الاثنين، أبريل 21، 2008

سنرى

قلت له : في كل المرات التي نصرته فيها هل كان مرة مظلوما؟
قال: ولا مرة.. ولكني كنت أحاول أن أساعده ليخرج من ورطته وتتحسن أحواله ويبدأ من جديد
قلت : في كل المرات التي كنت تقول لي بابتهاج : إنه تغير هل كنت تعلم هذا من حاله أم من مقاله ؟
قال : بل من مقاله
قلت :فكيف؟؟؟؟؟؟
قال : ولكنه كان يذم كثيرا حاله السابق بل ويعطيني تفاصيل لم أكن أعلمها ويجلس الساعات يحكي عن أخطائه والسعادة التي هو فيها لتغيره
قلت : ربما كان يتلذذ بحكايتها......
في كل مرة ظلمك أنت وعاد إليك لاحتياجه إليك هل كنت تتوقع أن يعود إلى ظلمه؟

قال : امممم ....أما هذه المرة فلن أخدع ثانية لقد تجاوز كل الحدود
قلت : لا أذكر كم مرة سمعت هذه العبارة.... هل تذكر أنت كم مرة سمعت مني هذا الكلام؟

هناك 66 تعليقًا:

عصفور المدينة يقول...

تعتبر تدوينة شخصية نوعا ما

khobayb يقول...

أولا : ما شاء الله ..

لماذا أشعر باللذة المفرطة وأنا أقرأ لك ؟

لماذا أسارع إلى مدونتك حين يعلن القارئ أن تدوينة جديدة ظهرت ؟

ربنا يتقبل منك .. ويرزقك الإخلاص

---

ثانيا : الأمر ليس شخصيا لهذا القدر

هذا الكلام شعرت أنه يدور بين شخصين ..

أحدهما أب

ويتحدث عن ابنه

للأسف هذا هو الحال

إنه يتركه صغيرا ، حتى إذا بلغ سن الشباب .. صار حاله كما تصفه تماما

مدمنا يزعم الترك ويعود

مدمنا للصحبة الفاسدة
مدمنا للمخدرات
مدمنا لتضييع الوقت
مدمنا لأي شئ

ويصير حينها التغيير ..

من أصعب ما يمكن

لأن الولد يمتاز بـ"اللاهمة" تعضدها "اللارغبة"

للأسف .. شاهدته بعيني كثيرا

---

أحبك في الله ، ولم أرك

Unknown يقول...

استاذي الحبيب
ربنا يبارك في حضرتك ويحفظك
نعم هي شخصيه ,ولكن احب دائما ان اقرء لحضرتك واحاول جاهدا ان اتعمق بين السطور ,
لاتنساني من صالح دعائك استاذي الحبيب
جزاكم الله كل خير

خمسة فضفضة يقول...

السلام عليكم ورحمة الله وبركاته

صحيح شخصيه بس ده حال كتير من نوعين من الناس
اللي ما بيملوش من تكرار الاخطاء ثم الندم والوعد بعدم العوده اليها ليعود ثانيا بعد قليل

واللي ما بيملوش من تلمس الاعذار والمغفرة عند القدره وانتظار انصلاح الاحوال


تحياتي لك باشمهندس

بنت الصالحين يقول...

تدوينه شخصيه بس بتحصل معانا كتييييييييير

هي دي مشكله بس مش عارفين نتخلص منها

يمكن برده لاننا بنبقي عايزين اللي يقف جنبنا واحنا غلطانيين

يمكن

عدى النهار يقول...

مرّة كمان مش حاتخصّر طالما إن اللي بيعفو قادر على العفو.. أحياناً الموقف ده بتكون عواقبه أفضل من عواقب إتخاذ موقف مخالف

تدوينة مُقتضبة أوى بس ده مفهوم من تعليقك عليها

مشتاق لله يقول...

من خلال معرفتي القصيرة والممتعة بك يانسر المدينة استطيع ان اقول بانك علامة فارقة في عالم التدوين لست ادري لكني كلما قرئت نتاج يديك اشعر انني امام مقال يحمل حكمة الزمان واحكام الشرع ووقار الاربعين من العمر -عموما قل له ان المؤمن لايلدغ مرتين -دمت وقورا وكاتبا للعلامات الفارقة

abdo يقول...

ربنا يهديه ويصلح حاله

Dr cool بادّن في مالطا يقول...

لا أبداً

التدوينة مش شخصية خالص

بالفعل هذا الموقف بشكل أو بآخر يحدث كثيراً مع كثير من الناس

الناس الذين يقعون في درجة بين الطيبة و السذاجة أو الناس المخدوعين

فكليهما لا يملوا تلمس الأعذر لأناس يحبونهم أو أناس مخدوعين فيهم

تدوينة جميلة

محمد عبد الغفار يقول...

امقت هذا الحوار وهذاالأسلوب الذى صار دستور الكثير والكثير ولا اجد اى عذر لمن كنت تحدثه او لمن تتحدثون عنه

هو الحسم معضله للدرجه دى

مسلمة مصرية يقول...

مدونة جميلة وفقك الله

Jana يقول...

بغض النظر عن المعنى الشخصى

الامل فى تغيير احدهم شىء عظيم ولكن حين يتحول الى توهم وحلم مستحيل بالتغيير ..للاسف لايفيقه من وهمه الا صدمة قوية ..تقطع معها كل اماله فى هذا الشخص

وفى النهاية لا يجب ان نيأس
فالله ولى ذلك ووحده قادر على كل شىء

جزاك الله خيرا ..على مشاركتنا اياك هذا البوست الشخصى

صيد الخاطر يقول...

أستاذي الحبيب والاثير الى قلبي
أنا فاهمك تمام التمام في التدوينة دي

واذكر من كلام حضرتك
في تدوينتك تعلمت

" تعلمت الا اشفق على من يوقعون نفسهم في نفس الخطأ كل مرة ويقولون أيضا في كل مرة اننا لن نقع في هذا الخطأ "


طبعا ده مش كلامك لكن ده المعنى اللي انا فاكره
معلش اصلي لسه راجع من مصر
ومريض ودايخ


آه لقيتها
تعلمت الا اشفق على من يضعن انفسهم في المصائب ثم يولولون طالبين للشفقة

بس على فكرة يابشمهندس
انت معاك حق في دي ومش معاك حق
معاك حق ان هؤلاء لابد لهم من لطمة قوية من من حولهم حتي يستفيقوا واننا بطبطبتنا عليهم نغرقهم في بحور الغفلة اكثر فاكثر

ومش معاك حق
ان يعني حتى لو الانسان ده تايه وغلبان اوي كده بحيث انه لايحسن التصرف
ليس معنى انه لايحسن التصرف ويقع في الاخطاء اني اتركه

معلش شيخي تقبل اعتراض من تلميذك

المستنصر بالله يقول...

كلنا خطاء وخير الخطائين التوابين

بطوط حبوب يقول...

انا برضه بحب اسلوبك اوى
ومبصدق اشوف الريدر زى خبيب
والبوست تحفه
وصدقنى انصح صديقك انه يتفق معاه على طوات عمليه عشان ميبقاش كلام وخلاص
وكمان ميسبهوش ينفذ لوحده
لا يتابعه

آفاق الحرية يقول...

السلام عليكم
والله ياباشمهندس بالرغم من تنبيه حضرتك انها شخصية وبالرغم من اني مش فاهم معناها
لكن هو حال كثير من الناس الان
الخطأ ثم الاعتذار ثم تكرار نفس الخطأ
ولا ايه؟
تحياتي لحضرتك

مصطفى فتحي يقول...

انا فاهمك

كلبوزة لكن سمباتيك يقول...

اه فعلا هي شخصية بدليل اني مش فاهماها


تحياتي

mohand يقول...

تسمحلي اضحك؟



ههههههههههههههههههههههه


انا فهمت حاجه

ومقرتش التعليقات بس اللي فهمته يخليني اضحك علي حضرتك
اسف يعني

mohand يقول...

الضمير وانت وصديقك اللي عمره ما هيتغيير

دسوقي يقول...

ليست شخصية بقدر ماهي عبرة لموقف نراه كثيرا

بوركت

عصفور المدينة يقول...


خبيب

أخي الحبيب جزاك الله خيرا على مجاملتك الرقيقة والتي أجرت الحماس في قلبي
تقبل الله منا ومنكم وأحبك الله الذي أحببتني فيه
وممكن تشوفنا ع الفيس بوك
:)

طبعا التدوينة ليست شخصية جدا ولكني حرصت أن أقول هذه العبارة لأني أتوقع أن البعض لن يحس أن لها

قيمة وأنها كلام تافه فهذا سلوك احترازي وهذا الكلام له قيمة عندي في توثيق حدث ما
وأيضا يحس بقيمته من مر بموقف كهذا
الرسالة التي أريد إيصالها هي ببساطة وبعد عشر سنوات عايشت فيها هذا الحدث الذي اختزلته في هذه السطور
أننا كثيرا ما نقابل من يدعون التغيير ويملؤون الدنيا صياحا حول هذا التغيير ثم يضحون بكل من حولهم بمنتهى

البساطة وهؤلاء الذين حولهم دائما ما يسامحون ثم يعودون ليلدغوا وهكذا وفي كل مرة يكون الطمع أن يكون

هذه المرة التغيير حقيقي
أريد أن أقول أن الناس تتغير ولكن سمة هؤلاء الذين يتغيرون أن يكون هذا التغيير عمليا وليس جعجعة ودعوى
أريد أن أقول أيضا أن بعض الخشونة مطلوب أحيانا وكما سماه محمد عبد الغفار "الحسم"
نحتاج أحيانا أن ندوس على عواطفنا وأن نفقد الأمر في التغيير وأن نوازن الأمور بعين العقل وليس بالعواطف

وأن نعلم أن الأمور ليس بالضرورة أن تسير في اتجاه النهايات السعيدة وأنه يمكن أحيانا بتر عضو للحفاظ على

ما تبقى من الجسد إلى آخر هذه المعاني التي يراها البعض قاسية أحيانا بل ربما يختلفون معك حولها وهم في

الحدث ثم بعد تكراره عشرات المرات يبدؤوا في الإحساس أنه ينبغي تغيير الأسلوب ويتأقلموا مع الخسائر والتي

تفرض عليهم بل ربما يتأخرون في الوصول إلى حقيقة الخسائر لأنهم ببساطة لا يريدون أن يصدقوها بله أن

يتوقعوها أو يسمعوا لمن ينبههم إليها
حكمتي في الحياة تحتوي بعض القسوة أعرف ذلك ولكني لا أسميها كذلك أسميها
براجماتية
لعله تحسين للصورة ولكن في النهاية أسمع كثيرا هذه العبارة
محمد كان كلامه صح


الفاتح الجعفري

جزاك الله خيرا وحفظك الله

خمسة فضفضة


Jana


Dr cool بادّن في مالطا

ربنايكرمكم فتحتم نفسي انتم لخصتم الحالة اللي انا باتكلم عنها فعلا

عاشقه الفردوس

بنتي الفاضلة انت جبتي سبب واقعي جدا
بنبقى عايزين حد يقف جنبنا لما نغلط

فعلا احنا محتاجين لكدة ومحتاجين لعفو ربنا وإن ربنا يتجاوز عننا بس بشرط إن احنا ننوي التغيير ونبدأ مش

تلاعب وإساءة متكررة وحتى يوم ما نقول اتغيرنا يبقى بالكلام والدعاية
آسف ممكن أقول أنا لوبقيت كدة ما استاهلش إن حد يقف جنبي
ما احبش إني أجرح واجرح واجرح وانتظر دايما اللي ياخد بإيدي وأول فرصة أسيء إليه هو نسفه

عدى النهار

هو ده فعلا اللي اقصدة يامدحت بس العفو إذا كان حيكون هو السبب إنه يستمر في الإساءة ويستمر في الظلم

وتكون انت الأداة اللي بيوصل بيها للظلم يبقى الموضوع محتاج موازنة

مشتاق لله

جزاك الله خيرا يا أخي الرائع
مابالك باللدغ عشرات المرات

abdo

آمين منورنا يا عبد

جزاك الله خيرا وأنت لخصت المراد من التدوينة حفظك الله

محمد عبد الغفار

معلش يا محمد فعلا أنا زيك برضه باتخنق بس لازم نسلم إن فيه ناس ما يعرفوش حاجة اسمها الحسم فعلا ودول

مشكلتي في حياتي

مسلمة مصرية

جزاك الله خيرا نورتينا في أول زيارة


صيد الخاطر

حلو أوي تعليقك يا محمد وربطك بتعلمت وبعدين كدة حلو الملخص بتاعك
الحالات بقى اللي انا باتكلم عنها هي أصلا ليست من النوع التايه والغلبان بل من النوع الظالم المتعدي الماكر الذي ينعم فقط عندما يحتاج

المستنصر بالله

اللهم تب علينا ياريت أخي تقرأ ردودي على التعليقات الأخرى فعلا نحن نحتاج أن يتوب الله علينا

بطوط حبوب

وانت يا أخي أسلوبك رائع جدا رغم كثرة الألوان بس باحبه جدا باحس إني قاعد معاك
جزاك الله خيرا على النصيحة العملية وقد تم ذلك عشرات المرات
ولكن أردت أن نعي أن هناك نوعا عصيا على التغيير أصلا ويخادع بالتغيير

آفاق الحرية

نعم وصلت ياهندسة وجزاك الله خيرا
شكلك لسة مرهق
:)

مصطفى فتحي

حبيبي ربنا يعزك

Sampateek

ولا يهمك خيرها في غيرها إن شاء الله
:)

mohand

اضحك يا عسل ما هو الضحك دليل على وصول الرسالة
:)
دسوقي
ربنا يبارك فيك يا دكتور حمدا لله على سلامتك

مشروع انسان يقول...

طيب
ماشى

التدوينة دى قريتها بتاع عشرتاشر مرة
وفاهمها
مكنتش فاهمها فى الاول
بس فهمتها
ومعرفتش فيه ايه

بس من ردك على خبيب اتضح الامر اكثر

جميل فعلا اننا نقدر نستخدم عواطفنا فى اوقات والحسم فى اوقات اخرى
قد يظهر لمن حولنا انه قسوة
ولكنه تمام العقل

دى بقى مشكلة ادارية كبرى بعانى منها فى حياتى الشخصية وفى حياتى العملية
مشكلة الحسم

سواء فى انا او فيمن حولى
للاسف اعتدنا اننا نعيش كده وخلاص
بظروفها
نسيب الزمن زى ما بيقولوا يصلح ويداوى ويغير

وده عمره ما هيحصل الا اذا اخذنا بالاسباب

اكرمك الله يا بشمهندس
انت بتدعيلى ولا لا
:)
وربنا يعينك فى طحنيتك :)

عصفور المدينة يقول...

إمام الجيل
حفظك الله طبعا أدعو لك وجزاك الله خيرا وقد وضعت تدوينتك تدوينة مختارة ولم أرد أن أعلق فقد بثثت همومي في تدوينتي

غير معرف يقول...

المرة دي بقي قريت التدوينة بتعليقاتها عشان الواحد يلم اكبر قدر من الاراء خصوصا مع عمق التدوينة



فعلا مينفعش نحكم من مقاله....المهم حاله
======================

بالنسبة للتدوينة اللي فاتت انا فهمت زي ما الاخوة فهموا وكتبوا ف التعليقات انا بس لحد دلوقتي مستغرب التناقض اللي عند بعض الناس

وخصوصا ان حضرتك ضربت امثلة لاعمال خفية بينه وبين ربه....ألم تردعه تلك الأعمال للقرب من الله ومخافته؟؟؟

دا بس اللي كان ملغبطني


وجزاكم الله خيرا يا باشمهندسنا الحبيب

صاحب المضيفة يقول...

دايما لك هدف في كل ما تكتب


تروح وترجع بالسلامة وفي نتاظرك يا عمنا

قوس قزح يقول...

الموقف ده انا بمر به
و بكون فى نفس مكانك
و الطرف التانى اب يمنى نفسه كل مرة بانصلاح حال الابن

صدقنى هو عارف جواه ان كلامك صح بس بيضعف لمجرد رويته لبارقة امل فى هذا الشخص

مدونتك فوق الوصف
تحياتى

المهـ إلي الله ـاجر يقول...

تقريبا فهمت قصدك منذ ان قرأت التدوينة أمس


وعموما ... سنري

أحمد سعيد بسيوني يقول...

حفظكم الباري

klmat يقول...

تدوينه جميله . احيانا نتسامح كثيرا
مع من نحبهم ونتمنى ان نصدقهم رغم
تكرار الوعود لكن لما بنعمل وقفه
بتكون مفيده وبتكون مجديه اكتر
كالعاده الافاده باسلوب جميل
هى تمشى انها شخصيه وبحصل كتير معانا
ربنا يهدينا جميعا
خالص تحياتى وتقديرى

عاشــــــ النقاب ـقــــة"نونو" يقول...

السلام عليكم ورحمة الله
هون يا اخي على نفسك
فانك لا تهدي من احببت ولكن الله يهدي من يشاء
ربنا ينور طريقك وطريقنا
ويبارك فيك يارب
كل مرة انسى اشكر حضرتك بنفسي على تصحيحك للاية اللي انا غلطت فيها
فجزاك الله خير الجزاء

عابرة السبيل يقول...

ياسيدى
احلى حاجة فى الانسان انه بينسى

والمسامح كريم

و القادم....أجمل يقول...

السلام عليكم

ساعات عشان بنكون بنعز شخصية ما
بنتمسك بالأمل كل مرة
مع إننا ساعات بنبأه متأكدين من ان
التغيير شيء صعب
بنهرب من التفكير عشان منوصلش
لحقيقة إننا غلط

و الطرف التاني
يحاول ينصح و يقول
لأنه بيكون حيادي
شايف الامور بوضوح

لكن للأسف عواطفنا في كثير من الاحيان
بتتغلب علي عقولنا

تدوينة بتحمل معاني كتيرة اووووي
جزاكم الله كل الخير

احترامي و تقديري الشديد
لك أستاذي

الديب يقول...

اظن ان المدعو قد تجاوز مرحلة الرفق واللين .. فتكرار الكلام لن يجدي .. لازم تشد عليه .. تقرص ودانه .. تديله قرص ترهيب .. و تحاول تجد له المناخ الايماني الافضل .. صحبة طيبة .. شلة المسجد .. درس اسبوعي ..

والله الهادي

جيفارا المصري يقول...

كثرة الاخطاء ثم الندم و التوبة جزء لا يتجزء من الفطرة البشرية فكلنا خطائون و لكن السؤال الاهم

من يسارع الي التوبة ؟؟

دكتور مستكنيص يقول...

دي اول مرة ليا هنا فاكيد مسمعتهاش من حضرتك قبل كده
لكني سمعتها كتير وقلتها كتير وبتهيالي دي خصلة بشرية لزة تطهير النفس ولو حتي بكلام نضحك بيه علي نفسنا
وكتير اوي مش بنختار الشخص المناسب اللي نقوله كلام زي ده بس بنقوله لمجرد اننا عاوزين ده في الوقت ده
تحياتي يافندم

غير معرف يقول...

ياااااااااه والله معاك حق
عارف كلامك قليل لكن جاب الصميم

بص عموماً ساعات الواحد من كتر حبه فاللي قصاده بيبئى نفسو يصدقه بس بيجي فوقت ويتعب ويصعب عليه نفسه
هو كده كل واحد فينا له رصيد عند التانب لو ماحولش يزوده وخلصه بح لقد نفذ رصيدكم وبيكون فعلاً انتهى

الحب كالتنفس والنبض يصيبه اللهاث والتعب اذا ارهق بالهجر والكذب ثم يتراخى ويتحول الى يأس ففتور

الفاتح اليعقوبي يقول...

السلام عليكم
استاذي عامل ايه ياجميل لعله خير
بس الدلع وحش وكتره بيفسد
وتاني حاجة
ذكر الجفاء بعد الصفاء جفاء
والسلام

Mai_Jeneen يقول...

الغريب يا أبي إني لما قرأت التدوينة حسيت كأن اطراف الحوار الاتنين هما أنا ... و باتكلم عن نفسي برضة !

كام مرة الواحد كان بيقنع نفسه إنه فتح باب جديد للتغيير و مش ممكن يرجع لوضعه المزري تاني ... و أقول مش ممكن نفسي هتضحك علية تاني و دي آخر مرة ... و ترجع ريما لعادتها القديمة ...

المشكلة إن في الحالات دي مابيبقاش ينفع أقطع علاقتي بية ... و ماينفعش أفقد الأمل ...

جزاكم الله خيراً يا بابا

دعواتك ... الامتحانات تقتلنا !

رينـــــــــــا يقول...

فقد جاء رجل الي رسول الله: وقال : يا رسول الله أرأيت ان فعلت ذنب ..أيكتب عليّ . قال يكتب ، فقال الرجل أرأيت ان تبت؟ :قال يمحي ..قال أرأيت ان عدت؟ قال يكتب قال أرأيت ان تبت؟ قال يمحي ..قال أرأيت ان عدت؟ قال يكتب..

قال أرأيت ان تبت؟ قال يمحي.

فقال الأعرابي حتي متي يمحي ؟!


فقال النبي:" ان الله لا يمل من المغفرة حتي تملّوا من الاستغففار

Ahmed Mubarak يقول...

مفيش كاتالوج معاها ؟؟
:)
مدونتك لذيذه ..
تحياتي

لحظة يقول...

والله الواحد مش عارف
ماهي حدود ثقته في اي شخص
الى اي مدى يصدقه
وكم مره يعطيه فرصة ثانية وثالثة
والى اي مدى يجهد نفسه معه
ومتى يكف عن الامل فيه؟
فعلا شئ محير

eldoctor يقول...

ادعى لنا يا اخى

غير معرف يقول...

السلام عليكم
ايمن عبد العزيز

غير معرف يقول...

السلام عليكم
ازيك يا سيدنا عصفور
ايه الجمال ده بصراحه مدونه تحفه ربنا يحفظك و يسعدك و يكرمك و يبعد عنك ولاد ال..... اللى هما عارفين نفسهم كويس و سامحنا بئه هينضم لمدونتك واحد رخم و غلس و شويه لسانه طويل
اسمه
أكتر حد بيحب مصطفى فتحى
أيمن عبد العزيز

القط البرى يقول...

بسم الله الحمن الرحيم
من القط البرى الى عصفور المدينة انا مدون جديد ممكن اتعرف بك انا عمرى 11 سنة مدونتى تنتظر من العصفور تعليق يقول فيه رايه بصراحة فى معلوماتى ونكتى وفقرة اضكك مع القط البرى

انا انتظر منك تعليق
والسلام عليكم
شكرا

بسمه عبدالباسط يقول...

هيا شخصية فعلا
بس لها معنى كبيييييييييييييير


تحياتى لك

صيحة البجعة يقول...

السلام عليكم
لا اخفي سعادتي بقراءة التدوينة الجديدة لحضرتك حيث انني جديد في عالم التدوين لان حضرتك نموذج للانسان المحترم ونتمني انك تصبح رئيس جمهورية التدوين
اما الموضوع فهو عاطفة الحب والتدليل الدلع يعني
وجزاكم الله خيرا

موناليزا يقول...

ما اكتر المبررات ليعود لنفس الكره
==================================
ساهم بتوقيعك في مطالبة الحكومة الهولندية بسن قوانين من شأنها حماية المسلمين من العبث بمقدساتهم الدينية خاصة ومن التجديف على الأديان عامة على الرابط التالي
http://kawlansadida.blogspot.com/2008/04/blog-post_21.html
وجزاكم الله عن إسلامكم خيراً"

حركات يقول...

السلام عليكم
:::دعوة :::
يدعوكم فريق مدونة حركات
الى زيارة المدونة الاولى فى خدمات المدونين
:: حركات ::
والتى تختص بالتصميمات
الخاصة بالمدونات
وكذلك التعليم
،،:::،،

نسعد بتشريفكم لنا وانضمامكم معنا

فريق المدونة
www.harakat-86.blogspot.com

مدون على الطاير يقول...

ازيك يا باشمهندس لعلك بخير انقل ليك تحياتى واشواقى فى اللة وانا اظن ان التدوينة دى بتدل على نفس الموضوع اللى اتكلمنا فى عند محمد وهو ان التدوين دا لازم يعبر عن صحبة مش مجرد مقال وافكار وحضرتك بثبتلنا دا عملى جزاك اللة خير وجعل عملك فى مزان حسناتك يقوا النبى علية السلام تهادوا تحابوا وان اهديك هذا الدعاء "اللهم ازقة عيش السعداء ومنزلة الشهداء وصحبة الانبياء " اللهم امين

وسام حجاج يقول...

ذكرتنى بشخص أعرفه منذ أربع وثلاثين عاماً مضت
سامحك الله
سعيد بالقراءة لك وأتمنى منك المزيد

خالد حفظي يقول...

طولت علينا يا أبا يحي
صحيح مفيش تعليقات بس متابعين و منتظرين الجديد بعد ما ( رأينا )
يسر الله لك أمرك و قضى حاجتك و بارك لك في وقتك
اللهم آمين

غير معرف يقول...
أزال أحد مشرفي المدونة هذا التعليق.
غير معرف يقول...

اكبر خطأ ان لا تدرك خطأك ثم أنك لا تعترف بيه ثم أنك تتمادى فيه
فطالما ادرك الخطا واعترف بيه فهناك مكان وفرصة لعدم التمادى فيه وتصحيحه

أحمد منتصر يقول...

الدكتور ممدوح المنير بلدياتنا المحلاويّ اعتقل عقب تغطيته إضراب السادس من أبريل في المحلة الكبرى. نرجوا من السادة المدونين الطنطاويين التنويه بخبر اعتقاله. والمطالبة بالإفراج عنه في أسرع وقت.

http://almonnir.blogspot.com

Dr. Ibrahim يقول...

حضرتك ممكن استاذنك فى جعل مقالات مدونتك الرائعة مادة لمجموعتى البريدية
وسوف أحافظ على الحقوق إن شاء الله بذكر رابط وإسم المدونة
وجزاكم الله كل خير
هذا هو رابط المجموعة
http://groups.yahoo.com/group/Alfagr-alislamy
ولن أخذ أى مقال إلا بعد موافقة حضرتك

وعلى فكرة انا رديت على مواضيع حضرتك من أول وتشتكى إلى الله
إلى هذا المقال الرائع

سلوى يقول...

لأااااااااا

فين تعليقي بقى
أنا متأكده غني علقت أول لما البوست نزل

لأني وقتها كنت في موقف
وحسيت إن الكلام موجه ليا

وشكرتك كتير استاذي

عموما حصل خير

وربنا يستر ع التعليق ده
ههههههه

خالص تحياتي

احمد الجيزاوى يقول...

ربنا مع كل شخص ضل طريقه اسئل الله ان يهديه ويهدينا معه
امين
احمد الجيزاوى

العنود النبطيه يقول...

اخي الفاضل محمد

ما شاء الله عنك
انت فعلا ينبوع من كل شيء
تنشر الثقافة
وتنثر الخير في كل حرف تبثه الى الاخرين

وفقك الله ورعاك

اتمنى ان اراك في مدونتي
لاتعلم منك
ومن امثالك
اصحاب الاقلام المفيدة

العنود النبطيه يقول...

اخي الفاضل محمد

ما شاء الله عنك
انت فعلا ينبوع من كل شيء
تنشر الثقافة
وتنثر الخير في كل حرف تبثه الى الاخرين

وفقك الله ورعاك

اتمنى ان اراك في مدونتي
لاتعلم منك
ومن امثالك
اصحاب الاقلام المفيدة

الـــصـــــارم يقول...

تفضلوا بزيارة مدونتى
http://awatfakr.blogspot.com
وتحية للجميع

غير معرف يقول...

جميل .... بس مش فاهم فيها عبارات مجازية واستعارات كتير صح؟؟؟!!!

mohand يقول...

ارجو المرور علي اخر موضوعاتي في مدونة الباحث عن الحقيقة يهمني رايك
تحياتي

مهندس مصري بيحب مصر يقول...

السلام عليكم و رحمة الله و بركاته
أنا جاي اسلم بس يا أستاذي
:)

AHMED SAMIR يقول...

فينك يا باشمهندس
منقطع عن التدوين من فترة
لعل المانع خيرا
تحياتي واحتراماني