السبت، يوليو 26، 2008

Anti-Dentists

جاءنا هذا الواجب من مدونة I'm a Dentist والله المستعان وربنا يستر أحسن الحاجات دي بتيجي على السيرة

(1)هل تحب طبيب الأسنان ؟!! ولماذا ؟!!
السؤال ده جاوبته في عنوان التدوينة الدكتور بتاعي حبيبي وكل حاجة وعلاقتنا قديمة ولكن هذا لا يمنع أنني هممت عدة مرات أن أعض يده عقابا على جرأته بوضع يده في فم .......... كملوا انتم بقى

(2)متى كانت آخر مرة زرت فيها طبيب أسنان؟!
هي لازم تكون في رمضان مش عارف ليه

(3)هل لديك طبيب أسنان ثابت أم تذهب إلى أي طبيب حسب الحاجة ؟!

ثابت بس ساعات بييجي نداء الواجب في أوقات غير مناسبة مطلقا وساعتها بيبقى فيه استعداد لاستبدال ميكانيكي مكانه

(4)هل أنت مؤمن بأن المتابعة والكشف الدوري عند طبيب الأسنان أمر ضروري؟! ولماذا؟!
أنا لا أعتقد..... بجد يعني مشاكلنا في الأسنان جذورها بتكون عميقة في تاريخنا وأغلبها داخلية فيما أعتقد

(5)هل يفيدك الطبيب بمعلومات تكفيك عما تعاني منه ؟! وهل ترغب في الحصول على هذه المعلومات أم أن الأمر لا يهم ؟

الأطباء -الغالب منهم- عندنا يرون بقية البشر لا يفهمون وأنهم أتوا لهذا العالم لعلاج نفسيات الناس وليس لعلاج الأبدان وعليه فهم يكتفون بأقل القليل من المعلومات مثل "انت زي الفل" أو "البمب" أو "الحصان" أو أشباه تلك الأشياء والمجهود يكون كبيرا لإقناعهم بإخراج المزيد المعلومات.
كثيرا أصر على الجلوس مع الطبيب قبل الصعود إلى كرسي المعركة والتفاهم بالورقة والقلم عما سيتم والخيارات المتاحة

(6)يعتقد الكثيرون بأن طبيبة الأسنان أقل مهارة من طبيب الأسنان فما هو رأيك؟!! وما السبب ؟!!

بصراحة يعني مهنة طبيب الأسنان دي مهنة تحتاج كثير من الفتوة قصدي القوة فعلى من ترى في نفسها هذه الإمكانية التصدي لهذه المهمة

(7)إذا كنت والدا أو كنتِ أمّاً هل تهتمـ / ـين بإعطاء طفلك ثقافة جيدة عن الاعتناء بأسنانه ؟!!
نعم ولكن ......... يوجد معكسر مضاد من أصحاب شركات الأكياس

(8)كم مرة تقوم بغسل أسنانك ؟!!
بلاش إحراج بقى .. كم مرة كل أد إيه؟؟ .....والله عند اقتراب نذر أي مشكلة تكون العناية جيدا أما مع الانشغال فمش كل يوم

(9)ما هي علاقتك بالسواك ؟؟!!
علاقة طيبة ولكنها أيضا متقطعة

(10)حسب معلوماتك .. ماهي المواد الطبيعية والأغذية التي يمكن أن تكون مفيدة للأسنان ؟!!

كان فيه إعلان شفته مرة : وصية الطبيب عليكم بالحليب

(11)
هل تعتقد حقا أن أطباء الأسنان (نصابون) ؟!!

مش حنغلط في حد بس ليه بعضهم ساعات يقول على بعض حاجات كدة

(12)ما هي أكثر صفة تود أن تكون لدى طبيب الأسنان ؟!!
الحلم والأناة

(13)عندما يقوم الطبيب بإجراء علاج معين ثم يطلب منك الذهاب إلى البيت والعودة بعد مدة هل تعود؟!! ولماذا؟!!
أعود طبعا بس عندما يقع العلاج

(14)أيهما أفضل بالنسبة لك .. الخلع .. أم العلاج وإن كان طويلا مؤلما ؟!!
الناس تتساهل في الخلع في الأول لكن بعد ما يفضى جنب أو اثنين يقولوا صلح .....بس ضرس العقل دايما بيخلعوه

(15)أجريت دراسات أثبتت أن نسبة كبيرة من شعور مرضى الأسنان بالألم هو إيحاء نفسي. إلى أي مدى تتفق مع هذه الدراسة ؟!!
نفسي آه بس مفيش دخان من غير نار

(16)أكتب النقاط والتساؤلات والأمور الغامضة بالنسبة لك حول طب الأسنان وطبيب الأسنان و التي تود لو طُرحت على مدونة I'm a Dentist .

متى تصير تقنية زرع الأسنان آمنة وترعرع


التمرير لمن يريد الإجابة

هناك 35 تعليقًا:

صاحب المضيفة يقول...

أول تعليق وراجع

صاحب المضيفة يقول...

وتاني تعليق كمان

صاحب المضيفة يقول...

وتالت تعليق وبعد كده نتفاهم

صاحب المضيفة يقول...

اجابات عملية كا العادة يا عمنا

بوركت على ردك الجميل ده وواقعيتك الرقيقة

قوس قزح يقول...

الله ايه حكاية يا صاحب المضيفة انت واخد التعليقات عند الناس كلها لحسابك ؟؟؟؟؟ :)

--------

عصفور ده مش واجب ده كشف اوعى تدبس فى الفيزيتة :)

Jana يقول...

فى اجابة السؤال الحادى عشر
لا مفر من الحيدة " المشفية" فى اجابة التاجات... زى ما حضرتك قلت
ههههههههههه
لكنها والحق يقال أقرب منها للديبلوماسية
:)
انا أطالب باجابة التاج بتاعى يا باشمهندس ..حضرتك كنت وافقت على اجابته بس بعد عودة النت ..التاج بقى من ايامها
والاحلام ..اكثر ما تصعب فيها الحيدة ..كيفما اتفق يعنى
:)

التاج اسئلته واجاباته حلوة اوى .. لكنى أخشى ابرة البنج ..ومع تشبعى بالقهوة أصبح البنج أساسا لا يؤثر
:))

مـحـمـد مـفـيـد يقول...

أه من دكاتره الاسنان لهم معي سوابق سيئه

امام الجيل يقول...

هلا

اعانكم الله يا بشمهندس
فى المذاكرة

ويبدو ان لك خبرة مع اطباء الاسنان
ما شاء الله

لفت نظرى تعبير اصحاب الاكياس
:)

قصدك البوزو ولا ايه
:))
انى احبك فى الله

أحمد كمال يقول...

ياه فكرتني بالسوسة اللي أنا مطنشها !

ام البنات يقول...

الله يسامحك يا استاذنا
انا هربانه بقى لى3 شهور
تاج مؤلم

مع اصرارى يقول...

عصفووور
وضع يده فى فم عصفور
واحشنى كتيير
وعزائى إن أنا اللى مقصر معاكم
اتمنى لك دوام العافية
و كفانا الله شر التمرير
مع خالص تحياتى
السلام عليكم ورحمة الله

جمعاوى روش طحن يقول...

ولكن هذا لا يمنع أنني هممت عدة مرات أن أعض يده عقابا على جرأته بوضع يده في فم .......... كملوا انتم بقى


مش فاهم الحته دى يا هندسة


" صورة وحد بيرخم "

أنسانة-شوية وشوية يقول...

ليه كده يا باشمهندس التاجات اللي توجع السنان دى
اه يا اسنانى

بجد مبحبش دكاترة الاسنان ولو ربنا ابتلانى بقعد ساعة قبل اى حاجة استعطفه/ها قبل ما يمد ايده عليا ااقصد في سنانى

أبو خالد يقول...

أبني الحبيب الغالي /صاحب مدونة
عصفور المدينة
أولا و قبل كل شئ أني أحبك في الله
ثانيا أسمح لي أن أكتب عن رغبتي و أبنتي
الغالية شيماء سمير حضورك حفل توقيع أول ديوان لها و سيكون بقصر ثقافة السيدة نفيسة السابعة مساءا يوم 2/8 و ارجو
أن تعدله إلي يوم 1/8 لأتمكن من الحضور
فهي متابعة جيدة لمدونتك و يشرفنا وجودك
دمت أبن فاضل

عمرو المصري يقول...

اجابات موزونة ومتوقعة من حكيم المدونين
جزاكم الله خيرا
ايه يا باشمهندس
هو انا زعلت حضرتك في حاجة بقالك مدة حارمني من طلتك
خير
هو انا عملت حاجة
قولي

نونو يقول...

يااسناني
علاقتي بيهم كدة من بعيد لبعيد
لكن دكتورتي احسبها على خير
اجابات واقعية جدااا
دمت بخير

النجمة الصامدة يقول...

حياكم الله سيدي

اجابات جميلة ماشاء الله

وواضح ان لك خبرة طويلة مع اطباء الاسنان ماشاء الله

شكرا على قبول التاج


وشكرا على الاجابات اللي افادتني

السكندرى يقول...

اسمحلى أكمل الجملة

حط ايده فى بق العصفور طبعا

ههههههههههههههه

ربنا يبارك فيك ويعطيك القوة والصحة والعافية فى الدين والبدن والأسنان


السكندرى
جيل الصحوة

و القادم....أجمل يقول...

:(

ليه تقلبوا المواجع
:((

ربنا يديم على حضرتك نعمة الصحة
و يبعدك عن كل الدكاترة

آمين
:)

ابو اعصار يقول...

بيقلك لا وجع الا وجع الضرس يوم ما بسمع كلمة اسنان بتجيلي حساسية لان اسناني بقت اشبه بفئران تجارب لدكاتره الاسنان يعني باختصار ذكريات سيئة ومريرة واحيان سهر يومين
انا اتنرفزت لما السؤال بيقول ان فيه ناس بيقولوا ان الام الاسنان ايحاءات لكنك شفيت غليلي انه ما في دخان الا بنار سلمت يا مهندس

sa7arkash يقول...

السلام عليكم

ازيك يا سيدى الفاضل..اين انت.... ما حرمنا الله من مرورك الكريم
وبخصوص البوست فاكرة ما عندىطبيب الاسنان مع انى زبونة..بس بتكاسل بالشهور الطويلة..يووووة هو كان لازم تفكرنى

تحياتى العظيمة

shaltoni يقول...

سلامات يا عمنا
شكرا على مرورك تحياتي لمصر وأهل مصر الطيبين ...بالنسبة لموضوع الأسنان قرأت الأسبوع الماضي عن معجون جديد يجعل من ثلاثة أرباع عمل أطباء الأسنان شيئا من الماضي فهو ينهي التسوس ويغطي الفجوات التي قد تكون أحدثها في الماضي ويقال إنه سيكون موجودا في الأسواق خلال سنوات ثلاث ...تحياتي

مناجاة يقول...

رب أسألك سعة في الرزق
D:

دعوة الفردوس يقول...

ربنا مايحكم عليك طبيب أسنان

أبو خالد يقول...

أبني الحبيب /محمد
موعد حفل توقيع أول ديوان للغالية
شيماء سمير يوم السبت الموافق 2/8/2008
الساعة السادسة مساءا
بمركز طلعت حرب الثقافي - السيدة نفيسة
أمام مستشفي المغربي..
رجاء الأهتمام بهذا الموعد
دمت أبن غالي

محمد الجرايحى يقول...

أخى الفاضل : أبو يحيى
السلام عليكم ورحمة الله وبركاته
أدعو الله أن تكون بخير وفى وتمام الصحة

للأسف نحن ثقافة المجتمع الطبية عندنا ليست على مايرام مثل العلاقة بيننا وبين الأطباء وخاصة طبيب الأسنان والذى هو دائماً فى ثقافة المجتمع البعبع الذى نخيف به أطفالنا عندما يفعلون خطأ ...

وأكيد لابد من تغيير هذه الثقافة وإصلاح العلاقة بيننا وبين الطباء ولكننا نحتاج مساعداتهم.

مدونة الدفاع يقول...

السلام عليكم
ازيك ياباشمهندس
انا ليا عم طبيب اسنان وانا اسنانى مخرومه بنسبة60فى الميه وقالى انه لازم يحشيلى ضروسى المخرومه ولانها كانت بتوجعنى بشده قلتله يخلع الضرس اللى مسبب الالم وبعدين يحشى الباقى على راحته قالى وانت مالك انت؟ انت تيجى كل يوم هنا لحد لما نخلص قلتله طب ادينى مسكن عشان الوجع قالى لا هو هايروح لوحده وبعد حوالى 10 جلسات الالم ماراحش رحت لطبيب تانى حرصت انه يكون ميكانيكى اول ماشاف الضرس ادانى حقنتين بنج وجعونى اكتر من الضرس نفسه وراح جايب بتاع كده زى المفك بس تخين ومدبب
وراح راشؤه تحت ضرسى وقعد يقلقل الضرسى وبعدين جاب الكماشه وخلعه
من يومها مفيش ضرس عندى يستجرى يوجعنى
وكرهت دكاترة الاسنان ومش بخلى اى حد يحط ايده فى فمى نهائيا

د/اجدع بنوته يقول...

بما انى بقالى 21 سنه مدخلتش لدكتور اسنان

فده التاج الوحيد اللى متمناش اجاوب عليه

انا بخاف منهم وبشده

بس والله تاج ظريف واجابات اظرف

انا هعمل تاج زى ده عن الاطباء البشريين

ههههههههههههههههه

يارب تكون حضرتك بخير واولادك وكل اسرتك

افتقدت المدونه والافكار واسلوب حضرتك بصراحه

تحياتى

مشتاق لله يقول...

لم ازر طبيب الاسنان من عشرين سنة, والحمد لله السواك هو طبيبي

سومه...مجنونه فى بلد عاقل يقول...

انا كمان مبحبش مشوار دكتور السنان وبيبقى زى الهم ع القلب والله يا استاذ عصفور
واكتر شى بكرهو هو حقنه البنج اتمنى يخترعوا اختراع غيرها منها لله الاعلانات كل شويه سيجنال توو سيجنال تووو لحد ما سنانا سوست اكتر
تحياتى ليك سومه-87

إيما ( أم البنين) يقول...

أتابع مدونة حضرتك منذ فترة ولكن دفعني فضولي وبعض الوقت الذي إقتنصته من فم الأسد أن أقرأ بعض موضوعاتك السابقه ..منها الإنسان والمدونه ..ومواضيع أخرى ..مدونه فعلا منوعه وتدل على حب لإفادة الناس ..جزاك الله خيرا ..
ويشرفني زيارتك لمدونتي المتواضعه ..
تحياتي

Habib يقول...

أخي الحبيب عصفور المدينة .. حياك الله وأسعدك حبيبي في الله

الحديث عن طبيب الأسنان حديث ذو شجون .. فلكل منا ذكريات مع طبيب الأسنان بالتأكيد

شوف .. هي " أرخم " حاجة عند دكاترة الاسنان هي الانتظار .. ما شاء الله كلهم عندهم زحمة

كان في دكتور بنتابع معاه زمان .. كان معلق 3 صور على الحائط في غرفة الانتظار

الصورة الأولى : مريض يجلس على الكرسي .. والدكتور ماسك فوطة وبيربطه في الكرسي

الصورة التانية : الدكتور ماسك كماشة وبيشتغل

الصورة التالتة : المريض بيجري والطبيب بيجري وراه

هههههههه المضحك في الموضوع ان الدكتور هو اللي معلق الصور دي عن طبيب الاسنان

على فكرة الدكتور ده كنا مثلا نروحله المغرب علشان ندخل الساعة 2 بالليل

تكاليف معالجة الاسنان في مصر مرتفعة .. لكن ممكن يمشي الحال .. هنا في دبي الوضع مختلف .. لدرجة اني اخدت تذكرة ونزلت مصر من شهور لعلاج اسناني .. لأن تكلفة العلاج هنا اضعاف تمن التذكرة .. يعني بس علشان الدكتور يقول بسم الله وتفتح " بؤك " هاتدفع بتاع 1000 درهم

الحمد لله انا من النوع المحافظ على تنظيف اسناني بشكل دائم .. طبعا بعد ما اخدت دروس من المعاملة مع الاسنان والامها وتكاليف علاجها

ربنا يحفظ علينا اسنانا

أخوك : حبيب

الفاتح اليعقوبي يقول...

السلام عليكم
ازيك يابشمهندس
وحشني والله جداااااا
تاج جميل يااستاذي
وجامدة حكاية الفتوة دي اوي هو ممكن الدكتور يكتف العيان
وبعدين يقوم برزعه بوكس في فكه عشان يخلصه
ولو دكتورة لازم يبقي في ايدها حاجة تخلص علي طول
والسلام

غير معرف يقول...

يا جماعة انا بس بسأل عن الأفضل طب أسنان ولا صيدلة

will يقول...

6K聊天室,080中部人聊天室,聊天室交友,成人聊天室,中部人聊天室,情色聊天室,AV女優,AV,A片,情人薇珍妮,愛情公寓,情色,情色貼圖,情色文學,色情小說,色情,寄情築園小遊戲,AIO交友愛情館,情色電影,一葉情貼圖片區,色情遊戲

言情小說,情色論壇,色情網站,微風成人,成人電影,嘟嘟成人網,成人,成人貼圖,成人交友,成人圖片,18成人,成人小說,成人圖片區,微風成人區,成人網站,免費影片,色情影片,自拍,hilive,做愛,微風成人,微風論壇,AIO

情趣用品,情色,成人,A片,自拍

情趣用品,色情,成人影片,色情影片,免費A片

情趣用品,成人網站,A片下載,日本AV,做愛

情趣用品,美女交友,A片,辣妹視訊,情色視訊

情趣用品,色情聊天室,聊天室,AV,成人電影