الخميس، يوليو 26، 2007

الفجر مرآة اليوم السابق

توفيقنا لصلاة الفجر هو انعكاس ومرآة وملخص لليوم السابق وحالتنا فيه مع ربنا من الطاعة أو الانضباط بأوامره ونواهيه
والحفاظ على قلبك ولسانك بل وفكرك طوال اليوم وحرصك على السنن وأدائها بصدق وإقبال وخفة نفس ونشاط.

هذا يظهر في توفيقك ولا شك وهذا مجرب وقد عبر عنه كثيرون عن أنفسهم وكل من عالج هذا الأمر يعلمه جيدا ومن تابع نفسه وعرف الأيام التي تضيع منه فيها صلاة الفجر وحاله فيها لوجد أن هذا سبب كبير

وسبب آخر أن يجهد الإنسان نفسه في اشياء فضلها قليل أو ليس لها فضل أصلا وليس شيء يتقرب به العبد إلى الله أفضل مما افترضه الله عليه والصلاة خير موضوع

ضياع صلاة الفجر من الإنسان سببه :
- إما تفريطه في طاعات أخرى أو فعل المحظورات العملية أو القلبية
- أو بتفريط مباشر فيها هي نفسها وهذا في حد ذاته من أكبر المعاصي وهو عدم الاهتمام بها والحرص والإقبال على أدائها في وقتها مع الجماعة (لأهل الجماعة)

يدخل في هذا التفريط الثاني الانشغال عنها بالسهر فيما يضر ولا ينفع أو فيما لا ينفع ولا يضر فهذا تفريط في حق نفسك وحقها

وإذا سهر الإنسان في شيء ظاهره طاعة كما أشرت (سابقا) فإنه قد يكون ملبسا عليه وإعطاء الأولوية إنما يجب أن يكون للفرائض كما هو نص الحديث القدسي
يعلم الجميع أيضا أن الانشغال بالأمور المفضول (لها فضل ولكنها أقل فضلا) عن الأفضل وهو ما يسمى أحيانا واجب الوقت فإن هذا من سوء إدارة الموارد التي أعطاك الله من الصحة والعمر

وأكثر ما يحرص عليه الإنسان هو نفسه فإن غاية الأعمال كلها حتى المتعدي النفع منها مثل الدعوة والبر والأعمال الخيرية والعلم وغيره فإن الغرض منها نجاة الإنسان ورفعة درجته

فماذا لو دخل الناس جميعا الجنة بسببك وهلكت أنت بسبب تفريطك في الواجبات
وماذا لو أتقنت عملا لم يطلبه الله منك على وجه الوجوب وفرطت في عمل أوجبه عليك

حينئذ يكون المآل إلى الحسرة

وهنا أحوال أربعة
عمل ظاهره طاعة*ويتبعه طاعة
عمل ظاهره طاعة * ولا يتبعه طاعة
عمل ليس بطاعة*ويتبعه طاعة
عمل ليس بطاعة*ولا يتبعه طاعة

والمراد بما ليس بطاعة أن يكون مباحا أو مكروها أومحرما وأشرف هذه الأحوال هو ماكان طاعة تبعته طاعة
وإذا كان ظاهره طاعة ولا يتبعه طاعة فيجب التدقيق فيه ومحاسبة النفس عليه جيدا ربما دخله شيء

وكثيرا ما يقال ويشاهد أن من علامات قبول الحسنة الحسنة بعدها
"والذين جاهدوا فينا لنهدينهم سبلنا"
إذن حياتنا هي ذلك التسلسل جهاد للنفس ثم توفيق من الله يتبعه توفيق لحسنة بعدها وهكذا
والله سبحانه وتعالى يتقرب ممن تقرب إليه بأكثر من تقرب العبد

وقرأت شواهد كثيرة لهذا الكلام من كلام السلف ولكنه للأسف (على حالنا) عن قيام الليل

إن الأخذ بهذه القاعدة ومراقبتها سيعطيك كثيرا من الرقابة الذاتية ويعينك أيضا على تدارك أمورك ومحاسبة نفسك في نهاية اليوم وهو نهاية المهلة التي تكون قبل النوم الذي هو شقيق الموت

ومعلوم أن الندم ومحاسبة النفس وعدم العزم على العودة توبة


كيف تحافظ على صلاة الفجر


هناك 37 تعليقًا:

BinO يقول...

من الدعاء
اللهم اعنا علي ذكرك وشكرك وحسن عبادتك
وصلا ة الفجر كما قلت مرأة
وهي الأصعب علي المنافقين
اللهم لا تجعلنا منهم
جزيت خيراً

المهـ إلي الله ـاجر يقول...

صلاة الفجر هي إختبار حقيقي ويومي . قل من ينجح فيه


وإن من مداخل الشيطان تزيين المفضول عن الفضل . فقد يقوم بعض الأفراد بالسهر في أمور يعتقدها هو انها طيبة . وقد تكون هكذا فعلاً ولكنها لبيست منضبطة بحساب الاولويات فتؤدي للتأخير عن الأهميات مثل صلاة الفجر


وأسال الله تعالي ان يجعلنا جميعا من المحافظين علي الجماعة في المسجد الخمس صلوات


جزاك الله خيرا يا حبيب

الطائر الحزين يقول...

بارك الله فيك
انا لسه خطر على بالى فكرة مع قرب شهر رمضان

ان هناك اناس كثيرون يحافظون على التراويح ولا يحافظون على الفجر

حتى الانشغال عن الواجبات بطاعة أخرى مرفوض

جزاك الله خيرا

مهندس مسلم يقول...

جزاكم الله خيرا
فعلا صلاة الفجر اختبار يومي
بس انا فعلا ملاحظ الخير في الناس اذكر ايام ما كنا بنصلي الفجر 2 ورا الامام ودلوقتي مش اقل من صف كامل يوميا ويومي الجمعه والسبت العدد بيزيد كتير

ياسر مدني ...دينامو الإخوان يقول...

ليكي تاج عندي

عازف الناى يقول...

نعم صلاه الفجر هى مرأه اليوم السابق
الا انها نور ومنار ايضا لليوم الاتى
فعندما نقوم لصلاه الفجر ونبداء فى ممارسه اعمالنا اليوميه نجدها ميسره ونجد ان نفسنا زكيه لا نغتاب ..ولا نتعالى..ولا نكذب ..ولا ننافق
وفقق الله وايانا الى طريق الصلاح

Future_Preacher يقول...

السلام عليكم ورحمة الله و بركاته
صدقت اخي الكريم فيما قلته
فعلا انا بلاحظ ان التوفيق لصلاة الفجر بيكون نتاج لليوم اللي فات و مقدمة او مقياس لليوم التالي
و في الحديث اللي بيبين متي سنتغلب علي اعداء الله اليهود ذُكر أن ذلك سيتم عندما يكون عدد المصلين للفجر (والفجر بالتحديد) في جماعة كعدد المصلين في يوم الجمعة و هذا لان كما قلت حضرتك انه من جهاد النفس المداومة علي تلك الفريضة المعجزة التي تُعلي من همم المؤمنين فتجعلهم يقهرون عدوهم

اللهم وفقنا دائما للمداومة عليها و لا تجعلنا ممن يستزلهم الشيطان باللهو عنها
و جزاكم الله خيرا علي مدونتك الرائعة دي اول مرة اعلق فيها و ان شاء الله مش حتكون اخر مرة

Maha يقول...

صحيح ما قلت .. جزاك الله خيرا .. التدوينة جميلة كالعادة ومفيدة

غير معرف يقول...

صح الصح وفى الصميم

مش لاقى اى اضافة

جزاك الله خيرا على التذكرة والحكمة الحسنة

والسلام

أبوعمر يقول...

ربنا يكرمك
فعلا صلاة الفجر مصنع الرجال وهى اقل اختبار للايمان والبراءة من النفاق وهى بالفعل مراة لليوم السابق فان كان خيرا اديتها وان كان غير ذلك حرمت خيرها
بارك الله فيك وبك
ادعيلى تانى
ووالله اذا جيت يوم السبت بجد هتزدينا شرف وقوة وهيبقى لينا قوة كبيرة
بجد والله هتقلها حضرتك

ftataljanna يقول...

السلام عليكم ورحمة الله وبركاته

طيب انا مثلا بسهر طول الليل قدام المدونات والكمبيوتر وكده بس على المضافين عندى والحمد لله كلهم كلامهم تذكرة

بس كده كده الطلبة بالذات مواعيد نومهم بتتغير فى الاجازة

فبفضل صاحيه للفجر عادى واصليه وانام واصحي اصلي الظهر


بس السؤال

لو عملت طاعة ولقيت طاعة بعدها بس انت كنت قبل كده جربت احساس القرب من الله ومش حاسس الاحساس ده حاليا

يبقى ايه

والطاعة اللى مش بيكون بعدها طاعة ده ايه لم تقبل يعني ولا ايه ؟

استاذ هصغور المدينة

جزاك الله خيرا كثيرا واصلح ذؤيتك اللهم آمين

نـــــــور يقول...

جزاك الله خيرا كثيرا
تدوينة متميزة كالعادة
وفيها من الفائدة الكثير
نفعنا الله واياكم بها

نـــــــور يقول...
أزال المؤلف هذا التعليق.
صاحب البوابــة يقول...

جزاك الله خيراً

اشكرك اخي الكريم على نصيحتك لي بإزالة التعليقات

ولقد ترددت في إزالتها عندما كنت اظنها مجرد نصيحة قابلة للتشاور حولها

فلما اوضحت سيادتك انها فتوى

لم ابارح موقعي حتى ازلت التعليقات

بارك الله فيك

وتحياتي دائماً

----------

بالمناسبة انا لم اغضب منك يوما

حتى عندما وجهتني الى موضوع رسائل الحملات

:)

حتى ولو لم اكن مقتنعا داخليا

لكنى احترمتك وقتها اكثر من اى وقت

لأن ما تؤمن به هو الذي تنطق به

تحياتي لكل شريف حر

mazagat يقول...

بوست موفق جدا يا عصفور



في عز ما يسهر الجميع الى ما قبل الفجر بلحظات ثم ينامون فتضيع الفريضة ..


جزاكم الله خيرا على التذكرة ..




... مزاجات

Jana يقول...

باشمهندس

تكتب ما نشعر به جميعا ونعجز عن وصفه

حفظك الله
وادام عليك فصاحتك
وطلاقة لسانك فى الحق

تحياتى

رينـــــــــــا يقول...

كالــــــعــــــــادة
ربنا يجعلك زخرا للمسلمين وجعل لكل كل حرف حسنه

فعلا دا دايما اللى بيحصلى
جزيت خيرا

mo'men mohamed يقول...

شتان بينهما

عندما يفعل المرء طاعة يبغى بها وجه الله يستشعر حلاوة فى قلبه ويفرح بها فإن ويعقبها طاعة وهذا الشعور والطاعة التالية دليل على قبول ذلك العمل
أما من يفعل طاعة ولا يضع لها نية انها لله لا يشعر بذلك الشعور
اللهم لا تحرمنا منه دوما يا رب العالمين

ammola يقول...

مش عايزة اشذ عن التعليقات
بس احيانا باكون عارفة نفسى عاملة كارثة ومع كده باقوم اصلى الفجر وباشعر كأن ربنا عايز يكسفنى ويقوللى شوفى انتى عملتى ايه ومع كده انا خليتك تقومى الفجر بكرمى ورحمتى.واللا يمكن يكون ده امهال من الله والعياذ بالله...مش عارفة والله انا بجد خايفة
ان شاء الله ابقى اقرا رد حضرتك لما ارجع من السفر انا باقول اهو بأذن الله انا مسافرة خللوا بالكو من المدونات على ما ارجع

عصفور المدينة يقول...

الأخوة الكرام جزاكم الله خيرا

BinO
اللهم اعنا علي ذكرك وشكرك وحسن عبادتك
=====
المهــ إلي الله ــاجر

صلاة الفجر هي إختبار حقيقي ويومي . قل من ينجح فيه

يوميا يعني



وأسال الله تعالي ان يجعلنا جميعا من المحافظين علي الجماعة في المسجد الخمس صلوات
=====
الطائر الحزين

بارك الله فيك
سبقتك
=====
مهندس مسلم
طبعا فيه خير عن زمان
ولكن أنا أتكلم على مستوى الفرد نفسه يوم بيوم وبعدين ده احنا طموحنا إن نفس العدد اللي في الصلوات بل طموحنا إن نفس العدد اللي في البيوت

جزاكم الله خيرا
=====
عازف الناى
نعم صلاه الفجر هى مرأه اليوم السابق
الا انها نور ومنار ايضا لليوم الاتى
تعليقك قيم ياابوزمل وليك تاج عندي بكرة إن شاء الله
=====
Future_Preacher

فعلا انا بلاحظ ان التوفيق لصلاة الفجر بيكون نتاج لليوم اللي فات و مقدمة او مقياس لليوم التالي
أؤمن على دعائك اللهم أصلح أحوالنا
=====
Maha
جزاك الله خيرا من بعض إحسانكم
=====
islamist bloke

منور وواحشنا وخلي بالك من نفسك :)
=====
أبوعمر
فعلا صلاة الفجر مصنع الرجال
اللهم اصنعنا على عينك
=====
ftataljanna

أختي فتاة الجنة بخصوص الناس اللي بتسهر للفجر في وقت ووقت آخر لا
نقول لهم إن من علامات قبول الطاعة في الصيف التوفيق للطاعة بعدها في الشتاء
وبخصوص سؤالك عن حضور القلب أو الفتور الذي يعتري الأحاسيس أحيانا بعد المداومة على الطاعة فهذا موضوع تاني ومرضنا جميعا ربنا يشفينا منه
ولكن عذرنا عند ربنا أننا نحاول ونحاول دوما
=====
نـــــــور
جزاك الله خيرا كثيرا
=====
صاحب البوابــة

جزاك الله خيراً على سعة صدرك
ومبادرتك بحذف التعليقات

=====
mazagat

في عز ما يسهر الجميع الى ما قبل الفجر بلحظات ثم ينامون فتضيع الفريضة ..
جزاكم الله خيرا على التنبيه
=====
Jana
جزاك الله خيرا
=====
رينـــــــــــا
جزاك الله خيرا وحمدا لله على السلامة
=====
mo'men mohamed

شتان بينهما
تعليقك قيم جدا
اللهم لا تحرمنا منه دوما يا رب العالمين
=====
ammola

يا بنتي هو انت لازم المناوشات دي :)
على كل مرحبا بمناوشاتك التي تثري الموضوع

على فكرة انت جاوبت على نفسك

عارفة نفسي إني عاملة كارثة

خدي بالك إني كنت بانبه جامد على الموضوع ده في التدوينة وباقول إن الواحد يعني لا سمح الله لو لبخ يلحق نفسه وقلت

ومحاسبة نفسك في نهاية اليوم وهو نهاية المهلة التي تكون قبل النوم الذي هو
شقيق الموت
ومعلوم أن الندم ومحاسبة النفس وعدم العزم على العودة توبة

فالمذنب الذي يكون مقرا بذنبه ويحس بالحرج النفسي منه ويندم عليه هو أرجى أن يمن الله عليه بالتوفيق من ذلك الطائع ظاهريا الذي يرى نفسه عند الله شيئا
وربما صحت الأجسام بالعلل
وأيضا المسلم يتراوح بين الطاعة والذنب والتوبة منه

أما بقى الاستدراج اللي انت بتقولي عليه فده بيكون مع أشخاص بيكونوا مواظبين على العبادات وكأنها عادة لا تنقطع ولكنهم عندهم خلل خلقي معين من قبيل العجب أو رؤية النفس أو المن أو الرياء
اللهم عافنا وأصلحنا

مشروع انسان يقول...

انا اللى دخلت باسم ابو عمر
على فكرة
حاول تيجى يوم السبت
اخى ننتظرك

بهلوله يقول...

عصفور باشا
ازى حضرتك
انا جيت متاخره
مانت عارف اللزقه اللى عندى
صلاه الفجر هى مراه اليوم كله والعمر كله
يارب جازنا بخيراتها

ftataljanna يقول...

لا حضرتك فهمتنى غلط

انا مش بقول ان الطاعة بتكون فى الصيف بس

انا كان سؤالى

هل سهري ده حرام او يعتبر مضيعه للوقت مع انى بستفيد من المدونات والقراية ؟

السؤال التانى ماكانش عن الفتور خالص

هو كان انى عملت طاعة الحمد لله وبعدها كمان ربنا يسر لى طاعة

بس انا مش حاسه مع كده انى قريبه من ربنا او مش حاسه ان ربنا راضى عنى

ده مش فتور بس احساس انى بعيدة

السؤال التالت بقى
لما بعد الطاعة ما يجيش طاعة ده معناه انها لم تقبل؟

عصفور المدينة يقول...

بهلولة
جزاك الله خيرا هو الأستاذ ما بيجيش ليه لسة مش عارف يغير الأكونت
===========
فتاة الجنة
السهر مش حرام طالما انك لا تضيعين صلاة الفجر أو صلاة الظهر أو واجبات بر الوالدين
ساعات الوالدين بيكونوا عايزينك تصحي بدري ففي هذه الحالة يبقى السهر منعك من طاعة وايضا في البكور بركة فممكن نفس اللي تعمليه بالليل تعمليه الصبح بدري ويكون فيه بركة أكثر

السؤال الثاني
أنا فهمته صح فعلا والفتور مش لازم يكون تقليل من الطاعات لا ده هو بييجي في عدم حضور القلب
والواحد في أول التزامه بيحس إنه قريب من ربنا وقلبه حاضر وحسه مرهف وبعد شوية بيجيله إلف الطاعة ويتعود عليها فممكن يؤديها من غير قلب
وهو لازم ياخد وسائل عشان ينعش نفسه
ومن ضمنها الدعاء اللهم جدد الإيمان في قلوبنا
وهذا الذي ذكره الله في قوله ألم يأن للذين آمنوا أن تخشع قلوبهم لذكر الله

ولكن مجرد إحساس الإنسان أنه ربنامش راضي عنه فهذا قد يكون فيه خير له لأنه يدفعه إلى مزيد من الطاعة وربما يكون أفضل من إحساس بعض الناس بأنه بلغ قمة الكمال
وفيه علامات الإنسان يعرف بيها إن ربنا راضي عنه أو لا من ضمنها زي ما قلنا إنه ييسر له الطاعة وثناء الناس عليه دون أن يطلبه والقبول في الأرض بل ووقوع المصائب له لأن الله إذا أحب عبدا ابتلاه
السؤال الثالث يا أختاه مهم جدا
وذلك لأن الحديث إن لكل عمل شرة ولكل عمل فترة فمن كانت فترته إلى سنتي فقد اهتدى
ومعناه إن الإنسان له أحوالزيادة في العمل ونقصان فإذا كان في الحالة التي فيها نقصان أيضا على السنة فقد اهتدى ومن كان غير ذلك معناها أن عنده خلل
وربنا سبحانه وتعالى يقول والذين اهتدوا زادهم هدى وآتاهم تقواهم
لا ننكر أن يقع الإنسان في هفوات فهذا لا يحبط العمل ولكن الطاعة تقول أختي أختي يعني تطلب أختا لها
وطبعا الكلام عن الواجبات والأولويات شأن آخر
وهو المقصود من التدوينة فلو كان الإنسان مثلا يقرأ القرآن ويستلذ بالقراءة وأذن للصلاة وهو ظل يتلذذ بالقراءة ولا يلبي الأذان فأنت تعلمين أنه بذلك يكون مقصرا وأيضا لا تعتبر قراءة القرآن في هذه الحالة طاعة لأنها ليست هي مراد الله منك في هذا الوقت

ftataljanna يقول...

جزاك الله خيرا يا اخى

بس برضه موضوع الفتور ده مش اللى قصدي عليه

اللى انا قصدي عليه انه فى فترة من الفترات بيكون الانسان قريب من ربنا واتعلم التقوى فى كل شيء حتى بينه وبين نفسه وبعد كده بعد عن ربنا اوى

حتى انه بقى بيتجاهل صوت داعى الخير اللى جواه يعني لما يدعوه قلبه للطاعة لا يلبى

وبعدين رجع تانى وقرب من ربنا

بس الاحاسيس اللى كانت عنده قبل كده مش لاقيها

احساس انه قريب من ربنا
احساس حب العبادة
الشوق لمعية الله والشوق لطاعته
البكاء عند سماع القرآن او ذكر الموت او يوم القيامة

حاجات كتير احاسيس زي دي كتير راحت ما بقيتش موجوده

طبعا نفسي ترجع

ياريت حضرتك تساعدنى

ftataljanna يقول...

يعني ازاى الواحد يقدر يحيي قلبه تانى

ازاى الواحد يقرب من ربنا تانى
حاجات زى كده

جزاك الله خيرا

خالد أبوالفضل يقول...

مع زحمة الحياة وكثرة المشاغل يكون المرء أحوج ما يكون لمن يذكره بالله وينمي الجانب التربوي الروحاني في حياته
جزاكم الله خيرا علي التذكرة

أخوكم
خالد أبوالفضل
el-aseef.blogspot.com

كرم مسلم يقول...

السلام عليكم

جزاك الله خيرا

صلاة الفجر هى مقياس حبك لله عز وجل

abdo يقول...

فعلا والله فما فاتتنى صلاة فجر إلا ووجدتنى قد قصرت فى شى ء فى اليوم الذى قبله واليوم الذى لاأصلى فيه الفجر يكون ممتلىء بالأعمال والتعب جراء عدم القيام للفجر فهى فعلا مرآه
اليوم السابق
غير أنها لها فوائد عديدة ناهيك طبعا عن أنها فرض يقول صلى الله عليه وسلم فى الحديث
( من صلى العشاء في جماعة فكأنما قام نصف الليل ومن صلى الصبح في جماعة فكأنما قام الليل كله )
فهى من أصعب الصلاة على المنافقين
اللهم لا تحرمنا لذة النظر إلى وجهك الكريم واعنا على المحافظة على صلاة الفجر فى المسجد يارب العالمين

أمــانــى يقول...

أســـتاذنا
جــزاك الله خــيرآ
على هذا الموضوع القيم
اللى فعلآ كنت فى حاجة له
ربنا يكرمك ويوفقك لما يحب ويرضى ياااااااارب آمــــــــــــين
ويجعل كل فى حرف فى ميزان حســناتك
ياااااااارب آمـــــــين

جهاد خالد يقول...

جزاك الله خير الجزاء

تحليل رائع

اوافقك في كلمة

وبخاصة

أن التوفيق الى صلاة الفجر هو علامة قبول اليوم السابق

رزقت الجنة

غير معرف يقول...

فينك؟

انت مصحيتش للفجر بعدها واللا اية؟

اوعى تكون اخدت عين

صحيح هو موضوع ان الواحد ياخد عين فى العبادة ده حقيقي؟

واللا ده رياء؟



واحشنى جدا


سلام

عصفور المدينة يقول...

النجمة الصامدة
نفع الله بنا وبك
=======
أحمد الصياد
islamist bloke
واحشني أكثر والله
باصحى الفجر يا حاج بس انت اللي مش موجود

بخصوص موضوع الحسد أنا عارف انت بتتكلم عن إيه تيجي قدام واحد من اصحابك وتقول أنا بقالي شهر مش بافوت الفجر والشيطان ما يقدرش يضحك علي وكدة
هب تاني يوم ما تصحاش وهذا ملاحظ جدا في صلاة الفجر وتناقشت مع ناس كتير في الموضوع ده وقالوا انه بيحصل بس يبدو أنه عقاب على رؤية النفس

خالد حفظي يقول...

ندعوكم للمشاركة بإستطلاع مدونة
وطـــــــــني
هل تؤمن بوجود فتنة طائفية بمصر؟

ibn_abdel_aziz يقول...

الاية دي بالذات
والذين جاهدوا فينا
اية معجزة

الغريب ان اشكال الجهاد كلها تسري وينطبق عليها نص الاية

مع ان الجهاد المقصود به في اكثر ايات القرآن هو القتال بالسلاح
بل يكاد يكون كلها مقصود بها قتال السلاح

لان اللفظة عربيا قديمة
ولكنها تبدلت واصبحت محدودة المعني بنص القرآن

زي الفاظ مثل الزكاة والصلاة
كانت اوسع معني
ثم جاء القرآن فحدد المعني باستخدامها في النصوص المعروفة

أحب هذه الاية كثيرا
:))

دعوة الفردوس يقول...

سلام من الله عليكم ورحمته وبركاته

جزاك الله خيرا كثيرا على التدوينة الرائعة دي ولعل الله يجعل جزاءك ألا تفوتك صلاة الفجر في جماعة لا أنت ولا أهل بيتك الى آخر عمرك
اللهم امين وايانا جميعا

اتفق مع حضرتك في ان صلاة الفجر مرآة اليوم السابق
لكنها بالنسبه لي على الاقل اقرب من انها تكون مفتاح لليوم الجديد
فوالله كل ماكنت اقرا خواتيم الكهف بنية القيام للفجر عمر ماربنا خذلني وكنت لازم اقوم على الاذان بالضبط واسمعه-سبحان الله-واحيانا كان الشيطان بيقدر عليا واسمع الاذان وانام تاني-ربنا يغفر لي ويرحمني يااارب- صدقني والله الليله اللي كان بيحصلي فيها كده كان لابد اشوف كابوس في الوقت اللي نمته بعد الفجر ودي قاعده بالنسبالي

اسمح لي ان ارد على اختي



فـــــتاة الجـــــــنة

انا يااخيت حاسه جدا باللي حضرتك بتقوليه ده وحصل معايا قبل كده وكان مدخل كبير للشيطان دخل ليا منه لدرجة اني بقيت ابطل طاعات معينه غير الفرائض علشان ارجعلها بعد فتره واحس بطعمها
وبالله عليكي اوعي ياحبيبتي تعملي زيي ابدا
ده حل خاطيء بل انه زياده للمشكله
ولكن الموضوع بيتحل بالدعاء
قولي اللهم ردني اليك ردا جميلا
تباكي عند قراءة القران واقري احب السور الى نفسك
ادعي وقولي اللهم قربني اليك و اصطفيني وارضى عني وآثرني ولا تؤثر علي

وتقربي بعبادة جديدة اعتبريها الشبر اللي ربنا عز وجلل هيتقرب ليكي بعدها ذراع
اليس هو بالودود؟؟
توددي ليه باسماءه وصفاته ونعمه عليكي

و اخيرا
انا حاليا حاسه باللي حضرتك بتقولي عليه ده وبالاضافه للحلول السابق ذكرها قررت
...
...
اخد خطوة مؤجله من سنة
واعمل شيء مش سهل على نفسي ابدااااااا وبهرب منه بكل الطرق من اكتر من سنة
علشان اكسر نفسي هعمله
علشان ارقق قلبي لازم اعمله
ان شاء الله
هنزل غسل
اه هنزل مساعدة غسل شرعي ان شاء الله
لعل ربنا يتقبل ونيتي في العمل ده ان ربنا يقربني ويرقق قلبي ويصنعني على عينيه و يجعلني كما يحب ويرضى

انا قلت اقولك الحل اللي توصلت ليه بعد تفكير طوييييييييييل
ممكن تعمليه لو تقدري
او ممكن تنزلي تزوري المستشفيات
الحاجات دي فيها عبر هتحسسك بنعم ربنا عليكي
و بالتالي هتطيعي ربك وانت خاضعه
خاشعه
مبتهله اليه
ان شاء الله
اعتذر على الاطالة
ادعولي بالاخلاص بالله عليكم لكل من قرا تعليقي

عصفور المدينة يقول...

أختي دعوة الفردوس جزاك الله خيرا
وأنا فعلا باحضر أحيانا الغسل وأجد فيه ما أشرت إليه
أتمنى أن تنبهي أختي فتاة الجنة لتعليقك هنا