الثلاثاء، يونيو 23، 2009

تعلمت من الأطفال

كما أننا نعلم الأبناء ونربيهم فإنهم أيضا يعلموننا ويربوننا والباحث في الانترنت سيجد كثيرا من الناس يشاركون بأشياء تعلموها وتربوا بها من أبنائهم وهذه قائمة مختصرة أشارك بها وبدون الترتيب الزمني لتعلمي إياها والباب مفتوح للمشاركات من السادة الخبراء


1. "مولودين فوق روس بعض" معادلة من أكثر من طرفين.
2. يمكن للحمل أن يستمر عشرة أشهر.
3. طعم طعام الأطفال جربر سيئ جدا.
4. بعض المدرسين توقفت عندهم آلة الزمن عند عمر تلامذتهم (وذكرها الإمام بن الجوزي أيضا في أحد كتبه).
5. كرتون كاتشب لها مفعول في منعهم عنه أكثر من الامتناع عن شرائه لكن كرتون شيبسي غير كافي.
6. تعلمت أن أكافيء المسيء أحيانا.
7. أن لا أرد على بعض الشكاوى أحيانا بل غالبا واللجوء للسؤال عن أي شيء.
8. الوقوع الذي بعده طبطبة واهتمام يؤلم أكثر من ذلك الوقوع الذي لا تنتبه له.
9. الإنسان يستمتع بالبكاء أحيانا (كثيرة).
10. اذا بحث أحدهم لي عن شيء فانه لا يجده الا عندما يتأكد انني أريده بقولي "ولكني فعلا أريده" حينئذ يأتيني به.
11. يجب اختراع سيارات كلها شبابيك.
12. تكرار عبارة "اطفئوا الانوار" مفيد لعضلات الفك وللميزانية.
13. سرير الطفل هو آخر مكان محتمل ان ينام فيه.
14. الجدري المائي قد يأتي للشخص مرتين.
15. لكي تكسب القلوب اعطهم أجازة من المدرسة.
16. لا يكفي ان تسأل السؤال مرة واحدة كرر السؤال 'أكلتها ولا رميتها' وسوف تحصل في الثالثة على الاجابة الصحيحة.
17. عندما تسمع هذه العبارة "الرسالة دي بتطلع كثير ليه" فاعلم أن عددا لابأس به من الملفات تم حذفه.
18. المفتاح الأخير دائما يغلق عليه الباب بالداخل.
19. موضوع تعبير رائع من صفحتين يحصل على 9 من 10 إذا كانت بنت الميس/المسز في نفس الفصل.
20. مكتبة الاسكندرية ليست مشهورة بالكتب ... هذه حقيقة أثبتتتها الرحلات المدرسية.
21. النوم في السيارات ممتع عن السرير.
22. اللعب المفضلة لدى الأطفال هي الأغراض المنزلية.
23. الرئيس شخصية مشهورة أكثر مما كنت أتوقع.
24. أبناء المؤمن يلدغون من الجحر الواحد عشر مرات.
25. التهديد لا يصدق إذا عدلت عن تنفيذه مرة واحدة.
26. كلمة اشتري من أسهل الكلمات في اللغة العربية.
27. الصيف أطول فصول السنة.
28. الكمبيوتر وهو مغلق ليس بنفس جاذبيته ولفته للانتباه وإثارته للنزاع و"هو" يلعب.
29. ذاكرة الإنسان قوية في الوعد ضعيفة في الوعيد.
30. خبيء مشط في مكان سري.
31. المناهج التعليمية متشابهة في عدة مراحل.
32. المضاد الحيوي يؤخذ منه جرعة واحدة أو يوم واحد على اقصى تقدير.
33. عربة الطفل تنتمي لفئة الديكور المنزلي.
34. سماعات الهيدفون بداخلها مغناطيسات هي معلومة فيزيائية وحقيقة واقعية.
35. يمكن للطفل عمر 3 سنوات ان يصعد فوق الدولاب وان تظل طريقة صعوده سرا سبع سنوات أخرى.
36. الجنيه المعدني قابل للبلع في أربع ثوان ويخرج بعد خمسة أيام.
37. الأشعة لاكتشاف الجنيه المعدني قادرة على اكتشاف جنيه آخر لا يعلم تاريخه.
38. الإنسان لا يتعلم إلا بالتجربة ولا يكفيه مشاهدة الأخرين يبتلعون النقود.
39. تعلمت ان أحكم بين ظالمين كلاهما يبكي.

كفاية كدة

هناك 60 تعليقًا:

المهندس يقول...

الاخ الكريم / عصفور المدينة
اولا : اضحكني جدا البوست ... يبدو ان دم حضرتك خفيف ولديك حس ساخر ...حتي وان كنت لاتعلم ...فقد كشف اسلوبك عن ذلك
ثانيا : ادعو الله ان يحفظ لك اولادك ... الذين يبدو فيهم بعض من العفرتة المحببة ... حفظ الله عليك عائلتك وسعادتك بها
ثالثا : عفوا اعذرني انا لم اتزوج بعد ... لذلك لن استطيع ان افيدك في موضوع البوست حول الاشياء التي يتعلمها الاشخاص من ابنائهم .... ولكن بما اني عاشق للاطفال ... استطيع ان اضيف ان اجمل شئ تتعلمه من الاطفال هو حماسهم الشديد ... اصرارهم علي الحديث لاي شخص ...مهما ابدي انه مشغول .... اذكر ابن خالتي عندما كان طفلا ... " هو الان شاب رائع " كانت له طريقه " معينة اذا لاحظ انك لا تعطيه الاهتمام الكافي اثناء حديثه معك ... وهو انك تجد نفسك تتلقي صفعة علي وجهك مصحوبة بعبارة استنكار شديدة لانك لا تعطيه الاهتمام الكافي
شكرا ... ولا تحرمنا من كتاباتك .... واستبدل الجنيهات المعدنية باخري ورقية ... فهي لا تبلع

الديب يقول...

36. الجنيه المعدني قابل للبلع في أربع ثوان ويخرج بعد خمسة أيام.
37. الأشعة لاكتشاف الجنيه المعدني قادرة على اكتشاف جنيه آخر لا يعلم تاريخه.
-------------

اضحك الله سنك ..

ربنا يجعل من ذريتك ذخرا للامة ..

salma mohamed يقول...

أضحك الله سنك ياباشمهندس,
وبارك لك في ابنائك,
تعلمت أن الأطفال صم بكم عمي عن كل ما حولهم إذا كانوا يشاهدون أفلام الكرتون المفضله لديهم,
وأن الأطفال يجيدون التمثيل أكثر من أي ممثل عالمي,
وأن الأطفال يتصيدون للكبار أخطاؤهم حتى يذولوهم بها.

sakayar يقول...

السلام عليكم ورحمة الله وبركاته
من زمان مقرأتش لحضرتك يابشمهندس موضوع ساخر
بس فعلاً بعض ما تعلمته حضرتك هيفيدنا ف المستقبل لما نتزوج وربنا يرزقنا بالأطفال هيبقى البوست ده مرجعية مهمة أكيد :))
ربنا يبارك في ذرية حضرتك ويرزقكم السعادة والرضى والصلاح دايماً
دمت بكل الخير

الطائر الحزين يقول...

على يدى

د. إيمان مكاوي يقول...

. لكي تكسب القلوب اعطهم أجازة من المدرسة.

هذا أكثر شيء يعجبهم
إبني نفسه المدرسه تتحرق ..
جيل ما يعلم به إلا الله

تحياتي لقلمك

محمد عبد الغفار يقول...

هلكت من الضحك - وان كنت لم اصل لبعض المراحل بعد ولكنى متأكد من حدوثها

Jana يقول...

تدوينة رائعة يا باشمهندس
أضحكتنا والله أسعد الله قلبك وبارك فى اولادك

ولأن حضرتك فتحت باب المشاركة فاسمحلى بشىء مما تعلمته

1- ان الانسان يستطيع النوم واقفا كالحصان اثناء هدهدة طفله الرضيع المصاب بنوبة مغص ليلا

2- ان الجميع كانوا قادرين على الحصول على اكبر محموع فى الثانوية العامة ودخول كليات القمة لو كانت مدة استذكارهم لمناهجهم ربع قيمة الاستذكار لاولادهم

3- ان الريموت دائما حين يختفى اياما لابد وان تجده فى دولاب الصغير منهم

4- ان كلمة بابا او ماما لا تقال ابدا اقل من 3 مرات متتالية عند النداء

5- عناق الطفل الغير مبرر يكشف لاحقا عن مصيبة قادمة فى الطريق

6-ان لا تدعو غريبا لمشاهدة صورة فى موبايلك دون التأكد من محو مفآجات اولادك-

7- ان درج الجوارب لابد وان يحتوى على 20 "فردة" غير متماثلين

8- ان الصابون اذا وجدته مقضوم داخل غلافه لا يعنى ذلك بالضرورة وجود فأر فى البيت

Aml Ghonaim يقول...

هههههههههه
ملأ الله أيامكم بهجة ....
أكثر شيء لاحظته فعلا مع ابن أختي :
الوقوع الذي بعده طبطبة واهتمام يؤلم أكثر من ذلك الوقوع الذي لا تنتبه له.
أسأل الله أن يبارك أولادك وينبتهم نباتا حسنا ؛ ويجعلهم قرة عين لكم دنيا وآخرة ...

دعوة الفردوس يقول...

راااااااااااااااائع يا عمو البوست ده


فعلا ملوش حل
والله في حاجات ذكرتها
حسيت انها لسه لازقه من أيام الطفولة

أفتكر انه وانا صغيره لما كنت اقعد اعيط وازن كتيير لا قصدي كتيييييييييير ويطنشوني ابطل
بابا يقول اخيرا
افتكر اني كنت بعيط ومش حد صالحني اقوم بادئة من تاني



أنا لسه على البر طبعا زي ما حضرتك عارف بس ربيت طفلة مطلعه روحي " مريم " لو تذكرها



تعلمت منها

1- عندما تسأل الطفل عن شيء يحب ألا يجيب عنه قد يجعلك تشك أنه أصم أبكم بالفعل
2- إذا قلت للطفل شيء لا يقبله عقله سيتعامل معك أنك مجنون ولا مانع أن يأخذك "على قد عقلك " أحيانا
3- تعلمت أنك قد تسمع كلمة "خايف/ه" من مكان ما حسب الرغبة لا أكثر ولا أقل
4- أحيانا يكون الطفل كائن هلامي لين يستطيع أن "يحشر" جسده في أماكن لا تسع حتى ربع حجمه
5- تعلمت أن السياسة ليست مهنة الكبار بل أن الأطفال قد يكونوا أساتذة فيها أكثر من غيرهم
6- هدوء الطفل وابتسامته البريئة جدا بلا داعي وراءها مصيبة حتمية

محمد يقول...

السلام عليكم

يا أخي لو جمع والدي ما تعلمه مني, لألف كتب مرصوصة.. أبشرك .. لا يزال يتعلم.. أعانه الله :D

كيف حالك أستاذنا ؟؟
أرجو من الله أن تكون بخير..

حائر في دنيا الله يقول...

جميلة تلك الأمور التي ذكرتها، ولو نقلت ما اعجبني ما اكتفيت بنقلهم كلهم
وشخصيا تعلمت من اولا أختى وخاصة أصغرهم"محمود"الكثير والكثير ولكن اكثر ما تعلمته ورغما عني هو أنني لا أستطيع أن أرفض له طلبا

لك تحياتي
السلام عليكم

(صندوق الدنيا) يقول...

موضوع رائع
أسأل الله أن يبارك لك في أبنائك وأن ينبتهم نباتا حسنا ويجعلهم قرّة عين لك ولأمهم في الدارين

فاتيما يقول...

البوست اكتر من رائع يا أستاذ
تحياتى ليك و لأبوتك اليقظة الدافئة
و تحياتى الأكبر لكل هولاء الملائكة الصغار اللى وجودهم ف الحياة اكبر نعمة يلقاها بشر

مشروع انسان يقول...

:)

اعانك الله يا بشمهندس

وزى ما قلتلك قبل كده بحب الناس المختلفة
وجميل ان الواحد يتعلم من اولاده

فيه كتير بيتعاملوا مع اولادهم خصوصا الاطفال انهم اقل شأن وقدر

بحب اوى اللى بيغرس فى اولاده حاجة غير التربية والتسمين اللى الناس بتعمله

جميل ان الواحد يتعلم منهم ومن حياتهم واهتماماتهم

اانا جربت مرة انى اجارى ولد صغير كان بيحكى فى موضوع وكل اللى قاعدين كبار فمهتموش وتابعوا كلامه وان تابعت معاه قمت لقيته فجاة فصل وسكت وقعد يلعب فحرمت الحمد لله اعملها تانى

عيال صحيح :)))

مشروع انسان يقول...

صحيح

سلم الله اولادك من كل شر
بخصوص اولاد المؤمن دول

وسلمهم من كل الجنيهات

شكلهم ماديين اوى

:))

كلمات من نور يقول...

كلام حضرتك يا عصفور المدينة صح جدا ويدل على تنبه حاد للأطفال وبما إني أم لبنين أيضا أستطيع أن أضيف بضعة نقاط عندك ولكنني وجدتها تتشابه كثيرا مع نقاطك فآثرت التعليق فقط

فشكووول يقول...

كل دى كتب او موقع على النت بتتكلم عن الاطفال
23 كتاب وموقع صعب قوى الواحد يقراهم كلهم بس ممكن الواحد يقرى موضوع منهم
تحياتى

kochia يقول...

بوست رائع جدا
ومفيد وقيم كمان

وربنا يبارك لك في اولادك ان شاء الله

Dr.khaled يقول...

انا اضحك بس
مش هعلق

الظاهر عليك شارب
لحد النظارة
بشرك الله بالخير

Soma يقول...

عصفور المدينه
انا اول مره ادخل عندك بس البوست رائع ودمه خفيف قوي

ربنا يخليلك اولادك وتفرح بيهم


تحياتي

مـحـمـد مـفـيـد يقول...

اشتقت لسطورك الرائعه
دمت بكل خير

عبدالله يقول...

بجد بوست جميل ياه الواحد ياما اتعلم حاجات منهم بس لم اقريت كلامك ضحكت كتير فعلا بنتعلم

تحياتي

!!! عارفة ... مش عارف ليه يقول...

الامر يستحق وأكثر

وكل الشكر لمدونة

"روح قلب ماما" اللي وصلتنا لهنا

خالص تقديري واحترامي



وليد

دسوقي يقول...

السلام عليكم

موضوع رائع وتعليقات رائعة كذلك

أنا جمعتهم في ملف وورد أهه

http://rapidshare.com/files/248107212/ctybrd.rar.html

تحياتي

همس الاحباب يقول...

هههههه
بجد الموضوع رائع جدا
والاجمل انه مغلف بخفة ظل رائعة
جزاك الله خيرا
تحياتى

Unknown يقول...

السلام عليكم ورحمة
الله تعالى وبركاته
اعجبنى الكلام كله صراحة
ولكن هناك نقاط قد تستوقفك
اكثر من غيرها .......فمثلاً:
1-الأشعة لاكتشاف الجنيه المعدني قادرة على اكتشاف جنيه آخر لا يعلم تاريخه.
وازيدك (واحيانا جنيات اخرى!وليس
جنيهاً واحداً اخر!!!!!!)
2-لكي تكسب القلوب اعطهم أجازة من المدرسة!!!اصدقك فى هذا فالعيون دائما كانت معلقة بى حينما اكشف على احدهم
ليس لانى ساعطيه الدواء والاجازة ولكنى
سأقول من الاكثر احتمالاً ان يكون حاملا للمرض ومن الافضل ان يظل بالبيت ولا يذهب الى المدرسة!!
اسمحى احييك على كلام نابع من القلب
ليذهب الى القلب ايضاً!!

mohamed ghalia يقول...

كم هو رائع عالم الأطفال
حقا تعلمنا منه الكثير يكفى برائتهم

موناليزا يقول...

وهنا ايضاً ستجد بعض الاشياء التى تعلمتها
http://monaliza110.blogspot.com/2008/07/blog-post_17.html

jejemam55@gmail.co يقول...

اسعد الله ايامك وايام اولادك وبارك لك فيهم
عندى من دا كتير فى البيت
والشغل

الحمد لله واحد فى البيت وتلاتين فى الفصل


تقبل تحياتى

مستكه يقول...

السلام عليكم ورحمة الله وبركاته

البوست ده رااائع بجد

وكل اللي فيه صحيح جداااا

انا لسه مش ارتبطت بس عندي ولاد اخواتي علموني كتير واهم حاجه اتعلمتها :
- ان الاولاد هما اللي بيربوا ابائهم مش العكس

- انك لازم تعمل اتفاقيه مع البواب انه اي حاجه يلاقيها في الشارع من شوك ومعالق وساعات وريموتات واقلام وشواحن وموبيلات وشوزات وكتب وهدوم يعرضها عليكم لانها اكيد تبعكم

- ان يوم ما يكون عندك طفل ساعتها بس بتعرف معني كلمة ايثار بكل ماتحمله الكلمه من معني

- ان يكون عندك طفل امحي كلمة اندهاش من قاموسك عندما تتفاجيء باشهر اللوحات الفنيه السيرياليه علي الحوائط والارضيات والمفروشات وممكن جدا الفن ياخد بعضه ويرسم الولد علي وش اخوه عشان يكمل اللوحه

- لا تستقل بعقلية الطفل ابدا لانه فعلا زكي

- الكابوس المرعب لاي طفل هي الحقنه


في النهايه احيي حضرتك بوست موفق جداااااااااااااااااااااا

Unknown يقول...

السلام عليكم ورحمة الله وبركاتة
اضحكتنى يا عصفور المدينة اضحك الله سنك
بجد حاجات ملفته للنظر

مجداوية يقول...

السلام عليكم

أضحك الله سنك
ملاحظات تدل على أن الأمر لم يكن سهلا أبداعندما تتعامل مع أطفال أذكياء

من أكثر ما لاحظته على الأطفال الصغار هو اختيار الاسم الثاني دائماعندما تخيرهم بين أمرين
يعني تسأل بتحب ماما ولا بابا يقولك بابا
وتعيد السؤال طيب بتحب بابا ولا ماما يقولك ماما

لكن أكثر ما تتعلمه منهم هو العفوية وهم أيضا مقياس لا يخطىء لقياس درجة الحب المتبادل بينهم وبين من يتودد اليهم فهم لا يعرفون المجاملة

:)
تدوينة متميزة جدا

بنت الصالحين يقول...

:)

ربي يباركلك في اولادك وبيتك

ودايما تحكم بين ظالمين كلامها يبكي : )

أحمد سعيد بسيوني يقول...

قرأت هذا البوست اكثر من مرة

فعلا اشياء جميلة و واقعية جدا

ibn_abdel_aziz يقول...

يا خبر يا حمادة :)
هوا انت بقيت حكيم من شوية ؟
:)))
انا خلصت قراية وبعدين قلت اقرا كام سطر تاني بتفصيل
الا صحيح الطفل ابو 3 سنيين طلع البتاع ده ازاي ؟ يعني فعلا بقالكو سبع سنين بتفكوا شفرة الموضوع ده ؟

غير معرف يقول...

صديقك المهندس
ياسر بالكويت مصاب بحادث سيارة وهو بالعناية المركزة هناك.

Maha يقول...

السلام عليكم

تدوينة ظريفة جدا ^_^

قلت : ((6. تعلمت أن أكافيء المسيء أحيانا.))

كيف ؟

Maha يقول...

((26. كلمة اشتري من أسهل الكلمات في اللغة العربية.
27. الصيف أطول فصول السنة.))

:D

غير معرف يقول...

شفا الله صديقك الخبر مكتوب هنا
http://nokta-fe-b7r.blogspot.com/2009/06/blog-post_25.html

وهنا
http://gorbty.blogspot.com/

يقين النصر يقول...

أستاذى ..ربما أضيف أيضا ..
يمكن لذى السنتين ونصف أن يغير نظام غرفة بأكملها ..يحرك المكتب ..والسرير والكراسى أيضا ..ولا تسل كيف ؟؟
الأمل لا يفقد أبداااااااا ...ظل ثلاثة أيام متواصلة لا يطفئ النور أملا فى أن تأتى أمه ..
الماء ممتع أكثر اذا صببته على رؤوس الناس ..
وهذا غيض من فيض تعلمته من صحبتهم ..

يــوم جــديد يقول...

واضح إن الجنيه المعدني ده عامل مشاكل كثيرة
لدرجة إنه عمل عقدة الجنيه المعدني

بوست مفيد جدا

اللى تشوفه يقول...

السلام عليكم
بجد بجد
على الرغم من ان اللى يبص من اول مرة كدا يحس ان الموضوع هزار

الا ان فى خبرتى القليلة فى التعامل مع الاطفال والكبار ايضا
احب ااكد على كلام حضرتك جداااااااااا

وبالذات فى التعاملات
واهمهم
ان التهديد لن يجدى اذا تراجعت عنه ولو مرة واحدة
وبصراحة فى كتير معلومات اهم من كدا بس دى اللى علقت معايا عشان دايقة منها مرار
وبجد البوست دا مش هنساه ان شاء الله
لانه اكيد هيفيدنى فى فهم الاطفال والكبار كمان

جزاك الله خيرا
وتقبل مرورى
وعذرا على الاطالة

عصفور المدينة يقول...


المهندس

مرحبا بالمهندسين أخي الحبيب
جزاك الله خيراعلى إطرائك ودعائك وإضافتك
طيب إيدي على كتفك عايز عشر رزم جنيهات ورق تقدر تجيبهم

الديب

جزاك الله خيرا يا هندسة وحمدا لله على سلامتك

salma mohamed

جزاكم الله خيرا على إضافتك ونسأل الله أن يشفي أخانا ياسر ويطمئن قلوبنا عليه

sakayar

عشان سخرية الحياة يا سكايار واخدة طاقة السخرية كلها
جزاكم الله خيرا ومنورنا ياجميل

الطائر الحزين

ماشي يا عمو ما انت واحد منهم :)

د. إيمان مكاوي.. أم البنين

نعم يا دكتورة هذا أحسن وسيلة لكسب الانتخابات

محمد عبد الغفار

حبيبي بكرة تفتكرني وحشتنا كثير والله

Jana

جزاك الله خيرا ومن الله علينا وعليكم بالسعادة
وقد لامني أفراد العصابة أن إضافاتك فاتتني ولم تصدر عني رغم أنها من الأشياء التي تعلمتها ايضا خاصة موضوع الشرابات

اصرار أمل

جزاك الله خيرا يا دكتورة
وطبعا أقصد مما تعلمت أن يتحول إلى سلوك حذر في تربية الأطفال

دعوة الفردوس

جزاك الله خيرا على إضافتك يا أستاذة ومبارك الخطوبة والزواج

وضّاح

ياه يا وضاح يبدو انكم علمتوه جيدا :)

حائر في دنيا الله

جزاك الله خير ومنورنا يا أخي

(أم البنين)

جزاك الله خيرا كثيرا

فاتيما

جزاك الله خيرا يا أم يوسف وأسأل الله أن يقر عينك به

امام الجيل

الله يحفظك يا محمد
وأهو انت بتتعلم أهوة
وبخصوص الفلوس فالشباب كانوا عاملين حصالة ف بطنهم وبعدين لما تنزل حتشوف الجنيهات المعدن

كلمات من نور

أي نعم أنا متنبه له ولكن بالاضافة لذلك تكرار الأحداث يحولها لدرس مستفاد

فشكووول

مرحبا بك يا استاذ رغم اني ما فهمتش التعليق

kochia

جزاك الله خيرا وبارك فيك

د/خالد

مرحب يا دكترة

Soma

جزاك الله خيرا وتشرفينا دايما

مـحـمـد مـفـيـد

وحشتنا يا محمد عايزك تضيفني ع الفيس بوك عشان احترت في الأكونت بتاعك

عبدالله

جزاك الله خيرا ولا نزال نتعلم

!!! عارفة ... مش عارف ليه

مرحبا مرحبا
وجزى الله خيرا أم يوسف

دسوقي

انت فين يا دكتورنا جزاك الله خيرا على التجميع


همس الاحباب

جزاك الله خيرا يا أستاذ خالد وربنا يبارك فيك

يــوم جــديد يقول...
أزال المؤلف هذا التعليق.
عصفور المدينة يقول...


norahaty

جزاك الله خيرا يا دكتورة
وإضافتك طبية أيضا


mohamed ghalia

أخي الحبيب محمد شرفت بزيارتك وجزاك الله خيرا
وايضا نتعلم منهم التفكير الإبداعي


من القلب

واحد في البيت وتلاتين في الفصل
على وزن عصفور في البيت خير من تلاتين في الفصل

مستكه

جزاك الله خيرا
بجد إضافتك رائعة وخاصة فكم من أشياء فقدناها فور وصولها الشارع

- انك لازم تعمل اتفاقيه مع البواب انه اي حاجه يلاقيها في الشارع من شوك ومعالق وساعات وريموتات واقلام وشواحن وموبيلات وشوزات وكتب وهدوم يعرضها

عليكم لانها اكيد تبعكم



نهر الحب

جزاك الله خيرا وأسأل الله أن ينفعنا بما كتبنا

مجداوية


وعليكم السلام ورحمة الله وبركاته

الأمر لم يكن سهلا أبداعندما تتعامل مع أطفال .........مشاغبين

عاشقة الفردوس

جزاك ربي الفردوس الأعلى

أحمد سعيد بسيوني

الله يحفظك يا دكتور وربنا يزوجك


ibn_abdel_aziz

الله يكرمك يا شوشو
والله هو يومها دخلنا لقيناه فوق الدولاب وصمم ان احنا نخرج عشان ينزل
وكل ما نفتح عشان نشوفه يصرخ ومش راضي ينزل وظل هذا سرا حتى الآن

Maha

قلت : ((6. تعلمت أن أكافيء المسيء أحيانا.))
أهلا يا أستاذة هذا المبدأ رغم أنه شاق على النفس إلا أنه مهم أحيانا وخاصة عندما تتكرر الإساءات ويتكرر العقاب
فتحتاجي أحيانا أن تجربي المكافأة بدلا من العقاب

عصفور المدينة يقول...


يقين النصر


جزاك الله خيرا على الإضافة


يــوم جــديد

عندي عقدة من الجنيه المعدني فعلا

بخصوص موضوع الكاتشب
فأنا أشير إلى طريقة عكسية أستخدمها في تقليل إدمانهم لشيء ما عن طريق إعطائهم إياه بوفرة
وأشير إلى أن هذه الطريقة تنجح في بعض الأشياء وبعضها لا تنجح وخاصة أنهم يتعلقون بالشيبسي وما شابهه من الأكياس بشكل لا يمكن علاجه


اللى تشوفه

جزاك الله خيرا وشكرا على زيارتنا والحقيقة ما ذكرت هذه الأشياء إلا لكي نستفيد منها في توجيه تعاملاتنا مع الأطفال

عالم حبيب يقول...

الموضوع جميل ومفيد ودمه خفيف ما شاء الله

واصطنعتك لنفسي يقول...

استمتعت بهذه التدوينة جداً جداً
:))

جزاك الله خيراً

أم أحمد المصرية يقول...

السلام عليكم ورحمة الله و بركاته
الحقيقة ملاحظات قيمة جدا :))))))
وواقعية رأيت اغلبها كأم و كمدرسة
ليس اغلبها بل كلها قفد اعدت قراءة النقاط لكتشف ايها لم يقابلني فوجدتها جميعا متحققة في احمد و اخواته و الحمد لله
و اضيف علي ذلك انه كلما ظننت ان الاولاد كبروا و عقلوا تكتشف ان لسه بدري علي الجملة دي
دمت بخير و ان شاء الله تواصل دائم

غير معرف يقول...

حمله دعم قناه الهدى الاسلاميه
السلام عليكم ورحمة الله وبركاته

تتعرض قناة الهدى الناطقة باللغة الإنجليزية لدعوة غير المسلمين إلى أزمة هذه الأيام وتحتاج للدعم قبل أن تسقط !

وقد دعا فضيلة الشيخ / محمد حسان كل قادر مستطيع ولو بالشيء اليسير أن يساعدة القناة في أزمتها

وقد قال حفظه الله بأن الأمة تأثم إن سقطت هذه القناة !

فها نحن الآن نضع بين يديكم حملة لدعم القناة للنهوض بها فمن يستطيع المساعدة فاليفعل كذلك نرجو نشر هذه الموضوع في كآفة المواقع والمنتديات

طرق الاتصال بالقناة من الموقع الرسمي لها

Email: feedback@huda.tv

Office Tel: +202 3 8555 252

Office fax: +202 3 8555 254

LIVE Tel: +202 3 8555 248/249

بيان من موقع القناة لمن يريد رعاية برنامج .. عبر هذا الرابط
http://huda.tv/pages/sponsor_form.html

فمن لم يستطيع المساعده بالمال ينشر الخبر فى المنتديات والمدونات

حزيــــــــــــــــــن يقول...

افتقدك كثيرا .. اتمنى ان تكون بخير

اعتقد انى سأتلعم الكثير من ابنائى ايضاً

Unknown يقول...

الله أكبر

كلام رائع وخفيف ولكنه يحتاج إلى دراسة وتحليل

تقبلي مروري وتعليقى

مدونة رائعة وهادفة

وأدعوكي لزيارة مدونتي وهي تعتبر أول مدونة عربية للأستشارات التربوي

ويبقى التواصل

Unknown يقول...

اعتذر اخي فالصيغة أضحت مؤنثة رغما عني
تقبل عذري ودعوتي

ويبقى التواصل

ويكا يقول...

مش للنشر

الاخ عصفور المدينه
لدي طلب صغير ارجوا من الله ان تفيدنى به لعلمى بتمكن فى التعامل مع متصفحات الانترنت والمدونات ، فاسأل الله ان يكون لديك الاجابه والسؤال هو:
انى لدى مدونه وكانت تظهر فى الريدر بأخر بوست يتم كتابته الا انها فجأه علقت على بوست بعينه ، الظاهر انه عجب الحكومه شويه وعلق معاهم . ومن ساعتها مش رادى يظهرلى اى بوست جديد غيره .
وعملت كل حاجه تتوقعها بس للاسف مفيش جديد ولا فايده

المدونه التى اتمنى ان تشرفنى وتزورنى فيها:
www.besara7aa.blogspot.com

eldoctor يقول...

استاذنا الفاضل.. فقط اردت المرور و المشاركة فى المعلومات القيمة ..
احب ان اضيف
اسرع طريقة للمساعدة على النوم و التخلص من الارق: خلصت مذاكرة ؟ عملت الواجب؟ سمعت ورد القرأن؟؟
و ايضا للقضاء على النوم المفاجىء:
تقدر تلعب شوية صغيرة(تمتد الى ساعات أحيانا)
الجوع المفاجىء يظهر امام التلفزيون ة برامج الكارتون. و الشبع يظهر فور اغلاق التلفزيون..
جزاك الله خيرا .. خليتنى أكتب تانى مع انى هجرت الكتابة و الرد من زمن

انت تسال والكمبيوتر يجيب يقول...

شوفوا شوفوا

امبارح كان إمتحان ثالثه ثانوى


ذهبت مع ابنى إلى المدرسه الإ حيمتحن فيها و نظرا لبعد المدرسه عن البيت بحوالى ساعه إلا ربع بالعربيه دون إشارات أو أزمه مرور

فضلت أنى أستنه الغالى لحد لما يخلص و أخده و نروح بدل المشوره

لقيت عدد كبير من الأمهات قاعده على باب المدرسه و دموعهم على خدهم تقولوش العيال داخله تعمل عمليه اللوز مثلا

المهم قعدت فى عربيتى و الشمش ضاربه فيا أعدد الثوانى قبل الدقائق و الأمهات بقى نازلين رغى و إلا بتعيط و إلا نتتضرع إلى الله أن ينجى إنبها من الكارثه ألا و هى إمتحان العربى

و الحمد لله خلصوا الثلاث ساعات و أنا على هذا الحال

و جاءوا الأولاد كأنهم مساجين يكلمونا من وراء باب المدرسه فغير مسموح لهم بالخروج أو احنا ندخل

عملتوا ايه

الإمتحان جميل ده هما إلا بيقولوا طيب الأمهات إستريحت و هدأت و دخل الأولاد يمتحنوا ماده الدين

لقيت الوضع إتغير خالللللص

متعرفوش الأمهات لمت نفسها إزاى و قعدوا فى الجنينه التى أمام المدرسع و تقولوش إننا فى رحله الأكل طلع و الشاى طلع و الضحك طلع

هو فى إيه هو أنتم طالعين رحله و لا أيه و لسه ياما نشوف العجب من الثانويه العامه و من الأهالى

دى حاجه تجنن
مرسلة بواسطة قمر في 11:54 ص
5 التعليقات:

الفقيرة إلى الله أم البنات يقول...

ضحكتينى والله يا قمر
تعرفى الثانويه العامه كابوس
انا شارف عمرى على منتصف الاربيعينيات..ومازلت اعانى من كوابيس عدم المذاكرة وإن الامتحانات قربت..والمشكله بقى والغريبه انى كنت أدبى نظام تثانيه ثانوى وثالثه ثانوى ..يعنى مكنش فيه مواد علميه
دايما يجى الكابوس انى هامتحن فيزياء او كيمياء ومش مذاكرة شئ
هى كابوس بكل المقاييس
بس بجد يعنى لو فكرتى هتلااقى الامهات دول كانوا بيعانوا زى
وحكاية قعدوا ياكلوا ..خلاص اطمنوا ..ربنا يطم قلوبكم جميعا"

وحكاية القعده فى العربيه ..هاقول لما بضطر اليها بعمل إيه

بقرأ قرآن أو اسبح
يعنى استغلى الوقت بشكل مفيد لانك مش هتقعدى فى البيت 3 ساعات محدش يطلب منك حاجه
كمان ..وده الاهم ..لما تقعدى فى العربيه أمنى نفسك..احسن الشوارع لم تعد آمنه
ربنا يبارك فى ابنك ويرزقك بره ويطمنك عليه
03 يوليو, 2009 04:31 ص
قمر يقول...

حبيبتى أم البنات
تقريبا كده بعد الثانويه العامه شكلى حروح لدكتور نفسانى حتى لا اقوم مفزوعه من النوع و أقول الواد إتاخر على الإمتحان ههههههههههههها
ياله الحمد لله عدت على خير و لما تطلع النتيجه حقولكم على المجموع بس إدعوله
و جزاك الله خيرا على النصيحه الغاليه و جعلها الله فى ميزان حسناتك
03 يوليو, 2009 11:39 م
mohamed ghalia يقول...

هى كده الثانوية العامة مجنونة
بس احنا الى بنعملها الوضع ده
ممكن نتعامل معاها طبيعى ونعدى
دمتِ فى سعادة
04 يوليو, 2009 10:57 ص
احساس طفلة محبة للرومانسية بس واقعية يقول...

مش عارفة لية يعنى الناس بتخاف اوى من الثانوية العامةوالرعب اللى فيها وساعات انهيار عصبى للابناء
بس يمكن لان بيتوقف عليها مستقبلنا
ودائما الاهل عايزين ابنائهم كويسين ومستقبلهم افضل
ودا باين من الموقف اللى قلتية لان درجة التربية الدينية مش بتضاف للمجموع وهو دا رعبهم مش بيفكروا فى التربية والاخلاق وكدا نو ابسلوتلى على رأي ستوتة المهم المجموع هيدخلهم كلية اية

ومن هذا المنطق هتشوفى مواقف كتير مشابهه
تطير العقل :)

ربنا يوفق ابنك
تقبلى مرورى
05 يوليو, 2009 02:03 م
انت تسال والكمبيوتر يجيب يقول...

ظريفه التدوينه وياريت تسمحى لنا نقدمها فى برنامجنا الأذاعى وبهذه المناسبه نوجه لك هذه الدعوه

سعداءبالمرور هنا وندعوك للأشتراك فى برنامجنا الأذاعى من الأذاعه الرئيسيه لمصر اى أذاعة البرنامج العام ويذاع يومياالتاسعه وعشر دقائق صباحا عدا الجمعه.

التفاصيل فى
المدونه
http://netonradio.blogspot.com
الموقع
http://stop.to/cairo

تحاتنا وامنياتنا لك بالتوفيق

غير معرف يقول...

أين ذهب هذا المبلغ الضخم وهو " 130 مليار دولار" ؟.....؟

فى حديثه بقناة الجزيرة فى سبتمبر 2004 قال الأستاذ محمد حسنين هيكل أنه خلال الثلاثين سنة الأخيرة حصلت مصر على 150 مليار دولارعلى شكل منح وقروض وهبات .. صرف منها حوالى 12 مليار دولارعلى مشاريع البنية الأساسية وستة مليارات دولارعلى مشروع مترو الأنفاق .. ومصيرالمبلغ الباقى غير واضح !!!! أين ذهب هذا المبلغ الضخم وهو " 130 مليار دولار" ؟.....؟ و لمزيد من التفاصيل أذهب إلى مجموعة مقالات ثقافة الهزيمة فى هذا الرابط:

www.ouregypt.us

غير معرف يقول...

بوست ظريف اوى واظن الناس عرفت ليها مرتبها بيخلص على طول مش لان الحاجة عليت لان الابطال بلعوه ومش لازم يبقى معدنى الغجر بتوعنا( ولاد اخويا ) لو وجدوه هيفضلوا يمصمصوا فيه لغاية ما ينتهى

غير معرف يقول...

ما شاء الله تدوينة أكثر من رائعة
مع تحياتى
و اهديكم و زوار المدونة هذه العناوين للنجاح
http://shayunbiqalbi.blogspot.com/2009/07/blog-post_2053.html