الجمعة 20-4-2007
مجموعة من العجائز والبسطاء مجتمعين حول ماكينة الصرف الآلي
ATM
وكأنهم يترجونها تنزل فلوس
أقبلت عليهم : أساعدكم يا جماعة
ياريت والله الله يسعدك
هاتي الكارت عايزة تصرفي كام؟ جاري ولا استثماري
انا باقبض 180
طيب اسحبهم كلهم يعني ؟ حاضر الرقم السري كام؟
(بأعلى صوتها) أربع اتنينات
مع أن الماكينة مكتوب على الشاشة تحذير لا تقم بالإفصاح عن رقمك السري لأي شخص مهما كان
اتفضلي ... استني خذي الكارت
وانت ......وانت.........وانت
أحدهم كان شابا ويبدو عليه البساطة أيضا أصر أن يكتب هو الرقم السري
قلت له : هو انت بتعرف تقرأ؟
قال بعدم ثقة : أيوة
يبدو أنه خاف أحسن الموضوع يطلع فيه انجليزي شرحت له استخدام الماكينة وجرب بنفسه وأحسست بسعادة بالغة لذلك
ومن بينهم.....هذه المرأة العجوز التي قطعت نياق قلبي
بتقبضي كام يا حاجة ؟
باقبض 100 جنيه
طيب هاتي الكارت ...
تك تك... الرصيد لايسمح تم إلغاء العملية
مفيش رصيد ياماما يمكن لسة ما نزلش
أنا لسة قابضة 100 الشهر اللي فات
يمكن خصموا مصاريف كشف حساب الشهر ده أصل ده نهاية الربع (هي طبعا لا تعرف الربع) طيب استني اما استعلم .. آه الرصيد 92.5 يعني يا ماما نقدر نسحب 90 ماشي
ماشي أمري لله (في انكسار يقطع القلب)
أنا آسف يا أماه سامحيني أنني خجلت أن أعطيك مساعدة وسط هذا الحشد وانتظرت إلى أن ينصرفوا وتختفين ولا أعثر عليك
أنا حزين يا أماه لأجل وقوعك في شباك العولمة وماكينات العولمة وكروت العولمة والأرقام السرية ورسائل الخطأ
أيتها العولمة أنا أكرهك وسأظل أكرهك وأكرهك
دوسوا أكثر وأكثر فوق رقاب المساكين وابنوا الأبراج فوق جثث الكادحين والزمنى فإن الفجر لا يخرج إلا بعد اشد لحظات الليل ظلمة
وبهذه المناسبة أهديكم هذه الصورة
النص يقول مجموعة شركات كبرى تعمل في المجالات التعليمية والطبية ومجالات المقاولات والبناء والمجالات الصناعية والتجاريةتطلب للعمل فورا بفروعها 1- دبلومات جميع التخصصات - أطباء -مدرسين - محامين - محاسبين- مهندسين - مجالات المعمار
أهديكم أيضا هذا التصريح للدكتور يوسف بطرس غالي
صرح الدكتور يوسف بطرس غالي وزير المالية في واشنطن خلال لقاء بمركز الحرية العالمية والرخاء بأن الفجوة بين الأغنياء والفقراء تزداد في مصر
وبحبك يا مسكين
تحديث : يوم الأحد 22-4 رأيت جمعا من أمثال هؤلاء البسطاء وموظف البنك يشرح لهم كيفية استخدام الماكينة....ياريتني كنت أنا
!!!
اضافة بسيطة : لا أعرف ماهي علاقة هؤلاء القوم بالبنوك والكروت التي معهم تحمل شارات بنوك متعددة
أتوقع أن مبلغ سبعة جنيهات ونصف من هذه السيدة العجوز هو إما مقاصة بين البنوك لاستخدامها ماكينة غير ماكينة بنكها أو مصروفات كشف حساب الذي هو مصفر دائما وفي النهاية هو إسهام بسيط حتى تنال هذه السيدة شرف المشاركة في صرح العولمة
هناك 19 تعليقًا:
أعتقد أن كلامك صح في ناحية
وبأختلف مع حضرتك في ناحية تانية
العولمة
قصة الفشل البشري الذريع
بس فشل تطبيقي
ليه؟
لأن دينا دينا العولمة أساساً
ولكن ليس بتطبيق بني أدم بالطبع
:)
أما نقطة الأختلاف فهي ماكينة الصرف
أستاذ عصفور
ماكينة الصرف ديه رحمة
خاصة للغلابة اللي ممكن يقفوا طوابير ساعة وأتنين وتلاتة عشان يصرفوا 100 جنيه وبرضه حيتقص منه مايلزم وخلافه
ده غير أصحاب المعاشات اللي ممكن يتكلفوا موصلات وسفر عشان يصرفوا معاشهم , وكذا أصحاب التأمينات الأجتماعية
كلامي ده مش معناه أني موافق علي المعاملات البنكية الربوية من الأساس
بس أنا شايف ان الصرف الألي للمرتبات والمعاشات نفسه حل للتسهيل علي البني أدميين , وتقليل التعامل مع الموظفين اللي ممكن ينتج عنه ضحايا .
ويجعله عامر
والسلام عليكم
اتفق معاك فى انها من اليات السيطره الكثيره التى لا يلقى لها الكثيرين بالاً
شوف يا مستر عصفور
بما إني واحد من بتوع كروت ال آ تي إم ... فأحب أبلغك إنه فعلا خصم الفلوس ده بيبقى تبع البنوك ... بمعنى ... إن أنا بسحب وأودع في بنك فيصل الاسلامي ... حلو ... لو جيت على أي ماكينة سحب لأي فرع من فروع فيصل مش هيتخصم مني حاجة ... لكن لو حصل وروحت البنك الهلي علشان أسحب من رصيدي ففيصل ... هيتخصم مني مبلغ ما ... حسب اعتقادي إن الموظف كان قال 4 جنيه ... لكن ده أرحملي من الزحمة والانتظار ... لكن حتة 7.5 من 100 جنيه دي ... ده اسمه دمار نفسي ... يبقى الأفضل إنها تتعامل بطريقة الشباك أفضل
وشكرا
أنا مع آلةالصرف الالي لما تحتويه من رحمة في التعامل مع مثل هؤلاءالضعفاء
ولست مع العولمة إللي أوصلت معاش هذة امرأة المسكينة إلى 100جنيه بلا رحمه ولاشفقه مثلها مثل كثير من البشر.
وهي دي لب المشكلة..ولا إيه؟
وربنا يتولى هذه المسكينة ونحن جميعاً معها برحمته التي وسعت كل شئ..اللهم آمين
أخي بينو
انا استخدم ماكينة الصرف وإلا ايه اللي وداني عندهم وكذا كافة وسائل التكنولوجيا ده حتى من غير التكنولوجيا حناكل عيش ازاي واعتقد ان وجود موظف مع البطالة الموجودة يصرف لهؤلاء البسطاء اسهل ولا تركهم يغنون للماكينة وايضا تنتقل الطوابير اليها وهذا ما يحدث الآن ناهيك عن إن هؤلاء الضعفاء يصرفون بالأساس من منافذ في أحيائهم ولكن هذه النقلة لصالح صب الأموال في مصب واحد
ما المانع يا سيدي كما يأتي جيش من المحصلين لتحصيل فواتير النظافة والغاز والكهرباء والمياه والدي إس إل وتوزيع إخطارات فواتير الهاتف أن يذهب موظف لتسليم الفلوس لهؤلاء البسطاء في أحيائهم أو في منازلهم للزمنى منهم
حقيقة أنا لا أفهم قولك العولمة من الإسلام لأن العولمة التي أعرفها هي نفسها التي يتظاهر ضدها كثير من الغربيين لدرجة أنهم يموتون في سبيل ذلك
العولمة التي اعرفها هي هيمنة الشركات الكبرى ويتدمر معها كل صغير
أن تسيطر شركة اتصالات واحدة مثلا على معظم اتصالات العالم وأن يلبس الناس ماركات موحدة من الملابس والنظارات ويأكلون نفس الطعام المستورد ويشربون نفس المشروبات المستورد ويستخدمون نفس القطع ونفس نظام التشغيل ويشترون من نفس سلاسل المحلات العالمية ويموت إلى جانب الكيانات الكبيرة من يموت
رقم سري واربع اتننات ههههههههه
عموما مفيش داعي للرقم السري للمبالغ دي من اصلة بس بطاقة تدخل تنزل الفلوس وخلاص
انا اعتقد ان المرحله اللى جايه ان الناس هاتخترع اله تروح لالة الصرف وتصرف بدلا منهم ثم تنقلب الالات على الانسان السلان وترى انها احق بالحياه منه وانه مجرد كسلان مهمل مسلوب الاراده فتسيطر عليه وتسخره لقضاء حاجاتها ثم يسير الامر هكذا حتى يتم التدمير تخرب الالات كل شى فيعود الانسان لقضاء حاجاته يدويا
Helo, Thanks for you work!
I want that you translate me a work of English for Arab if you obtain to translate says me today, is well?
أخي انا قلت فعلاً أنا الأسلام دين العولمة
دين العالميةدين توحيد الخالق
دين الأخلاق الواحدة
دين الأمانة الواحدة
دين لا أله الأا الله محمد رسول الله
دين يصلي فيه العالم علي مدار الساعة في أن واحد
دين يحج فيه الملايين الي نفس المكان في أن واحد
دين يصوم فيه المليارات في نفش الشهر كل عام في كل انحاء العالم في نفس الوقت
مش ديه عولمة
كسر حدود اللون والأصل والجنس
كل الناس سواء أمام الله الي بالتقوي والعمل الصالح
العولمة مننا
ولكن التطبيق مختلف
ده اللي أنا قلته
وهذا ما قصدت
بالنسبة للتوصيل للمنازل طبعاً حل جامد
بس متخيل أن التوصيل للمنازل مجاناً
:)
والله انا بأواجه نفس المشكلة
امى لديها حساب فى أحد البنوك واقترحوا عليها أن تسحب وتودع بالكارت من الماكينة وهى لم تفهم قوى لكن قامت بغستخراج الكارت
ومنذ حوالى 4 سنين وهى تطلب منى كلما أرادت الحصول على مبلغ أن اذهب معها أو اقوم بالمهمة وحدى
حاولت أن اعلمها استخدامه كثيرا ولكنى اكتشفت أن الكبار غير قادرين على التأقلم مع التكنولوجيا الحديثة
ليس فقط فى استخدام الماكينات ولكن فى كل ماله علاقة بالأجهزة الحديثة من كمبيوتر ورسيفر ودى فى دى وموبايل وخلافه
بس برضه الطابور المهين اللى كانوا بيقفوا فيه بتوع المعاشات من العجائز لم يكن فيه أى نوع من الآدمية
تحياتى ومستنية حملتك ضد تعدد الزوجات فأنا من ضحاياه
ana m3rftsh elmodowna mn shklha elgedid bas i guess eny zortak abl kda and i saw a post about lossing weight
rabna y3inak
and this is a very nice post
wak3y gedan we elmoshkla bet3t el ATM dih 2rfa nas kitir awy m7tagin el gnih
thank you
and regards
هو أنت ضد التعدد يا يا ريس
:)
ماعلينا
المهم
أنا بعتلك دعوة الأنضمام لأسرة التحرير
وصلك حاجة
السلام عليكم
ازيك يا استاذ محمد
اسأل الله لك دوام العافية
معك حق
اذا كان اتنين و تلاتة و سبعة جنيه ما يفرقوش للزيى و اللى زيك و كتير من الشباب لكن مازال هناك اناس بتفرق معاهم
كمثال حال هذه السيدة العجوز التى تقبض ميت جنيه
لا اله الا الله
لنا الله و الله
بس الحكاية زى ما قال اخى بينو انها رحمة لهم لما كانوا يعانون منه من طول الطوابير مصادرة المعاشات و دخولها امانات للتأخير فى صرفها لكن المطلوب شفافية اكثر و توضيح كيفية الاستخدام الصحيح لهذه الماكينات و كذلك عدم خصم مصروفات خفية كامثال بعض اللصوص المسمى بالبنك
وفقك الله
السنة اللي فاتت..كنت باقبض معاش من والدي الله يرحمه 274 جنيه
المهم قالوا المعاشات هتزيد
انا قلت بس بقه يا واد يا خالد....هتشتري اللي نفسك فيه وتتجوز..وتخلف..وترضع كمان
ههههه
المهم جيت ببص لما زودوا المعاش لاقيتهم بيقولوا ما شاء الله المعاش بتاعك يا استاذ هيزيد 8 جنيه
قلت وماله..اهو حتى نجيب بيهم كام سندوتش فول وطعمية من الشبراوي اللي في السابع او من مؤمن اللي في السادس
او من جاد اللي في عباس...
رحت لبتاع البوسطة-اصل اخوكم بيقبض من البوسطة-
بعد محاورات ونقاشات..قاللي فيه 2 جنيه دمغة-باين ولا حاجة زي كده- مع انه مكنش فيه قبل كده ولا دمغات ولا كلام من ده
المهم الماهية بتصفصف على 280 جنيه...طبعا 2800 جنيه دول هيقضوني دروس ولا اكل ولا لبس..ولا فلوس للعيانين ولا ادوات ولا كتب
يللا الحمد لله ربنا ساترها
كانوا قالوا لي على موضوع المكنة ده انا كمان
بس انا قلت مفيش احسن من المانيول(manual) هاند باي هاند
ثانكي الوت
سي يو سوون
والسلام عليكم
أخي بينو أفهم فعلا أنك تقول عولمة وتقصد عالمية ومع هذه العالمية التكافل والرحمة
هم يقولون عولمة ويقصدون في اتجاه واحد من عندهم لعندنا مش احنا بس عشان احنا مسلمين وموحدين ومؤمنين بنظرية المؤامرة لا ده احنا وكل الفقراء والمزارعين والكادحين اقصد المستهلكين
العولمة عندهم اقتصاديا مرادف لاقتصاديات السوق وليس السوق بمعنى حرية التجارة ولكن حرية التجارة من طرف واحد
حرية الدين وليس حرية اي دين حرية الإلحاد فقط
الخ
والموضوع متشعب في تأثيراته بدليل أي مؤتمر عولمة بيكون ضده متظاهرون من كل شكل ولون يصل أحيانا كما قلت لحد موت بعضهم
حتى المشعوذين والسحرة يخرجون للتظاهر ضد العولمة لأنهم يرون فيها هدما لثقافتهم
وللعلم اعداء العولمة كثيرا ما يكونون أعداء لليبرالية
أعداء لحروب الهيمة
لا حول ولا قوة الا بالله
العولمة ليها مميزات وعيوب برضو بس على ما اعتقد يكون شريحة لحساب الخصم وخصوصآ لاصحاب المعاشات او مثلا يكون على فترات والله اعلم
وبرضو الماكينة ليها فائدة كيبرة نفرض ان الست الشهر اللى جاى كانت مريضة يعنى ينفع تتبهدل علشان مية جينه طبعا لاء فيبقى برضو الماكينة لها دور
وربنا يرحمنا جميعا
انا يعتلك ايميل
أرجو أنه يكون وصلك
عفوا على كتابة تعليقاتى دوما بأثر رجعى
قراءة غالبية التعليقات ومعظمها لها ما يعضدها لكنى لى ملاحظة بسيطة معظم اصحاب المعاشات هم انفسهم من يذهبوا لصرف مستحقاتهم --ايه اللى يجرى فى الدنيا لما المعاش يروح لحد عندهم بمقابل وليكن نفس مقابل الخصم فى الصرف الآلى--- نحن بنطبق القانون دون وعى ولا فهم كنت استخرج بطاقة الرقم القومى من فترة و موظف الشباك الملتزم بنصوص القانون والاوراق التى المفترض ان يتقدم بها كل شخص بعد ما طلعت روحى وخلصت دورى اتى الدور على رجل فى الستين او جاوزها بقليل تخبلوا ماذا طلب منه يا سادة(شهادة الجيش مش مصدقين انا مغلطتش شهادة الجيش
الرجل ذهل قال له يا بنى انت لا تميز جيش ايه يا بنى وجلس يحسبن على الرجل الى ان توارى من الانظار
الشاهد ان الفكرة تطرح الى الاسواق والناس هيتعودوا عليه غصب عنهم وعن......
أفضلت وأجملت في الوصف بعين عصفور حاذق وعزاؤنا يا صديقي أن هؤلاء الفقراء البسطاء هم من يستسقى بهم المطر وتتنزل بهم الرحمات نسأل الله أن يعمنا جميعا برحمته
دمت عضوا في الزمالة التدوينية
أمجد شلتوني
إرسال تعليق