الثلاثاء، يناير 22، 2008

عم (م) الميكانيكي

قبل أن نبدأ حزين ومكتئب لما يصيب إخواننا في غزة اللهم فرج كربهم ونؤكد اعتقادنا الجازم أن ما يحدث ليست حماس سببا فيه
اقرأ هذا المقال هل حماس هي السبب في معاناة غزة؟


عم (م) ميكانيكي سيارات متخصص سيارات أوتوماتيك والراجل ده عبقري ومخه شغال وعنده حماس شديد وحب لمهنته
زي ما أنا كنت اعرفه
مرة عديت عليه كان بيعدل عربية تعديل جذري ما فهمتش من الجو الحماسي
وحاطط بدل التانك جركن بنزين وخرطوم كدة كأنه قسطرة وحاطط الموتور أو الماكينة في الأرض وحاطط الشكمان على الأرض وبطارية ومارش كله على الأرض وكان هو والمساعدين بتوعه عمالين يظبطوا في الماكينة وماحولها عجبني الحماس منه ومن المساعدين بتوعه وصوت الانفجارات اللي كان عمال يحصل وأخوه اتكهرب وحاجات عمالة تفرقع وهم متحمسين جدا
وأول ما اشتغلت كانوا فرحانين جدا وقعدوا يبوسوا في بعض ويتنططوا

عم (م) ده يمكن الوحيد في المدينة اللي بارز في موضوع الأوتوماتيك وللأسف الشديد بعض الناس دول عندهم
قدرات ابتكارية وفهم لروح المواضيع مش تقليد بس وحب لمهنتهم

شفت تحقيق مصور في قناة تليفزيونية عن بلد في سوريا بيصنعوا عربيات من الألف للياء بوسائل شبه تقليدية وهي صحيح شبه خالية من أي كماليات بيستخدمها المزارعين بتتكلف ما يقابل 10-11 ألف جنيه أنظر الصورة

وكل يوم بيطوروا فيها ويضيفوا لها حاجة جديدة وفجأة تحولت البلد كلها إلى مجال تصنيع الطرطيرة ود ه إسمها عندهم وأصبح بيصنعوا يوميا بالآلاف مش متذكر الأرقام والطرطيرة بتغطي الأغراض بتاعتهم وهم كل يوم بيضيفوا عليها

- وفيه عندنا أمثلة شبيهة لم اذكرها لكونها تعتمد على ماكينة المية مش محرك سيارة حقيقي - أما التجميع فلا أدري هل هو صناعة؟؟؟

والآن تنتشر السيارات الصينية والهندية والإيرانية في شوارعنا مذكرة إيانا بتخلفنا الذي صنعناه بأيدي بني جلدتنا

عم (م) في الآونة الأخيرة أصبح لا يعمل بيده إلا قليلا وهو مش كبير في السن هو حوالي 50 وشكله شباب والآن هو يعمل في السمسرة في السيارات أو تجارة السيارات ولا يعمل في الميكانيكا إلا قليلا كلما تيسر له الوقت ويترك العمل لصبيان مؤهلين أو غير مؤهلين وهو ده عنصر الأزمة اللي انا شايفه إن التطوير بيقف عند حد معين وذلك لعدم وجود المشروع القومي الذي يبني على مجهودات سابقة

الصناعة والابتكارات الحديثة ما هي إلا جهد بيبني على جهد من سبقوك وتكملة لمشوار ناس تانية ولسنا في عصر المخترع الفذ الواحد الذي يخترع اختراع يقلب حياة العالم جميعا زي اختراع الكهرباء مثلا العصر اللي احنا فيه هو عصر تطوير للاختراعات السابقة وأفكار جزئية تكمل مشروعات عملاقة


- العلم الحديث هو عبارة عن توليفة كبيرة من تلك الأبحاث الصغيرة هنا وهناك وأحيانا يكون البحث ليس له قيمة في ذاته وتكون قيمته كمستند لبحث تالي له - العلم الحديث ينجح بالأنظمة ولا أقصد الأنظمة الحاكمة ولكن أقصد procedures and policies

كثيرون من أبناء أوطاننا عمد في الحضارة الغربية بل وفي أبرز الأماكن.


أخيرا القلب والهمة والمشروعات القومية مفقودة لقد كانت مصر تصنع الترانزستور في الستينات في نفس الوقت الذي بدأ فيه شرق آسيا وفجأة وبقرار سيادي تم
إلغاء المشروع لسبب بسيط أنه استيراده أرخص والذين صنعوا الترانزستور أيامها هم الذين يصنعون كل شيء الآن لأنه وكما اشرت أعلاه العلم الحديث يكون بناء على ما سبق من أبحاث

مش عارف ليه حاسس إن محصلة كلامي إن القطر فاتنا وأرجع أقول
زمزم في بلدي لكن من..يقنع الناس بجدوى زمزم

ومن أسباب الأزمة أيضا هجرة العقول
أعتقد أن مستوانا العقلي (في الأغلب) يسمح لنا بالتفوق في بلاد الغرب لوجود الأنظمة والآليات التي ترعى المجتهدين ولكن أين من يعطي الأولوية لوطنه - مهما كان هذا الوطن مكبوتا متخلفا وقذرا ومليئا بالنفايات لأن هذا الوطن ليس دولة فقط بل دولة وشعب ينتمي لك وتنتمي له نعم المقارنة بين ذلك الغرب النظيف اللامع وتلك البلاد المتخلفة القذرة المتسيبة مروريا .......ووووو.......المليئة بالظلم هذه المقارنة لصالح الغرب طبعا ولكن لا أعتقد أن الطريق مسدود تماما أمام الناجحين ولكن الذي يذهب لا يعود حيث إنه ومع الوقت يألف الحياة الغربية ومعاييرها ولا يستطيع أن يضحي أي تضحية لا أقول لأجل بلده بل أقول لأجل شعبها (اللي هو أنا يعني).

وفي النهاية لا نلوم على عم (م) أنه انتقل إلى مجال السمسرة حيث إن هذا المجال أكثر تربحا بل إنني أعرف كثيرين في مجالات هندسية تحولوا من مجال الإنتاج إلى مجال السمسرة والوساطة.

هناك 48 تعليقًا:

عصفور المدينة يقول...

إخواني أعتذر لكم جميعا عن التقصير في الرد على التعليقات وأيضا أعتذر عن التعليق عن تدوينات غزة وإن كنت أتابعها جميعا ولكني أحس أن التعليق لا يفيد فكلنا مصابون في هذا الكرب وكلنا مهمومون له

Unknown يقول...

مش ممكن مش معقول
سجل ياتاريخ اكتب يازمان التعليق الأول
صعب تتكرر

حضرتك البلد قتلت فينا الانتماء
ماشبعتناش فاضطرينا نشوفلنا ام بديلة
اي واحد في بلدنا متفوق في حاجة ممكن يكرهها من الاحباط
لازم لما يلاقي بلد تانية بتحترم عقله لازم عينه تزغلل

وسؤال معلش
لو انت متفوق في حاجة فعلا ومش لاقي نفسك في البلد دي تعمل ايه؟؟

مش معنى كده اني باشجع ده لكن احب اسمع الاجابة

دكتور حر يقول...

عمنا يا غالي
الله يسامحك


وانا كمان بقيت عم (م) الدكتور بالضبط

كل سنه ومصر بخير

وانا الحمد لله نجحت قوي وجبت ج ج تقدير عام وبقيت ..

عقبال يحيى وعلي

http://kasperb4.blogspot.com/ يقول...

احنا بصراحة بئا مش فاضيين للعلم والاختراعات والحاجات دي يا باشمهندس

احنا النهاردة عندنا حفلات وماتشات وحاجات اهم

صناعة ايه بس وابحاث ايه اللي حنهتم بيها

وإنا لله وإنا إليه راجعون

ابن حـجـر الـعـسـقـلانـى يقول...

بالفعل .. الوضع فى بلادنا للأسف طارد للكفاءات .. كتير من اصحابى بيحلموا يسافروا برة بعد ما يخلصوا دراسات عليا

لكن فى نفس الوقت.. أنا أعرف دكتور فى كلية الهندسة بإحدى جامعات مصر كان شغال فى شركة "تكساس انسترومنتس" الأمريكية.. كان شغلا "آر إف تيم ليدر" و ما أدراك ما هذا المنصب فى مثل هذه الشركة.. و ساب الشركة و رجع مصر فقط عشان يربى أجيال و كوادر علمية جامعية منضبطة.. و رفض راتب مليون دولار سنويا .. و بالفعل الراجل دة طلع من تحت إيديه طلبة غاية فى التمكن

خمسة فضفضة يقول...

السلام عليكم ورحمة الله وبركاته

كلامك صح طبعا يا باشمهندس ، العقول عندنا تتفوق علي العقول اللي بره بس لو اتوفرت لها بيئه كويسه تشجع البحث العلمي وتنمي المواهب ، مش زي اللي بيحصل دلوقتي
واكبر دليل العلماء اللي بيسافروا بره وبيتفوقوا عليهم

اما مصر وبسبب عدم الاهتمام بالعلم والبحث العلمي فهوه دا الحال ،

كان فيه زمان فيلم اسمه استقالة عالمة ذرة ، بيرسم بشكل كوميدي حياة زوج وزوجه من العلماء وازاي مش عارفين يعيشوا بمرتباتهم البسيطه ويحققوا لنفسهم اقل مستوي من المعيشه الكريمه ، وكان الفيلم بيقارن بينهم وبين ناس تانيين لدرجة انهم لما حبوا يجيبوا مربيه لابنهم "بيبي سيتر " لقوا ان مرتبها هايبقي اضعاف اضعاف مرتبهم ، وفي الاخر قررت الزوجه اللي هي عالمة ذرة انها تستقيل

بالله عليك وبعد كده مش عاوز عم م يسيب الميكانيكا والاختراعات ويشتغل سمسار

بنت الصالحين يقول...

استادنا عصفور


والله حضرتك جيت ع الوجيعه
انا كنت كاتبه تدوينه عن حاجه كده تدوينتك دي شكلها كده هتخليني ااقدم توقيتها بدل ماكنت مخلياه لبعدين

بس اقول لحضرتك ايه
الاتقان ... والثقه بالنفس وان احنا ممكن نعمل حاجه
كل ده افتقدناه نتيجه للضروف السيئه اللي بنعيشها

بس ده عزر اقبح من زنب

ولا اعطي لاحد عزرا في هدا التكاسل والتباطؤ واللامبالاه

نحن امه تكلمت كثير
الان فقط يجب ان تعمل


جزاكم الله خيرا

Gid-Do - جدو يقول...

ابو العصافير

سلام عليكم ـ انت شكلك مخبارات ـ انا برئ يابية ـ وزى العيال الامريكان لما يعملوا حاجة وابوهم ولا امهم يقولوا مين عمل كدة؟ كلهم يقولوا الكلب ـاقصدهم الكلب اللى مربينة عندهم ـ انا بقول الكلام دة لانك فى مدونة بقت سلطة وفى تدوينة لرواد ذلك الحلم وفى التعليق كتبت تقول
بعد أن قرأت التدوينة في الريدر وضممتها لتدويناتي المفضلة دخلت هنا لأارى هل جدو علق أم لا وأقرأ تعليقه لأستطلع وجهة نظره في هذه التدوينة
:)
لأني أحب الرأي والرأي الآخر

شوفت بقى انا من حقى الفار يلعب فى عبى واقول عليك مخبارات لانك بتنكش ورايا ـ اللى فات دة كان هزار وخلينى اتكلم جد ـ علشان انت شوية شوية حتبقى صحبى ـ اذا ما كنش عندك مانع ـ

وقبل ما انسى قريت زمان ان مواطن من دولة افريقية وقف فى حديقة الهيدبارك فى لندن يقول باعلى صوتة ـ احنا الافارقة بنجى عنكم ونمارس الجنس مع زوجتكم ـ فرد علية واحد انجليزى وقاله واحنا بنروح بلادكم وناخد خيراتكم.

بربط هذا بما كتبتة الابنة فى تدوينتها عن الاحصائيات فى امريكا وانها بتستشهد بهذة الاحصائيات علشان تقول ان المجتمع الامريكى على شفا جرف هار ـ ماشى ـ دة يهمنا فى اية ـ على الرغم انى اعيش فى هذا المجتمع وعارفة من كل نواحية ـ وبقول ان نشر الاخطاء هى الخطوة الاولى فى الاصلاح ـ ياريت نعمل زيهم فى الحجات الكويسة ونسيب الوحش بتاعهم ومنعملوش وكل واحد حر ويتحمل اخطائه ـ انا عارف انى اعدت كتابة نفس الكلام اللى كتبتة عند الابنة العزيزة بس حبيت اشكرك على انك بتابع ما اكتب حتى فى تعليقاتى لدى الاخرين ـ لك تحياتى ـ واسف انى علقت خارج موضوع تدونتك

Empress appy يقول...

السلام عليكم
هدخل فى الموضوع بسرعه يا استاذى علشان سايبه الكوكب لوحده بس
اولا بالنسبه للصناعه بتاعت سوريا اللى اسمها مش عارفه ايه دى احب ابشر سيادتك انه تتم فى بلد امى وهى مدينة اسمها السنبلاوين فى الدقهليه مدينة تابعه لمدينة المنصورة الاختراع العبقرى اللى اسمه توك توك بعد ما نزلت اول دفعه فى مصر وكانت تعتبر السنبلاوين او مدينة تنزلها بدئوا فى تصنيعها زى المستورده بل بالعكس طوروها وعملوها اكبر وبسلم وحركات اما بقى بالنسبه للصناعات فى مصر ما شاهين وفيات نصر بتتصنع فى مصر حتى فيه شركات كتير بتجيب من بره وتجمع فى مصر يعنى اهو نص العماء ولا العماء كله .
نيجى لموضوع الشباب اللى اصلا مش عاوزين يعملوا حاجه لبلدهم وعاوزين السهل بس تحت شعار ان الاجانب بيقدروا البتنجا وانا بصراحه مش معاهم فى الموضوع ده يبقى العيب فى النهايه بصراحه فين ولان كل شاب مستكبر انه يتعلم مهنه بجانب تعليمه وده معناه انه هيبقى متعلم وكمان معاه مهنه يبقى تطوير هايل.
وفى النهايه لك الله يا فلسطين وربنا يهدى شبابنا ان شاء الله

محمد عبد الغفار يقول...

لأ نلوم

البائع والمشترى والسمسار كله هيدفع الثمن

انما اللوم الكبير على من يضيع جهده فى الوقفات الأحتجاجيه وايام الصمت والأعتراض ومهاجمه الكل بدلاً من توجيه المجتمع لدورة الحقيقى

منى يقول...

استاذى الفاضل
اشكر لك هذا الموضوع
وقد كنت كتبت مقاله قديمه عنه لكنى لم انشرها
انا شخصيا احترم هؤلاء الاشخاص مثل عم /م وان كنت اعتب عليه عدم الاستمرار
فالصناعه كم قلت هى افضل السبل للتقدم
نظرا لما نراه من الحكومه من اهمال للصناعه وبيع لمصانعها
فلا سبيل سوى المحاولات الفرديه حتى وان كانت الامكانيات ضعيفه فى البدايه
عم/م كان يستطيع ان يمتلك مصنع سيارات لو استمر فى محاولاته
اتمنى بالفعل ان تحاول كل اسره اكساب ابنائها مهارات تتناسب مع قدراتهم منذ الصغر قد تشكل مستقبلهم ومستقبل بلادهم بلا ادنى مبالغه
تحياتى

عدى النهار يقول...

ماعنديش شك إن موضوع وقف تصنيع صناعة الترانزيستور لم يكن سببه رخص سعر إستيراده. كلها مبررات توضع أمام مسؤلين إما خونة أو جهلة ويتم إستغلالهم لوقف حال البلد والأمثلة كثيرة جداً وحاصلة إلى اليوم وفى كل مجال

عندما يكون المسؤلين ورجال الأعمال ليس لديهم ثقة فى قدرات أبناء البلد ومنبهرين بالخارج وأى شىء يأتى منه لايمكن أن يكون هناك مشروع قومى أو تنمية لإمكانيات فردية. بيكون فى فقط فشخرة وبما ينتجه الغير

عن نفسى مقتنع بأن حل مشاكلنا يبدأ بإغلاق الأبواب تماماً أمام الإصراف وخلق وعي عند الناس بالخجل من إقتناء شىء لا أستطيع أن أوفر ثمنه أو أنتجه إلا فى حدود الضرورة الشديدة.. ساعتها فقط تدب الهِمة والنشاط فى المجتمع ويكون هناك أكثر من مشروع قومي

جمعاوى يقول...

بأحجز مكان و راجع يا هندسة

ammola يقول...

اخى عصفور المدينة
حضرتك ممكن تاخد كلامى انه هزار ...بس والله انا باتكلم جد
انا شايفة ان ما بنى على باطل فهو باطل.وبناء عليه ممكن نقول ان اللى بيتبنى على بايظ فهو برضة بايظ ومش نافع وحيقع.الناس الموجودة حاليا فى مصر-الا قلة قليلة-مش نافعة فى حاجة غير لنفسها فقط.يعنى حضرتك ممكن تقول احنا محتاجين كلنا من اولنا لاخرنا نتربى ونتعلم ان حبنا لبلدنا ده من الدين يعنى اللى بيعمل حاجة لبلده وهو مستصحب النية دى حيكون اجره عند الله مش فى البنك...تفتكر حضرتك لو فى بيضة مش سليمة ووفّرنالها حضّانة كويسة وهكذا تفتكر حينتج عنها فرخ سليم؟وهكذا لو كانت البيضة سليمة ورائعة بس الحضّانة بايظة ومش نافعة برضة مش حيطلع فرخ سليم.انا رايى ان كل الموجود ع الساحة -الا قليل انا منهم طبعا-عايز يتنسف من حكومة لشعب لنظام ونبدأالشغل من اول وجديد على نضافة.اعتذر عن الاطالة وجزاك الله خيرا

أمــانــى يقول...

أســـتاذنا
احيي حضرتك بشدة على هذا الموضوع القيم الذى يلمس وضعنا المؤلم تركنا العقول واهتمنا بالموضة تركنا الصناعة واهتمنا بالسياحة اهتمنا بالاستيراد وتركنا الزراعة
لا اعرف ماذا تبقى لنا

بنت أبيها يقول...

يا استاذنا الفاضل

انما هي مبادئ وتربية تورث من جيل الى جيل

وتورثها الحياة الاقتصادية خاصة واحوال البلد

لكن هناك حالات يكون سبب تغيرها الطمع والبحث عن المال لا اكثر

يا رب اهدى شباب وفتيات بلادنا لما تحب وترضى وافقهم من غفتهم

MerMaid يقول...

الحقيقة انا قريت كل التعليقات علي الموضوع ده ...وكل التعليقات بتقول نفس اللي انا بقوله و بكرره
لكن اقتبس من الدكتورة خمسة فضفضة:
كلامك صح طبعا يا باشمهندس ، العقول عندنا تتفوق علي العقول اللي بره بس لو اتوفرت لها بيئه كويسه تشجع البحث العلمي وتنمي المواهب ، مش زي اللي بيحصل دلوقتي
واكبر دليل العلماء اللي بيسافروا بره وبيتفوقوا عليهم
اما مصر وبسبب عدم الاهتمام بالعلم والبحث العلمي فهوه دا الحال.

انا رايي معاها في هذه النقطة و بالتالي بشجع هجرة العقول للخارج و تنمية ما تملك من قدرات و مواهب و قدرة علي البحث العلمي و التميز
ثم العودة مرة اخري الي اوطانهم ليستفيد من علمهم بني اوطانهم
__________________________________
بس مش الكل بيقرر قرار العودة
وده بسبب الوضع المختلف كليا وجزئيا

تحياتي لسيادتك
:)

MerMaid يقول...

معلش
بالنسبة لعم ميم
انا شايفة انه تكبر علي موضوع انه يصنع حاجة بايده بعد التفوق اللي وصل له
والله اعلم..مش عاوزة اظلمه و احكم عليه حكم ظالم
بس ده اللي بلاحظه في كثير من الناس اللي بيحققوا حاجة معينة بيتكبروا بعد كدو و بيقرروا يسيبوها لحاجة تانية ارقي شوية رغم انه ممكن ميكونوش هيحققوا في الحاجة الجديدة دي نفس اللي ممكن يحققوه في صناعة ما

تحياتي لحضرتك..

mohand يقول...

السلام عليكم

لو ملحقناش نفسنا وطورنا الزراعه والصناعه
هنتفرم اكتر ما احنا مفرومين


تحياتي

Jana يقول...

يعنى نقدر نقول..ان الدماغ النضيفة زى مابيقولوا مبقتش بتأكل عيش دلوقتى وهنا بالذات....والراجل عم (م) واللى زيه...لو كانوا لقوا حد يتبنى افكارهم ماديا ..زى ما بيحصل بره..كنا بقينا احسن من كده...وحتى لو لقوا دلوقت خلاص فات الاوان .. الناس ملهية فى المناهج العجيبة المستحدثة ..وطوابير العيش..والزيت ابو 9 جنيه..دماغ مين بقى اللى تفضى تفنن وتخترع..
ممكن سؤال بالمرة بعد اذن حضرتك ؟؟
رأى حضرتك فى العمل بالوساطة والسمسرة ...هل مكسبها يندرج تحت (ما أخذ بسيف الحياء فهو باطل)
ام ان العقد شريعة المتعاقدين ..فالمكسب المتفق عليه مسبقا من كل الاطراف جائز؟؟

اللهم فرج كرب المهمومين
جزاك الله خيرا وفيرا

عصفور المدينة يقول...


مناجاة

مبروك يا دكتورة أول تعليق أنا أسعد
نعم قواد البلد يقتلون الانتماء
يحدث أن يسافر الشخص المتفوق ويثبت ذاته ويحقق المال والنجاح والاسم ويمكنه أن يعود ليعيش مستريحا ويفيد بلده
ولكنه لا يعود

دكتور حر

إيه ده هو انا جيت ع الوجع ولا إيه

آلام وآمال

صح عندنا ماتشات يا محمود


ابن حـجـر الـعـسـقـلانـى

الوضع فى بلادنا للأسف طارد للكفاءات
الدكتور اللي انت حكيت عنه يا محمد مثال قوي جدا وكان عندنا دكتور زيه بس كان شغال في إنتل ورجع برضه وخلف رجالة زي ما انت شايف
:)

خمسة فضفضة

البيئة عندنا مافيش أحسن من كدة وعندنا وزارة للبيئة
فعلا هو ده الحال عندنا يا دكتورة زي ما انت حكيتي

عاشقه الفردوس

بيؤلمني جدا يا أستاذة كل ما أتأمل أشيءا مثل إبرة أو مشط صناعة صيني
في انتظار تدوينتك


Gid-Do - جدو

يعني يا جدو إحنا كل ده مش أصحاب؟
يا دكتورنا أنا مش استخبارات ولا حاجة بس الطرح لا يأخذ قيمته إلا عندما يخرج الرأي المضاد له
وأنا كنت قد قرأت ترشيحك في السابق لمدونة مروة فقلت أكيد إنت متابع وتوقعت تعليقك فأحببت أن أراه
وأختبر توقعاتي بالمرة :)
يتنازع موقفنا من الحضارة الغربية موقف الناقد للسلبيات والمتمني لنزول سنة كونية تخلصنا من ظلمهم
والطرف الآخر الاستفادة من المنجزات والانصاف
ويوضح موقفنا هذا الحديث الذي رواه مسلم
قال المستورد القرشي عند عمرو بن العاص سمعت رسول الله صلى الله عليه وسلم يقول تقوم الساعة والروم أكثر الناس فقال له عمرو أبصر ما تقول قال أقول ما سمعت من رسول الله صلى الله عليه وسلم
قال-يعني عمرو بن العاص -
لئن قلت ذلك إن فيهم لخصالا أربعا
إنهم لأحلم الناس عند فتنة
وأسرعهم إفاقة بعد مصيبة
وأوشكهم كرة بعد فرة
وخيرهم لمسكين ويتيم وضعيف
وخامسة حسنة جميلة

وأمنعهم من ظلم الملوك

أما صاحبنا الذي ذكرته والذي يفتخر بفحولته فأعتقد أنه يتبع المعسكر الآخر أكثر ما يتبع معسكرنا
:)

appy

لا تاني مرة لما تيجي تحطي حراسة ع الكوكب عشان تاخدي راحتك هنا احنا بنرحب بالتعليقات
البوست بتاعك النهاردة يعتبر مشاكرة في هذا الموضوع
وتعليقك رائع

محمد عبد الغفار

طبعا نلوم ونلوم يا محمد ده انا باتفقع من كدة
وأيضا أضم صوتي لصوتك في تقدير الأمور قدرها وعدم التكلف

منى

أنتظر تدوينتك أيضا
الصناعة سبيل التقدم ولابد من التكتلات والمشروعات العملاقة

عدى النهار

حبيبي مدحت والله كنت متشوق لتعليقك على هذه التدوينة
فعلا كثير ممن أخذوا مثل هذه القرارات المصيرية هم خونة أعداء الأمة
أقتبس اقتراحك

عن نفسى مقتنع بأن حل مشاكلنا يبدأ بإغلاق الأبواب تماماً أمام الإسراف وخلق وعي عند الناس بالخجل من إقتناء شىء لا أستطيع أن أوفر ثمنه أو أنتجه إلا فى حدود الضرورة

الشديدة.. ساعتها فقط تدب الهِمة والنشاط فى المجتمع ويكون هناك أكثر من مشروع قومي



جمعاوى روش طحن

أهلا بيك يا أخي الحبيب

ammola

لا والله مش هزار
فيه كتاب اسمه هكذا
هكذا ظهر جيل صلاح الدين وهكذا عادت القدس
ياريت تقريه أنا مقتنع جدا باللي بتقوليه بس السبيل إليه سيكون غير تقليدي

أمــانــى

لا حصلنا زراعة ولا صناعة ولاحتى إعادة تصدير

بنت أبيها

فعلا يا ابنتي هي ثقافة مغروسة ولا يوجد هذا الحس القومي والتحدي

عصفور المدينة يقول...


MerMaid

تعليقك يؤكد أن الحل أن الكفاءات يوازنون في مرحلة ما بين النفع لبلادهم وبين تحقيق النجاح بل ونقل خبرات الدول الأجنبية
الدكتور حافظ حجي رئيس هيئة المحطات النووي الأسبق في قناة الجزيرة مباشر
في حوار مثير جدا كان بيشد في شعره بيقولهم كملوا محطة الضبعة الأول قبل ما تعملوا محطات نووية جديدة قدامهم 8 سنين على بال ما يوصلوا لوضع محطة الضبعة
ومن ضمن الحاجات المثيرة انه قال إن المجلس الأاعلى للطاقة مافيهوش ولا واحد نووي
وقال برضه إنه لما كان بيسافر كندا كان العلماء بتوعنا اللي هناك بيعرضوا عليهم إنهم ييجوا ويشاركوا بس البلد هي اللي مش اهتمت أقصد طبعا بالبلد "الحكومة" أصل احنا مش من البلد
Jana
الدماغ النظيفة مش بتأكل عيش في هذه الأيام إلا إذا استغلها صاحبها استخدامات أخرى
الوساطة والسمسرة معروفة في الفقه
وياريت تقرئي تدوينتي
السمسار

عصفور المدينة يقول...

Mohand
=======
كل واحد في مجاله لازم لازم يهتم

Coca يقول...

علي اد ما في فعلا عقليات بتهدر بسبب

عدم اتاحه الظروف الماسبه

وزي ما حضرتك قولت ان الناس دي لما بتتطلع بره بتعمل شغل كويس وابداعي ايضا

للاسف اول خطوه في تدمير الابداع هو التعليم

وعم م اختار الحاجه المربحه يمكن لو كانت البلد ادته علي ابتاكاره وادتله الامكانات والفلوس ايضا كنا عملنا حاجه وتقدمنا بس للاسف
تحياتي

عصفور المدينة يقول...

حصل خطأ في ردي على أستاذة أمولا رابط الكتاب

هكذا ظهر جيل صلاح الدين

عصفور المدينة يقول...


CoCa

فعلا التعليم عنصر والظروف الاقتصادية وعدم رعاية الدولة للكفاءات

Unknown يقول...

استاذي الحبيب
مش عارف اقول ايه بس ده برده من الازمه والكارثه
صدقني يااستاذي قتل العقول لايقل عن قتل البشر
بس فعلا من الحكم اللي بحبها
ويل للعالم اذا انحرف المبدعون واصحاب الفكر
يعني ياريت بتيجي علي تحويل النشاط سعات يتحول الامر الي انحراف وتدمير وتخرج الطاقات الي الشر والخراب بدل من الخير والنماء
وفي الاخر
اللهم اصلح حال امة حبيبك محمد
وانصر الاسلام واهله واهزم الباطل وحزبه
وجزاكم الله كل خير

Unknown يقول...

الحقيقه المرة للاسف
تحياتى لحضرتك على هذه التدوينه

ابن رشد يقول...

علم اية يا جدع اللي بتكلم فية
لا بجد يا عصفور علم و في مصر

ياراجل دة العلم لا يكيل بالبتنجان

Gid-Do - جدو يقول...

ابو العصافير

اولا ـ تفتكر اذا مكنتش بعتبرك صاحب كنت اقولك يابو العصافير ـ كنت على الاقل اقولك يابشمهندس علشان تفضل فية نوع من الرسميات

ردك عليا كان جد قوى ـ رسمى وشكلك زعلان ـ رغم انى فى تعليقى قلت بعد محاولة جر شكلك والهزار معاك ـ نتكلم جد ـ علشان اعرفك انى بضحك معاك ـ انا اسف انى زعلتك ـ يظهر وانت بترد كنت مش فى الفورمة علشان كدة مقبلتش الهزار ـ ارجو اعادة قراءة تعليقى السابق واذا ظهر انه سخيف لهذة الدرجة يبقى عندك حق تزعل بس عرفنى السخافة اللى فية على مقياس من واحد لعشرة مع اعتبار ان عشرة هى قمة السخافة ومش راح ازعل منك ـ تحياتى

abdallah mortada يقول...

انا هقفل عيني ومش عايز اشوف الكلام اللى انتو كاتبينه
افضل شخصيا ان اكون ساذجا واعيش في حلم انى ممكن اعمل حاجة كويسة للبلد دي ولا انى اكتب زي اللى كتبوا


ربنا يهديكوا احبطونى

بس انا برضو هفكركم انى مسيري هفيد بلدي وديني طلاما انا عاوز

عصفور المدينة يقول...

جدو الحبيب والله أنا عارف طبعا إنك كنت بتهزر ,انا سعيد جدا وأفتخر بصداقتك بس مش عارف ليه فعلا أثناء التعليقات كنت مستعجل بسبب در برد الله يكفيكم جميعا

بس بجد والله أنا كنت فرحان باهتمامك وفرحان إنك قريت تعليقي هناك وفرحا أكثر إنك رجعت تاني عشان تتابع ربنا يديم محبتنا يا جدو الجميل

§a§a يقول...

للاسف العقول المبدعه والحاضرة بتتخرب بسبب ما تعانيه من مصاعب ومشاق فى ظل الوضع الموجود فى البلد

وعدم الاهتمام بالعقول النابغه فى كل المجالات فبيؤدى الى هجرتهم من البلد او فقدان الثقه فى نفسهم وترك مجالهم بعد لمعاناة معاة

Unknown يقول...

بس احنا نصنع نفسنا الاول وبعدين نفكر نصنع حاجة

white Angel يقول...

حقيقة كل ما قولته في نصابه تمام فهذا هو الواقع بعينه للاسف
ولكن احنا بنجتهد وبنحاول نوصل بطوحاتنا لمداها
والله خير معين لنا للوصول الي ما نطمحه وخير معين لنا كي نستطيع تحمل واقعنا الاليم

غير معرف يقول...

طيب عايزين نشوف كده ان كان عم محمد يعرف يجمع لنا عربية محندقة كده على قدنا
طالما مش قادرين على شراءها
:-)

آفاق الحرية يقول...

استاذي الكريم
السلام عليكم ورحمة الله وبركاته
اللوم دلوقتي مش علي اللي قاعد ومينتجش لا علي المنتج والعبقري وعلي اللي بيحاول يرفع راية الانتاج في بلد اخذت علي التكاسل واستيراد حتي سجاجيد الصلاةو وفوانيس رمضان
وحضرتك منتظر ايه بعد كده

فرنسا هانم يقول...

مجال السمسره مربح جدا ومغرى حتى للنساء بالقيام به
احنا عندنا سمساره ست فى السويس ومتخصصه فى العقارات كمان

عاشــــــ النقاب ـقــــة"نونو" يقول...

بالله عليك تدلني عليه لحسن الميكانيكي يوم الجمعة اللي فاتت اخد 150 جنيه وما عملش حاجة في العربية حسبي الله ونعم الوكيل
هستنى حضرتك تدلنا والله بجد في مدونتي
والحقيقة اللي شايفاها ان عمرنا ما هنتقدم طول ما بنصدر عقولنا برة
وطول ما بنراعيش ونشجع العقول الحلوة
وانا لله وانا اليه راجعون

ا بـن عــمــر يقول...

عندك حق
الصناعة والابتكارات الحديثة هى تكملة لمشوار من سبقوك
بس أين من يقدر قدراتك ويحترمها
مثال د.أحمد زويل وغيرهم من احترم عقولهم وقدرها؟
جزاك الله خيرا
بوست رائع

سلوى يقول...

فعلا أستاذنا هو ده الواقع

وعم (م ) معذور

لأن الفلوس أهم .. وضع البلد بيقول كده
واللي عقولهم كويسه أصلا ملهمش مكان هنا
الخارج فاتح بابه لهم

وقليل اللي بيفكر في بلده او شعب بلده

يعني مش عارفه
حسبنا الله ونعم الوكيل

تحيااتي ع البوست استاذنا

ابو صهيب ( الجمعاوي الاصيل)سابقاً يقول...

موضوع جامد

عصفور المدينة يقول...


الفاتح الجعفري

صح ساعات بعضهم بيشغل وقته في الهلس والمخدرات


لماضة

حفظك الله

shams

حلوة جدع دي
:)

allah-slave

مش عايز تقرا طب اقرأ عشان تعرف ممكن يحصل لك إيه لو مش كنت قوي نفسيا ومقتنع بفكرتك

§a§a

أخونا المؤرخ مرحبا بك
نعم أخي ضغط المادة يمحو الهمة

أنا إنسان

مرحبا بك أخي
صناعة الإنسان ركن أساسي كما أشرت

white Angel

مرحبا بك
أقتبس عبارتك

ولكن احنا بنجتهد وبنحاول نوصل بطوحاتنا لمداها
والله خير معين لنا للوصول الي ما نطمحه وخير معين لنا كي نستطيع تحمل واقعنا الاليم

عبدٌ من عباد الله

عايز فولكس؟ ولا نكبرها شوية
ولا نخلينا في التوكتوك

آفاق الحرية

أهلا بك أخ محمد
حتى السبح والإبر والأمشاط

فرنسا هانم

الصالون عندك ممكن يتحول إلى مجال السمسرة خلي بالك أوعي تجرفك المادة

nonoymm

مرحبا بك
أنا أدلك عليه بس مشكلة أنا ما قلتش إني من القاهرة والله عم م شاطر جدا

ا بـن عــمــر

لا أحد يقدر أخي

Salwa

فعلا الواقع كدة صورة عم م هي صورة لبلدنا بس باستثناء إن بلدنا كمان باعت الورشة بس عم م محافظ ع الورشة

الجمعاوي الاصيل

انت أجمد

الطائر الحزين يقول...

نحن لا نسير حسب استراتيجية واضحة كل نظام أو كل وزارة تأتى تقلب رأسا على عقب ما أتت به سابقتها فمن أين يستمر التطوير الا المجهودات الفردية الت تقتل بموت اصحابها


تحياتى

Ophelia - cfd يقول...

للأسف احنا فعلا مش بنصنع حاجه كل حاجه دلوقتى بقت صينى أنا خايفه أطلع انا كمان صينى فى الأخر ..

وحتى لما بيطلع واحد عايز يغير أو يطور بياخد على قفاه واخرتها بيسيب البلد ويطفش لأنه بيروح للناس اللى بتقدره وتساعده ..

بس احنا عمرنا ما هانتقدم لو مفيش اراده وتصميم على اللى احنا بنعمله

تدوينه جميله جدا :)

غير معرف يقول...

انا اعرف انهم فى المغرب احرزوا شوط جامد فى تصنيع العربيات وكمان بؤا فى التصميم
وبالنسبة للسيد (م ) ممكن برده الواحد ياخد بخبرته ويتحول من هندسة ميكانيكا لبياع فول وطعمية افيد برده

العاشق....محمد على يقول...

الاخ الكريم محمد....الكوضوعه اللى انت بتكلم فيه جامد بس فيه حدى يسمع الكلام ده من المسؤلين او بلاش المسؤلين رجال الاعمال ويطبقه ...فى عقول كتيرة مهاجرة الغرب عشان هناك فيه كل احترام وتقدير وفلوس وكل حاجة اما هنا مفيش اى حاجة بلدنا فيها خير كتير قوى وفيها ناس بتفكر كويس ونفسها تعمل حاجة للبلد وانا واحد منهم بس مش لايقين التدعيم اللازم حاجة تحزن انك تكون نفسك تعمل حاجة ومش عارف...فى ناس كتير بتقنعنى انى اسافر وانا مش عايز ليه ادى مجهودى وعلمى لناس تانية مع ا هلنا هنا اولى محتار بجد ياخويا..وكمان فى ناس ليه مصاح معينة عايزين البلد تفضل فى هذا الواضع المهين اللى كله تبعية للغرب...ومبنطورش بس غير فى الهبل وقلة الادب...ربنا يرحمنا ...والله ولى التوفيق.

د/اجدع بنوته يقول...

والله عم (م) اشترى دماغه وشاف طريقه فين

وهو ده مصير اى حد مبدع عندنا

يااياكرهوه ف عيشته ويبيع القضيه

يايهاجر برررا يشوف مستقبله هناك

تحياتى لحضرتك ولعم (م)