الأربعاء، أغسطس 13، 2008

الحمد لله نجحت PMP


PMP

السلام عليكم ورحمة الله وبركاته

بفضل الله وتوفيقه وفقني الله اليوم لإتمام 15 عاما من الزواج .........لا مش ده الخبر

بفضل الله وتوفيقه وفقني الله اليوم لإجتياز اختبار شهادة PMP(مدير مشروعات محترف) والتي يمنحها معهد إدارة المشروعات PMI

فالحمد لله عزوجل وقد كان وقتا عصيبا وأصعب ما فيه أنني لم أوفق لإجابة أول سؤال ولكنه مر وفرحة النجاح تعوض التعب.

ثم أشكر والدتي وزوجتي وأسرتي (بالغيظة في الواد علي اللي قال لي امبارح : افرض سقطت؟؟) ومديري الحبيب وزملائي في العمل وأشكر صديقي الحبيب الذي علق باسم""ســـ ني ــيد (سيدني أستراليا) في التدوينة السابقة :) لأنه من أشار علي بأخذ هذه الشهادة وفقه الله لما يحب ويرضى.

وأشكر قبل ذلك المعهد القومي للاتصالات الذي رعى برنامجا لتطوير المهارات الإدارية للمهندسين بالتعاون مع أكاديمية مركز بحوث الاحصاء وادارة الاعمال بجامعة عين شمس لعدد 20 مهندس متضمنا دورة المهارات الإدارية
و
دورة إدارة المشروعات والتي هي متطلب رسمي للاختبار إلى جانب عدد ساعات الخبرة .
تم اختيار 4 منهم للحصول على منحة للإشتراك فى المنحة المقدمة من وزارة الاتصالات و تكنولوجيا المعلومات لإجتياز إختبار .PMP

(أنا عارف إنها لفة طويلة شوية بس الحمد لله وشكر الله جهود القائمين على هذه المبادرة)

أشكر أيضا
Oliver Lehnmann لأني استفدت جدا من نصائحه سواء في موقعه ومشاركاته في منتديات أخرى.. هو لن يقرأ هذا الكلام ولكني سأوصله إليه (والصورة أعلاه من موقعه).

كنت أنوي التقدم للاختبار يوم 18-8 وتأخرت في الحجز قلت أحجز قبلها بأسبوع ثم دخلت يوم 9 لأتابع المواعيد فوجدت جميع المواعيد تم حجزها ولم يتبق سوى يوم 13 وكان أمامي خيار أن أنتظر لرمضان أو أتعجل وأقتطع 5 أيام من وقت المراجعة فلله الحمد على مابارك في الوقت وجزى الله إخواني الذين ساندوني بالدعاء خير الجزاء.
تفكرت في السر في بقاء يوم 13 به أماكن وحتى آخر لحظة فخمنت أنه التشاؤم من الرقم 13 فإن كان الأمر كذلك فلاحول ولاقوة إلا بالله.

هناك 67 تعليقًا:

Jana يقول...

مبارك مرتان
الاولى ..على اتمام ال15 عام من الزواج المبارك ...حفظك الله ووزوجتك وأولادك ..وتهانىّ اليهم جميعا

والثانية بالطبع على النجاح
حقا معرفتى ضعيفة بهذا الشأن . وسأدخل لاعرف عن الشهادة كما ينبغى
دعوت لك وانا لا اعلم نوعية الاختبارات
:)

أخمن نجاح كل ممتحني يوم 13 ..وسوء نتيجة ممتحنى باقى الايام
خاصة من بعدوا عنه تشاؤما
:)))

وفقك الله لما يحب ويرضى

خمسة فضفضة يقول...

السلام عليكم ورحمة الله وبركاته

الف الف مبروك يا باشمهندس

ويارب دايما نجاحات وراها نجاحات

تصدق حرتك غايبه عن النت بقالي اكتر من اسبوع واول ما افتحه الاقي الخبر الجميل دي اول حاجه اقراها ماشاء الله

بس احنا عاوزين حفله كده وتورته وجاتوه وحاجه ساقعه ولا انت هاتكروتنا وتعدي الخبر الحلو ده كده من غير ما نحلي بقنا
:))))))))))))))


سلام

جهاد خالد يقول...

الف الف مبروك لحضرتك

ويارب دائما من انجاز لانجاز

غير معرف يقول...

الف مبروك يا استاذي على اتمام 15 عام من الزواج
والف مبروك على النجاح

وان شاء الله دائما في المقدمه

عدى النهار يقول...

مبروك يا محمد على الخبر وعلى اللي مش ده الخبر
:)
بالتوفيق دائماً إنشاء الله

دكتور حر يقول...

عمال ادور

وادور


وانزل

أدور عالشكر بتاعي

لكن مفيش فايده

خليها عند ربنا قى

:))))


الف مبروك يا غالي عالخبرين

وان كان الأول احسن طبعا


وش بيغمز

أعانك الله يا زعيم

غير معرف يقول...

ما شاء الله لا قوة الا بالله
شيء يدعو للفرح والسرور أن يكون لك اخ بهذا المستوى
جعل الله نجاحك هذا ذخرا للاسلام والمسلمين واعانك على استخدامه في طاعته اللهم آمين

Just a Reader يقول...

عقبال 100 سنة زواج وسعادة إن شاء الله :) وألف مبرووووك على ال PMP ...على قد ما الواحد بيبقى خايف من النتيجة ومش راضي يقول لحد أصلا إنه داخل الامتحان :) على قد ما بيفرح بجد لما بينجح :)...يارب دايما في نجاح وتقدم

AHMED SAMIR يقول...

الف الف مبروك يا باشمهندس
وعقبال الماجستيرات والدكتورات وكل الشهادات المحترمات
بالتوفيق
تحياتي

kochia يقول...

الف مبروك علي النجاح

وكل سنة وانت طيب

وتهنئتي برغبتك في الترقي والتطور .. لان دي حاجة جمسلة اوي بجد

تحياتي

آفاق الحرية يقول...

السلام عليكم
الف الف مبروك ياباشمهندس
والله واحشني كتير جدا
والحمد لله حضرتك خلصت يبقي احنا كده عايزين نشوفك بقي
ولا ايه؟

بنت القمر يقول...

الف مبروك ومبسوطه انك منسيتش مامتك ومراتك
و وباين كده ورا كل عظيم امرأه:))

همسة قلم يقول...

ماشاء الله اخونا الفاضل..

ألف هنية نجاحكم .. وألف مبروك ذكى زواجكم .. :)

دمتم في طاعة ونجاح وسعادة

غير معرف يقول...

الف مبروك لحضرتك


على المناسبتين


وربنا يجعل ايام حضرتك فرح على طول

walaa rizk يقول...

عن صدق مبرووووووووووك يا بشمهندس

على اتمام ال15 سنه زوراج

ربنا يجعلك وزوجتك وبيتكم

للجنه فى بيتكم مكان

ويكرمكم يارب

اما الشهاده

فالفيييييييييين مبروك

دمت بخير

غير معرف يقول...

الاخ الكريم استاذ محمد الف الف الف مبروك وبالتوفيق دايما وان الله لا يضيع اجر من احسن عملا حضرتكبتطور نفسك وادائك للافضل فربنا عمره ما هيخذلك بعدين حضرتك نجحت بسمالله ما شاء الله 3 مرات اولا الامتحان والدرجه ثانيا نجاحك عند المولى عزوجل لانه سبحانه وتعالى بيحب طالب العلم وثالثا بسم الله اللهم بارك احتفالك بمرور 15 سنه جواز ربنا يباركلكم فى بعض وفى اولادكم وحياتكم ويرزقكم الرضا والعافيه ويجعلكم لبعض ازواج فى الدنيا والاخره انا فعلا سعيده بحضرتك جدا جدا لانى شايفه نموذج ايجابى للشخصيه المسلمه احسبك على خير وتقبل منى تهانيا لحضرتك ولاسرتك الكريمه اتركك فى رعاية الله وامنه..

بن آدم يقول...

الف مبرووووك ياباش مهندس وعقبالى كده زيك ان شااااااااااااء الله فى الفرحتين

ومستنييين الحلاوتين ان شاء الله احنا بنجهز لستو الطلبات أهو وياااارب دائما وأبدا التوفيق

بنت الصالحين يقول...

ماشاء الله ولاحول ولاقوه الا بالله


هذا مانريده

جعلك الله مثلا وقدوه لشباب المسلمين

ولانزكيك علي الله


مباااااارك علي مرور 15 عام علي زواج حضرتك وربنا يخليلك والدتك وزوجتك واولادك امييييييييييين

khamis يقول...

السلام عليكم ورحمة الله وبركاته
أخي الحبيب وصديقي العزيز
الحمد لله الذي لم يخيب ظني فيك فهذا كان ولايزال وسيظل ظني فيك مادمت متصلا بالله عز وجل مستمدا منه وحده المعونة والقوة مستعينا به ومتوكلا عليه دون سواه مجتهدا جادا مخلصا في عملك وعلمك وأمورك كلها مُعينا ومَعينا للآخرين .
أبارك لنفسي قبلك فوالذي نفسي بيده كأني بي الناجح .
وأسأل الله سبحانه أن يبارك لك فيما أعطاك وأن يعطيك ويفتح لك المزيد
ودعوة خاصة جدا أن يبارك لك في والدتك وزوجتك وأولادك

أحبك في الله

أشرف خميس

محمد يقول...

السلام عليكم ورحمة الله

ألف مبروك يا أستاذنا
:)
فأل خير بإذن الله أن أتممت 15 عاما زواج وحصلت على هذه الشهادة .. أكرمك الله

Unknown يقول...

مبارك عليك يا باشمهندس
وفقك الله لما يحب ويرضي

المهـ إلي الله ـاجر يقول...

ألف ألف ألف مبروك يا بشمهندس

ربنا يوفقك في كل مجالات حياتك فأنت أهلا للخير ونحسبك كذلك

وعقبال ال BMW (:

أنسانة-شوية وشوية يقول...

السلام عليكم ورحمة الله وبركاته

الف الف مبروك يا باشمهندس

انا كمان اضم صوتى لصوت اختى خمسة فضفضة عاوزين حفله وتورته وجاتوه وحاجه ساقعه ولا انت هاتكروتنا وتعدي الخبر الحلو ده كده من غير ما نحلي بقنا

Empress appy يقول...

الف مبروك يا استاذنا

وكل سنه وحضرتك طيب
والاسره كمان
ويا رب يبقوا تلاتين ولا هما بيطلعوا بربع المده امتى هههههههههه بعد الشر بهزر طبعا

Unknown يقول...

ياه هههههه
أخيرا , مبروك يا باشمهندس محمد النجاح :) ربنا يكرمك به وتنفع به المسلمين بإذن الله.
وربنا يديم بينك وبين زوجتك الألفة خمسون عاما اخري تمتد في الجنة للابد باذن الله :)
مبروووك من هنا لحد عندك :D
أسعدتني يا أخي والله ...

شــــمـس الديـن يقول...

السلام عليكم و رحمة الله و بركاتة

رغم انه رد علي تهنئة لكن اسمح لي بتعليق مطول بعض الشئ

طبعا بهنيك علي اتمام عامك ال 15 من الزواج , و اعتقد انه لو مكنتش مستقر في حياتك الاسرية لم تكن لجميع هذه التجاحات ان تتوالي :)

طبعا بما اني بعيدة عن الهندسة و لكن حاسة كدا ان الشهادة دي مهمة ...و طبعا الف الف ( مليون ) مبروك علي انك اخدتها

و كون انك اخدتها دا له دلالات اكتر من مجرد انك نجحت في شهادة ... احب اشارك الجميع فيها

اولا انك اخدت كل الكلام اللي بيتقال لك علي محمل جدي .. . يعني علي ما فهمت ان صديق لك اون لاين هو اللي اقترح انك تاخد الشهادة دي , اي حد تاني كانت ممكن ا لكلمة تمر عليه و يوقللك يا عمي يعني هي الشهادة يعني اللي هتفرق معايا ... طبعا انتوا عارفين نظام التفكير دا لكن حضرتك لم تفعل

تعلمت ايضا في سن نوعا ما يعتبر كبير و لكن في الحقيقة انه لا حد للتعلم في اي سن او اي وقت ... مرة دكتورة قالت لي ان العقل مثل العضلات ... لو داومت علي تمرينه سوف يعطيك نتائج باهره انا ان تركته عند حد معين - غالبا الكلية بعد التخرج - فسوف يترهل و يكون من الصعب استعاده لياقته علي التعلم .

لم تتعلل بضيق الوقت او خلافة و لكن خوضت التجربة - في رأيي ان العمر مهم جدا اثمن من ان تضيع منه وقت في انتظار فرص قد لا تأتي او قد لا تتناسب مع وقت حضرتك بعد ذلك


نشاركك فرحتك ... لان نجاجك في عملك هو الاساس و اساس اي انسان لا ان تتملكه هوايه معينه و ينسي هدفه الاساسي في الحياة و هو " العمل " لاننا دوله من المفترض ان تنمو و تنهض فالاولوية الاساسية لاي انسان هو " العمل " و من الاجمل ان كان نجاح العمل يواكبه نجاحات علي مستويات اخري

اكرر تهنئتي مرة اخري و الي الامام دوما :)

ammola يقول...

السلام عليكم
ماشاء الله لاقوةالا بالله
حضرتك ماتعرفش انا سعيدة لحضرتك ازاى
خصوصا ان الامرين انا جاهلة بيهم
البرمجة...والزواج
انا باعتبر خبراء الكمبيوتر دول من عالم ماوراء الطبيعة
ربنا يديم على حضرتك سعادتك ويبارك فى كل من ساهم- ولو بقدر-فى هذه النجاحات اللى كلها فى الاخر نجاحات زوجية...فلولا الاستقرار والسعادة فى الزواج ماكانش اتحقق النجاح التانى
شكلى كده داخلة على قرّ؟
:)
ماشاء الله لاقوة الابالله

غير معرف يقول...

الف مبروك ويارب من نجاح لنجاح ان شاء الله

Mostafa Abdelmoneam Badr يقول...

عيد زواج سعيد
كل سنة وانت طيب

ألف ألف مبروك والى الأمام دائما

ممكن تخلى شكرك بطريق عملية علشان أنا استفيد؟

معلش هو طمع منى بس فرصة وحضرتك لسة فرحان ومتحمس وعالى الاحساس بالنجاح علشان أطلب منك طلب مثرى للكثير منا.

ايه رأيك لو تبدأ مدونة جديدة عن أساسيات الإدارة وتكون باللغة العربية؟
على الاقل تشرح لينا فيها الدورة الأخيرة وتنقلها زى ما حضرتك فهمتها.وتتصدق من جنس الرزق نفسه من وقت وجهد وعلم وهبه الله لك.

مع خالص أمنياتى بالتوفيق
ولك أعز وأغلى تحية
السلام عليكم ورحمة الله

صاحب المضيفة يقول...

يعني ابومالك مش منور الشاشة يعني في لوحة الشكر اللي حضرتك حاططها دي


وبعدين ايه الكلام الكبير ده يا عمنا

بيفكرني بمجلس الشعب وخطط الموازنة العماة والكلام الكبير بتاع الحكومة ده


على العموم


ربنا معاكم ويوفقك لكل خير في الدنيا والاخرة

و القادم....أجمل يقول...

السلام عليكم

ياربنا لك الحمد كما ينبغي
لجلال وجهك و عظيم سلطانك

الف مبروووووووك يا أستاذنا
و من نجاح لنجاح أكبر

إن شاء الله

:)

تقديري

يقين النصر يقول...

ألف مبروك يا أستاذنا على المناسبتين ..
ال15 سنة ..والنجاح ..
أدام الله عليك نعمته ..

Unknown يقول...

مبروووووووووووووووووووووووووووك
عقبال المؤبد والربع قرن يارب
ومبروك على المشروع يا بابا
ربنا يكرمك ويوفقك دايما يارب
ويباركلك في بيتك واسرتك

Ahmed Kamal يقول...

مبروك عليك يا هندسة ، كده بقينا زملاء في إدارة المشروعات ، زي ما احنا زملاء في نادي المتزوجين من القرن الماضي ، و عقبال يا سيدي اليوبيل الذهبي ، و الماسي كمان :)

عالم حبيب يقول...

الف مليون مبروك أخي الحبيب .. رفع الله قدركم حتى تبلغون الفردوس الأعلى .. وجعل بيتكم في الدنيا طريقا إلى بيتكم في الجنة .. وأجمل التهاني للنجاح المبارك .. بنجاح المسلمين الملتزمين دائما يثبتون أن الاسلام والالتزام دائما طريق النجاح والتفوق

أخوك : حبيب

نـــــور يقول...

السلام عليكم
ازى حضرتك يابشمهندس
انا سعيده ان اول زيارة ليا فى مدونتك تكون فيها اخبار سعيدة جدا كده
الف مبروك اولا على عيد جوازك ويارب العيد الخمسين يارب
وثانيا الف مليون مبروك على الشهاده بتاعة الproject management
وعقبالى يارب لما اخدها انا اصلى بدرس هندسه صناعيه ونظم لو تسمع حضرتك عنها وبندرس التخصص ده كتير
ياريت حضرتك تساعدنى بلينكات لمواقع كويسه او ترشدنى لشهادات كويسه ودورات لو مفيش عند حضرتك مانع

اتمنى تشرف مدونتى بالزيارة
وهبقى سعيدة جدا لو بقيت من اصدقاء التدوين لحضرتك
تحياتى والف الف مبروك مرة تانيه
دمت فى رعايه الله

الدفاع يقول...

السلام عليكم
فرحتنا يا باشمهندس بالنجاح فرح شديد
وفرحتنا باسرتك السعيده بارك الله لكم وبارك عليكم وجمع دائما بينكم فى خير واقر الله عينكم فى اولادكم وجعلهم من عباده الصالحين
مبرووووووووووووووووووووووووووووووووك

مجداوية يقول...

السلام عليكم

أعتقد أن التهنئة على النجاح فى الخبر الأول هى الأولى لأن امتحانات الحياة تفوق أى امتحانات وربنا يبارك لكماوفى أولادكما

ومبروك النجاح وبشارة خير ان شاء الله

فالحمد لله رب العالمين

ابو اعصار يقول...

الف مليون مبروك لاتمام العام 15 من الزواج وعقبالنا ما نتجوز
والف مليون لاجتيازك اختبار شهادة pmp
وعقبال الدكتوراه
وعقبالي انا كمان اما اتخرج
بجد حاسس اني انا اللي نجحت في الاختبار
مايسعني الا اقول اللهم ما اصبح او امسى بي من نعمة او بأحد من خلقك فمنك وحدك لاشريك لك فلك الحمد ولك الشكر

حاجات جوايا يقول...

ألف مبروك يا فندم على النجاح
وعيد الزواج

ومن نجاح إلى نجاح بامر الله

خالص تقديرى

سالى

المجاهدة يقول...

ماشاء الله لا قوة إلا بالله
:)
الف الف مبروك

ربنا يباركلك في علمك و عملك :)

جمعاوى يقول...

مبارك يا هندسة

" معلش مبارك دى الأصح لغويا "

(::

صيد الخاطر يقول...

السلام عليكم ياهندسة مبرووووووووووك مليون مبروك
وبص بقى حضرتك خلصت اهه معتش ليك حجة منتظرك في اقرب فرصة


وبارك الله في الشيخ علي
" لاعليك سأهتم انا بهذا الامر "

تحياتي للجميع

ahmed_k يقول...

الف مبروك عالنجاح يا باشموهاندس وبالتوفيق دوما
ومبارك الذكرى ال15 لزواجك جعل الله كل أيامك سعادة وسرور

وتقبل خالص تحياتي
في أمان الله

عالمى ازرق يقول...

الف مبروووك
ومن نجاح لنجاح دايما بأذن الله

Unknown يقول...

الف مليون مبارك يا فندم على

1- 15 سنه زواج

2- على الشهاده

واتم الله عليكم نعمه ظاهرها وباطنها

Abd El-fatta7 يقول...

السلام عليكم ..الف مبروك ياباشمهندس
نفعك الله بما تعلمته وجعله في ميزان حسناتك ..بس عايزين حلاوة النجاح..بلغك الله رمضان

abdo يقول...

ألف ألف مبروك يابشمهندس
انا قاعد مستنى الحلاوة

د. إيمان مكاوي يقول...

كل 15 سنه وأنتم بألف خير وسعاده
وألف مبروك على النجاح..ومن نجاح إلى نجاح بإذن الله
تحياتي

أمــانــى يقول...

الف مليـــــــــون مبــــــروك اســـــتاذنا يااااااااارب دايما فى نجاح وتوفيق يااااااااارب آمـــــين
وعقبال100 سنة زواج ويباركلك فى اهل بيتك واولادك ياااااااااارب آمـــــــين

مهندس مصري بيحب مصر يقول...

ألف مبروك يا هندسة
للشهادة و لمدة الجواز دي و ربنا يكرمك دايماً

قوس قزح يقول...

مبروك و كل عيد زواج و انت سعيد و بتحقق معاه نجاح جديد


====================

عايز تساعد نفسك و غيرك و بلدك
و عايز فعلا تبقى مشاركتك مش بس كلام
تعالى شارك معنا
التفاصيل هنا

http://kouskoza7.blogspot.com/2008/08/blog-post_12.html

او هنا

http://bekyaforsale.blogspot.com/2008/08/blog-post.html

Unknown يقول...

استاذي الحبيب
الف مبروك
بارك الله فيك وفي كل عمل تعمله,وجعلكم دائما نافعين مصلحين,,
والله سعدت جدا بهذا الخبر
ودائما من نجاح الي نجاح
وجزاكم الله كل خير

عصفور المدينة يقول...


Jana

جزاك الله خيرا يا أستاذة على دعائك
وحقيقة بخصوص توقعك سوء النتيجة لمن تشاءموا فالحقيقة النتيجة بشكل عام دائما سيئة لأن هذه الشهادة عصيبة نسبة النجاح في هذه الشهادة
حوالي 60 في المائة كنا أربعة لم أسمع أحدا منهم قال نجحت غيري ولله الحمد

خمسة فضفضة

الله يبارك فيك يادكتورة أظن كدة عرفت أنا باذاكر إيه
:D
مشكلة العالم الافتراضي في حفلاته الناشفة
حتى العيال زمايلي عايز أعمل لهم حفلة مش عارف عشان صايمين معظمنا

النجمة الصامدة

بارك الله فيك يا دكتورة

هكذا علمتني الحياة في ظل العقيده

أخي حاتم حفظك الله أسأل الله أن تكون بصحة جيدة الآن

عدى النهار

الله يبارك فيك أخي الحبيب مدحت

دكتور حر

يا عم محمد اقرأ كويس مش انا قلت إخواني اللي ساعدوني بالدعاء
مش انت إخواني برضه
:D

خالد حفظي

بل أنا من أفخر بصحبة أمثالكم حفظكم الله ورعاكم
نسألك الدعاء أبا جهاد

Just a Reader

ياباشمهندسة والله أفخر عندما تأتين لزيارة مدونتي
وكم أتمنى أن تعودي للتدوين لنقرأ عذب كلماتك العاقلة

A.SAMIR

الله يبارك فيك يا دكتور

kochia

الله يخليك ولابد للإنسان أن يسعى دائما للترقي

عصفور المدينة يقول...


آفاق الحرية

الله يبارك فيك يا هندسة وأنا أحن إليكم وسف أزوركم هذا الأسبوع
بنت القمر

أمي وزوجتي وأهلي هم من هيأوا لي الجو للنجاح وساندوني بالدعاء ولكم كنت أحس ببركة دعائهم

همسة قلم

الله يهنيك يا أختاه

dr.nour

الله يفرح قلبك يا دكتورة
عاشقه الاقصى

جزاك الله خيرا وربنا يفرحنا بنجاحك وزواجك
:D

عايزه اتطلق و

جزاك الله خيرا أستاذة محاسن وأسأل الله أن يملأ قلبك بالسعادة والرضا

بن آدم

الله يبارك فيك يا هميا

عاشقه الفردوس

جزاك الله خيرا

khamis

الله يخليك يا أشرف وكم سرني تعليقك ودعاءك وأسأل الله أن يقر عينك في الدنيا والآخرة


وضـّاح

أكرمك الله أخي وضاح

مناجاة

الله يبارك فيك يا دكتورة

المهـ إلي الله ـاجر

حلوة ال
bmw
:D
جزاك الله خيرا يا أحمد وعايزين نفرح بيك

أنسانة-شوية وشوية

الله يبارك يبارك فيك يا إنسانة بس مانا ممكن ابعت لكم صورة جاتوة واضحك عليكم

appy

يطلعوا فين يا بنتي دي تأبيدة إن شاء الله

أحمد م. الدرعه

بارك الله فيك يا هندسة ياعسل

شــــمـس الديـن

طب أعلق بإيه على تعليقك الرائع يا دكتورة حفظك الله


ammola

جاهلة بالزواج والكمبيوتر الله المستعان ربنا يفقهك يا بنتي
على فكرة الشهادة دي مش في الكمبيوتر
:D

bos bos

الله يبارك فيك يا أستاذة

مع اصرارى

أخي الحبيب لقد فكرت فعلا من قبل وكان معي أخ فاضل هو الأخ الرائع د أحمد صاحب مدونة عيل مصري
ولكنه انشغل عن المشروع
وسوف أحاول فعلا بعد العيد إن شاء الله أن أنشيء مدونة في هذا المجال
ولو كان احد لديه استفسار معين في هذا المجال فالله المستعان

صاحب المضيفة

أبومالك في القلب

و القادم....أجمل

الله يبارك فيك ولله الحمد سبحانه

يقين النصر

أدام الله علينا وعليك نعمته

لماضة

ربنا يبارك فيك يا دكتورة

عصفور المدينة يقول...


أحمد كمال

الله يبارك فيك يا هندسة أنا كنت متوقع إن دماغك دي مليانة إدارة

Habib

جزاك الله خيرا ووفقنا الله وإياك دوما لما يحبه ويرضاه وصحبك الله في حلك وترحالك

Habiba

مرحبا بك يا ابنتي وربنا يبارك فيك وينفع بك
طبعا تخصصك من التخصصات الرائعة ولكن كثيرا من الناس لا يعرفون قيمته
بخصوص الدورات أو الشهادات فيوجد من معهد
pmi
شهادة اسمها
CAPM
دي تعتبر البداية لأنها تعتبر شهادة مساعد مدير مشروعات لأنها لا تعتمد على الخبرة بقدر ما تعتمد على المعرفة بالنظرية
بخلاف هذه الشهادة فهي تعتمد أكثرعلى الخبرة والقدرة على اتخاذ القرارات إلى جانب المعرفة بمنهجية
pmi
ولعلك تعلمين أن
pmi
هو أشهر معهد في هذا المجال كما يوجد شهادات أخرى متخصصة في مجال الإدارة لشركات الآي تي ولكن لا أعتقد أن هذه تصلح لك
وأعتقد أن الاهتمام هذه الأيام كبيرا بالجودة وما حولها

الدفاع

الله يحفظك يا أسامة جزاك الله خيرا

مجداوية

جزااااك الله خيرا وحفظك الله دوما وأسألك أن تعذريني في تقصيري

ابو اعصار

الله يخليك يامحمد
و إن شاء الله من الناجحين

حاجات جوايا

مرحبا سالي ونورتينا حفظك الله خيرا وبارك الله فيك

المجاهدة

حمدا لله على سلامتك يا أستاذة وربنا يبارك فيك

جمعاوى روش طحن

بارك الله فيك يا أحمد

صيد الخاطر

أيوة يا محمد حقك علي لق قصرت في حقك كثيرا

ahmed_k

الله يبارك فيك يا أحمد ونورتنا

عالمى ازرق

الله يبارك فيك ويحفظك دائما

حطم القيود

أتم الله علينا وعليكم نعمته في الدنيا والآخرة

Abd El-fatta7

وعليكم السلام ورحمة الله وبركاته وجزاكم الله خيرا

abdo

انت مش كنت صايم يا بني

إيما ( أم البنين)

الله يبارك فيك يا دكتورة وجزاك الله خيرا


أمــانــى

يا مرحبا اثنين ورا بعض أماني ومحمد قنديل من الأصدقاء القدماء
:D

مهندس مصري

الله يبارك فيك يا محمد وعقبالك كدة في الاثنين

قوس قزح

الله يبارك فيك يارب وجزاك الله خيرا على مجهودك

الفاتح الجعفري

حفظك الله يا حبيبي وجمعنا الله وإياك على خير

أبو الفـــداء يقول...

مبروك يا سيدي...

من نجاح إلى نجاح بإذن الله...

دعوة الفردوس يقول...

أولا
وحضرتك بخير


ثانيا


ربنا يديم على حضرتك زواجك في طاعة الله
وسلامنا لأم يحي

ثالثا
ألف مليون مبروك
ان شاء الله من نجاح لنجاح


رابعا
عن الرقم 13
أحب هذا الرقم جدااااااا
وأسعد به اذا كان في أي شيء يخصني
وأجمل سنه في الكليه كان رقم جلوسي فيها 13 ألف وشويه وكنت سعيده اوي بيه
وجبت احسن درجات فيها
صدقا

مشروع انسان يقول...

الف مبروك يا سيدنا

فروض الطاعة ايه بس

ده النت عندنا بايظ بقاله كام يوم
ومش عارف اتابع اى حاجة

المهم
مبروك

وفضيت ولا لسه
عايزين نشوفك

حزيــــــــــــــــــن يقول...

حمدا لله على النجاح
ربنا يديم التفوق
وكل عام وانت بخير

--
طبعا باجى المدونة باستمرار بس ساعات مش بعرف اعلق

ana ga3an يقول...

مبروك يا باشمهندس علي ال pmp
وربنا يعينك ال 15 سنة الجايين
انا بهزر يا عمنا
كلنا في الهوا سوا

وعقبال ال CAMP و ال phd

كان واجهتني مشكلة ساعات الخبرة
في شهادة ال pmp من حوالي سنتين
وكان الحل اسهل ما يمكن
ان الشركة اللي الواحد بيشتغل فيها لو عاملة مشاريع فالبتبعية
مع تظبيط بسيط يقدرو يضيفو عدد ساعات عندك

غير معرف يقول...

الف الف مبروك
فين بقى الحاجة الساقعة والحاجة الحلوة والغدوة اه امال ايه هى شوية الشهادة دى يعنى لازم توجب معانا

غير معرف يقول...

مبارك يا هندسة وبارك الله لك قيها ونفع بها المسلمين.

التهنئة متأخرة بس معلش سامحني وأنا برضك هنيتك أونلاين.
على كل أنا برضك كنت مشغول يوم 12 بأخد الرخصة والحمد لله أخدتها قبلك بيوم.

ودعواتك لي أنت وضيوفك الأعزاء بالرزق الحلال.
ويالا شد حيلك عشان تذاكر الITIL وال Prince2
وزي أنت ما بعتلي هدية كويسة فأنا بإذن الله أبعتلك هدية كويسة برضه تبدأ بيها طريقك في إدارة المشاريع.
بارك الله فيك ولك.

عصفور المدينة يقول...


أبو الفـــداء

حمدا لله على سلامتك أخي الكريم
بارك الله فيك

دعوة الفردوس

الله يبارط فيك يا أستاذة ومبروك الانتهاء من الدراسة

امام الجيل

انت تأمر بس يا محمد إن شاء الله
أهم حاجة طمنا عنك

حزيــــــــــــــــــن

الله يبارك فيك يا أحمد منورنا
لعلك بخير

ana ga3an

الله يبارك فيك يا عسل
بخصوص
CAPM
هي مبدئية بالنسبة لل
pmp
يعني هي تركز على معرفة الأفكار وليس التطبيق

CAPM
The PMI Certified Associate of Project Management (CAPM) program is the introductory certification offered by the Project Management Institute (PMI) and is a relative newcomer on the block when compared to the industry standard Project Management Professional
أما
PMP
Project Management Institute Inc.’s Project Management Professional certification is meant for those professionals who have a solid foundation of project management knowledge that can be readily applied in the workplace. PMI’s PMP is a high-level, vendor-neutral certification which is a suitable complement to any technology focused certifications. On the job project management experience forms the prerequisite for this certification
وياريت يا أخي توضح أكثر موضوع التسجيل لأني تعبت فيه فعلا فلو عندك اقتراح لأن لي زملاء يسألون عن هذا الموضوع
أما بالنسبة لي فقد كان الأمر سهلا استغرق ثلاثة أيام فقط
لأن لدي سجلات كاملة بكل الأعمال بالتواريخ

hend...hanady

الله يبارك فيك
يعني انت جاية متأخرة وبتسألي على الحاجة الساقعة
:))

ســـــ ني ــــــيد

الله يبارك فيك يا ميجو أنا فعلا بافكر في
ITIL
بس
Prince2
دي ضعيفة من وجهة نظري
ومبروك الرخصة يا سيدي عايزك بس ترجع بالذاكرة كدة أد 14 سنة وافتكر مين اللي علمك السواقة
:D
ربنا ييسر لك يا حبيبي

Unknown يقول...

الف مبروك على الحسنيين يا أستاذنا
ويا رب يوصلوا 30 سنة جواز وخبرة كمان
تحياتى

ana ga3an يقول...

كل شهادات ال pmi تتطلب عدد ساعات خبره فى ادارة المشاريع ك prerequisites لاخذ الشهاده
وزي ما حضرتك قلت يا بشمهندس ال
CAPM
Knowledge-based questions
وال
PMP
Situation-based questions
واضح من كلامك ان الشهادة بتاعة CAPM مش مطلوبة اوي في مصر
لكنها في كثير من الشركات والاعمال بالخارج يفضل وجودها مع ال pmp في حالة حصولك عليها
كداعم للخبرة العملية بالنظرية
المهم حل مشكلة ساعات المشاريع حاجة من اتنين
العمل في ادارة المشاريع لمدة لاتقل عن 4500 ساعة او 35 ساعة دورة في احد مراكز PMI
ربما يظن البعض ان رقم 4500 مبالغ فية
بس حقيقي للعاملين في في ادارة المشاريع اكتر من 5 سنوات بيتجاوز ال 8 الاف ساعة
وطبعا لازم يكون في شهادات موثقة بعدد الساعات او المشاريع
والحاصل علي الشهادة لازم يجددها كل 3 سنين وعدد ساعات كورسات تاني

ana ga3an يقول...

حاجة كمان نسيت اقولها
بس هي بتلم عدد ساعات قليل ربما بالمئات مش اكتر
في كورسات منزلاها pmi
project management training
علي سيدي مدتها 35 ساعة دي برضة تقدر تحسبها في عدد ساعات المشاريع
اي كورسات او دورات او دورات تعريفية بالاتي
تحسب في عدد ساعات الخبرة
Software Project Planning,
Project time estimation and resource allocation
Communication skill,