الاثنين، يونيو 11، 2007

حلم الشهادة

مرة من زمان من ييجي سبع سنين حلمت حلم - أو رؤيا-

كان فيه جنود قافلين الطريق والناس مش عارفة تعدي والناس خايفة وقفت قلت لهم وسعوا الطريق عشان الناس يعدوا
ووقفت لهم
ضربوني بالرصاص... قتلوني...ماحسيتش بحاجة ..ما حسيتش بألم الرصاص ...ومت في ساعتها حسيت روح الشهيد بترفرف في الجنة......كنت سعيد بس كنت زعلان..
نفسي أهلي يعرفوا المكانة اللي أنا فيها
وإن أنا ما أصابنيش أي ألم
استأذنت فأذن لي إني أروح لأخويا في المنام بعد ثلاثة أيام وأقول له عن السعادة التي وصلت إليها


..................
صحيت من النوم مستغرب الحلم
مرت سنين
.....
في يوم كنت في أحد الأسواق وكان عساكر شرطة المرافق بيطاردوا البياعين وبياخدوا بضايعهم
كان اللي بيصرخ واللي بيجري...حتى البياع اللي اشترينا منه ساب الفلوس وجري
واحد منهم قال : يلا يا رجالة وقفة راجل واحد
سمعت كلمته افتكرت الحلم فجأة
.......
مشيت زوجتي قلت لها اسبقيني حادفع فلوس الراجل
وقفت انتظر عشان أكون معاهم

لا هو عمل حاجة ....ولا أنا مت شهيد

واستمروا في الهرب
روحت أبكي أربع ساعات ..أكثر مرة بكيت في حياتي...
وزوجتي تقول لي هم متعودين على كدة وكل اللي شافني يقول أصله حساس
وأنا مش بابكي عشانهم .....أنا كنت بابكي على حلمي اللي ضاع ........بابكي على نفسي

هناك 39 تعليقًا:

abdul-salam يقول...

أخي عصفور الغلابة
حلم جميل ويجسد ماأنت عليه من روح الشهامه وحب الغلابه اللهم ارزقنا وإياك الشهاده.
بس عاجبني قوي طريقة السرد للحلم وكذلك للحادثة الواقعية وكأنها فيلم سريع منسق تًظهر إمكاناتك في السرد والتلخيص غير المخل بس فيها روح الفكاهه لحد بعيد

mohand يقول...

السلام عليكم
ربنا يكتبلك الشهاده
امين يا رب

رينـــــــــــا يقول...

السلام عليكم
مش عارفه حضرتك تسمحلى اقول ليك ابى والا لا
بس دا فعلا شعورى تجاه حضرتك

بالنسبه للرؤيا الجميله دى
سعدت بيها جدااااااااااااا
وان شاء الله ربنا يحققها ليك يارب
وتصرف حضرتك جديدر بكل الاحترام لانه يدل على شخصيه اد ايه هى شهمه

ربنا يكرمك يارب
وادعيلى معاك

hapasa يقول...

ربنا يرزقنا الشهادة ان شاء الله
وطالما نطلبها من الله بصدق
ان شاء الله يحققها لن الله وغن متنا على فراشنا
وهو على كل شيئ قدير
اسعدنى جدا مروى على مدونتك البديعة
وجزاكم الله خيرا

خمسة فضفضة يقول...

السلام عليكم ورحمة الله وبركاته

اعتقد ان ده اجمل حلم ممكن الانسان يحلمه في حياته
ربنا يحقق لك حلمك ويرزقك الشهاده

أمــانــى يقول...

أســـتاذنا
ربنا يكرمك ويكرمنا الشهادة يارب آمــــــين
عارف يا أســتاذنا اكتر حاجة تخلى الواحد فعلا يبكى قلة الحيلة يعنى حضرتك كان نفسك تدافع عنهم ولكن ايد واحدة ما تصقفش ابدآ

" اللهم أشكو ضعف قوتى ,وقلة حيلتى وهوانى على الناس , يا أرحم الراحمين , الى من تكلنى إلى عدو يتجهمنى أم الى
قريب ملكته أمرى ؟ إن لم تكن ساخطآ على فلا أبالى غير أن عافيتك أوسع لى. أعوذ بنور وجهك الكريم الذى أضاءت له السموات وارض وأشرقت له الظلمات وصلح عليه أمر الدنيا والآخرة - أن تحل عليا غضبك أو تنزل على سخطك ولك العتبى حتى ترضى ولاحول ولا قوة إلا بك
"
اوعى حضرتك تنسى او تزعل نفسك ربنا كريم يمكن لسه وقته يمكن عليك لسه مسئوليات لازم تخلصها اكيد ربنا له حكمة فى ذلك
واوعى حضرتك تنسى دعاء عمر بن الخطاب رضى الله عنه والناس كانت بتستغرب ازاى هيكون شهيد وهو قاعد فى المدينة
يمكن يكون الاستشهاد فى الدفاع عن شئ أكبر من ذلك
ربـــنا يكــرمك ويرضى عنك يـا أستـاذنا الفاضل
تحياتى لحضرتك
معلش بقى طولت على حضرتك اصلى رغاية :D

Mohamed A. Ghaffar يقول...

وايش ادراك انه ضاع !! أطلعت على اللوح المحفوظ؟

ربنا يحقق حلمك وينولهالك فى نصره الأسلام

farfasha يقول...

انا عامله فكره جديده ومحتاجه التشجيع ياريت تقولى رايك في الفكره وياااااارب تكون اول استفتاحي وتكون اول مشارك معايا في الفكره
تحياتى لك

زحل الفلكي يقول...

ياااااااه
الحلم ده حلو اوي
وفرحان ان لسه فيه حد بيحلمه
زيي

يارب ننول الشهاده في سبيلك

وافكر حضرتك انه من سأل الله الشهاده بصدق مكنه الله من لوصول لمنزلة الشهداء وان مات في سريره

ربنا يكرمك

مدونة الدفاع يقول...

السلام عليكم
ربنا يحقق زؤياك ان شاء الله
بس انا مش عارف انا حاسس انك زعلان انك كنت بتفكر فى نفسك وبتبكى على نفسك افتكر اننا لازم فعلا نزعل لفوات فرصه نستشهد فيها ربنا يرزقنا واياكم صدق الرغبه فى الشهاده
وشكرا

رفقه عمر يقول...

معلش ممكن تاذن لى بالتعليق
طالما ان حضرتك طلبت الشهادة بصدق ستنولها باذن الله حتى وانت مت بعد عمرا طويل على الفراش
وليه تزعل نفسك اصلا فيه جهاد تانى منتظرك اكتر من هذا الموقف وتحقق فيه النصر ان شاء الله وهو جهاد المسلمين لاستعادة الاقصى الجريح
رزقك الله الشهادة هناك اللهم امين يارب العالمين
ورزقنا جميعا اللهم امين

SAKAyAR يقول...

الشهادة دي شيء معظمنا بيطمح فيه مش بيحلم بس... انا مثلا من يوم ما قرأت حديث افضل شهيد في الاسلام ... الشاب اللي بيقطعه المشيخ الدجال نصفين ... وانا نفسي اكون الشاب ده ... لكن لا المشيخ ظهر ... ولا انا لسه سافرت مابين العراق والشام علشان اطلع للمسيخ

cat_eyes(همس الليل) يقول...

ههههههههههههههههه
كنت بفكر نفسى زمان دموعى قريبه

وانى لسه ماخدتش على وجع الحياه

اتارى فى ناس كتير زيى بتعيت لما تشوف واحد بتتكسر بضاعتو تحت الجزم وبيجرى ويسيب حجاتو من الخوف

بس كان لازم اعيط على احلامى اللى سبتها وجريت من خوفى من قهر المجتمع

ma_3alina يقول...

إن بالمدينة رجالا ما سرتم مسيرا ولا قطعتم واديا .. إلا كانوا معكم أين ما كنتم .. حبسهم العذر

طوبى لرجل ما قاتل ولا قتل ثم حشر مع زمرة الشهداء والمجاهدين .. من لي بمثل مشيه المدلل يمشي الهوينى ويجيء في الأول

فن الحياة يقول...


بارك الله فيكم اخي الفاضل عصفور المدينة
على انكارك للمنكر وان كان بقلبك فهذا اضعف الايمان

اما امنية الشهادة فيتمنها كل شخص
وذكرني قولكم ( انك محستش بحاجة لما استشهدت )
ب قول الرسول صلّ الله عليه وسلم ان الشهيد حينما يستشهد لا يحس سوى بوخزة ابرة
شكة دبوس زي ما بيقولوا

واذكرك بقائدنا خالد بن الوليد
قاتل طلبا لشهادة ولكن مات على فراش الموت ..


ربنا يرزقنا الشهادة وان يبلغنا منازلهم .. اللهم آمين

SoRsaRaa يقول...

السلااااام عليكم

استاذنا الفاضل

مش عارفة اقول ايه بجد بس الحلم دا اسمى امانينا وربنا يكتبلنا الشهادة ونكون من أهل الفردوس الأعلى

اللهم آآآآمييييين

وربنا يجزيك كل خير على اهتمامك بأحوال الناس ومساندتك ليهم

mohamed يقول...

ربنا يتقبلك من الشهداء باذن الله

اما الناس دي مش عارف اقول عليهم ايه ..

جتي اللي وقف يتاجر ببضاعه هي مصدر رزقه ورزق عياله مش سيبينه

هيقلو دي قوانين وحقوق البلد واشغال طريق وضرائب

طيب فين حق الناس دي علي البلد في انها توفرلهم مصدر للرزق ..

توفر ليهم انهم يتعبو في مقالب قوت يومهم

Trurh Guard يقول...

النهايه مجتش عشان تقول ضاع
ومين يعرف ممكن تكون البدايه لسه مبتدتش
اصبر مع الصابرين واسعى وربنا يتقبل منا جميعا اعمالنا
شكرا

شباب روش طحن يقول...

حلم جميل وأكيد كلنا بتمناه بس أنت عارف مش ألي إحنا عايزينه بنحققه المهم تكون مستعد إذا لفعل ما هو ضروري

غير معرف يقول...

مررت بمدونتك لأول مرة صباح ايوم..
ووجدتني أقرا ادراجاتك الواحد تلو الاخر وأفتش في أرشيفك كمحاولة للحاق بما فاتني منك

مدونة جميلة..
وأحييك على هذه الروح..

وكم خجلت منا حين خذل حلمك..
في أماكن كثيرة وبطرق لا تحصى أحلام كثيرين تخذل
وأحيانا تقتل..

دانه (مدونة شغف)

Just a Reader يقول...

ربنا يرزقنا الشهادة جميعا...لا تبكي عسى الله أن يحققها لك ويكونوا جنود تانيين أكثر استحقاقا لأن تقاتلهم.

shlapia يقول...

ههههههههههه
اهلا بيك فى ارض الاحلام ..مصر المحروسة

متزعلش المواقف زى دى كتير اوى فى مصر اكيد اكيد هيجى يوم وتلاقى الحلم يتحقق

وربنا يبارك فى عمرك

سلام

مناجاة يقول...

خيرها فى غيرها
اعتبر ان النص الأولانى من الحلم هو بس اللى اتحقق
فاضللك النص التانى
طول ما حضرتك عايش يبقى ممكن يتحقق
أسأل الله لى ولك الشهادة فى سبيله

Aiman يقول...

كام حلم جميل عشناه في المنام و كام رؤيا جميله فقدناها عندما طرفت أعيننا بعد نوم ثقيل ::
و لكن في النهاية اظن أن الحلم الجميل إذا لم يتحول إلى فكرة و أن تتحول الفكرة إلى بذرة عمل تنبت فرعا أخضر يثمر لنا ثمرا حلوا .. أظن أن الحلم وقتها لن يعدوا كونه أضغاث أحلام و ما نحن بتأويل الأحلام بعالمين
أقصد أن كل الأعمال العظيمة التي حدثت في الدنيا سواء كانت أعمال صالحة أو طالحة كانت في البداية مجرد حلم جميل

المجاهدة يقول...

:)
عسى ان يكون خيراً
:)

مش ممكن لسه وقت حضرتك مش جه
:)
و ان حضرتك لسه معانا من الاحياء في الدنيا عشان تقدم اكتر و اكتر
عشان يوم ما فعلأً روحك تصعد لبارئها اتنكون قدمت اكتر من الي قدمته لحد يوم السوق ده
:)

ربنا يرضى عنك استاذى الكريم و يكرمك بالشهادة... حتى و إن طال العمر قليلاً :)

كان سيدنا علىّ أبي طالب بيدعي اللهم ارزقني شهادة في سبيلك بعد عمر طويل في سبيلك
:)
عشان تكون قدمت اكتر و اعمالك زادت اكتر و عباداتك اكتر و علمت الناس اكتر
:)
ربنا يرضى عنك و يباركلك
:)

الطائر الحزين يقول...

السلام عليكم
ياريت نقدر نحقق مكان الحلم أو اشخاصة
ياريت نعرف المكان اللى هنموت فيه
بلغك الله المنزلة ولو كنت على فراشك ان شاء الله
تحياتى

عمرو المصري يقول...

ايوة ياجدعان هي دي الاحلام ولابلاش

ماهو لازم نحلم بالانتصار عشان من حلاة اللي هنحلم بيه نقعد بقي نفكر ازاي نحقق الحلم ده

دعوه للحلم

hapasa يقول...

آسف على التحليق خارج السرب
ولكن إيماننا بدفاعكم عنمبدال الحرية
ندعوكم للتضامن مع عمر الشرقواى المعتقل فى قسم طلخا

إثر قيامه بتغطية انتخابات مجلس الشورى
وجزاكم الله خيرا

islamist bloke يقول...

ياااااااااااااااااااااه يا عم عصفور

وانا كمان

والله وانا كمان

ربنا يجمعنا فيها على خير وشهادة

اللهم امين



خد مني دي

وما أكثر الناس ولو حرصت بمؤمنين*وما تسالهم عليه من أجر ان هو الا ذكر للعالمين*و كاين من آية فى السماوات والارض يمرون عليها وهم عنها معرضون*وما يؤمن أكثرهم بالله الا وهم مشركون*أفأمنوا أن تأتيهم غاشية من عذاب الله أو تأتيهم الساعة بغتة وهم لا يشعرون*قل هذه سبيلي أدعو الى الله على بصيرة انا ومن اتبعني وسبحان الله وما أنا من المشركين* وما أرسلنا من قبلك الا رجالا نوحي اليهم من أهل القرى أفلم يسيروا فى الارض فينظروا كيف كان عاقبة الذين من قبلهم ولدار الاخرة خير للذين اتقوا افلا تعقلون*حتى اذا استيئس الرسل وظنوا انهم قد كذبوا جائهم نصرنا فنجي من نشاء ولا يرد بأسنا عن القوم المجرمين*لقد كان فى قصصهم عبرة لأولى الألباب ما كان حديثا يفترى ولكن تصديق الذي بين يديه وتفصيل كل شىء وهدى ورحمة لقوم يؤمنون*

اخر سورة يوسف

والسلام

غير معرف يقول...

لاسباب تقنية تغير عنوان المدونة
من الغد تواصل هيباتيا الكتابة في موضوع : الله .. النص ... البشر
http://hypatia-theu.blogspot.com

ض/خالد يقول...

وبدون مقدمات
انا باتابع مدونتك من على الموبيل :)
تكنو لوبيا الجيل التالت ثري جيه

بخصوص موضوعك
معلش خيرها في غيرها

لكن تعتقد لو إنك متت في الموقف ده ينطبق عليك حكم الشهيد-في الآخرة يعني-

؟؟

ض/خالد يقول...

تحديث :

الشهامة قد تكون في الجري أحياناً :)

والدليل هنا


http://ctybrd.blogspot.com/2007/04/blog-post.html

من عمرك بطل يا باشمهندس :)

عصفور المدينة يقول...

abdul-salam

فكاهة إيه بس يا عم عبده أنا أجسد
الإحباط والعجز
===============
mohand
hapasa
د/خمسة فضفضة
مدونة الدفاع
SoRsaRaa
Trurh Guard
شباب روش طحن
Just a Reader
مناجاة

أسأل الله سبحانه وتعالى أن يلهمنا أولا سؤاله الشهادة وأن يرزقنا الاستجابة ثوابا واقعا أو واقعا

مقبلين غير مدبرين

أنا مش زعلان أنا حاسس بالإحباط
===============
رينـــــــــــا
جزاك الله خيرا دعوت لك اليوم لي شرف اللقب
===============
أمــانــى
رفقه عمر
ma_3alina

بارك الله فيكم دائما متفائلون
===============
Mohamed A. Ghaffar
جزاك الله خيرا وشكرا لبعثك الأمل في قلبي
===============
farfasha
في انتظار مبادرتك
===============
زحل الفلكي
أعرف كثير بيحلموا الحلم ده منهم واحد اسمه زحل
================
SAKAyAR
طموحك عالي جدااااااااااا وهمتك راقية أغبطك
================
cat_eyes(همس الليل)
مشرفة وربنا يرزقنا وإياك رقة القلب
===============
فن الحياة
لا تعرضن بذكرنا مع ذكرهم...ليس الصحيح إذا مشى كالمقعد
===============
mohamed
لمست عنصر ها كتبت لأجله
===============
شغف -دانة-
مرحبا بالأديبة الرقيقة جزاك الله خيرا شرف لي قراءتك بضاعتي المزجاة
مدونة دانة
مدونة شغف
مدونة راقية
===============
shlapia
شكرا وشرفتينا
===============
Aiman
مشرف ياسيدي وأنت صاحب الشهامة التي أشار إليها ض/خالد
ربنا يستر وما تكونش أضغاث وأدي احنا بنحاول
ياكش تعمر
===============
المجاهدة
رض الله عنك وجزاك الله خيرا
===============
الطائر الحزين
وما تدري نفس باي أرض تموت طب مانا لما حلمت
كنت حاموت
ماعجبتكمش
===============
عمرو المصري
ظي ما قال أمن الأحلام لازم نسعى لتحقيقها
==============
hapasa
اللهم فرج كرب عمر الشرقاوي وفك أسره
=============
islamist bloke
حييجي اليوم إن شاء الله
جاءهم نصرنا فنجي من نشاء ولا يرد بأسنا عن القوم المجرمين
============
ض/خالد
كنت فين يا ضاكطور ؟؟
هو انت كل حاجة تضلمها لي كدة سيبني أحلم يا أخي
بأي موتة محترمة
مش حافتي النهاردة عشان دي اسمها يوميات حزينة

علاء يقول...

لعل هذا ليس الحلم
و ليس هذا تفسيره
فاحيانا تتشابه الأمور
هناك أناس لا يستحقون إلا الشهادة
أستاذي ..
أدعو الله أنا اكون أنا و أنت منهم
فالله يصطفيهم من بين عباده
أحبك في الله
و أمانة
لو مت شهيدا اشفع لي عند ربي و اعتبرني من أهلك

شيماء الجيزى يقول...

حلم الشهادة

مش عارفه حسه ان عندى حلم الشهادة
بس انهى شهادة

نفسى اموت فى سبيل الله

وبتخيل نفسى بموت فى حرب من ايام الرسول
او بحلم

مش عارفه
بس قصتك فكرتنى

ربنا يكتبلك الشهادة
آمين يارب العالمين

تحياتى

mraghy يقول...

الاخ الكريم / عصفور المدينة
حلم أو رؤياك ( كما تشاء ) جميلة
ولكن - و ارجو ان تسمح لي _ هل تتحقق الشهاده بالوقوف اما عساكر البلدية ؟!!!

اسأل الله العلي العظيم رب العرش العظيم ان يرزقني و إياك و المسلمين اجمعين الشهادة

تقبل مروري اخي الفاضل

غير معرف يقول...

السلام عليكم ورحمةالله وبركاته

استاذنا الفاضل

عصفور المدينه
هذه اول مرة امر على المدونه ولكنها بحق فائقة الجمال واثابك الله عن من ينتفعون بها خير الجزاء والثواب الحلم
مع انى اراها رؤيه يبشرك بها المولى عز وجل بمنزلة فى دار البقاء وما اروعها بمنزلة اسال الله سبحان الهداية وطريق الرشاد

سعدت كثيرا بدخولى المدونه وان شاء الله اداوم على قرائتها

ام الابناء


راجيه عفو الله

صانعة الحرية يقول...

يااااااااااااااااااه
ابكيتنى استاذى وجعلتنى افووووووووووووق من غفلتى
افتكرت املى والحلم اللى عايشه علشان اصحه عليه
الاستشهاد
حاسه انى لو مامتش شهيده ابقى ضعت
ذنوبنا كتير وغفلتنا كتير
حاسه ان الاستشهاد هو الحل
ياااااااااااااااااااااااارب لاتمتنى الا شهيده
اسال الله العظيم ان يرزقنى واياك استاذى الفاضل الاستشهاد فى سبيله ويمن علينا بالدفن فى البقيع
اميييييييييييييين

عصفور المدينة يقول...

كتب الله لنا الشهادة أجمعين ورزقنا ثواب الشهداء وتذكر الحلم دائما والاستعداد له