الأحد، ديسمبر 30، 2007

اتفاقية جوجل- بلوجر

اتفاقية الخدمة الخاصة بجوجل قليل من يقرؤها وكثيرا ما نعترض على بعض تصرفاتهم رغم أننا قد وقعنا عليه أنقل لكم هنا اتفاقية الخدمة مع التنبيه لبعض الفقرات فيها وهي مدرسة في كتابة الشروط ينبغي أن نتعلم منها أيضا كيف يصاغ عقد متقن بهذه الطريقة
- تحذير بوست غير ممتع -

وهي موجودة في هذا الموقع
سأترجم حسب مفهوم الكلام وليس ترجمة حرفية

1. Description of Service. Blogger is a web publishing service and optional hosting service (the "Service"). You will be responsible for all activities occurring under your username and for keeping your password secure. You understand and agree that the Service is provided to you on an AS IS and AS AVAILABLE basis. Google disclaims all responsibility and liability for the availability, timeliness, security or reliability of the Service or any other client software. Google also reserves the right to modify, suspend or discontinue the Service with or without notice at any time and without any liability to you.

الخدمة متاحة كماهي كدة ولو شغالة فالحمد لله ولو مش شغالة فمافيش مسئولية عليهم وليس عليهم أي مسئولية في جاهزية وأمان واعتمادية الخدمة ولهم الحق في وقف او وقف مؤقت للخدمة مع إعلان أو بدون إعلان

You must be at least thirteen (13) years of age to use the Service. Google reserves the right to refuse service to anyone at any time without notice for any reason.

من حق جوجل أن ترفض تقديم الخدمة لأي أحد في أي وقت بدون إبداء أسباب

2. Proper Use. You agree that you are responsible for your own use of the Service, for any posts you make, and for any consequences thereof. You agree that you will use the Service in compliance with all applicable local, state, national, and international laws, rules and regulations, including any laws regarding the transmission of technical data exported from your country of residence and all United States export control laws.

أنت مسئول عن أي إدراج تضعه وأي توابع تترتب عليه وأنت تتعهد باستخدام الخدمة بما يتوافق مع القوانين المحلية والدولية والعالمية والقواعد والأحكام بما في ذلك قوانين تناقل المعلومات

You agree to abide by the Blogger Content Policy (http://www.blogger.com/content.g) and the rules and restrictions therein. Although we may attempt to notify you when major changes are made to the Blogger Content Policy, you should periodically review the most up-to-date version. Google may, in its sole discretion, modify or revise the Blogger Content Policy at any time, and you agree to be bound by such modifications or revisions.

أنت تقر بالتزام اتفاقية جوجدل للمحتوى ورغم أنهم سيحاولون إعلامك إذا طرأ تغيير على هذه الاتفاقية إلا أنك ينبغي أن تراجعها بشكل دوري لأنهم من حقهم تعديلها في أي وقت وأنت تقر أنك يجب التزامك بها بعد التعديل (الله أكبر

Violation of any of the foregoing, including the Blogger Content Policy (http://www.blogger.com/content.g), may result in immediate termination of this Agreement, and may subject you to state and federal penalties and other legal consequences. Google reserves the right, but shall have no obligation, to investigate your use of the Service in order to (a) determine whether a violation of the Agreement has occurred or (b) comply with any applicable law, regulation, legal process or governmental request.

أي خرق للسابق يترتب عليه إنهاء هذا الاتفاق وتكون عرضة للجزاء المترتب

جوجل لها الحق في متابعة استخدامك للخدمة لكي تتأكد أنك لا تخرق الاتفاقية ولا القوانين المعمول بها

أو بطلب حكومي

Much of the content of Blogger.com and Blogspot.com -- including the contents of specific postings -- is provided by and is the responsibility of the person or people who made such postings. Google does not monitor the content of Blogger.com and Blogspot.com, and takes no responsibility for such content. Instead, Google merely provides access to such content as a service to you.

محتويات التدوينة مسئولية الشخص الذي يكتبها جوجل لا تراقب محتويات المدونات

وهذا غير الفقرة السابقة أنهم لا يراقبون المحتويات والمقصود أولا تبرئة جانبهم من المسئولية وثانيا أن هذا هو الوضع العادي.

By their very nature, Blogger.com and Blogspot.com may carry offensive, harmful, inaccurate or otherwise inappropriate material, or in some cases, postings that have been mislabeled or are otherwise deceptive. We expect that you will use caution and common sense and exercise proper judgment when using Blogger.com and Blogspot.com.

بطبيعتها فإن محتويات المدونات قد تحتوي على مواد مسيئة أو خادعة أو محتوياتها غير عنوانها - صح والله- ولذا ينبغي عليك تحري جانب الحذر والذوق العام وتحري الإنصاف عند استخدامك للخدمة

Google does not endorse, support, represent or guarantee the truthfulness, accuracy, or reliability of any communications posted via the Service or endorse any opinions expressed via the Service. You acknowledge that any reliance on material posted via the Service will be at your own risk.

أيضا ليس عليهم مسئولية عن مصداقية المحتويات التي يضعها المدونون وأن اعتمادية المعلومات التي تتلقاها على مسئوليتك الشخصية

3. Privacy. As a condition of using the Service, you agree to the terms of the Google Privacy Policy (http://www.google.com/privacy.html), which may be updated from time to time, as expressed in the most recent version that exists at the time of your use. You agree that Google may access or disclose your personal information, including the content of your communications, if Google is required to do so in order to comply with any valid legal process or governmental request (such as a search warrant, subpoena, statute, or court order), or as otherwise provided in these Terms of Service and the general Google Privacy Policy. Personal information collected by Google may be stored and processed in the United States or any other country in which Google Inc. or its agents maintain facilities. By using the Service, you consent to any such transfer of information outside of your country.

الخصوصية :أنت تقر أنك تحترم اتفاقية جوجل للخصوصية - ده موضوع تاني- والتي يحتمل أيضا أن يتم تعديلها من وقت لآخر

أنت تقر أن جوجل يمكنها أن تصل إلى معلوماتك الشخصية - أو تكشفها بما في ذلك اتصالاتك عن طريق جوجل إذا كان هذا مطلوبا منهم بموجب القوانين

المعلومات الشخصية التي تجمعها جوجل يمكن الحصول عليها للولايات المتحدة أو أي بلد آخر وبالتالي أنت تقر بإمكانية نقل هذه المعلومات لأي بلد آخر

تعليق مني : من ضمن هذه المعلومات الآيبيهات التي تدخل بها إلى الانترنت

4. General Practices Regarding Use and Storage. You agree that Google has no responsibility or liability for the deletion of, or the failure to store or to transmit, any Content and other communications maintained by the Service. Google retains the right to create limits on use and storage at our sole discretion at any time with or without notice.

جوجل ليست مسئولة عن حذف أو ضياع أو فشل نقل أو تخزين المحتويات وتحتفظ بالحق لوضع حدود لمساحة التخزين وحجم تناقل البيانات

5. Content of the Service. Google takes no responsibility for third-party content (including, without limitation, any viruses or other disabling features), nor does Google have any obligation to monitor such third-party content. Google reserves the right at all times to remove or refuse to distribute any content on the Service, such as content which violates the terms of this Agreement.

جوجل غير مسئولة عن البرامج من إنتاج أطراف أخرى وخاصة الفيروسات ولا يتوجب عليها مراقبة مثل هذه البرامج

ولها الحق طواااااال الوقت أن تمنع في أي وقت نشر أي محتوى يخالف مضمون هذه الاتفاقية

Google also reserves the right to access, read, preserve, and disclose any information as it reasonably believes is necessary to (a) satisfy any applicable law, regulation, legal process or governmental request, (b) enforce this Agreement, including investigation of potential violations hereof, (c) detect, prevent, or otherwise address fraud, security or technical issues, (d) respond to user support requests, or (e) protect the rights, property or safety of Google, its users and the public. Google will not be responsible or liable for the exercise or non-exercise of its rights under this Agreement.

جوجل لها الحق أن تقرأ أو تفشي أي معلومات عندما ترى ذلك ضروريا في الحالات التالية

- لاتباع القوانين والقواعد والطلبات الحكومية

- لـتأكيد اتباع هذه الاتفاقية

- لتتبع المشاكل الفنية

- للدعم الفني - ماشي دي كويسة

حماية حقوق جوجل أو أحد مستخدميها أو الحقوق العامة-

جوجل ليس عليها أي مسئولية إذا مارست حقوقها التي تكفلها لها هذه الاتفاقية

6. Intellectual Property Rights. Google's Intellectual Property Rights. You acknowledge that Google owns all right, title and interest in and to the Service, including all intellectual property rights (the "Google Rights"). Google Rights are protected by U.S. and international intellectual property laws. Accordingly, you agree that you will not copy, reproduce, alter, modify, or create derivative works from the Service. You also agree that you will not use any robot, spider, other automated device, or manual process to monitor or copy any content from the Service. As described immediately below, Google Rights do not include third-party content used as part of the Service, including the content of communications appearing on the Service.

هذه الفقرة لضمان الحفاظ على حقوق الملكية الفكرية لأفكار جوجل

Your Intellectual Property Rights. Google claims no ownership or control over any Content submitted, posted or displayed by you on or through Google services. You or a third party licensor, as appropriate, retain all patent, trademark and copyright to any Content you submit, post or display on or through Google services and you are responsible for protecting those rights, as appropriate. By submitting, posting or displaying Content on or through Google services which are intended to be available to the members of the public, you grant Google a worldwide, non-exclusive, royalty-free license to reproduce, publish and distribute such Content on Google services for the purpose of displaying and distributing Google services. Google furthermore reserves the right to refuse to accept, post, display or transmit any Content in its sole discretion.

هذه الفقرة لحماية حقوق ملكيتك الفكرية

ولكنها تعطيهم الحق في إعادة نشر - ليس للربح- أو توزيع محتويات مدونتك لغرض الخدمات التي تقدمها جوجل - مثل البحث مثلا

You represent and warrant that you have all the rights, power and authority necessary to grant the rights granted herein to any Content submitted.

طبعا وكتكملة تقر أنت بأنك تملك حقوق الملكية الفكرية لما تنشر لأنك ضمنا أعطيتهم الحق في إعادة نشرها

You may choose to submit, post, and display any materials on or through the Blogger service or Blogspot.com under a public license (e.g. a Creative Commons license), whether by manually marking your materials as such or using Blogger service tools to do so. For avoidance of doubt, Google is not a party to any such public license between you and any third party. Also, for avoidance of doubt, Google may choose to exercise the rights granted under (a) the public license or licenses, if any, you apply to your materials or (b) this Agreement.

هذه الفقرة تمنح أصحاب المصدر المفتوح والاتفاقيات العامة نشر محتوياتهم ولكن وإبعادا للشبهة جوجل ليست طرفا في أي اتفاقية بينك وبين أي أحد

وبرضه إبعادا للشبهة يمكنهم ممارسة أي حق تكفله لهم الاتفاقية العامة أو هذه الاتفاقية

7. No Resale of the Service. Unless expressly authorized in writing by Google, you agree not to reproduce, duplicate, copy, sell, trade, resell or exploit for any commercial purposes (a) any portion of the Service, (b) use of the Service, or (c) access to the Service.

موافقين لا تعيد بيع خدمات جوجل إلا بموافقة كتابي منهم

8. Publicity. Any use of Google's trade names, trademarks, service marks, logos, domain names, and other distinctive brand features ("Brand Features"), including "Blogger," "Blogger.com," "Blogspot," and "Blogspot.com," must be in compliance with this Agreement and in compliance with Google's then current Brand Features use guidelines, and any content contained or referenced therein, which may be found at the following URL: http://www.google.com/permissions/guidelines.html (or such other URL Google may provide from time to time).

هذه الفقرة لحفظ العلامات التجارية الخاصة بهم

9. Representations and Warranties. You represent and warrant that (a) all of the information provided by you to Google to participate in the Service is correct and current; and (b) you have all necessary right, power and authority to enter into this Agreement and to perform the acts required of you hereunder.

تقر أيضا أن لك أهلية الموافقة على هذه الاتفاقية ولديك الأهلية لتنفيذ المذكور أدناه

10. Termination; Suspension. Google may, in its sole discretion, at any time and for any reason, terminate the Service, terminate this Agreement, or suspend or terminate your account. In the event of termination, your account will be disabled and you may not be granted access to your account or any files or other content contained in your account although residual copies of information may remain in our system for some time for back-up purposes. Sections 2, 3, 5 - 8, and 10 - 15 of the Agreement, along with applicable provisions of the general Terms of Service (including the section regarding limitation of liability), shall survive expiration or termination.

يا للهول

لهم الحق في أي وقت ولأي سبب ومن جانب واحد إنهاء الاتفاقية إنهاء الخدمة أو قفل حسابك أو تعليقها مؤقتا

وفي هذه الحالة ليس من حقك الوصول لأي محتويات وعلى مسئوليتك أن تأخذ نسخة احتياطية

11. Indemnification. You agree to hold harmless and indemnify Google, and its subsidiaries, affiliates, officers, agents, and employees from and against any third-party claim arising from or in any way related to your use of the Service, including any liability or expense arising from all claims, losses, damages (actual and consequential), suits, judgments, litigation costs and attorneys' fees, of every kind and nature. In such a case, Google will provide you with written notice of such claim, suit or action.

أنت مسئول عن تعويض جوجل عن أي أضرار أو أتعاب يطالب بها طرف ثالث تضر به أنت - وكل المصاريف وأتعاب التقاضي عليك

12. Entire Agreement. This Agreement constitutes the entire agreement between you and Google and governs your use of the Service, superseding any prior agreements between you and Google. You also may be subject to additional terms and conditions that may apply when you use or purchase certain other Google services, affiliate services, third-party content or third-party software.

هذه الاتفاقية تجب أي اتفاقية أخرى بينك وبين جوجل - شوف الحرص- وفي نفس الوقت لو هناك اتفاقية أخرى لاحقة توقع عليها لخدمة أخرى تنطبق عليك الشروط الزائدة في الاتفاقية الأخرى - والله مدرسة في العقود

13. Waiver and Severability of Terms. The failure of Google to exercise or enforce any right or provision of the Terms of Service shall not constitute a waiver of such right or provision. If any provision of the Terms of Service is found by a court of competent jurisdiction to be invalid, the parties nevertheless agree that the court should endeavor to give effect to the parties' intentions as reflected in the provision, and the other provisions of the Terms of Service remain in full force and effect.

فشل جوجل لممارسة او تنفيذ أي حق أو شرط من شروط الخدمة لا يشكل تنازلا عن هذا الحق او الحكم

14. Statute of Limitations. You agree that regardless of any statute or law to the contrary, any claim or cause of action arising of or related to use of Google services or the Terms of Service must be filed within one (1) year after such claim or cause of action arose or be forever barred.

التقادم : أي حق أو ادعاء يترتب على استخدام هذه الخدمة يكون خلال سنة

15. Choice of Law; Jurisdiction; Forum. These Terms of Service will be governed by and construed in accordance with the laws of the State of California, without giving effect to its conflict of laws provisions or your actual state or country of residence. Any claims, legal proceeding or litigation arising in connection with the Service will be brought solely in Santa Clara County, California, and you consent to the jurisdiction of such courts.

أنت توافق على اعتبار محكمة سانتا كلارا بكاليفورنيا جهة للتقاضي وقوانين ولاية كاليفورنيا مرجعا مهما خالف ذلك قوانين لدولتك أو ولايتك

16. Copyright Information. It is our policy to respond to notices of alleged infringement that comply with the Digital Millennium Copyright Act. If you believe that your copyright has been infringed on the Service, please refer to http://www.google.com/blogger_dmca.html for information on how to file or respond to a notice of infringement.


إذا رأيت حقوق الملكية الفكرية الخاصة بك قد انتهكت في محتويات الخدمة ارجع إلى الإرشادات لمعرفة كيف يمكنك المطالبة بحقك

اقرأ أيضا

عقد من طرف واحد

هناك 71 تعليقًا:

دكتور حر يقول...

يا باشمهندس محمد
احنا اللي عملنا في نفسنا كده

وبس

مهندس مصري بيحب مصر يقول...

ما هوا ده اللي بيسموه عقد إذعان و بيكون بينك و بين الشركات اللي بتحتكر خدمة معينة
الشروط مجحفة بس نعمل ايه ؟

مهندس مصري بيحب مصر يقول...

على فكرة أنا شايف البوست من أول ما نزل بس الدكتور محمد سبقني في قراءة الإنجليزي
:)
و راح مني أول تعليق

منى يقول...

ايه ده؟
انا صحيح مبكتبش حاجه خطيره
بس كده واسفه فى التعبير
حاسه انى بكتب فى الشارع وعم جوجل ممكن يشد دفترى من ايدى فى اى وقت
هو مفيش حل
انا يعنى معرفش حاجه فى موضوع الكمبيوتر غير انى اكتب بس
افيدونا افادكم الله

mohand يقول...

السلام عليكم

يعني علي كده نطالب مع كل خد انترنت يتوصل محامي مجانا
عشان يعرفنا اللي لينا واللي علينا
ونقدر نطالب بحقوقنا
ايه الانصاف الفظيع في الاتفاقية ده؟

MerMaid يقول...

السلام عليكم

سعيدة جدا جدا لاني رقم ستة

كل مرة بلاقي رقم خمسين و ستين
اتضايق قوي
لحقتلي مكان بدري اهو كويس

------------------
هو احنا وافقنا علي الشروط دي؟؟؟

عادي بقي

يعني هو ايه اللي عدل -بكسراللام-في حياتنا ؟؟
ماهي كلها شروط قسرية

----------------
عجبتني كل التعليقات اللي قبلي
بس برضه احنا اللي عملنا كدة في نفسنا
:))
مدونة رائعة

Gid-Do - جدو يقول...

ابو العصافير

السلام عليكم وكل عام وانتم بخير بمناسبة العام الميلادى الجديد ـ بنقول فى مثلنا المصرى الحكيم ان اللى اوله شرط اخرة نور ـ والمحاميين من اغنى الفئات فى الولايات المتحدة ـ دخول كلية الحقوق زى دخول كلية الطب كلاهما يحتاج للحصول على شهادة جامعية مسبقة واختبارات قبول والعدد محدود ـ وبناء على هذا فان مفيش اى شئ على اى مستوى خاصة اذا كان ضخم لايتم الا بتدخل مكاتب المحامه ـ تحياتى

ابن حـجـر الـعـسـقـلانـى يقول...

و الله شكرا يا أستاذ عصفور على هذا المجهود

دة بمنتهى البساطة نقدر نقول إن الاتفاقية دى تعتبر أرض ألغام ... أو سيارة مفخخة

الفقيرة إلى الله أم البنات يقول...

استاذ عصفور
والله كتبت التعليق اكتر من مرة ورفض الارسال
تفتكر جوجل بيحذف على مزاجه
طيب هاقول رأى فى سرى...
طيب تفتكر الحل ايه...ننقل زى حبيبتى امة الله ما نقلت...ولا نعتصم ولا نعمل ايه
بس مكان الاعتصام هو اللى محيرنى

خالد حفظي يقول...

أستأذنك يا باشمهندس بس أروح أجهز الشنطة
و اوعى تنسى العيش و الحلاوة
وللا هتكسل ؟
عموما جوانتنامو مش بعيد
يا دوب فركة كعب
آسف للحديث بهذا الشكل لأني لو تكلمت بجد
ممكن يجرالي حاجة من شدة الشعور بالقهر

صاحب المضيفة يقول...

هو في ركوع اكتر من كده

احان معظمنا بيقر بيها من غير قراءة

والباقي لو بيقرأ بيوافق مضطر لانه مش هاينفع يكمل من غير موافقة

لنا الله جميعا

خمسة فضفضة يقول...

السلام عليكم ورحمة الله وبركاته

هههههههههه
والله ياباشمهندس صدق اللي قال شر البلية ما يضحك
يمكن يكون فينا اللي عارف كويس اوي ايه اللي مكتوب في الاتفاقيه دي والشروط الفظيعه دي خاصه الشرط بتاع انه


جوجل يمكنها أن تصل إلى معلوماتك الشخصية - أو تكشفها بما في ذلك اتصالاتك عن طريق جوجل إذا كان هذا مطلوبا منهم بموجب القوانينالمعلومات الشخصية التي تجمعها جوجل يمكن الحصول عليها للولايات المتحدة أو أي بلد آخر

بس للاسف بنوافق عليها مرغمين وده يعتبر اكبر مساوئ الاحتكار

فكرتني بالراجل اللي كنت مشتركه معاه في وصلة النت وكان بيعمل اللي هو عاوزه وكل شويه يقطع الاتصال ويزود عدد المشتركين في الوصله الواحده علي اساس اننا مش ممكن هانلاقي حد تاني لانه محتكر المنطقه دي ومش هانعرف نعمل حاجه
بس طبعا لما حولت دي اس ال فوجئ وحاول يظبط نفسه في الاخر بس كان خلاص طفح الكيل منه
واعتقد ان ده ممكن يحصل مع جوجل في يوم من الايام بس علي شرط نلاقي البديل الاحسن واللي يقدم نفس مستوي الخدمات من غير كل الشروط المجحفه دي


بالمناسبه اعتبر هذه التدوينه ممتعه جدا

سلام

عصفور المدينة يقول...

دكتور حر
بص يا محمد من أول الانترنت وهيمنة أمريكا عليها لغاية الاستضافة والعناوين والرقابة وكل حاجة ياقلبي لا تحزن

مهندس مصري

صح كدة ياهندسة انت راجل عملي طالما البيضة عند الفرخة والفرخة عايزة إذعان يبقى لازم نخطط لاستخدام بدائل البيض

مهندس مصري

ربنا يكرمك يا محمد أنت في قلبي

منى

بصي يا منى أنا كتبت التدوينة دي عشان الناس اللي بتكتب حاجات خطيرة وزعلوا لما جوجل وقفت مدوناتهم لازم يبقى في ه تكتيك يعني أنا لو حطيت فلوسي في بنك في سويسرا قولي إن شاء الله وبعدين سويسرال مضتني على عقد إن من حقهم مش يدوني الفلوس وأنا مضيت لأني مش لاقي بنك ياخد الفلوس دية يبقى أستاهل ولا لأ مش من حقي بقى أعترض لما يمنعوني من صرف لأني وقعت وبين البايع والشاري
عقد إذعان زي ما قال مهندس محمد ناهيك عن إن الخدمة أصلا مجانية

mohand

طب والمحامي أبو بلاش ده يا أبا زكريا حيطالب بإيه إذا كان انت بإيدك دوست
I Accept

MerMaid

صح كدة حضرتك واقعية جدا شفتي بقى إن احنال بنوقع كثير على حاجات ما بنقراهاش والآخر نقول قاطعوا جوجل المفتريين
مرحبا بك في المقاعد الأمامية

Gid-Do - جدو

جدو الرائع
كل عام وأنت بخير
كنت عارف مضمون تعليق حضرتك قبل أن تصل وكنت أنتظره عشان تقول للناس اللي معانا هنا
خلينا واقعيين
شروط وقعنا عليها وبعدين نرجع نزعق ونقول
أيها الشرفاء هيا بنا نرحل من بلوجر ما كل الخدمات بتحتوي على شروط شبيهة الفكرة في اتخاذ بدائل
وأيضا تحياتي للمحاميين الرائعين اللي صاغوا العقد ده وأشباهه أتعلم منهم دائما

ابن حـجـر الـعـسـقـلانـى

الله يكرمك يا محمد
فعلا هي أرض الأشواك تفلت من بند تقع في التاني
ام البنات

لا اعتصام إيه يا أستاذة دي خدمة مجانية طب انتي بتوقعي على عقد الكهرباء والمية والتليفون والانترنت والغاز والموبايل حاجة تجن انا بقى قرأت العقود دي كلها وحاسس بالقهر ودي خدمات بادفع فيها فلوس ولو بصيتي على تدوينتي عقد من طرف واحد حتشوفي بند واحد انا نقلته يجنن

أما نعتصم مش من حقنا الاعتصام يكون ضد حق سلب منك
دول ناس قالوا لك تنزلي ضيفة عندنا بس من حقنا نأكلك أو مش نأكلك وانتي وافقتي تنزلي ضيفة عندهم مين الغلطان
الصح بقى تنزلي ضيفة عندهم وتحجزي في مطعم احتياطي
:)
بس اعملوا حسابي
:D

وطني

آه طبعا يا هندسة فعلا ممكن بعض الكلام اللي يكتب يودي جوانتانامووووووووو

صاحب المضيفة

فيه طبعا يا أستاذنا خضوع أكثر من كدة
العقود اللي بفلوس زي عقد الكهرباء وتشتري العداد وتمضي على إقرار إنه بتاعهم وإنه ملك لهم
عقد الدي إس إل اللي انا نقلت منه بنود في تدوينة عقد من طرف واحد
بيقول مش من حقك تدلي تصريحات عن مستوى الخدمة حتى
!!!!!

خمسة فضفضة

الله يفتح نفسك يادكتورة
أنا كنت خايف وانا بانزل البوست قلت أأمن نفسي قانونيا ضد أي حد يقول إيه الرخامة دي
جيتي انت فتحت نفسي
ربنا يبارك فيك
مقاومة الشروط دي تكون بالبدائل فعلا
انا عامل مدونة على وورد بريس وباعمل نقل للتدوينات من بلوجر أولا بأول ودي إمكانية في وورد بريس ربما أنوه عليها بالتفصيل لاحقا إن شاء الله

Unknown يقول...

جوجل عمال يدلع فينا وخدمات في خدمات لغاية ماعتمدنا عليه كلنا
ممكن نختصر البنود دي كلها في بند واحد:
جوجل دايما على حق
ها في حد معترض
انا سامعة حد بيعترض

بس ايه المهارة دي في الترجمة انا باشتغل ترجمة من منازلهم لو اتزنقت هطلب مساعدتك
:)

Unknown يقول...

يعنى احنا اعضاء مجلس الشعب اللى رفعوا اديهم وهما نايمين وقالوا
موافقووووووون

فرنسا هانم يقول...

يعنى محكمة سانتا كلارا بكاليفورنيا هى الجهه اللى يمثل قصادها اى واحد
مفيش عقوبه ب 100 جنيه
ونروح امريكا ببلاش

محمود الدوح يقول...

تسدق يابشمهندس ان كلنا او معظمنا بيسجل فى اى موقع او اى خدمة من غير ما يقرا الاتفاقية

وكنت شفت موضوع من فترة فى احد المنتديات صورة لاتفاقية برنامج فيها ان 50% من ايراد البرنامج لصالح دولة اسرائيل

ودا شئ وحش ولازم الواحد ياخد بالة

بس احنا بنستسهل

شــــمـس الديـن يقول...

ممممم

عادي
ليه متضايقين
هي جت علي دي يعني ؟؟؟

ويل لامة لا تأكل ممن تزرع ولا تلبس مما تصنع

احنا دولة طفيلية منالالف الي الياء متضايقين ليه ان المنطق الرأي مالي يكون متحكم فينا

يعني اساسا كويس اوي انهم عاملين مواقع و موفرينا ببلاش ... نبوس ايدينا وش و ظهر

بس انا حاسة ان اللي كتب العقد دا ينتمي الي نفس المدرسة اللي كتب بيها اتفاقية كامب ديفيد

بس بصراحة
عجبتني :)

خالص التحية

نداء يقول...

ده مثال بسيط للحالة الفوضي في مصر

Ahmed Al-Sabbagh يقول...

:)

أولا تسلم ايدك على الموضوع القيم ده

هو اولا طريف لانه يبدو معقد للغاية فى حين اننا نتعامل مع جوجل يوميا بشكل تلقائى وبسيط

وأظن ان معظم المستخدمين قلما يقرأون شروط الاتفاقيات

ولا احد ينكر ان جوجل كموقع بحثى وكمؤسسة وكسلسلة مواقع تقدم خدمات لانهائية انها تفيد العالم اجمع وتثرى عالم الانترنت جدا

وانا شخصيا اعتبر خدمات جوجل من أهم الخدمات


وإليكم هذة المعلومات عن جوجل

"
هو محرك بحث على شبكة الإنترنت، أنشأه طالبا الدكتوراة في جامعة ستانفورد الأمريكية لاري بايج وسرغي برين عام 1998 م. يقال أنه محرك البحث الأكبر على الشبكة، حيث يستقبل على الأقل 200 مليون طلب بحث يوميا. الكلمة Google بالإنجليزية هي تحريف لكلمة "googol" التي اخترعها ملتون سيروتا للدلالة على رقم 1 يتبعه مئة صفر، للدلالة على العدد الهائل من صفحات الشبكة التي يفهرسها محرك البحث، وللدلالة على إصرار الشركة على تنظيم الكم الهائل من البيانات القابعة في خادمات منتشرة حول العالم، وإصرارها أيضا على إتاحة هذه البيانات لمستخدميها، أو أنه بمعنى يتفحص وهو ما يقابله في الإنكليزية، هناك أيضاً الفعل الجديد على اللغة to google والذي معناه القيام ببحث على الشبكة باستخدام محرك البحث جوجل. ويعمل في شركة جوجل ما يفوق 5680 موظف.[1] أعلنت شركة جوجل عن افتتاح مقرها الإقليمي لمنطقة الشرق الأوسط و أفريقيا في القاهرة بتاريخ 6 يونيو 2007
"

واظن ان تخلف المسلمين والعرب يتيح لأى جهة نشطة ومبدعة ومنتجة ان تتحكم كما تشاء فينا

وكل عام وانت واصدقاء مدونتك بخير

تحياتى

العراق صوت الحق يقول...

السلام عليكم أخ محمد
انا سمعت فعلا ان جوجل تبيع معلومات وبيانات عملائها لشركات تجارية لاأتذكر تماما الخبر ولكن لاعجب . هناك سوء نية واضح من طرف جوجل فالتصنت واختراق خصوصياتك صار امر اعتيادي في كل العالم وفي كل مجالات الاتصال . فما بالك بالنت .

safa7_karmooz يقول...

ادى اللى بيكسل يقرا

:(

كرم مسلم يقول...

جوجل لها الحق أن تقرأ أو تفشي أي معلومات عندما ترى ذلك ضروريا في الحالات التالية
قال ايه الدعم الفنى بجد كوسة
اجبار وليس لك الا الموافقة

بنت الصالحين يقول...

ايه ده

حسبى الله ونعم الوكيل
خلاص ياعاااااااااااااالم الاستهبال وصل لحد كده
ايه الديكتاتوريه دى
وبعدين فين الرسيه والامان والكلام ده

بس احنا اللى عملنا فى نفسننا كده

ناجحه ومشتركين فيها بالهبل ومحتكره السوق تعمل ايه تحط رجل على رجل وبمزاجها

براحتهم يقفلو حسابنا يولعو فيه براحتهم

جزاك الله خيرا اخونا عصفور

ســـارة يقول...

بجد احنا نستاهل اللي يجرالنا

أنا فعلاً لم أقرأ الاتفاقية ومريت عليها مرور الكرام ثم وقعت

توقعت ضمناً إنها تنص على عدم نشر مواد إرهابية وما إلى ذلك وبس خلاص

لكن بجد احنا نستاهل كل اللي يجرالنا

صحيح الخدمة مجانية ، لكنه بيستغلوا هذه المجانية لأغراض لا يعلمها إلا الله وحده.

تذكرت لما كنا في منتدى كل الطلبة نقعد نصوغ في القانون لإرضاء جميع الأطراف ، وكانت كل الانتهاكات والخروق المستوجبة للعقوبات سببها عدم قراءة اتفاقية التسجيل .

أعتقد إن عقيدتنا كمسلمين اللي علمتنا " يا أيها الذين ءامنوا أوفوا بالعقود " توجب علينا قراءة ما نتعاقد عليه عشان منورطش نفسنا في كوارث بعدين نشتكي .

ربنا يتوب علينا من الكسل اللي مضيع حقوقنا .

شهاب الأزهر يقول...

لا حول ولا قوة إلا بالله

الموقف فكرني بأيام الابتدائي لما حد شنطته تضيع أو ينساها، واحد من الطلبة يقوم يديه قلم وورقة من معاه، وطبعا بيبقى يوم ذل على الطالب اللي نسي كل حاجة دا، لأنه لو اتكلم هياخد منه قلمه وورقته

آهو احنا كأننا بنكتب بقلمهم.. وفي ورقة من كراستهم، وممكن في أي وقت يوقولوا لنا هاتوا قلمنا وورقتنا، أو يروحوا يفتنوا علينا ويقولوا للأبلة علينا.. آهو احنا عاملين زي الطالب المهمل اللي نسي كراسته وقلمه، بس للأسف احنا مانسيناش دا بس.. احنا نسينا نفسنا

الله يسامحك يا عصفور المدينة.. قلبت علينا المواجع، آديني كنت بعلم من غير ما أقرأ حاجة

Islamist Bloke يقول...

عالم ناصحة

وعلى فكرة ............ أغلب العقود القانونية كدة ......... مش بتفوت هفوة

يستحقون الاحترام

تحية لك على ترجمتك الرائعة

ملحوظة عابرة:
Comply with a law = to abide by a law =
يعمل وفق قانون = يطيع قانون = يلتزم بقانون

انا درست دبلومة ترجمة قانونية فى الجامعة الامريكية واتمنى لو اقدر افيد حضرتك بأى شىء ......... كل المواد والأوراق والكتب ملك لحضرتك وقتما تريد ......... أرجو مقابلتك للتشرف بمعرفتك ولتسليمك هذه الأوراق والأبحاث

تحية عطرة

والسلام

المهـ إلي الله ـاجر يقول...

بشمهندس محمد

تأكد أن القانون لا يحمي ... المدونين !!


(:

الطائر الحزين يقول...

انه قاضى وجلاد فى نفس الوقت

ونحن متهمون على طول الخط

بنت أبيها يقول...

محاكم كاليفورنيا

فعلا عقد من طرف واحد

مستنية يا استاذ عصفور تشرح طريقة استخدام وورد بريس بالتفصيل زى ما وعدت

لانى قررت انى اعزل من هنا

Empress appy يقول...

طيب ممكن حل تانى بدل عم جوجل اللى بيجيب الظغط ده نعمل ايه
الله يخرب بيت الحاجه ام الاختراع
ولا اقولك هى مش دى برضه تبقى تجسس منهم علينا ولا انا مبقتش فاهمه طيب ممكن حد يفهمنى انا خلاص هتجنن

Unknown يقول...

استاذي الحبيب
ياسلاااااااااااام حريه عدل احترام وكل حاجه حلوه
بصراحه احنا اللي ظلمه احنا اللي بنظلمهم احنا اللي بنكبت الناس احنا اللي معندناش حريه وعدل
بس احنا اللي برده اعطينا لهم الفرصه انهم يعملوا فينا اللي هما عايذينه وصدقني ضريبه الجهل ابشع واكثر من كده لان احنا حاليا عاله علي البشريه والحقوق لاتوهب ولكن تنتزع وانتزاع حق كهذا لايأتي الابالعلم والتقدم
وجزاكم الله خير علي هذا المجهود
وربنا يبارك في حضرتك

ابن همام يقول...

انا متخيل لو سالنا جوجل انتم بتعملوا كده ليه هيكون الرد عشان احنا بس نقدر نعمل كده حد يعرف يرد حد يعرف ينافس يبقى خلاص تمضى وانت ساكت

محمد عبد الغفار يقول...

فكرتنى بعقود الحكومه

مشروع انسان يقول...

فعلا ياللهول
ايه ده صحيح عقد من طرف واحد
جزيت خيرا اولا الواحد مفكرش يقراه قبل كده
بس استغلال صحيح
بس فيه نقط كويسة ومحتاجة ترشيد وهى حرية انك تكتب اللى عايزة وهما مش مسئولين اكيد
بس ده طبعا بيفتح ويتجه لاتجاهات اخرى
بس صحيح كان قصدك ايه انت الراجل اللى بيبتسم وهو ماشى
والا اللى بيبقى حزين
ايهما انت طمنى

ammola يقول...

باشمهندس محمد..كيف حال حضرتك ..لعلك بخير
انا مش شايفة ان فى ظلم اوكده فى الاتفاقية دى.ببساطة نحط نفسنا مكان جوجل ونشوف كنا حنقول ايه؟ كل البنود واقعية ما عدا بعض البنود زى مثلا الموافقة المسبقة على اى تعديل لاحق- موضوع نقل المعلومات الشخصية بس لو بصينا حنلاقيهم بيفترضوا فى المتعامل معهم انه شخص واعى مش داخل يدش وخلاص يعنى ممكن نقول ان المهرب من البند ده فى ايدينا-البند الخاص بقفل الحساب دون سابق انذار برضة بيتتطلب اننا نكون ناس واعية ونأمن نفسنا يعنى مش حاجة وحشة.الخلاصة انهم من حقهم انهم يأمنوا نفسهم ويريحوا دماغهم من أى مسئولية تنتج عن التعاملات من خلالهم ويشكروا أنهم عرفونا اللى لينا واللى علينا وفى النهاية كل واحد له الاختيار انه يتعاقد أو لامعاهم وزى ما حضرتك قلت عقود الكهربا والمية والغاز وما شابه كلها عقود أذعان مع خدمة سيئة جدا ومع كده احنا مش بنقدر نعمل حاجة يبقى حنيجى فى حاجة نوعا ما مش اساسية وببلاش ونقعد نفصص فيها ونقول دول ظلمة؟البند الوحيد اللى أنا شايفاه مش واضح فى الاتفاقية انهم ما قالولناش الميكروباص اللى بيروح كاليفورنيا بتاع العتبة واللا خط التحرير؟؟

بيتنا القديم يقول...

الله يرحم الشيخ الشعراوي
قال: طالما بتكلش من غرس فأسك..يبقا عمر قرارك ماهيكون من رأسك..!
او قال ماهو شبيه بذلك يعني..!!
هم اصحاب الخدمة وهم احق الناس بالتعسف في طرحها واللي مش عاجبو يخترعلو جوجل خاص به..!!

Dr.khaled يقول...

فكرت جديا في نقل مدونتي كاملة من على بلوجر هذا ..
لأني منذ مدة أشعر بالضيق من جوجل...

يرجى مراجعة هذا الرابط..
فله صلة بالموضوع

http://news.bbc.co.uk/hi/arabic/world_news/newsid_6628000/6628205.stm

Malk Almasria يقول...

اولا مساء الخير

لقد اشتركت اخيرا فى جوجل ولم تواجهنى اى مشكلات حتى الان ولكنى واثقة من انى ان تعرضت لاى ضغط ساقفل مدونتى بيدى

شكرا على التحذير

تحياتى

ملك المصرية

L.G. يقول...

أيوة كده أهلا وسهلا مش اوعي حطلع عينك لو دعيت لحملة قبل ما تقول رأيك ما انت كنت عامل زي جوجل ولا ايه ؟
ولو اني من أنصار من حكم في ماله فما ظلم بمعنى بيتهم براحتهم عن نفسي لا أقرأ أيه اتفاقية أصلا ليه عشان لو مش عاجباني مش حعمل المدونة من أصله يبقى القرار محسوم من أول ما قلت يا مدونة زي موبينيل وفودافون مش حلو الكلام روح لمدونات تانية مش حلو الكلام اعمل جريدة مش حلو الكلام متكتبش خالص
الناس مش غلطانة بجد عشان كده بوافق على طول الخط لما يبقى فيه بديل ساعتها يبقى ليا رأي سلام

الفقيرة إلى الله أم البنات يقول...

استاذ عصفور هى الحكايه
يا كلونا...طيب تفتكر هو فاضل منا حاجه تتاكل
اظنهم هتتكسر اسنانهم
وبخصوص الاعتصام
احنا محتاجين دروس فى السياسه والمطلحات المتداوله هذه الايام
علشان مش بنعرف فى السياسه
وصحيح هما الضيوف ملهمش حق يعترضوا
لو اكلناهم ضفادع!!!!!!

أم البنات

صاحب البوابــة يقول...

استاذي الفاضل

مررت فقط لألقي السلام

كل عام وانت بألف رصحة وعافية

تحياتي استاذي الغالي

šσяšαяαα يقول...

ايه الكلام دا بقى

يعنى انا مشتركة فى جوجل بحسن نية ويطلع من بتوع الاتفاقيات الدولية

طيب والعمل دلوقت

ياربى هو مفيش حاجة الواحد يكملها على خير ابدا:((

نشوف مكان تانى ندون فيه بقى واللا ايه

البؤساااااااء

šσяšαяαα يقول...

نسيت صحيح

بعيدا عن جوجل

كل سنة وحضرتك طيب


__??_??
_??___??
_??___??_________????
_??___??_______??___???? H
_??__??_______?___??___??
__??__?______?__??__???__?? A
___??__?____?__??_____??__?_____
____??_??__??_??________??
____??___??__??
___?___________? P
__?_____________?
_?____?_____?____? P
_?____/___@__\\___?
_?____\\__/?\\__/___? Y
___?_____W_____?
_____??_____??
_______????? NEW
YEAR 2008

الربان يقول...

تحياتي

الموضوع مهم...لان معظمنا او الغالبية العظمي منا بتوافق علي الشروط بدون قراءة...و يمكن الشروط الكثيرة و الكلام الكثير بيكون السبب اننا نتعجل و لا نقرأ جيدا.

ادعو اصدقائي و كل من يقرأ هذا البوست ان يتمهل و يتريث قبل التوقيع
بالموافقة علي اي شيء....سواء علي النت...او في حياتنا اليومية...
بضعة دقائق من القراءة قد تحميك من الكثير من الضرر.

تحياتي....و تقديري...

محمد مارو يقول...

كل عام و انت بالف صحه و سعاده
متنساش
تقول الساعه 12 بالظبط لا اله الا الله محمد رسول الله ع شان تكون افتتحت السنه الجديده بكلمه الحق و يا ريت لو نصلى ركعتين لله ع شان كمان نفتتح العام باحي الاعمال
بعد ازنك ممكن تبعت لى اميلك ؟

Maha يقول...

أنا كنت ماشية تمام ومعجبة بالشروط .. يعني ببصلها من ناحية موضوعية مش كمستخدم .. أول ما وصلت للشرط ده مت من الضحك

أنت مسئول عن تعويض جوجل عن أي أضرار أو أتعاب يطالب بها طرف ثالث تضر به أنت - وكل المصاريف وأتعاب التقاضي عليك

ههههههههههههههه .. آآه .. أعوض على مين .. هو الناس حيلتها حاجة .. لأ ومين اللى بيقول كده .. جوجل اللى هي صاحبة المليارات .. هههههههههههههههههه

موضوع جميل فعلا .. وبعدين ممتع ليه مش ممتع .. وبعدين كمان هو مش شرط المواضيع تكون ممتعة على قدر ما مهم تكون مفيدة :) وهو بالتأكيد مفيد :)

أكرمك الله

لو الواحد ركز شوية حيطلع نقاشات لا تعد ولا تحصى من الشروط دي :)

الباحث عن الحقيقة يقول...

ايه العظمة دى
الواحد مش عارف يقول ايه ولا ايه
والله مدرسة يا عم ..مدرسة

كلها بنود تحفة خاصة اللى انت كاتب قدامها الله اكبرانهم يقدروا يعدلوها فى اى وقت وسواء انت عرفت او ما عرفتش فانت ملتزم بها
انا خايف احسن يطلبوا مننا حاجة قلة ادب بعد كده تبقى مصيبة
هههههههههههههههه
او يغيره ويطالبوك بفلوس ويحاسبوك على القديم
او يغيروه ويخلوه تنازل منك عن حقك فى البلد
ده لو كان لنا حق
سترك يااااااا رب
شكرا على الدرس الجميل ده انا شخصيا ما درستش حاجه زى كده فى القانون
المفروض ندرسة مع نظرية العقود فى باب مستقل : عقد جوجل

عمر محمود يقول...

سنة حلوة يا مسلمين

عمر محمود يقول...

يا ترى امتى يجى اليوم اللى يكون للمسلمين فيه إدارة مواقع ضخمة وفضاءيات ..... ووووو
يا عالم يا مسلم فووووووووووووق

ابوزياد الفاتح يقول...

حسبنا الله ونعم الوكيل
يعنى هنستنى ايه منهم




ربنا يريحنا منهم يارب

عصفور المدينة يقول...


مناجاة

تحت أمرك في الترجمة وبعدين انا كدة خدت شهادة من أحمد المحترف بتاعنا
islamist bloke
ذكرني تعليقك بتدوينة لصديقنا أحد الدرعة اسمها جوجل وآه من جوجل
http://aderaa.blogspot.com/

لماضة

مش رفعنا إيدينا احنا ضغطنا بالماوس

فرنسا هانم

طب ما بتوع جوانتانامو راحوا أمريكا ببلاش وراحوا كوبا ببلاش

محمود الدوح

لا هو انت قريت أو ما قريتش إنت بتوافق عشان انت محتاج الخدمة

شــــمـس الديـن


ويل لامة لا تأكل ممن تزرع ولا تلبس مما تصنع
شكرا لك وفعلا عجبني الأساتذة اللي صاغوا كامب جوجل
بس إيه رأيك في حتة أنت توافقي على أي تعديل مستقبلي؟


نداء

مصر وغيرها كمان دي في العالم كله

Ahmed Al-Sabbagh

الله يحفظك يا خالو
لازم تاخد بالك انا ليه عملت الموضوع ده فيه عدة مدونات اتقفلت الشهر ده سواء مؤقتا أو منعت تنزل بوستات جديدة
وكان رد الفعل خطابات احتجاج
وناس طالبت الشرفاء بالرحيل عن جوجل وكدة
وبما إني واقعي شويتين لازم ناخد في الاعتبار الاتفاقية دي وما حدش بيقرا فحبيت اختصرها شوية
وتحديدا باتكلم عن خدمة بلوجر طبعا

IRAQ Sawt Alhaq

صح يا أخي بس لما يكون كل ده انت موافق عليه يبقى لا مجال للمحاماة بعد ذلك

safa7_karmooz

السفاح شرفنا يا جدعان وحتى اللي بيقروا يا أستاذنا برضوا بيوافقوا انا قريتها كلها قبل ما اوقع
واديني قاعد معاكم هنا

كرم مسلم

طبعا انت وافقت من البداية ووافقت على التعديل المستقبلي

عاشقه الفردوس

جزانا الله وإياك بس اوعي تعترضي عشان انت مش من حقك تعترضي لأنك وقعت بكامل الأهلية

قبس من نور

لا انتم في المنتدى بتصيغوا على أدكم شوفي دي بقى صياغة أعتى المحامين

شهاب الأزهر

لازم تقرا قبل ما توقع عشان حتى يبقى الواحد على نور لو حيخالف

Islamist Bloke


تحية لك على ترجمتك الرائعة

شهادة أعتز بها من الراجل المترجم المتألق بتاعنا
وإن شاء الله نتقابل في أقرب فرصة بس ربنا ييسر لك الجيش

المهـ إلي الله ـاجر

القانون لا يحمي الموقعين

الطائر الحزين

لا هو خدام وسيد

بنت أبيها


appy

حاضر ان شاء الله حاوضح موضوع وورد بريس إن شاء الله
بس اقرا الاتفاقية بتاعته الأول مش عرفت اوصل لها

الفاتح الجعفري

لا هو ده مش كبت هو عقد اختياري تخيل خطر في بالي حاجة لذيذة يا احمد
عقد الاسلام فيه شروط لو واحد أخل بيها بيزعلوا لما حد يطالب بتطبيقها وشوف عقد صغير زي ده فيه تحكمات أد إيه ويضمنون تطبيقها

ابن همام

حيكون ردهم من حكم في ماله ما ظلم

Mohamed A. Ghaffar

الحكومة الإلكترونية

امام الجيل

فعلا ياللهول
عارف يا محمد لازم تقرا كل حاجة تقابلك عشان ممكن يكون فيها مقلب زي الإقرار بتاع المعبر كدة

ammola

حلو انتي كدة اتفقتي معي تماما في الرؤية فيما عدا إني مش ناوي اطلع سانتا كلارا السنة دي

بيتنا القديم


الله يرحم الشيخ الشعراوي
قال: طالما بتكلش من غرس فأسك..يبقا عمر قرارك ماهيكون من رأسك..!
صح وبعدين هما شرطوا من البداية

خالد

لو رحت حتة تانية حتلاقي شروط تانية فانت تلعب على كل الحبال المتاحة وده مبدأ عام
Malk Almasria

أهلا بك ونورتينا
انا لم أقل أن هناك مشكلة وانا مشترك أيضا في جوجل كما ترين
ولكني كنت أود أن أنبه الذين يحتجون أنهم وقعواااااا مسبقا

L.G.

أهلين وسهلين
صح كلامك قرارك في يدك منذ البداية إا قفلوا خلاص نفتح جرنان

ام البنات

انا بقى باتكلم من وجهة نظر الضيوف لازم الضيف يفترض إن ممكن المضيف يعملها ويحضر له وجبة ضفادع
يقوم يعمل إيه يحجز في مطعم ويروح لقى أكل الحمد لله لقى ضفادع يضربه بوكس ويجري ع المطعم

صاحب البوابــة

مصطفى طمنا عنك ربنا يحفظك

Sorsara

دي اتفاقية ما تخرش المية

الربان

جزاك الله خيرا على التنبيه في بعض الأحيان لا يكون أمامك خيار سوى التوقيع
لكن الوعي بالحدود مطلوب
حفظك الله

محمد مارو

جزاك الله خيرا
إيميلي في البروفايل فيه جوجل وفيه هوتميل

Maha

من الناحية الموضوعية والصياغة حاجة منتهى المتعة فعلا استفيد كثيرا من قراءة هذه الاتفاقيات
ربنا يحفظك فعلا فيه نقاشات كثيرة وفيه كمان مسائل فقهية والله

الباحث عن الحقيقة

أي خدمة مش تقول لي قانون فرنساوي والقطار السريع للفشل الذريع
عقد جوجل وعقد الغاز وعقد الكهرباء وعقد النفط وعقدالمية وغيره وغيره مدرسة وخاصة بقى عقد الزواج

عمر محمود

أهلا بيك يا عسل
نسأل الله أن يأتي هذا اليوم يا أخي
ابوزياد الفاتح

أهلا أخي الحبيب
ليه بس ربنا يريحنا منهم ده هما اللي تعبانين بينا مش احنا اللي تعبانين

Unknown يقول...

حبيبت بس أهنيكم بالسنة الجديدة و أن شاء الله تكون فيها إلى الله أقرب وتحقق فيها كل أهدفك ، ولا تنسى أن تضع لنفسك فى بدايه السنه ده ، (أيه اللى أنت عايزة من عام 2008 ) ويا ريت يكون فى ورقه . عايز علاقتك مع ربنا تكون ازاى ، عايز تحقق ايه فى عمل ، عايز تحصل على دورات أيه ، عايز تصلح ايه فى علاقتك مع أهلك , وفى النهايه لا تنسى علاقتك مع القرأن

دعوة الفردوس يقول...

طيب يعني انا اعمل ايه في نفسي دلوقت
:((

نقطة مية يقول...

كل سنة و انت طيب يا بشمهندس عصفور..يارب يجعلها سنة خير و سعادة عليك و الاسرة الكريمة و الامة الاسلامية

الفاتح اليعقوبي يقول...

السلام عليكم
واتلكل بيشيل الشيلة من غير اما يوزنها او يقدرها
وعجبي علينا
والسلام

فى القلب يقول...

عشان أحنا معندناش عقول زيهم مطرين نمضى ونطاطى
صدقنى بقول الكلام ده و أنا فى منتهى الألم

البنت الشلبية يقول...

سلام عليكم
صدق اول مرة آخد بالى من الاتفاقية دى
جزاك الله خير
بس هوا نقدر نعمل ايه يعنى
مجرد العلم بالشئ

سلام

غير معرف يقول...

السلام عليكم ورحمة الله وبركاته
استاذا الكبير عصفور

ليس بالجديد على حضرتك طرق هذه المواضيع فانت دائما ماتمتعنا بما تكتب
جزاك الله عنا كل الخير والثواب

NIDAAL .R يقول...

مهو لازم طبعاً
علشان يضمنوا حقوقهم
وطبعاً القوانين مصاغة صياغة زى ما بنقول ما تخرش المية
انا مش شايف ان فيها اى ثغرة مثلاً
وزى ما حضرتك قولت .. احنا ممكن نتعلم بطريقة غير مباشرة من الموضوع ده فى حياتنا العملية
دمت و دام قلمك

Eng. Khalid يقول...

الناس دي مابتلعبش ياعم محمد ، والا ماكانوا حققوا النجاح دا ، يارب العرب والمسلمين يمتلكوا ناصية التكنولوجيا وهم اللي يملوا شروطهم على الناس .

ادعوك لادراجي الجديد ، وعاوز رد كويس ، ماتدخلش تكتب لي حديث وتمشي :(

Eng. Khalid يقول...

بابا محمد ، انا بعتت تعليق وماظهرش ، مش عارف ليه ، المهم ابي العزيز ، ادعوك لزيارة مدونتي وان تترك رد بمعنى رد ، مش تدخل تكتب لي حديث وتطلع :( :( :(

Coca يقول...

يعنى احنافعلا زي ما قالت لماضه اعضاء مجلس الشعب اللى رفعوا اديهم وهما نايمين وقالوا
موافقون

بس دا عقد لو مش عايزينه منقبلش بيه
حقيقي تسلم ايدك علي البوست دا

يمكن الواحد مش بياخد باله من الحاجات دي فعلا

مروة الزارع يقول...

يالهوووووووووى

بجد انا مقرتهاش

عارف انا حاسة كدة انى بكتب بتباشيرة على الرصيف فى الشارع وممكن اى حد يجى يمسحها بحبة مية

حرااااااااااااااااااام

عصفور المدينة يقول...


ابن اسكندرية

جزاك الله خيرا

دعوة الفردوس

ولا حاجة اعملي حسابك ولو كنتي استفدتي حاجة من الاحتيااطيات بتاعتهم استفيدي بيها في حياتك
نقطة مية

كل عام وأنت بخير

الفاتح اليعقوبي

لا هي موزونة بس تكون عارف مخاطرها

فى القلب

بدون ألم بس بأمل

البنت الشلبية

صح يا أستاذة مجرد العلم والاستفادة
وفي نفس البعد عن الهتافات الرنانة
لا لجوجل ونحوها لأن احنا موقعين

ام الابناء

جزاك الله خيرا ومبارك المدونة

NIDAAL PAL

فعلا الواحد بيتعلم من الحاجات

ربنا يكرمك يا أخي ويثيبك على ما تقدمه في مدونتك

Eng. Khalid

حطيت ردين كويسين فلوسكاب يا بو احمد ومسحتهم شكلك ولا إيه اللي حصل انا مستني توضيح
وبعدين إيه حكاية بابا دي انت ناسي المدرسة الاعدادي والكلية والمشروع
ماشي صغر نفسك براحتك

coca

لا يا أستاذة أنا رفعت إيدي بس وانا صاحي وقلت موافقة

مروة الزارع

خدي نسخة احتياطية من الحيطة اللي بتكتبي عليها
:)

إضراب يقول...

ياا..عللى الحرية
ده على كده الكتابة في الوسائل الحكومية أكثر حرية

محمد الجرايحى يقول...

أخى الكريم الفاضل
السلام عليكم ورحمة الله وبركاته
أنت وكما تعلم لايوجد حرية مطلقة
لابد أن تصطدم دائماً ببعض من القيود

أخى : أشكرلك جهد الطيب فى توضيح الأمر
لأن الكثيرين منا لم ينتبهوا لبنود هذه الاتفاقية جيداً

وتقبل تقديرى واحترامى
أخوك
محمد

عصفور المدينة يقول...

إضراب
======
مرحبا بك في عالم التدوين


أستاذي محمد الجرايحي

فعلا وهذا عين ما أردت إيصاله

Maha يقول...

همم .. حضرتك تقصد بالمسائل الفقهية اي نقطة ؟

لأني وقفت عند نقطة دي وتضايقت جدا لأنها تمس عقيدتنا

أنت توافق على اعتبار محكمة سانتا كلارا بكاليفورنيا جهة للتقاضي وقوانين ولاية كاليفورنيا مرجعا مهما خالف ذلك قوانين لدولتك أو ولايتك

كل ما هنالك إن الأمر لن يصل غلى هذه الدرجة في يوم من الأيام .. لكن برضة متنرفزة منها ..

ولا حضرتك تقصد اي نقطة ؟

عصفور المدينة يقول...

أستاذة مها

لا ما كنتش أقصد النقطة دي خالص دي مش نقطة فقهية دي نقطة عقدية بس مش هي مشكلتنا عشان هي شرط شبه مستحيل

لكن النقطة اللي فيها بحث فقهي أعتقد نقطة هل يجوز أصلا أن أوافق على شروط غير محددة
أقر أن أوافق على الاتفاقية بعد التعديل

وما شابههة من شروط

وبعدين التعارض الشديد بين تقديم الخدمة والحفاظ على المدونات اللي هي تعتبر أمانة عندهم هما أقروا أصلا بحقوق الملكية الفكرية لك عليها مالهاش دعوة بتقديم الخدمة أصلا

Maha يقول...

همممم أيوا صح

أنا فاكرة في شروط المعلملات في الفقة .. لما يكون فيه حاجة حتتباع مثلا لازم تكون موجودة وملك للبائع وشروط كده

هممم

في نفس الوقت .. هنا مش بيع وشراء .. هي اتفاقية لخدمة مجانية

همم مش عارفه !