الجمعة، يناير 18، 2008

تاج 011 - مجلس الشعب

التاج ده صنع عند فرنسا ومرره لي أخونا مهندس المصري ربنا يسامحه مع إننا كنا بنجاوب تاجات لو انت رئيس دلوقت بقت لو انت عضو مجلس شعب

دخلت مجلس الشعب من اوسع ابوابه ايه هو رمزك الانتخابى المفضل ؟
العصفور طبعا
كنت تفضل الدخول مستقل او تتبع حزب معين ؟
مستقل
اذا دخلت مستقل هل توافق على التوقيع للحزب الوطنى بعد نجاحك كمستقل ؟
أيوة طبعا ... التوقيع بلا
ايه اول حاجه هتعملها لنفسك ولاسرتك ؟
أجيب الخضار من السوق
ايه المشروع اللى ناوى تعمله لاهل دايرتك ؟ دون ذكر اسم الدائره ان اردت
مش مشروع محدد بس نفسي المشاريع الصناعية تاخد حقها لأن الصناعة بتحل عدة مشاكل في آن واحد
قعدت فى المجلس جنب نائب مميز . من هو النائب ؟
بالباء ولا بالميم
النائب المميز هو النائب الذي نجح بمجهوده
قدمت سؤال للحكومه ايه هو السؤال ؟
هي عدة أسئلة كلها بتبدأ ب "أين ذهبت؟" ما عدا سؤال واحد بيبدأ "من أين؟"
طلب احاطه موضوعه ايه ؟ وبتقدمه لمين ؟
متهيأ لي أي طلب إحاطة خطر ببالي لقيت الشباب قايمين بالواجب بس المشكلة أنه لا تتم الإحاطة
بس طبعا سيكون لوزارة الإعلام النصيب الأوفر
استجواب لاتنين من الوزراء موضوعه ايه ؟وبتستجوب مين ؟
اشمعنى العدد اتنين ما تبحبحها شوية
هل انت مع الخصخصه ؟
خصخصة القطاعات الحيوية أمر يفتح الاحتكار وعقود الإذعان كما نرى وخاصة إذا كانت تلك الخصخصة لصالح مستثمرين أجانب أيا كانوا سواء عرب أو غيرهم وبعدين فيه شركات كان المفروض خصخصتها أن يرد المال لأصحابه أصلا اللي اتأممت منهم
أنا ضد الخصخصة وضد العولمة
ممكن يتم خصخصة بعض القطاعات ولكن بما لا يمس الأمن القومي وأن تكون الدولة جهة رقابية لمنع الاحتكار
الخصخصة لازم تبقى بأسعار منصفة وواقعية وتتجزأ مش شيلة واحدة كدة أصول على خزاين على أراضي على عقارات على على.... يتم تقييمها لو تأملت تفاصيل الأرقام التي تستحقها الأصول تتعجب من الأسعار.
فيه قطاعات مش ينفع خالص تتخصخص زي التأمين الصحي اللي هو اسمه "تأمين" يعني تكافل من الدولة أصلا مقابل ما يدفعه المؤمنون - بفتح الهمزة-
لكن الأصل في القطاع التجاري والصناعي عامة أن يكون خاصا
هل انت مع قطع العلاقه مع اسرائيل ؟
اسرائيل هو اسم سيدنا يعقوب عليه السلام
أما السؤال ففيه خطأ كلمة العلاقة لازم تصحح تبقى "العلاقات" أو تصحح تبقى "القبلات"
هل تؤيد الحرب على العراق ؟
بالله عليكم ده سؤال؟
هل تؤيد مرور الامريكان فى القناه ؟
نعم إذا كانوا ذاهبين لغزو الهند
سؤال تم حذفه :)

بتمرر التاج ده لمين ؟
لا مش بامرره

هناك 31 تعليقًا:

لحظة يقول...

اول تعليق عند الاستاذ عصفور
مش مصدقة نفسي

حلو قوي اجابة سؤال الخصخصة

والهند بس ذنبها ايه؟

كلنا في الهم شرق

لحظة يقول...

جزاك الله خيرا على التدوينة المختارة

موجة يقول...

كويس يا مهند انك تقدر تجاوب على التاج ده بالروعة دي
خالص تحياتي
ممكن تمررلي التاج ده
احمد

دكتور حر يقول...

الله ينور يا عمنا على الاجابات الجميله

اللي مليانه سياسه جامده في اجاباتها

استاذ سياسه بصحيح

مش قلتلك الباشمهندس الكبير قال بيضحك عليكم
:)
******
التعليق رقم 3 انا مش فاهمه ؟
*********
يا ريت تقولي قلبت التعليقات عربي ازاي ؟
*******
لا تنسنا من دعائك
ودمت بكل الود

خالد حفظي يقول...

السلام عليكم
بس خلاص
...........
كنت منتظر حاجة ( دسمة ) عن كدة شوية بس واضح إنك مستعجل في الإجابة ... صح؟؟؟
إجابة سؤال الخصخصة توضح إن باقي الأسئلة
لم تأخذ التركيز الكافي

صاحب المضيفة يقول...

اجابات حلوة وجميلة جدا

الله يبارك لك يا عمنا العصفور على الذهن الحاضر ده

دمت بكل الود والحب

العاشق....محمد على يقول...

اجابات جامدة طبعا من اخونا عصفور وبتعتمد على اسلوب الحدق يفهم..بس هو ايه السؤال المحذوف...والله ولى التوفيق.

وائل_صح ولا غلط_ يقول...

انما انت بتكره الهند كده ليه هههههه
ده الهنود حتي بقوا احسن مننا

غير معرف يقول...

خش وعلم ع العصفور

انت معاه منصور منصور
======================

اسلامية مية مية

لا شرقية ولا غربية
======================

العصفور طاير فوق

ومحمد اخونا راجل ذوق
=====================


يا استاذ غصفور انا خليني مدير الحملة

بس جهز كدة كام باكو بعد ما تنجح

:)

§a§a يقول...

اجابات جميله جدا

وخاصه الهند بس اشمعنى الهند


تحياتى

مهندس مصري بيحب مصر يقول...

انت زوغت في كذا سؤال
ماشي يا هندسة
بس اجابة سؤال الخصخصة و سؤال مشروع الدايرة هما أكتر حاجة عجبتني
:)

ابن حـجـر الـعـسـقـلانـى يقول...

و الله أنا كمان استغربت لموضوع الهند دة

بس بصراحة أنا أعتقد إنى لو قرأت إجابات عصفور المدينة لتاج من غير ما اكون عارف اللى جاوب .. أعتقد إنى هاعرف إنه عصفور المدينة

ملحوظة .. أنا علقت على الموضوع اللى فات .. هى متأخرة شوية لكن معلش .. كنت مشغول جدا والله

بنت الصالحين يقول...

اجابات جميله جدا ربنا يباركلك

انا التاج ده اول واحده المفروض اجاوبه في ترتيب خالتي فرنسا
بس كنت باجله
حضرتك كده فتحت نفسي عليه
في الخطه الخمسيه الجايه ان شاء الله


احلي اجابه

النائب المميز
بالباء ولا بالميم

Unknown يقول...

مبروك الحصانه و دخول المجلس
اجابات جميله بس ايه نوع الخضار الي هاتجيبه

Unknown يقول...

عمنا الجميل ابو يحي
أنا جيت بس اسلم يا جميل
عجبتني اوي تطبيع القبلات دي
كل عام وانت بالف خير

فرنسا هانم يقول...

استاذنا عصفور المدينه
اجابات تتسم بالسياسه المحنكه
احييك على تلك الاجابات
ولكنى اعرف اناس قد هللوا لغزو العراق بالفعل

محمد يقول...

إجابات جميلة

أنا شايف إن الناس بدأت تفقد الأمل .. مرة رئيس وبعدين عضو مجلس شعب ..

وماذا بعد ذلك ؟؟؟
:)

محمد عبد الغفار يقول...

احسن حاجه فى التاج انك ممررتوش

Maha يقول...

هههههههههههههههههه

مسلم يقول...

السلام عليكم و رحمه الله و بركاته

أستاذ عصفور

كيف حالك

لي سؤال أرجو أن تضيفه لهذا التاج

هل ستؤدي القسم علي أن تطبق الدستور...!!!!!!؟؟؟؟؟؟

محمد عبد الرحمن يقول...

أستاذنا عصفور التدوين
مش هيضربوا الهند وطبعا لسبب عروف فهى شوكة فى حلق الباكستان وأداة لهم تنفذ ما يروق للقابعين هناك فى ابيت الأبيض
سؤال أين ذهب و من أين حلوين قوى
تساؤل ممكن يا جناب النائب تخلى معاهم سؤال يبدأ بإلى أين لعلنا نعرف إلى أين سنذهب

šσяšαяαα يقول...

السلااااااام عليكممم

احلى مافى الاجابات هو اللعب بالحروف والكلمات
النائب النايم
والتطبيع مع عزرائيل
(مع الاعتذار لعزرائيل)

وكمان التواضع الجم ان حضرتك هتشترى الخضار حتى بعد ماتكون فى هذا المنصب الحصيييين:)

اجابات مميزة جدا يااستاذنا

تحياتى لحضرتك

صانعة الحرية يقول...

السلام عليكم
استاذى الكبييييييييييييير
معذرة يا فندم مقصره مع حضرتك والله
ومع كل المدونين
ادعوا لى مش فاضيه خالص
حلو التاج
واجاباته دبلوماسيه
بس عاوزه افهم دى
اذا دخلت مستقل هل توافق على التوقيع للحزب الوطنى بعد نجاحك كمستقل ؟
أيوة طبعا ... التوقيع بلا

غير معرف يقول...

شفت التاج ده فى مدونة تانية وكانت الاجابات تدعو للرثاء ....... بس اجابات حضرتك محايدة جدا ............ ربنا يبعد عينيهم عنا ...... امين

محمد الجرايحى يقول...

أخى الفاضل الكريم
السلام عليكم ورحمة الله وبركاته
أحييك على إجاباتك والتى اتسمت بكثير من الموضوعية المغلفة بقليل من السخرية....

بالنسبة لنظام الخصصة والتى أتبعته الحكومة .. كان عجيباً ومريباً.
من المفترض أن تباع الشركات التى تمثل عبئاً
على خزانة الدولة بهدف إعادة الهيكلة بأسلوب يعيدها إلى دائرة الربح .

ولكن ماحدث هو بيع الشركات الناجحةوالمربحة ..

والمريب فى الأمر بيع الشركات ذات البعد التاريخى ..!!!

وأيضاً أين ذهبت حصيلة البيع الحقيقية ولماذا لم نلمس أى تحسن فى الأوضاع الاقتصادية .. بل إزداد الأمر سوءاً

وآسف على الإطالة

تقبل تقديرى واحترامى
اخوك
محمد

اسلام رفاعى يقول...

دايما الاجابات المنتظرة من سيادتك
رائعة يافندم

الدفاع يقول...

السلام عليكم
باشمهندس انا متابع برغم عدم التعليق باعتذر
عاجبنى جدا ثقافتك القانونيه
ياريت كل الناس تحاول تتعرف على المجال القانونى لانه يهمها جدا وشكراااااااااااااا

الفاتح اليعقوبي يقول...

ياهندسة سير سير واحنا وراك علي المواسير

علي العصفور علم علم وعلي النبي صلي وسلم

اليعقوبي قالها زمان العصفور راجل تمام

اي خدعة يااستاذنا
بس انت مسكني الحملة الانتخابية بتاعتك

والسلام

صوت من مصر يقول...

شكرات جدا
مدونتك فعلا تستحق الاحترام

Ahmed Essawy يقول...

انا شخصيا مش بحس بأي اثر لمجلس الشعب في المجتمع كل معرفتي بيه انهم مكان بيجتمعوا فيه علشان يتخانقو في التيلفزيون :)...

غير معرف يقول...

أمر الرئيس حسني مبارك بترسيم الحدود بين دير أبوفانا بمحافظة المنيا وعرب "قصر هور"*المفروض كانوا لجئوا للتحكيم الدولي علشان مانفرطش في أم الرشراش الثانية؛ولازم يتم تعيين قوات حفظ سلام برعاية أمريكا ولجان مراقبة عسكرية في المناطق العازلة والمنزوعة السلاح على الجانب بتاع العربان ولاننسي أن غلق المعابر إجباري في أيام الجمع والآحاد والأعياد الرسمية؛خصوصا عيد إستقلال الدير!مع مراعاة وقف التهريب على الجانبين خصوصا من المهاجرين الأفارقة غيرالشرعيين الراغبين في العمل في دولة أبو فانا الجنوبية؛ بمساعدة مهربين من البدو!!على أن منتقدي هذة الإتفاقية يخشون من إنتقال عدوى الإستقلال إلى سكان أبو فانا الشمالية التي تطالب بالإنفصال وكذلك باقي الأديرة ولكن أكد السيد الرئيس بطل السلام وصاحب الضربة الجوية إن الإنفصال عن القطر المصري لن يحدث في حياته ولكن سيتم إرجاؤه إلى فترة تولي وريثه الحكم وذلك حسب البنود السرية لإتفاقية كامب شنودة الموقعة بين الطرفين!!!!!سالم القطامي
*
لقى متسلل سودانى مصرعه برصاص الشرطة المصرية وضبط اثنين اخرين خلال محاولة تسللهم لأبو فانا الجنوبية؛ عبر احدى النقاط الحدودية جنوب عرب قصر هور