فللاسف استطاع اعدائنا غزونا ولكنهم لم يقدروا على حل المتناقضات فى هذه القضيه

فالمرآه تقول مساواه

ولسان الحال يقول انتم شئ ونحن شئ اخر


اما موضوع القطار

فالحمد لله المكيف دلوقتى ولا حول ولا قوه الا بالله
بمزاج الكمسرى
يعنى عادى ممكن حد يركب بدون فلوس

وواحد معاه اشتراكه ونسى التذكره او وقعت يدفع اضعاف

وكل يرجع الى انعدام الامانه

طولت اوى

لكن بوست راائع جدا

وجزيت خيرا

روح يقول...

حمد الله علي السلامة
ومش تغيب عننا كدة تاني
يا استازنا
وتحياتي علي البوست
وربنا يصلح حالنا

shaimaa samir يقول...

يوميات عادية...
حملت كلمة عادية
اشياء غير عادية بالمنطق
ولكنها تحولت الى عادية

فمتى تعود الى اصلها

تحياتى لقلمك المبدع

صاحب المضيفة يقول...

وهكذا كان ومازال معظمنا


يرى الواحد منا كل يوم مئات المواقف التي تبعث على الهم والحزن لكن

هل ياترى سكون يوما ما حلا ناجعا


تحياتي

حمامة يقول...

فعلا هى يوميات عادية
ف موضوع الفشل
مشكلة الفاشلين انهم دايماً بيرموا الأخطاء ع الغير
ومشكلة النساء اللى بطالب بحقوق المرأة انهم مش عارفين هما عايزين ايه بالظبط اصلاً

لك تحياتي

الطائر الحزين يقول...

ما انت عارف كدة من زمان

لما أشوفك ابقى احكيلك عن المؤمرات اللى شفتها

وحشتنى

الطائر الحزين يقول...

نسيت اقول لك

ليس معنى النجاح اننا قمنا بكل ما فى وسعنا للنجاح وليس معنى الفشل اننا لم نبذل اقصى ما نستطيع

لانه احيانا التقييم نفسه يكون فاشل

سلوى يقول...

اسمح لي أن أسمي البوست
حدث بالفعل

عجبني البوست قوى
كمان التعليقات جميله

ربنا يحفظك

أنسانة-شوية وشوية يقول...

المشكلة ان المواقف اللي زى دى بقت عادى حتى في وصفنا لها والمفروض انها متكنش عادية
ربنا يصلح الاحوال الامل كبير انا حاسة ان فيه حركة وده مش قليل
جزاك الله خيرا

son's egypt يقول...

السلام عليكم
كلمة سمعتها من د/ ابراهيم الفقي محدش يقول علي نفسه فاشل ابدا
مفيش حاجة اسمهافشل
هي تجارب مرة تنجح ومرة تفشل
لكن الفشل مش موجود
وبالنسبة لضياع العمر الاسنان ممكن يكون بيضع عمرة في اشياء ممكن مكنش مفيده خالص
ولكنه عندما تسالة لما ذلك يقول بضيع وقت

khobayb يقول...

المفروض .. أكون فهمت

---

إذا ما فهمتش فده له سببك : تقصيرك في إفهامي ..

والحل : إني أقرا البوست تاني ..
وإن الحكومة تتغير ..

---

تك تك تك

غير معرف يقول...

امتع شئ فى الدنيا ان تقرأ التأملات
وتأملات فى التأملات
لو عدنا قراءة تأملات حضرتك والتعليق عليها
هى بوست آخر

أم البنات..

شهاب الأزهر يقول...

ربما هي يوميات عادية، ولكننا يجب أن نقف عندها كثيرا

مشتاق لله يقول...

اول مره يانسر المدينه لاافهمك- انت بقيت ماتزروش ايه زعلان ياطيب او ايه؟ تحياتي

Jana يقول...

ماهو مش معقول اكون انا اللى غلطانة ..انا مستحيل اخطىء ..كمان انا امرأة ..لازم تدونى جميع مميزاتى
..وانا واحدة ست ..وعندى برد

بس يا ترى الكمسارى يرضى ياخد لبان ويسيبنى ؟؟..ممكن اولعله فى اللبان

:)))

لو يوميات حضرتك كلها كده ... كان الله فى عونك

مجداوية يقول...

السلام عليكم

ظننت لبعض الوقت انك لم تعد تهتم

ولكن الحمد لله

.:.-=- ELGaZaLy-=-.:. يقول...

ليست يوميات عادية فقط يا سيدة هى ايضا يوميات متناقضة....

ولهاذا فهيا طبيعية

العِــــزة ٌ بالإثم يقول...

اكتفيت بأنك قلت فى سرك "يا حمش" ثم هاجمت تناقضه
هل سألت نفسك لماذا لم تتحرك وتخبره بخطأه
ارى ان السلبيه اصبحت اول الاولويات فى اختياراتنا لحل المواقف
وانا لا اختلف عنك كثيرا كنت سأفعل نفس الشئ

دعاء مواجهات يقول...

ذكرتنى بكلمة أخااف أن ياتى اليوم اللى تنطبق عليا فية

وهى (انى اعيش واموت ومحدش يحس بيا)

بمعنى اخر انى اعيش حياة بلا هدف ولا منفعة للاخرين

اخاف موت من يوم اشعر فية بهذا الاحساس

تحيااتى لكلامك بجد

نورتنى

Ahmed Kamal يقول...

حضرتك فكرتني بالكتاب الممتع صور مقلوبة للمبدع أحمد رجب .

صور المفروض إنها مستفزة أو مستغربة أو مستهجنة ، لكننا نراها ، نعيشها نألفها ، بل و نمنطقها ، فتتحول شيئا فشيئا إلى صور مضحكة ، مثيرة للسخرية ، و مصدر للتندر .

تأخذنا الضحكة حتى تؤلمنا بطوننا ، فتتحول صدمة اكتشاف أننا نضحك على صور مقلوبة إلى ألم و حزن ، يدفعنا إلى أن نقول : اللهم اجعله خير .

Unknown يقول...

جميل قوى كوكتيل السلبيات ده وده نقطة فى بحر سلبيات كلنا بنعيشها وبنعانى منها
تحياتى

بنت أبيها يقول...

حتى في اليوميات تكون اشبه بالحكم

خاصة عندما نعيد قراءتها بعد فترة


اتابع ولكني لا اعلق للانشغال

ibn_abdel_aziz يقول...

انت يبني فين ؟
:)
مينفعشي كدة وربنا

بخصوص الستات اللي بيستهبلوا وعاوزين مساواة وبعدين يقولولك بس احنا ستات وريحونا
ده من التعود اصلا علي الاعتماد علي الراجل
انا معاك بس ده لازم يحصل بالتدريج
يعني الست تحدد موقفها اصلا
عاوزة تتساوي واللا لأ؟
ولما يبقي فيه مساواة حيبقي مساواة بجد
واللي مش عاوزة يبقي يجب ان ينقص بعض حقوقها باعتبار ان هناك اخر يعول وينفق ويحمي فهو اكثر مسئولية يبقي اكثر حقا بس ده حينطبق برضة علي الراجل
يعني لو اب بيصرف علي ابن او بنت
الاتنين انقص في الحقوق عشان هما عالة علي اخر
مش عشان الجنس ، عشان الاعتمادية
يبقي مثلا لو الاب حيمنع البنت من الخروج بحجة الحماية يجب ان يمنع الولد ايضا

المشكلة ان فكرة المساواة مش مفهومة اصلا
يعني لو الام هي اللي بتصرف في البيت والاب لا
يبقي الاب ليست له قوامة كاملة اساسا
ومينفعش عشان هو دكر يبقي يطالب بيها

علي فكرة انا كاتب موضوع كامل عن فكرة الحقوق وكنت عاوز الفيد باك بتاع سيادتكم

Dr. Ibrahim يقول...

ويبقى الحال كما هو عليه....


د/هيما

دكتور حر يقول...

تصدق يا شيخ

طول التدوينه وانا بضحك

فعلا مشاهد عادية متكررة
تجدها بكثره عند المصريين

الا حتة المفروض دي

تمام

ربنا يكرمك ويرزقك يا باشمهندس
ويخليلك الجواري والغلمان يارب

وتلف وتكتب :)))

انكسارات .. احمد البوهى يقول...

من زمان لم ينتقل لى استمتاع ونشوة الكتابة بكامل احساسها .. رغم انى كنت بقرأ مقالات كتير جميلة
ــــــــ
اسلوب تناولك وطرحك جعلنى امر على المواقف بخطوات سريعة متلاحقة وكأنى احد عناصرها
ربنا يكرمك
ــ
اخوك احمد البوهى

Asmaa mahaba يقول...

كلام على الجرح استاذنا الكريم
ولا تعليق سوى ان هذا هو قمه الحقيقه
وتقريبا انا نزلت من دقيقه موضوع بيشمل جزء من مضمون كلام حضرتك
تحياتى ليك وسمه_87

منى يقول...

طبعا الاخرون مخطئون على الدوام

اعتقد ان استعمال الاقلام دى حركه عصبيه لتفريغ شحنه التوتر التى يعانى منها الاغلبيه

الواسطه فى كل مكان جت على االقطر
ياترى امتى هنقول احنا عايشين؟؟؟
تحياتى

MerMaid يقول...

بالفعل انا بسمع الكلام ده كتير جدا جدا و بالفعل المواقف اللي حضرتك ذكرتها كلها بتكرر و حيقية بس ايه السبب؟؟
النفس البشرية؟؟ولا الظروف المحيطة اللي عايشين فيها؟؟
لان انا مسمعتش الكلام ده الا من العاملين داخل مصر لكن اللي خارجها شغلهم واضح ومحدد
اعتقد بقي انها الظروف المحيطة هنا داخل بلدنا

--------انا كمان بتكتك بالقلم كتير
بيقولوا انها حالة عصبية تدل علي التوتر و التفكير في شيء اخر غير المطروح حاليا
ع العموم اطمنت ان مش انا بس اللي بعمل كدة

جميل جدا موضوع حضرتك

وجميل موضوع الورد

تحياتي ومنور

أبو الفـــداء يقول...

رائعة جدا جدا بحق ياسيدي...

لن أزيد...

د. إيمان مكاوي يقول...

تنويعات جميله ..وأسلوب سلسس..
بارك الله فيك..
تحياتي

ahmd ebn om ahmd يقول...

تدوينة متنوعة وكثيرة الإختلاف
بس إنت جمعت حاجات كتير
---------------------------
أتمنى إن حضرتك تشرفنى فى مدونتى

Dr. Ibrahim يقول...

يسعدنى نقدك وتعليق حضرتك على تدوينة عندى بعنوان حوار مع عصفور محبط

http://mar7om.blogspot.com/2008/06/blog-post.html

د/هيما

نبض اسكندرية يقول...

وتسمع الشكوى من الجميع أنهم يضيع من عمرهم أربع إلى خمس ساعات يوميا في السيارات

وامام طوابير العيش

نسيت اهم حاجة الناس فعلا بضيع عمرها عليها

متفرقات اعجبتنى كثيرا

تحياتى

نسر الشرق يقول...

السلام عليكم

دى اول زيارة لية فى هذة المدونة

هذة المدونة جميلة جدا

ودمها شربات

سلاااااااااااااااام


نسر الشرق

wael يقول...

صدق بجد اللي انت بتقوله كمية لا متناهيه من المتناقضات بس للاسف ده الواقع
تحياتي

Unknown يقول...

هو دا الواقع.....مزيج الوان

ولولا اختلاف الاذواق لبارت السلع

غير معرف يقول...
أزال أحد مشرفي المدونة هذا التعليق.
Unknown يقول...

غير معروف
اسأل الله ان تتمني الموت فلا يغيثك
حسبنا الله ونعم الوكيل
حسبنا الله ونعم الوكيل
حسبنا الله ونعم الوكيل
<<<<<
ربنا يحفظك استاذي الحبيب
والله اني لاحبك في الله

مصطفى فتحي يقول...

عصفور المدينة

هل تقصد التعليق الذي حذف بواسطتك؟
هل اهانك لانك تعلق عندي؟
اسف لاي الم نفسي تتعرض له لمجرد انك تعرفني..

اسف جدا
جدا
..
امسحها فيا انا
..
اسف يا استاذي الكبير الذي احبه واحترمه واعتبره قيمة كبيرة في حياتي

§a§a يقول...

الناس كلهم احوالهم غير بعض وللاسف لو كلنا رجعنا كدا للاسلام هتتحل كل مشاكل اللى عندنا

تحياتى

ابو اعصار يقول...

انا قلت الجمله ده قبل كده دايما تخلينا نشغل الجمجمة اليوميات ده يوميات متناثرة ومتكرره ربما في مشاهد متنوعه
المشهد الاول دليل ان ماكل ما يتمناه المرء يدركه
المشهد الثاني
موضوع الفشل وارد في حياة اي مرء لكن الصح استخلاص العبر والبدائل المناسبة بدل من تعليقعا على شماعة الاخرين
المشهد الثالث
موضوع المراه ده بجد محتاج تنوير يعني المساواه فين بالظبط لان الرجل والمراه مهمه متميزه عن الاخر في الحياة
المشهد الرابع
صوت الاقلام بيزعج وداني بس اللي غايظني كله مع بعضه اززاي
المشهد الرابع
القطر ربما زيما بيقولوا دوله داخل دولة رئيسها داخل القطر المفتش وعاده كله ماشي بمزاجه

المشهد الخامس اكتر شي مضيع عمر الشعب المصري هو المواصلات بس عاوز اعرف مقصد انتم مش عايشين

عودا حميدا لمدونتك يا بشمهندس
شكرا على تنوع الموضوع

L.G. يقول...

المفروض مش موجود
عبارة التوصيف الوظيفي في مصر غير مفعلة على أي مستوى
مرة طالبت بها في عملي لأنهم كانوا يوكلون الى مهام عديدة تثقل كاهلي فرفضوا لأني وقتها سألتزم بتوصيفي الوظيفي ومهامي المحددة
ضاعت الحقوق لعدم تحديد المسؤل ولا الجزاء عن الأخطاء

أسباب الفشل تتعدد وأهمها فشل العمل الجماعي ووسائل الحل ليست بالضرورة تتضمن عمل شخص واحد

المساواة بالرجل موضوع حسمه الاسلام علينا فقط بالرجوع لأوامر المولى وقرآنه

تكتكة الأقلام توتر أو ملل من المتحدث

محصل القطار نموذج لكل من بيده سلطة ولو تافهة الحدود

الوقت الضائع مسئولية الشخص ذاته