الأحد، مارس 02، 2008

متصفح FireFox

فاير فوكس

متصفح رائع يغنيك تماما عن كثير من المشاكل التي يتسبب فيها انترنت إكسبلورر بتعقيداته

هاهانا بعض الخصائص الرائعة في فايرفوكس ربما تكون موجودة هنا أو هناك أو حتى في الانترنت إكسبلورر ولكن............

حتى بعض الخصائص ميكروسوفت حاولت تضيفها إلى الإكسبلورر (أيضا ولكن................)

بداية يمكنك تحميله من هنا صغير الحجم

ويمكن أخذ نسخة Portable متنقلة بحيث يمكن وضعها على فلاش وتشغيلها من أي مكان مع حفظ تفضيلاتك الشخصية عليها

النسخة المحمولة من هنا

أول خاصية أحبها جدا هي خاصية البحث داخل الصفحة




بعد ما تضغط CTRL-F تكتب في عنصر البحث أسفل الشاشة ويتم التنقل تلقائيا معك ويمكنك تعليم كافة الكلمات التي تحقق البحث

خاصية التكبير والتصغير للصفحة (وهي متاحة في إكسبلورر 7)

CTRL مع +

CTRL مع –

خاصية التحكم في كلمات السر المحفوظة (ميزة وعيب)



من قائمة Tools-Options

ويمكنك عمل كلمة سر رئيسية بحيث يتم حماية كلمات السر المخزنة لا يتم استرجاعها إلا ب Master Password

في نفس صفحة الخيارات السابقة يوجد الاختيار

Tell Me if the site I’m visiting is a suspected forgery

وهو يكتشف المواقع التي تحاول جمع معلومات من جهازك وهي من خصائص الحماية القوية والتي تعتبر ثغرة أيضا في متصفح آخر

وساعتها سيخرج لك هذا التحذير إذا زرت موقع مشكوك فيه



خاصية التحكم في محركات البحث



يمكنك إضافة محركات بحث مثل جوجل أو ويكيبديا أو غيرها ويمكن اختيار المحرك الافتراضي ثم الكتابة في عنصر البحث للبحث في الانترنت باستخدام المحرك الافتراضي

RSS

يظهر أيضا بجوار شريط العنوان رمز RSS بحيث يمكنك الاشتراك في قاريء الأخبار إذا كانت الصفحة تحتوي على عناوين للاشتراك مثل المدونات وشبكات الأخبار

ولإعداد الموقع الذي تستخدمه لمتابعة RSS استخدم القائمة

Tools-Options-Feeds



ويلاحظ أنني أستخدم جوجل ريدر كما هو مختار في الصورة

التدقيق اللغوي أثناء الكتابة



وهو يعمل أثناء تحرير أي نص مثل إيميل أو تعليق أو بيانات أثناء التصفح كما يمكن تثبيت اللغة العربية بحيث يتم التدقيق اللغوي لما تكتب بالعربية كما يمكن إضافة كلمات للقاموس

Tabs

يقوم فايرفوكس بفتح الصفحات داخل تبويبات مثلما هو موضح وبسهولة



ولفتح موقع جديد يمكن الضغط على

CTRL+T

أو

CTRL+N

ورغم أن الإكسبلورر أضاف هذه الخاصية إلا أنها لا تعمل دائما ولا تعمل أيضا بمثل هذا التنظيم



وعند الضغط بالزر الأيمن في المساحة الخالية بجوار التبويبات يوجد الخيار

Undo Close Tab

وهو من الإمكانيات الجيدة لإعادة فتح آخر تبويب تم غلقه

كما يوجد إمكانيات أخرى مثل غلق جميع التبويبات وإبقاء واحدة وهكذا

- إذا كنت تتعامل مع موقع لا يدعم فايرفوكس ويعمل جيدا مع إكسبورر فيمكنك فتح الموقع وتحويل الإطار إلى وضع الإكسبلورر دون أن تحتاج لفتح الإكسبلورر

- وذلك من خلال الرمز



والذي يتغير إلى رمز الإكسبلورر

ولمطوري المواقع أو من يعدل في تصميم موقع يمكن تجربة شكل الموقع في المتصفحين بهذه السهولة

إمكانية حفظ الوضع الذي أعلقت المتصفح عليه

وذلك من خلال الضبط كما هو موضح من قائمة

Tools-Options



إمكانية الإضافات

وهذه الخاصية هي أهم ما يميز فايرفوكس إذ يمكنك الانتقاء من مجموعة ضخمة من الإضافات المجانية التي تزيد من إمكانيات المتصفح وتأتي بنكهات متعددة وفي كل الاتجاهات



ويمكنك التحكم في الإضافات الموجودة أو تحميل إضافات أخرى من القائمة



ومن خلال الرابط Get Extensions تنتقل إلى موقع الإضافات والتي تجدها مبوبة على الفئة ويتم تحميل أي إضافة تختارها بمنتهى السهولة

وأيضا يمكن تنزيل الثيمات والأشكال

https://addons.mozilla.org/en-US/firefox/browse/type:1/cat:all

مثلا يوجد إضافة لترجمة الصفحة اسمها Translator تقوم بترجمة الصفحة باستخدام Google Translator فورا

وأخرى مثلا اسمها VideoDownloader لتحميل الفيديو من المواقع إلى جهازك

وأخرى لمراقبة RSS ومتابعة آخر التحديثات من جوجل ريدر واسمهاGoogle Reader Watcher



واخرى لقفل الأكواد الضارة من المواقع واسمها NoScript

وأخرى للتحكم في الفلاشات والملفات التي يتم تشغيلها من المواقع واسمها AdBlock

وغيرها الكثير

والإضافات تعطي المتصفح إمكانيات لا محدودة

وباختصار وداعا لمشاكل الفيروسات والبرامج الضارة وإعادة تنزيل الويندوز وغيرها من المشاكل المرتبطة بوجود الإكسبلورر كجز من الويندوز وأيضا تعرضه الدائم للاختراق

هناك 57 تعليقًا:

فرنسا هانم يقول...

حجز بس معلشى

فرنسا هانم يقول...

ربنا يكرمك يا باشمهندس
وانا اكتشفت ان البرنامج ده عندى على الجهاز
وماكنتش يستخدمه

طال الليل يقول...

كنت مش عارف خواصه
لكن يبدو بعد شرحك الوافى الجميل سأعاود إستعماله

HoNdA يقول...

السلام عليكم
جزاكم الله خيرا ع نشر التوعيه التقنيه لان فعلا الفايرفوكس ملوش حل كمان مصدر حر مجانى يعنى الواحد ضميره ميأنبوش اما يااخد حاجة مش اصليه ده غير مميزاته الرائعه والاضافات الى بتخلى الواحد حاسس انه فى عالم تانى

مشتاق لله يقول...

ظربة معلم يانسرالمدينة -انا شخصيا استخدمة من شهر -عندي ليك هدية طيبة ياشيخ ادخل هنا واسمع بهدوء.
C:\Users\user\Favorites\___ MINSHAWI __.htm

المهـ إلي الله ـاجر يقول...

جزاك الله خيرا يا بشمهندس

انا استخدم فاير فوكس منذ ان كان إصداره 1.001 (:

هو متصفح ممتاز جدا

ولكني وقعت علي متصفح أخر يجمع بين عراقة متصفح نت سكيب الشهير وجودة الفاير فوكس اسمه نت سكيب نافيجيتور

Netscape Navigator

وهو خليط ما بين الشركتين

علي هذا الرابط
http://browser.netscape.com/downloads

وتعمل عليه كل خصائص الفاير فوكس . وانا اضع عليه جوجل ريدر واتشر

جربه وقولي (:

appy يقول...

الله يجازيك خير على مجهودك انا بستخدمه من زمان جدا وهو برنامج هايل فعلا

خمسة فضفضة يقول...

السلام عليكم ورحمةالله وبركاته

جزاك الله خير يا باشمهندس ،
فعلا الفايرفوكس ده راااااااائع
لما باضطر اني استخدمال IE بحس اني رجعت العصر الحجري ، او زي ما باسميه عصر ما قبل الفاير فوكس

بعد اذنك ممكن شرح كمان مره لحكاية تحويل الاطار لاكسبلورر ، الرمز اللي حضرتك حاطه مش واضح ومش عارفه اجيبه منين


تحياتي

محمد عبد الغفار يقول...

بستخدمه من سنه ، وشكراً للشرح الجزل

Maha يقول...

أكيد فايرفوكس أحسن المتصفحات :)

أنا اضطريت مرة أجربه بعد ما كان عندي مشكلة جامدة في الاكسبلورر

وكان بجد أحسن حاجة حصلتلي :)

وجزاكم الله خيرا على التديونة عرفت منها معلومة حتهمني جدا :) جزاكم الله خيرا

عصفور المدينة يقول...

دكتور فضفضة

موقع الإضافة الخاصة بالإنترنت إكسبلورر
https://addons.mozilla.org/en-US/firefox/addon/1419

رفقة عمر يقول...

بجد العلم نور بجد كنت مستمتعه جدا بالشرح لانى عندى فاير قوكس وبقول ايه الفرق يعنى بينه وبين الاكسيلورار
فكنت باستسهل استخدم الاكسبلورار
جزاك الله خيرا
انا احتفظت بالشرح على جهازى
علشان مرجع ليا لو فشلت فى ستخدتم الفاير فوكس

صاحب المضيفة يقول...

جزاكم ربي الجنة سيدنا



ونفع بكم في كل وقت وحين


تحياتي

ana ga3an يقول...

حقيقي شرح وافي و كافي
جازاك الله خير
انا بستخدمة من اول ما طلع
حقيقي من احسن المتصفحات اللي عدت علي
و امكانياتة بالنسبة للمطورين و مصممي مواقع الويب
ممتازة

د/اجدع بنوته يقول...

انا كمان م فتره نزلته

والصراحه اوووف فرق شاسع بينه وبين الاكسبلورر

مكمان الموزيلا كتير حلو برده

ميرسى ع الاوبشنات الكتير اللى استفادتها م حضرتك

جزاك الله خيرا

مهندس مصري يقول...

أنا بأحمله دلوقت حأجربه و ادعي لك

Bongo يقول...

شرح راائع ما شاء الله

انا بستخدم فايير فوكس من زمااااااان

لأنه احسن من الأكسبلورر او اي حاجه تانيه
كمان الplug ins كتير اووي و كلهم احلي من بعض لأنهم بيسهلوا التعامل اكتر ..


اول زيارة لمدونتك و ان شاء لله مش الأخيرة

تحياتي

ضى القمر يقول...

شرح وافى للفايرفوكس .. وهو متصفح بينافس بقوة كل المتصفحات .. لكن احيانا استعمله واحيانا اعود للمتصفح xp . ولكن شرحك الوافى له .. جعلنى اهتم به اكثر .. أشكرك على هذا الشرح ..

واسمحلى سأضيف رابط مدونتك لدى .. حتى اتباعها دوما .. فهذه اول مرة ادخل بها مدونتك للأسف .. ووجدتها رائعه بكل معنى الكمله

آفاق الحرية يقول...

السلام عليكم
دايما كده ياباشمهندس تتحفنا بمعلومة تكون اجمل من اللي قبلها
ربنا يخليك لينا
ويجعله في ميزان حسناتك

Timmy يقول...

على فكرة المدونة دي غريبة فعلا
المواضيع اللي فيها ما تحسش انها مترابطة و لا ان واحد بس هو اللي كاتبها
يعني تلاقي مواضيع في الشرق و تانية في الغرب !!!
معلش أنا "ببعب"ر عن وجهة "نزري" بس ,
بس المواضيع في حد ذاتها حلوة , أنا قصدي ان المدونة ما لهاش توجه واحد ... بس خلاص .
آه أنا باستعمل الفيرفوكس , ما أجيبش 4 اكياس فاضيين منه و أكسب جنيه دهب و لا حاجة :)

هكذا علمتني الحياة في ظل العقيده يقول...

جزاك الله خيرا يا استاذنا

عاشقه الفردوس يقول...

جزاك الله خيرا والله ياباشمهندس

عندي البرنامج ده
بس فيه مزايا كتير اوي
حلو هنستخدمه باذن الله

امام الجيل يقول...

جزيت خيرا يا بشمهندس

صحيح صوت عندك
بعلو صوتى
:)

كنت هختار ان المدونة دينية

بس لفيت كده ولقيت انها ممتازة

:)
جزيت خيرا

MerMaid يقول...

جاري التحميل يا سيادة الوزير
:)
ان شاء الله تبقي وزير

تحياتي لحضرتك

محمود السيد مدونة فين الوطن يقول...

الاخوة والاخوات أصحاب الاقلام الحره

أدعوكم لأعلان حاله حداد عام فى كل المدونات

على المجزرة الحقيرة التى تحدث فى غزة الحرة

حاله حداد على الرجولة والشهامه والنخوة

حاله حداد على الضمير العربي

فلكي الله ياغزة الحرة

Jana يقول...

لا تضحك منى يا باشمهندس
الفاير فوكس على جهازى من زمن ..ولم استخدمه واكتفيت بالاكسبلورر.ولم أعرف هذه الاوبشنز الخطيرة الا من حضرتك الآن
من غد ان شاء الله نغير المتصفح
سؤال كالعادة:)
بخصوص التصويت على المدونة..أجده ينقسم الى تصنيف من حيث النوع .وآخر من حيث الجودة..فكيف اختار ان رأيتها مثلا متنوعة ممتازة!!؟؟

جزاك الله عنا خيرا وفيرا

قبلة الحياة يقول...

السلام عليكم ورحمة الله وبركاته يا باشمهندس

بدايه جزاك الله كل خير على المتصفح

بس انا لما كنت بستخدم الفايرفوكس كان عندي مشكله في المنتدايات ان الكتابه كانت دايما بتكون انجليزي مش بيسمح لي بالعربي فاضطريت اني ارجع للاكسبلولر رغم ان كتير بيضرب عندي والويندوز كمان ( القط ما بيحبش الا خناقه ) هعمل ايه

هل موضوع اللغه دا فعلا من الفايرفوكس ؟؟

ولا ليها علاج ؟؟

خالص احترامي وجزيل الشكر لكل ما هو مفيد تقدمة لنا

تحياتي

الباحث عن الحقيقة يقول...

الف الف الف شكر
التصفح سريع وامكانيات البحث هايله
استاذ يا استاذ عصفور

Call for coexistence يقول...

السلام عليكم
ايه يا استاذنا حضرتك زعلان منا ولا ايه
ولا هنا وهناك
التنتين زعلانين
والف مليون سلامه على عائشه
---------
وبوست رائع انا عندى البرنامج هحاول اجربه
ان شاء الله
-----
خادمة الاسلام

احمد الجيزاوى يقول...

الف شكر على المعلومات يا هندسه بجد فعلا النسخه المحموله هتنفعنى جدا اخليه على فلشه واقدر اتعامل وانا فى اى حته بجد الف شكر عليه
احمد الجيزاوى

nonoymm يقول...

اكرمك الله اخي في الله
وجزيت الجنة
بس بقى انا لما احتاج حاجة اسمحلي اسالك بقى ومعلش تبقى تخلي بالك طويل شوية معايا
بوركت اخي

عصفور المدينة يقول...


firefox 3 beta

eldoctor يقول...

انا من اشد المتعصبين للفاير فوكس ... و اى خدمة فى الاضافات .. لانى كل فترة اقعد ادرس الجديد .. و وصلت لافضل مجموعة من وجهة نظرى انا. حسب استخدامى
تحياتى .. و نسألكم الدعاء

§a§a يقول...

جزاك الله خير على لمعلومات القيمه

تحياتى

إخوانى مخربش يقول...

اشرحلنا بالمرة الانترنت اكسبلولر تاب
علشان المواقع اللى بتبوظ عند فتحها بالفيرفوكس

Vague يقول...

السلام عليكم
جزاك الله خيرا
انا احب قوي الناس اللي بتحب تخدم

بس ده منقوووول ولا انت اللي كاتب كل ده

جنـه يقول...

متشكرين قوي يا استاذ عصفور علي مجهودك الجميل ده وهحمله واجربه رغم اني اخذت علي التعامل مع اكسبلورر احتراماتي يا افندم

allah-slave يقول...

فرحان ان حضرتك مقلتش حاجة الا وكنت عارفها :))

انا بستخدمه بقالى 5 سنين من ايام ما كان تبع mozilla
هييييه دنيا

يارب اشوفك دايما بخير

سلام

L.G. يقول...

لا لا لا
الكلام ده كبير قوي عليا لما أفهمه أكون قفلت المدونة خليني كده من فات قديمه تاه
وحتلاقوني سحت في المدونات مش عارفة أرجع
الباحث أهه طيب طابور زيادة عشان معداش على مدونتي

Abd El-fatta7 يقول...

السلام عليكم

فعلا مميزاته جميلة جدا وانا شايف كمان ان اكسبلورر 7 اخدوا كتير من الخواص بتاعت الفاير فوكس

شكرا علي الشرح الوافي

عبدالفتاح

ro7 يقول...

جزاكم الله خيرا يا بشمهندس

kaed يقول...

عصفور المدينة الرائع واحشنى جدا واللة
وعندى شوية ظروف كدة فى الدكتوراة مطينة عيشتى شوية اليومين دول
أسف جدا للإنقطاع الطويل
أوعدك قريب جدا حتشوفنى منور تانى

مدونة الدفاع يقول...

طيعا انا مش فاهم بس حاسس انه موضوع مهم يعنى لازم اقولك شكرا وجزاك الله خيرا
وبالمره اسلم عليك واسال على اخباركم

خبيب يقول...

رائع رائع رائع

أستخدمه منذ فترة طويلة جدا

لكنني ..

لم اكن أعرف كل هذه الخصائص عنه

--

شكرا لأنكم فضحتم جهلنا :)

خبيب يقول...

أنا لاحظت حاجة عجيبة جدا

والله بدون سبق إصرار !!

كل ما أدخل أعلق هنا ، لازم أبدأ التعليق بـ : رائع رائع رائع !!!

ههههههه

سبحان الله

دوما تعجبني تدويناتك يا أستاذ عصفور

مش ناوي تكتب تدوينة وحشة ؟ :)

أنا إنسان يقول...

مش عارف ليه كل الاخوة الاسلاميين بالذات بيحبوا فاير فوكس
؟؟؟؟؟؟؟؟؟؟؟؟؟؟؟؟!!!!!!!!!!
حتجه غريبه صح
أنا باحب اكسبلورر
والتاب موجود فعلا ف الاصدار 7
لان انا عندي فيستا
ومتعود على الاكسبلورر
......................
أنا ملاحظ ان حضرتك بتحاول في المدونه دي التنويع بين المواضيع
أعتقد ان حضرتك نجحت في كده
تحياتي

أنا إنسان يقول...

ياريت حضرتك تزود عدد البوستات في الصفحه الواحده
لمن يحب مراجعه احدها

دكتور بيطرى يقول...

جزاك الله خيرا يا أخى الكريم على إهتماك بقرائك وتوعيتهم وهذا عهدنا بك فأسأل الله تعالى أن ينفع الله بك وتكون دائما وابدا محبا لأخوانك

جندبي يقول...

جزاك الله خير يا عصفوور ..
بالفعل استفدت جدا جدا من هذه التدوينة ..

چــِنـيـن ... عيلة و عايزة أفهم يقول...

firefox

يعني open source

يعني حرر عقلك و نفسك ...

معلش يمكن أفكاري فلسفية غريبة ... بس مؤخراص بدأت اهتم اوي بموضوع الاوبن سورس ده و تمت السيطرة علية فكرياً بصورة عجيبة اوي

استحملوني D :

مجداوية يقول...

خير الناس أنفعهم للناس ,, ما شاء الله ولا قوة الا بالله والله شىء رائع انك تخصص من وقتك وتهتم انك تشرح بالتفصيل كيفية استخدام برنامج للتيسير علي الناس ولمنفعتهم ..الاستاذ الكريم: تحية تقدير واحترام لتقديمك نموذجا رائعا لما يجب ان يكون عليه المسلم

مجداوية

NIDAAL PAL يقول...

استاذى
هو فعلاً برنامج رااااائع و حضرتك اروع منه
ربنا يبارك لنا فيك
حفظك الله لنا

محمد الجرايحى يقول...

السلام عليكم ورحمة الله وبركاته
أبو يحيى
أنا استخدم الفاير فوكس لكن بصراحة لم أكن أعلم كل هذه الخصائص والمميزات وقداستفدت من خلال شرحك الوافى والواضح الكثير
فجزاك الله عنا خير الجزاء

MerMaid يقول...

ليه يا استاذي عاوز تسيب التدوين فترة؟؟
لعل المانع خير يارب

كبرتش يقول...

جزاك الله خير على الشرح بس ممكن أسأل سؤال ليه كل المواقع والدنيا دعاية لفيرفوكس ؟؟؟؟؟
ده أولا ثانيا فيه متصفح فيه كل المواصفات دي وبرضه فيه لغة عربية وأسمه avant ممكن أعرف رأيك فيه إيه .
وشكرا

الهدهد الطائر يقول...

ملحوظة هامة جدا.. سابقة في هذا البرنامج لم تحدث في أي برنامج آخر: اللغة العبرية تعلو اللغة العربية عن قصد و ذلك مخالفة للتسلسل الأبجدي..أنظر: Tools-options-content-
fonts&colors-
advanced-
fonts for

ليهات يقول...

السلام عليكم

الف شكر على الشرح الوافي ده

وانا فعلا نزلت النسخة الجديدة ونزلت كمان بيتا 4

واكتشفت مميزات ماكنتش واخد بالي منها واديني لسه بادور

بس فييه عييب بقى حصل لي

اللي هو عندي ايميل الياهو لما تعمل كمبوس
كان الاول ادوات الكتابة بتبقى فوق موجودة يعني

دلوقتي في النسخة الجديدة اختفت

وموجودة بس في الانترنت اكسبلور ايه العمل هل ده عيب عام واللا عندي بس او فيه خيار لاصلاحه ومش من الايميل لان الايميل شغال على الاكسبلور والكمبوس زي ماهو هناك لكن بس في الفار فوكش العيب ده منتظر الرد وشكرا ............