الأربعاء، أغسطس 01، 2007

دروس من هوليود


أترجم لكم تجميعة لدروس يقول بعض الغربيين العقلاء أنهم تعلموها من أفلام هوليود وبعد ما تقرؤوها ستعلمون جميعا أننا جميعا في وقت أو آخر أخذنا هذه الدروس وترسبت في نفسياتنا وقد ضربت الذكر صفحا عن بعضها لنظافة المدونة والبعض الآخر للاختصار



لا يهم إذا كنت تصارع عددا كبيرا أكبر منك في فن القتال فإنهم سوف يهاجمونك واحدا بواحد ويظل كل واحد يتراقص في هيئة تهديدية لحين قضائك على السابق له

الشرطي الأمين والمتفاني سوف يطلق عليه النار قبل تقاعده بثلاثة ايام

دائما واحد على الأقل من أي توأمين يولد شريرا

أي كيس بقالة لابد أن يحتوي على رغيف فرنسي بارز منه

الرجل لا يظهر أي ألم حينما يتعرض للضرب المبرح ولكنه يتألم عندما تأتي امرأة لتطهير جروحه

عندما يكون المجرم في وكر فإن النساء تخرج لاستكشاف صوت الضوضاء في ملابس فاضحة

كل القنابل يكون فيها عداد للوقت ذو أرقام كبيرة حمراء

المخبر يستطيع حل اللغز عندما يتم استبعاده من الخدمة

دائما يكون لك صديق أسود

عندما تتعرض المرأة للخطر فإنها تكون دائما في ملابس فاضحة

عندما تتكلم عن أحلامك وطموحاتك فإنك سوف تموت قريبا

ترتيب الموتى :المكسيكي أولا ثم الأسود ثم الرجل الأبيض وغالبا يجرح فقط ويبقى على قيد الحياة

إذا كنت البطل فإنك سوف تصاب بعيار ناري ولكنه سوف يكون جرح سطحي

الوغد دائما يكون عنده إعاقة أو إصابة ظاهرة

أرقام الهواتف غالبا تكون 555

الأشخاص السيئون غالبا غير أمريكيين

دور المراهقين يلعبه أشخاص في الثلاثينيات

إذا أصيبت سيارتك فعليك ان تجري لأنها سوف تنفجر

لا ينبغي عليك ان تغلق باب شقتك

القهوة تجعل الإنسان ينتبه حتى لو ظل يشرب الخمر طوال الليل

عندما تتحدث في الهاتف لا تعط الطرف الآخر فرصة ليتكلم

النساء تستيقظ من النوم في قمة الزينة والتبرج

الأشياء السيئة لا تحدث للأشخاص الذين يحبون الأطفال

الاعتقادات التي يعتقدها الوثنيون ليست باطلة بل يثبت دائما صحتها

لوحة المفاتيح دائما لها صوت والشاشات دائما تعرض ما يدل على أنه يتم تنزيل ملفات

دائما هناك مكان لزجاجة الخمر التي لا غنى عنها

دائما تقع الفتيات في سن 25 سنة في غرام الرجال من سن 55

الأفلام تحتوي أرامل بنسة 10 أضعاف الأطفال في الحياة

لا يوجد أطباق غير نظيفة في الأحواض إلا إذا كانت الشقة تخص تاجر مخدرات

مهما كان الحادث مروع فإن الوسادة الهوائية لا تعمل

يتم تفجير الديناميت بوسائل عتيقة

إذا عاش رجل أبيض في قبيلة فإنهم جميعا يتعلمون الانجليزية بدلا من أن يتعلم الأبيض لغتهم

الألمان يتكلمون الإنجليزية حينما يكونون مع بعضهم

جميع الناس يستطيعون الكتابة بأصابعهم جميعها على الكمبيوتر

الأشرار لا يشحنون ذخيرة سلاحهم بينما الطيبون يفعلون

الأشرار عرب أو آسيويين أو ألمان ويعادون الرجل الأبيض

أجهزة الكمبيوتر تستخدم أنظمة تشغيل لا توجد غير في ذلك الفيلم

إذا أراد البطل أن يمر بينما الأشرار يطلقون النار عليه أن يسير في طريق لولبي وسوف لايصاب وعليه ان يطلق النار بشكل متقطع عليهم

أي قفل يمكن فتحه بإبرة شعر

إذا فتحت التلفزيون فستجد نشرة تخصك في نفس اللحظة التي تفتح فيها

المرأة التي لم تستخدم المسدس من قبل هي التي تقتل الشرير وتظهر فرحا بالغا بإتقانها هذا العمل من أول مرة

عندما يصيبك سهم فإنك لا تموت عليك فقط أن تنزع السهم

يمكن أن تصاب ولا يظهر أثر الدم على قميصك

يمكنك قيادة السيارة وأنت تنظر إلى من بجوارك 90 في المائة من الوقت

عندما تريد الفرار فإنك ستجد جميع الأبواب مغلقة ما عدا واحد وهو الأخير


رئيس الولايات المتحدة دائما يقف في وجه المخاطر ولا يختفي
رئيس الولايات المتحدة يهتم بالسلام والعدل والأمانة وأوراح ورفاهية الشعب الأمريكي

جميع الأشخاص المعاقين ذهنيا دائما عباقرة بشكل أو بآخر


هذا وأقول بقول الله عز وجل
أفحسبتم أنما خلقناكم عبثا وانكم إلينا لا ترجعون

وقال الشاعر
قد هيئوك لأمر لو فطنت له ...فاربأ بنفسك أن ترعى مع الهمل



اللهم تب علينا إنك أنت التواب الرحيم وخذ بأيدينا ونواصينا إليك أنت مولانا ونعم النصير
اللهم ارفع مقت إضاعة الوقت عنا يا كريم واستعملنا في طاعتك
اللهم استعملنا في نصرة دينك وهيء لنا رؤية النصر بايدينا ولا تستبدل بنا يا كريم وأمتنا على طاعتك وثبتنا ليوم لقائك
اللهم ارزقنا البراءة من أعدائك وحب أوليائك

ولا أريد أن أطيل وإليكم هذه القائمة بأسماء اليهود من الممثلين

هناك 52 تعليقًا:

الصارم الحاسم يقول...

هههههههههههههه

ده اللي بيقولوا عليه: أوجزت فأحسنت


التدوينة الجاية عندي ان شاء الله على فيلم هوليوووودي

وطـــني يقول...

أراني اقرأ لناقد سينمائي
ملاحظات ومتابعات ذكية ودقيقة ولعل هذا يلفت إنتباهنا لخطورة هذه الاجهزة على عقولنا وعقول ابنائنا وبناتنا وهو كذلك يلقي علينا جميعا مسؤولية المواجهة وإيجاد البديل
خالص التحية يا عصفور المدينة

عدى النهار يقول...

بلادنا لسنين طويلة بتروج لكل ما هو دنىء فى الفكر الغربى وتترك منه كل ماله قيمة

بخصوص وفاة الدكتور نوح رحمه الله دائماً أفكر فى أحوالنا لو لم يتم إجبار علمائنا على مغادرة البلد وذلك على مدار عشرات السنين ولو ترك لهم مساحة صغيرة حتى فى المساجد وليس فى وسائل الإعلام. الشيخ الغزالى وغيره رحمه الله كان ممنوع لسنين من إلقاء خطبة الجمعة ناهيك عن الدروس الدينية. بلد بتدمر كل وسائل إصلاحها جهلاً وعمداً

أمــانــى يقول...

أســــــــــــتاذنا
ممكن أضحك
ههههههههههههههههههههه
حضرتك متابع جــيد لهوليود
:D
اهم شئ انهم هم الاحسن والافضل مننا دول مرضى
زمان كنت مغرمة بهذه الافلام
وبعد ما اخلص الفيلم اقوم متغاظة ومضايقة
لغاية ما ربنا ريحنى ومش فاضية حتى اشوف مقدمة هذه الافلام
وللاسف الشديد بدأ اعلامنا وافلامنا يأخذ نفس الاتجاه والافكار

Monzer يقول...

الأخطر من ذلك أفلام مصرية وعربية
تقدم نفس الصورة عن المسلم او المتدين
سواء أكان فى صورة طالب ملتزم او فتاة محجبة أو مأذون وطبعا الشيخ المتجهم الوجه الأسود والمتعصب المنغلق ذو الصوت العالى حاد الملامح غليظ الصوت الذى نضحك عليه طوال الفيلم
او الإرهابى ذو اللحية أو أي شخص ذو لحية هو الى هايبهدل الأبطال كلهم وهايقتلهم وبيكرهم وبيضحوكوا عليه وهو يكفرهم وهما يحمروه وهو التسلية بتاعة الفيلم كله


بس أنا شايف ان الصورة ده فى مصر اتكشفت وبانت وأصبحت غير مقبولة
بعد ما لمسنا من المتدينين أنهم بشوشون وهادئون يحبون الخير لكل الناس عند مهارات دراسية وعلمية ومتفوقون فى دراستهم وعملهم وفى أحسن المناصب
الحمد لله الصورة تغير كثيرا
تحياتى أستاذى الكبير

رينـــــــــــا يقول...

السلام عليكم
هههههههههههههههه
حتى بيسرقوا من الهنود؟؟؟
دا شغل افلام هندى يا بشمهندس :D

مش سايبين حد فى حاله الناس دى

الرجل لا يظهر أي ألم حينما يتعرض للضرب المبرح ولكنه يتألم عندما تأتي امرأة لتطهير جروحه

عجبتنى اوى لانها فعلا بتحصل هههههههههههه

أؤمن على دعائك
اللهم استجب

عصفور المدينة يقول...

الأخوة الفضلاء
أرجو والتمس حسن ظنكم أنني لم أصغ هذه الملامح جميعها بل إن جهدي فيها التجميع والترجمة والتنظيف وكنت حريص أن اجمع أقوال غربيين وليس مسلمين

وأيضا بذلت بعض الجهد في الترتيب وخاصة الثلاث نقاط الأخيرة وكنت عامل جايزة للي يقولها بس حاخد أنا الجايزة عشان المهلة انتهت بتاعة العرض

أمــانــى يقول...

لالالالالا بقى يا أســــــتاذنا مفيناش من الكلام ده
حضرتك أصلآ ما قولتش الكلام ده من الاول وان الموضوع فيه جوايز
لالالالالالالالالالالالالالالالالالا
انا عايزة الجايزة حتى لو بالواسطة
:D

mohand يقول...

السلام عليكم

ايه دا كله ايه دا كله

عندي معلومه
من تعاملي مع الالمان
مش بيحبوا يتكلموا انجليزي اصلا حتي لو متعلمينه
الا لو مضطرين
يعني بيعاملوا حد في نطاق العمل ومش بيتكلم الماني
ساعتها بس بيتكلموا

اما لو بيتكلم الماني ولو مكسر
مستعدين يقعدوا يفهموا فيه بالساعه كأنه اخرص ولا يتكلموا لغه تانيه


ناس معتزه بلغتها يا باشا

تحياتي

ريـــانه يقول...

ههههههههههههههههه

هناك عبار ات أضحكتني فعلا

وكل ما جاء في الموضوع حقيقي

لكن أتعلم المشكل هو أن العبارت التي ذكرتها تعتبر رسائل خفية مسمومة

مع تكرار ورودها في الأفلام يثبتها عقلنا الباطن دون أن ننتبه

وليس خفيا علينا أن هوليود يتحكم فيها اليهود!

شكرا لك على الموضوع القيم

تحيتي

المواطن المطحون يقول...

السلام عليكم

ههههههههه
دا فعلا اللي بشوفه بالضبط في افلامهم

ممكن تشتغل مخرج هناك
بس غير من المعتقدات دي واخرج فلم يغير ويحسن ويوضح صوره الاسلام والمسلمين

نفعكم الله ونفع بكم

مهندس مسلم يقول...

سيدي الفاضل الاعلام هو اقوى سلاح في هذه الايام ولا نستطيع ان ننكر انهم يسبقوننا بسنين طويله في هذا المجال
انهم يستعملون الاعلام في زرع المفاهيم التي تخدم مصالحم وهم بارعون في هذا الى اقصى درجه بل قل انهم اشد تأثيرا من المنوم المغناطيسي الذي كان يظر في الافلام العربي قديما
بالطبع مقاطعة افلام هوليود شئ فعال على الاقل من باب غض البصر ولكن الحل الامثل والاكثر فعاليه ان يكون لنا اعلام اقوى يبث ويرسغ قيمنا التي تخدم ديننا

بنات افكاري يقول...

السلام عليكم
ربنا يكرم حضرتك على التفصيل غير الممل ده واللي وصل حقيقي معلومات كتير اتمنى انها تفوق شباب اليومين دول من ادمان السينما والافلام اللي مش بتوصل غير الافكار السيئة وبس والحقيقة انا بتكلم بناء على كلام اصدقائي لاني الحقيقة مش متابعه ولا عربي ولا اجنبي وبنصحهم الحقيقة انهم لو عايزين يستفيدوا حقيقي يجلسوا كده مع نفسهم ويبداوا يعرضوا شريط حياتهم اوخليها فلم حياتهم من اول مابلغوا وبدء عداد حسانتهم وسيئاتهم يشتغل وهم هيستفيدوا كتير وهينشغلوا بازاي يكفروا عن السيئات ويزودوا الحسنات واعتقد بعد كده مش هايلاقوا لا نفس ولا وقت يضيعوه امام هذه التفاهات
ارجوا انكم تتقبلوا النصيحة وعذرا على الاطالة وحقيقي انا سعيدة اني عرفت اعلق على موضوعات حضرتك المره دي
جزاكم الله كل خير وجعلك دائما مسلم نافع لغيره اللهم امين
السلام عليكم

karamella يقول...

يا سبحان الله
بص بيفكروا اذاي
سبحان الله
بقي الاشرار عرب بيعادوا الرجل الابيض
ولا زجاجه الخمر لا غني عنها استغفر الله
وللا يا سلام قال اعتقادات الوثنيون بيثبت صحتها وهي مش باطله والجامده قوي ان الاشخاص السيئون مش امريكيين
احلي نكته
المهم ان احلي حاجه لفتت نظري في اللي كتبته في موضوعك الرائع ده هو ان كل مصيبة بتحصل للبنت ناتجه عن تبرجها المفروض نطلع من كلامك بدرس وهو الحجاب الشرعي والعفه نسال الله ان يسترنا جميعا
جزاكم الله خيرا كثيــــــــــــــــرا

طـعـمـة يقول...

الرجل لا يظهر أي ألم حينما يتعرض للضرب المبرح ولكنه يتألم عندما تأتي امرأة لتطهير جروحه

ههههههههههههههههههههههه

والله عندك حق
كله شغل اسقاطات وإيحاءات لاحتلال العقول
والله المستعان

النجمة الصامدة يقول...

هههههههههههههه
بعد ما قيل عن الغزو الاعلامي والفكري
واحيانا كثيرة بطريقة ساذجة
وللاسف ينجح

لا أملك سوى الضحك

عسانا يوما نبسم بحق

جزيتم خيرا

maro يقول...

شكرا لمجهودك

maro يقول...

شكرا لمجهودك

بهلوله يقول...

استاذنا الكبير قوى ابو العصافير
كمان البطل فى اخر القصه بينضرب لما يبان له صحاب وفى النهايه يضرب القاضيه ويكسب

Islamist Bloke يقول...

فعلا..............ملخص عبقرى لكل افلام هليوود ببساطة

تمام يا عم عصفور.............كدة انت حرقت علينا كل افلام الموسم الجاى ومش هنتفرج عليها
(:


تحياتي

والسلام

فن الحياة يقول...



صدقتم والله .. بس مفيش حاجه عن افلام مدينة الانتاج الاعلامي :D
والافلام العربي ..
لازم يكون في قصة حب
لازم البطل يتجوز البطلة
لازم يكون في اغنية
لازم يكون في رقص
بطلوا يحطوا كلمة النهاية .. مش عارف ليه ؟

بس فعلا بوست رااائع :)

أحمد المصري يقول...

كلام جميل جدا وحقيقي ومهم بجد للكتاب والدباء خاصة كتاب قصص المغامرات اللي بيستخدوا نفس اللي انت بتقوله-أو جمعته-ده ,المفروض نبقى واقعيين شوية
مع تحياتي00
والسلام عليكم0

Jana يقول...

هذا ما اصبحنا نراه نحن الاخرين فى افلامنا
زجاجة الخمر...تشربه الناس اللطيفة دوما
اكثر ما يثير حفيظتى افلام عادل امام بالذات
لا يخلو اى فيلم من افلامه من مشهد لملتحى او منقبة
يظهر فى صورة بلهاء ومتخلفة
حتى فكرة الشذوذ والمطلوب تعويد الشعب المصرى على تقبلها والتى تظهر ايضا فى افلام ايناس الدغيدى المخلة

والرقابة الان دورها تغير واصبحت مهمتها الوحيدة قص المشاهد السياسية الغير مرغوب فيها

حفظ الله اولادنا من من فكر منحرف جديد يضعون بذوره الان فى عقولهم

الممثلين اليهود لا اعرف من اسمائهم احد ..ماعدا اليزابيث بانكس
ممكن لو شفت صورهم اعرفهم

افادك الله
وجزاك كل خير على مجهودك القيم

Doba يقول...

عندى تاج تعالو جاوبو عليه - يلا بسرعة قبل مأى حد يسبقكم

مستنياكم
هبة

الباحث عن الحقيقة يقول...

يسعدنى ان اول ظهور لى فى مدونتك يكون فى هذا الموضوع الجميل

اسلوبك رائع فى عرض افكارك
ارجو ان انال شرف ظهورك فى مدونتى الجديده

تحياتى

خمسة فضفضة يقول...

السلام عليكم ورحمة الله وبركاته

هههههههه
واضح يا باشمهندس انك متابع جيد وبدقه كمان للافلام
بس فيه كام نقطه مابتحصلش الا في الافلام العربيه مثلا :

**دور المراهقين يلعبه أشخاص في الثلاثينيات
ومش 30 بس ده 50 و60 و70 كمان

** النساء تستيقظ من النوم في قمة الزينة والتبرج
ويمكن كمان تكون لسه جايه من عند الكوافير

ربنا بدأ يتوب عليا من الافلام الاجنبي عقبال العربي يارب


تحياتي

طال الليل يقول...

السلام عليكم
حقا لقد أجدت فى التجميع ولكن ألمح ثناياك المبتسمة من المقال شماتة فى الهزيمة المنكرة التى تثبت كذب دعايتهم عن تفوقهم اللا محدود عقليا وتقنيا وعلميا على سائر شعوب الأرض إنها عقدة النقص التى سنظل تورطهم كل مرة فى معاداة شعوب الأرض ومرمطة عذرا للكلمة ما تبقى من هيبة الشعوب من مستر إكس الذى ينهى الجميع برشاش وحيد
وسبحان من أودع قلبى كراهيتهم منذ عرفت القليل من خيباتهم
وإلى الوراء يا دولة الهزائم الأنيقة والعنصرية البغيضة
جزاك الله خيرا على فضح البارانويا الأمريكية حتى ينتبه الجميع من السم المخبوء فى العسل

مدونة الدفاع يقول...

السلام عليكم ربنا يحمينا من اصحاب الطبل والزمر فهو سلاح احد من السيف اللهم نقى اذهاننا وافكارنا وعقائدنا مما علق بها طوال سنوات التعرض لدق الطبول وترنيم المزمار (ويمكرون ويمكر الله والله خير الماكرين)
اللهم احم ابصارنا واسماعنا فهى بوابة اعتقادنا
وشكرا

مدونة الدفاع يقول...

اه نسيت،،، سيادتكم مدعو لتشرفينا ضمن اسرة تحرير مصر المخروصه التى انشئها صاحب مدونة افكار مسلم واقوم انا وهو بشرف التحرير بها ونحتاج لمساعدتكم
ونرجو ان ينضم الينا الطائر الحزين فبرجاء ابلاغه اذا كان يسمعكم الان وشكرا لكم

بهلوله يقول...

استاذ عصفور المدينه
اسالك سؤال ولازم ترد بسرعه
ايه حكايه التعلقات الموجوده فى بعض المدونات باسم عصفور المدينه وصوره غير صوره العصفور الرمادى
ارجو سرعه الرد
اختك اللى خايفه عليك بهلوله

بالله المستعان يقول...

اكيد الرويات والافلام بتاثر علي ثقافة المجتمع
ولو مكنتش واقع بسهوله مطلقة ممكن تتحول لواقع

عشان كدا ازم يكون للمسلمين دور مؤثر في الأعلام

احياك علي اسلوب طرحك

بهلوله يقول...

شكرا يا استاذ من غير ما ترد
دخلت على العصفور الرفيع المقطط
وجدته نفس اللينك بتاعك
يبدو انك بتغير ريش

كرم مسلم يقول...

الله المستعان على ما يصفون

اسلام رفاعى يقول...

انا مش متابعهوليود بس اسمع انها احسن سينما فى العالم لكن لو الموضوع كده يبقى احنا اهيف ناس فى العالم

Future_Preacher يقول...

بصراحة معرفتش احوش نفسي من الضحك
هههههههههههههههههههه
انا كنت مع الاسف مريضة بالافلام دي لكن دلوقتي الحمد لله الذي عافاني منها
و سبحان الله رغم اني كنت مجنونة بيها لكن كنت بستعجب من الاستثناءات المبالغ فيها و بستنكرها
بجد لو في حد عمره ماشاف فيلم اجنبي و قري البوست كأنه شاف كل افلام هوليود من اول ما اخترعوا السينما الناطقة

و المؤسف و المعروف ان منتجتنا دلوقتي من الهجس ده نسخة بالكربون من كل الضلال اللي حضرتك ذكرته
بدليل وجود حقير ذي عادل امام اللي بيحرص كل الحرص ذي ما يكون هو و المؤلف عصابة في قلب بعضها بيتفقوا علي ضرورة وجود واحد بدقن يكون همجي و كشري و بيبصبص للستات و معندوش مبدأ و في الاخر البني ادم السُكري اللي كل يوم مع واحدة شكل و ميعرفش ربنا هو اللي ربنا ينجيه و يصبح بطل شعبي و قدوة للناس كلها
سبحان الله
نفسي بس يعرفوا ان حتي اللي مش ملتزمين بقوا بيستائوا من الطريقة دي و انهم منجحوش في غسل العقول بدليل انهم مش بيبطلوا الاسلوب ده لانه لو كان نجح كانوا اكتفوا من زمان
و الله متم نوره ان شاء الله

Future_Preacher يقول...

نسيت اقول اسفة ع الاطالة
اه وفي حاجة واحدة بس ناقصة البوست بتاع حضرتك
ان لو الفيلم في كلب ...يبقي الكلب ده هو سبب انقاذ الابطال كلهم لانه بيتمتع بمهارات خارقةو بيعرف يتكلم لغات كمان تقولش امين شرطة و لا دبلوماسي

مصراوي أوي يقول...

طبعا ما هو لازم يدسوا السم ي العسل

عمره بالنسبة لي ماكان عسل بس بالنسبة لشبابنا للاسف عسل بس لللاسف مسمم

والافلام العربية اسوأوأسوأ

مصراوي أوي يقول...

اه نسيت صحيح فرحت جدا لما شفتك في صورة يا استا عصفور بس للاسف كانت من الجنب

يالا مؤقتا لحد مشوفك ع الطبيعة ان شاء الله

mo'men mohamed يقول...

أخى عصفور
جزاك الله كل خير على تلك العبارات و بالفعل كما ذكرت عن رئيس الولايات المتحدة
وكمان حكاية الرجل اللى فى سن 30 سنه و يصبح مراهق
الكلام ده اذا كان فى رجالة اصلا
وانما كلهم شواذ وعالم سافلة
السلام عليكم

ftataljanna يقول...

السلام عليكم

فينك يا استاذى بقالك فترة مش باين

ان شاء الله تكون بخير

اما عن هوليوود فاسالنى انا وحدث ولا حرج فعلا هما كل الحاجات دى موجودة عندهم

بس اهم حاجة ان اللى يشوف افلامهم ما يبقاش اهم حاجة عنده انه يضيع وقته او يتسلى وبس

معظم المشاهدين من عندنا بيلغوا عقلهم تماما ويروحوا مع الفيلم

بس لازم يشوفوا بعين ناقدة اكتر يعني اول حاجة يشوفوا هما عايزين يوصلوا فكرة ايه لينا

وكمان يشوفوا مجتمعهم وعيوبه وطبعا مليان عيوب

ويشوف نقط قوتهم ونقط ضعفهم

انا عن نفسي اهم حاجة بالنسبه لى اللغة لا اكثر ولا اقل

BinO يقول...

البرمجةاللي أنا تعبت كلام فيها
:)
والواد لازم يكون فيه واحدة صاحبته ولا زميلته هو بيحبها
وتكون هي مش بتحبه
ويكون مرات صاحبه هيا اللي بتحبه
وفي الأخر كلهم يحبوا بعض
:)
ولو فيه واحد عؤبي يبقي هو اللي راكب الجمل
واليهودي هو اللي بينقذ العالم لأنه هو الوحيد اللي بيفكر في غيره
وبرمجني برمج

فاروتا المصرى يقول...

السلامه ازيك يا هندسه
عامل ايه ياباشا
واحشنا يابابا عصفور
ياطيب يا امور
يا جدع وكمان صبور
مدونتى بكلامك كلها نور

-----
فعلا كلام الناس صح
اللى اسود من كده بقى افلامنا العربيه
بتقدم دايما صورة للاسلام مختلفه خالص
ربنا يستر

عصفور المدينة يقول...

الأخوة الفضلاء
أرجو والتمس حسن ظنكم أنني لم أصغ هذه الملامح جميعها بل إن جهدي فيها التجميع والترجمة والتنظيف وكنت حريص أن اجمع أقوال غربيين وليس مسلمين

وأيضا بذلت بعض الجهد في الترتيب وخاصة الثلاث نقاط الأخيرة وكنت عامل جايزة للي يقولها بس حاخد أنا الجايزة عشان المهلة انتهت بتاعة العرض

--------
الصارم الحاسم said...
جزاك الله خيرا والله الموضوع كان أطول
في انتظار تدوينتك
---------
وطـــني said...
اللهم أعننا على هذه المسئولية
---------
عدى النهار said...
فعلا أحس إن مالناش في الطيب نصيب
---------
أمــانــى said...
كله بيقوم متغاظ وبعدين برضه يتفرج تاني وتالت
الجايزة من نصيبك كوسة برضه
---------
Monzer said...
جزاك الله خيرا تعليقك بمثابة تدوينة عن الأفلام العربي
---------
رينـــــــــــا said...
كل السينما مبنية على شوية تباديل وتوافيق بين شوية عناصر تافهة بعيدة عن الواقع بعيدة عن الحق
---------
عصفور المدينة said...

8/01/2007 12:44:00 PM
---------
mohand said...
فعلا الألمان كذلك وكل بلد تعتز بلغتها ما عدا نحن
---------
ريـــانه said...
معك حق المشاهد يتسرب اثرها للنفس وخاصة مع التكرار
---------
المواطن المطحون said...
جزاك الله خيرا بس أنا مش عايز الشغلانة دي أنا عايز اشتغل

ناقض

عندهم
---------
مهندس مسلم said...
إلى أن يأتي ذلك الإعلام الهادف علينا بالبراءة
---------
بنات افكاري said...
نصيحتك غالية وجزاك الله خيرا
---------
karamella said...
جزاك الله خيرا وهم دايما يركزوا على نقطة أن الأشرار من عالم آخر غير عالم الرجل الأبيض
---------
طـعـمـة said...
العقول محتلة فعلا
---------
النجمة الصامدة said...
فعلا ضحكنا الآن هو ضحك كالبكاء
عسانا يوما نبسم بحق
---------
maro said...
بوركت ومنورنا
---------
بهلوله said...

كمان البطل فى اخر القصه بينضرب لما يبان له صحاب وفى النهايه يضرب القاضيه ويكسب
وزيها المصارعة الحرة
---------
Islamist Bloke said...
طب كويس إن احنا حرقنا الأفلام يمكن حد يمتنع عنها
---------
فن الحياة said...
إن شاء الله من تعليقاتكم نعمل ملخص للأفلام العربي بحيث يبقى مرجع للمؤلفين المصريين
---------
أحمد المصري said...
أي خدمة اللي عايز يؤلف فيلم يبقى يرجع للمرجع ده ويلخبط شوية في الخلاط يعملوا فيلم
---------
Jana said...
سمعت فعلا عن الأفلام العربي نها اصبحت تعيش غير واقعنا أيضا
---------
Doba said...
مشرفة وقرأت التاج وأنا مجاوب عليه
---------
الباحث عن الحقيقة said...
جيت يا عمو وأتاريك ناوي على عركة
---------
خمسة فضفضة said...
صح كلامك واحد عنده سبعين وستين وشغال حبيب والبنت تسيب العالم كله وتحبه هو
دي تأثيرها سيء جدا على الرجال الناضجين بحيث كمان يعيشوا غير سنهم بعد ما أفسدوا الشباب
---------
طال الليل said...
طبعا ليل نهار أبتسم لهزيمتهم وعداد القتلى وعداد المرضى النفسيين من حمشاء الأفلام والرشاشات الحارقة
---------
مدونة الدفاع said...
اللهم احم ابصارنا واسماعنا فهى بوابة اعتقادنا
---------
بالله المستعان said...

جزاك الله خيرا
---------
بهلوله said...
باغير ريش إيه ده كان نيولوك
---------
كرم مسلم said...

الله المستعان على ما يصفون
--------
اسلام رفاعى said...
ولا أنا متابع ولكن هذه الظواهر لو استقرأت تأثيرها ستجده في سلوك الشباب
---------
Future_Preacher said...
جزاك الله خيرا انضميت معنا للمرجع الخاص بالأفلام العربي
---------
Future_Preacher said...

حلوة الإضافة بتاعة الكلب اللي بيتكلم لغات وعنده أحاسيس كمان
---------
مصراوي أوي said...
مافيش والله حتى عسل
---------
mo'men mohamed said...

أخي مؤمن والله هذا كلامهم وخاصة إن دايما الرئيس حمش وبطل
ولا بيستخبى ولا حاجة
---------
ftataljanna said...

أختي مدخل تعلم اللغة ده غير صحيح لأني وكما سألت أصدقاء لي مفردات ولغة الأفلام هي مفردات متكررة
فالأفضل مشاهدة أفلام وثائقية أو نشرات وقنوات أجنبية وهذا ما أفعله أنا
أما كم الوقت الضائع في الفيلم مقابل الفائدة اللغوية تأخذي مقابله نمط حياة

شكرا على سؤالك عني
---------
BinO said...
صح يا بينو إنها برمجة وفرمته كمان
---------
فاروتا المصرى said...
بارك الله فيك
فتح الله عليك
أنا منتظر الخبر الحقيقي لخطوبتك أما التهديدات والإنذرات!!!!
wainting..........................
---------

عازف الناى يقول...

الاخ عصفور
عذرا لفتره انشغالى فى العمل
اشكرك جدا على التاج
وساقوم بالرد عليه ان شاء الله
اما عن هوليود فحدث ولا حرج
البطل دائما بمسدس وحيد يهزم عصابه بالرشاشات
هو يضرب فى المليان
وهم بنشلوا على الحيطان
وعجبى

david santos يقول...

The purchase of weapons for Mubarak to the Bush terrorist will be for making peace, or will be for taking the American terrorism for the Egipto?

The great people of the Egipto that is intent.

Of these two cannot come nothing of good.

David Santos (Portuguese)

بنت من الاخوان يقول...

موضوع متميز جدا
جزاك الله خيرا
.................
وعندي اضافه
وهي انه الاكل كله معلبات او تيك اوي عشان يشجعوا فينا الاستهلاكيه اكتر ما احنا
...........

عصفور المدينة يقول...

عازف الناى
هههههه
دايما بانتظرك
وشفت إضافتك جميلة جدا وفي انتظار التاج
=============
بنت من الاخوان

جزاك الله خيرا ومشرفانا أول زيارة
وإضافتك قيمة وخاصة الترويج لماركات الهيمنة

ŞoŖśậŖấầ يقول...

السلااااام عليكمممم

انا تركت كل الجمل اللى حضرتك كتبتها ومسكت دى بس:
"عندما تتكلم عن أحلامك وطموحاتك فإنك سوف تموت قريبا"

افتكرت سؤال التاج والحمد لله انى ماجاوبتش:D
طالما فيها موت بقى:D

بس الناس دى تفكيرها غرييب فعلا.. ياما فهوليوود مجانين:D

تحياتى ليك استاذنا العزيز ودمت بألف خير

ام البنات يقول...

جميع الأشخاص المعاقين ذهنيا دائما عباقرة بشكل أو بآخر
عصفور المدينه
سأعلق على جمله انت استنكرتها
وهى المتنى بشده
تعليقك على ذوى الاحتياجات
اخى الفاضل هم اذكى مماتتصور
ولا يجب ان يكون ضمن القائمه السابقه اذا تعاملت معهم عرفت وتيقنت
ان الله عظيم وتتجلى عظمته فى هؤلاء
وهم دائما اذكياء اكثر منا
لانهم محدودى النعمه.... عظيمى استخدامها
اخى اقترب وستجد انها الجمله الوحيده الصحيحه
اختك ام البنات

عصفور المدينة يقول...

أستاذة أم البنات هذه الخصائص معظمها مترجم وقد ضربت الذكر عن كثير ولكني سقت هذه مع الاتنين اللي فوقيها والحدق يفهم ولست أسخر من ذوي الاحتياجات الخاصة
بل أسخر من ذوي الاحتياجات العامة التي تشمل السيطرة على العالم

ام البنات يقول...

عصفور المدينه
هؤلاء الذين سقتهم
مع ضرب المثل
لا يخصوا البشريه
هؤلاء نوع من الكائنات المتحجره
تعلم شاهدت من فتره موضوع عن بوش وكيف هو انسان متدين ملتزم
جآته رساله من الله ليصبح منقذ البشريه
هذا الشخص تتبرأ منه وهو من على شاكلته من الحكام
الاشياء ... والجماد
ولا ينتموا للبشر
اعتذر ان كنت فهمت خطأ
فانا احزن لما
اراه من تقصير فى حق فئه
هم أهل الجنه
استاذنا الفاضل
من دواعى سرورى انى علقت على مدونتك
واكثر انى وجدت تعليق لحضرتك لدى فى مدونتى الفقيرة
اختكم أم البنات

Unknown يقول...

و يجب أضافة أن فى الأفلام الهندى
يمكن رفع كل هذه الملاحظات ألى أس 10