الأحد، أغسطس 26، 2007

نصيحة رمضان

الحمد لله رب العالمين لقد تحدث كثير من الإخوة والأخوات في هذا الموضوع بما يفي بالغرض لمن كان له قلب أو ألقى السمع وهو شهيد

واعذروني ونظرا لطبيعتي فنصائحي غالبا تركز على الجانب التنفيذي العملي ويمكن تعويض الجوانب الأخرى بقراءة الفضائل لتحفيز النفس للرغبة في هذا الخير والشهر الفرصة
ونصيحتي بين يدي رمضان تتلخص في كلمة بسيطة

رفع الطاقة البدنية
تنظيم الوقت دفع الشواغل
تحديد قائمة الأهداف

أقصد برفع الطاقة البدنية هو الاستعداد من قبل رمضان وذلك بتعويد النفس على الصيام والقيام والتحمل ومن وسائل الإعانة على ذلك القيام وإطالة الصلاة وايضا المشي والنشاط البدني والإقلال من الأكل مما يسهل على الإنسان الوقوف بين يدي الله ويدفع عنه شاغل الإرهاق أو التعب والذي يتسب في تضييع الفرصة في النوم أو الراحة

ضع مواعيد محددة لكل حدث في أيام رمضان وهذه فرصة للتعود على ذلك على أن تكون هذه المواعيد لا يمكن الإخلال بها مهما كان يتم تحديدها مسبقا
لأن تحديد موعد للأشياء ويكون مخصص لها يجعلك تقومبها بإتقان لأنك أساسا قاطعا الأمل أن تقوم بغيرها الآن
أما لو كان قابل للزيادة والنقصان فهو يكون قابلا للنقصان فقط غالبا حتى ينعدم في نهاية الشهر كما يحدث غالبا

وليعلم جميع من حولك بهذه المواعيد ولا رياء في ذلك إن شاء الله حتى يعينوك على ذلك

وضع ورد محدد مسبقا من القرآن لابد من الوفاء به يوميا لا تنظرلرمضان ككل لا تقل أعوض غدا اعتبر كل يوم وحدة منفصلة ومهلة وعرضا خاصا ستفوته
تنظيم مواعيد الأكل والنوم

دفع الشواغل عن طريق وضع قائمة بالممنوعات يتم الالتزام بها حرفيا ويكون التدرب عليها قبل بدء الشهر ومن أمثلة ذلك

ممنوع السهر
ممنوع التأخير عن العمل
ممنوع التليفزيون - الأخبار تقرأ شريط الأخبار فقط
ممنوع الغضب
ممنوع النقاش في أي موضوع أكثر من وقت معين
ممنوع الكلام في الطقس والكرة وغلاء الأسعار
ممنوع الحلويات إلا بقدر معين
ممنوع التدخين
ممنوع التدوين

قد تختلفون أو تتفقون معي في بعض التفاصيل ولكن يبقى اتفاقنا على القاعدة وهي وضع قائمة الممنوعات وأؤكد أن تكون مكتوبة ومعروفة أيضا لمن حولك لنفس السبب

تحديد قائمة الأهداف (وهو ما نسميه التحلية يعني اكتساب الأخلاق الحسنة) وهو قائمة الأخلاق التي تريد أن تخرج مكتسبا لها في رمضان وهذه تختلف من شخص لشخص ولكن يقال فيها مثل ما يقال في (التخلية يعني التخلي عن الأخلاق السيئة) أن تكون على هيئة قائمة مكتوبة وأن تفكر في الوسائل العملية التي توصل إلى ذلك الهدف وأن تتدبر آيات القرآن التي تعينك على الوصول إلى هذا الهدف وهذا هو المحصلة والربح من ذلك الشهر

لعلكم تتقون

إخواني أخواتي أعتذر إليكم أن أغيب عنكم مدونا ومعلقا خلال شهر رمضان بارك الله فيكم وسأفتقدكم كثيرا ولا تنسونا من صالح الدعاء ويمكن التواصل عبر الإيميل وسوف تستمر حلقات المدرسة إن شاء الله حسب ما يراه الإخوة المشاركين فيها

هناك 36 تعليقًا:

اليعقوبي يقول...

كلام جميل كلام معقول محدش يقدر يقول حاجة عنه وبالذات بقي حكاية التدوين دي ممنووووووووووووووووووع
والسلام

مجهول يقول...

السلام عليكم يا استاذنا الفاضل

جزاك الله كل خير علي نصائحك


كنت حكتب عن بعض الامور الواجب اتباعها في رمضان حتي لا يؤثر علي العمل
لكنك كفيتني جزاك الله خيرا

المجاهدة يقول...

انا فعلاً كنت مستنية واجب عملي من اي حد
لأن منتشر اوى دلوقتي بفضل الله الخواطر و التذكرة بأهمية رمضان و ما قبل رمضان و ما بعد رمضان
بس ماحدش - إلا قليل قوى- اتكلم في هنقضيه ازاي فعلاً بجدول عملي يساعدنا و يعيننا


جزاكم الله خيراً :)
اسال الله لي و لكم ان ييسر الله لنا العباده في رمضان و يتقبلها منا
آمين

طال الليل يقول...

أخى الكريم
أسأل الله العلى القدير أن يبلغك شهر رمضان ويكتب لك فيه عملا مقبولا
سأفتقدك أخى و شكرا على خطتك التى أهديتها لى لأستفيد منها فى حرب رمضان

رمضان شهر القرآن

الطائر الحزين يقول...

جزاك الله خيرا
يا باشمهندس
ياريت كمان كل واحد يتوسم فى صديق له الخير أن يساعده على الطاعة كان يوقظة للصلاة

وانبه على نقطة هامة ترتيب الأولويات يعنى مثلا نجد كثيرين يحافظون على السنن ولا يعملون الفرائض
كأن يواظب على صلاة التراويح والقيام ولا يصلى الفجر مثلا

أعاننا واياكم
وجزاك الله خيرا مرة اخرى

أمــانــى يقول...

اســتاذنا
دايمآ حضرتك سابق بالخيــر انا وكمان ناوية ابعد فى اوخر شعبان علشان مش هاقدر اوصل فى رمضان ولا حتى استطيع المتابعة
واحلى حاجة ممنوع التدوين
جـــزاك الله خـــيرآ ووفقك لما يحب ويرضى اللهم امـــين ويبغلك رمــضان يااااااااااااااااااااارب آمــــــــــــــــــــين

مصراوي أوي يقول...

هنحاول باذن الله

وجزاكم الله خيرا علي التذكرة

المهـ إلي الله ـاجر يقول...
أزال المؤلف هذا التعليق.
المهـ إلي الله ـاجر يقول...

خير الكلام ما قل ودل

جزاك الله خيرا يا استاذنا الحبيب

كل عام وأنت والأمة الإسلامية بخير وصحة وإيمان

Maha يقول...

بسم الله

السلام عليكم ورحمة الله وبركاته

أعزكم الله .. نحن بالفعل بحاجة للجانب العملي التطبيقي

رفقة عمر يقول...

طيب سؤال ليه ممنوع لتدوين
مش يمكن حضرتك تفيد حد فى رمضان وخصوص فى رمضان بتكون النفس لديها قابليه لا ستقبال اى موعظه
يعنى ياريت حضرتك اى فرصه تجدها لكتابه خاطرة ظهرت لحضرتك خلال رمضان ياريت لا تحرمنا
لان برضه الدعوه الى الله من الاعمال الصالحه فى رمضان

وضـّاح يقول...

السلام عليكم ورحمة الله

ما شاء الله .. أكرمك الله

فعلا .. نحن نحتاج لخطة كما نحتاج لترقيق قلوبنا

جزاك الله خيرا

eldoctor يقول...

طيب و اللى مواعيده ملخبطة و بيبات فى الشغل كتير زى حالاتى يعمل ايه.. انا كل يوم دوامى مواعيده متغيرة .. يوم صباحى و يوم بعد الظهر و يوم بيات فى المستشفى .. ربنا يعين الجميع ..
لا تنسونا من صالح دعائكم .. جزاكم الله خيرا

مدونة الدفاع يقول...

السلام عليكم
كل عام وانتم بخير وجزاكم الله خيرا
وندعو اللع لكن ولنا حميعا ان يبلغنا رمضان باذن الله

محمد الجرايحى يقول...

أخى الفاضل : عصفور المدينة
السلام عليكم ورحمة الله وبركاته
جزاك الله عنا خير الجزاء وسدد خطاك

أخى: ولماذا .. منع التدوين؟؟؟
أليس التدوين من الأعمال الطيبة وخاصة إذا كانت تدفع إلى الخير والكلمة الطيبة

مجرد تساؤل

وكل عام وانت بخير وتقبل الله منا ومنك الصيام والقيام وصالح الأعمال
أخوك
محمد

نسرين - أمة الله يقول...

السلام عليكم
استاذنا عصفور المدينه
جميله قوى التقسيمه دى
بس والله البنات بيبقى عليها التزمات اكتر فى رمضان من الرجاله
بس هو بامانه الواحد فى رمضان بيبقى عامل نظام لنفسه ومبيحاولش على قد ما يقدر انه يسقط حاجه فيه لانه هو شهر واحد فى السنه اللى ممكن تلاقى فيه كل الخير ده
ربنا يكرمك ويكرمنا
ويا ريت حضرتك كمان متنساش تتدعى لنا

اصرار أمل يقول...

جزاكم الله خيرااا أستاذى الفاضل ؛
ولا حرمكم الأجر ....
لكن : لماذا لا تدوين ؟

sa7arkash يقول...

اكثر من رااااائع
تصدق بالله
هاتصدق ان شاء الله

ان انا كنت بحضر لبوست فية نفس الموضوعات دى

والله جزاك الله كل خير ويا رب يهدينا وننفذ
وان شاء الله برضة هكتب فى الموضوع دة تحياتى ليك وكل سنة وانت طيب

عازف الناى يقول...

اخى عصفور المدينه
الاختلاف فى الراى لايفسد فى الود قضيه
وانا اختلف معك على قائمه ممنوعاتك
لك مطلق الحريه فى منع اى شىء خاص بك
اما التدوين
فانت لا تملكه
لان عازف الناى والكثير من المدونين يستفيدون من مدونتك
وخاصه وانها تلتزم منحى دينى وتربوى واخلاقى
ان اردت ان تقلل من التدوين وليكن اسبوعى فلك ذلك
اما المنع فلا
كما انى اعترض وبشده
على ادراج التدوين على قائمه تشمل التأخر عن العمل والتدخين
اما ان كنت تعتقد ان فى التدوين شبهه حرام او مضيعه للوقت فاخبرنى حتى اتوقف عنه نهائيا
مدونتك ليست ملك لك
انها نور لنا جميعا
فلا تطفئه فى شهر النور
وسلامى

مؤمنه يقول...

السلام عليكم ورحمة الله وبركاته
جزاك الله كل خير
وأنا مع رفقه فى الرأى
وفقك الله
والسلام عليكم ورحمة الله وبركاته

Noony يقول...

ربنا يتقبل منا الصلاة والقيام والدعاء وصالح الأعمال في رمضان
بس يا رب محدش ينسى التاني في دعائه
وإن شاء الله نكمل تدوين على خير بعد رمضان
وكل سنة وحضرتك والعائلة وامة الإسلام كاملة بالصحة وخير وسلامة وبإيمان يا رب العالمين

نهاد

كرم مسلم يقول...

السلام عليكم

جزاك الله خيرا على هذه النصائح الغالية
حقا التنظيم والترتيب شيئأن لابد من الانتباه لهم
اما عن التدوين خلال رمضان
عندك حق ممنوع التدوين لماذا ؟؟
التدوين مش هيطير لأن دا شهر ميتعوضش
اللهم أعنا على ذكرك وشكرك وحسن عبادتك
آمين

mohand يقول...

السلام عليكم
انا كمان هبطل تدوين في رمضان
جزاك الله خير

حسن ارابيسك يقول...

جزاك الله عنا كل خير
مبادرة جميله
ووقفه مع النفس

الباحث عن الحقيقة يقول...

وصلت لكلامك انكهتغيب فى رمضان عن التدوين ونسيت كنت هقول ايه
طب ازاى هتراجع وتشوف الايميل ومش هتعلق او تدون
هوانت حاسس ان التدوين ده ذنب او عمل غير صالح بالنسبه لك؟
معلهش مش القصد ..انما انا فعلا انصدمت زى الاخوه اللى قبلى
يا ريت توضحلنا الاسباب
وياريت ما يكونش فيه اسباب
علشان محدش فينا يقدر يستغنى عن تدويناتك فى رمضان
ولا تعلقاتك طبعا ..الصراحه حلوه
وربنا يمتعك بالصحه والعافيه
كل سنه وحضرتك طيب
وكل زوار مدونتك بخير ان شاء الله

بنت أبيها يقول...

انا شايفة ان عشان كل ده يتطبق

كل واحد فينا محتاج يكون عنده عزم واصرار

عشان ممكن يحط اللستة وبعدين ينفذها كام يوم وبعدين يتوقف

فالموضوع محتاج من كل واد حزم

Doba يقول...

ربنا يبارك فيك

تحياتى
هبة

Mohamed A. Ghaffar يقول...

رمضان هو وقت الأستثمار ولابد له من خطه عمل

ما اجمل خطتك

Dr_Moslim يقول...

كلام رااائع
وبجد الواحد لازم يحط قايمة في الاعتبارات
وينفذها
وخصوصوا في الكلية
وأهم حاجة المحافظة عالورد اليومي
بس مموع التدوين دي صعبة علي كثير من الناس
بس ربنا يقدرنا
بخصوص مدرسة العلم الشرعي
انا لسه جايب كتاب في التوحيد اسمه
فتح المجيد في شرح كتاب التوحيد لحفيد الامام محمد عبد الوهاب
الامام محمد عبد الوهاب ألف كتاب في التوحيد من أفضل الكتب
وحفيده قام بشرحة
ممكن أشاررك معكم إن شاء الله
السلام عليكم

hend يقول...

انا اختلف معك فى بعض الاشياء منها الا نكثر من الاشياء الممنوعة فى رمضان ولن ناخذها تدريجيا حتى نحققها جميها وذلك حتى نعتاد على منعها ايضا بعد رمضان وحتى لا يكون تقربنا لله فى رمضان بس الاصل ان الانسان عابد لله طوال العام ولكنه لابد ان يكثر ويزيد عبادته وطاقته فى رمضان ليس ان يتذكر الممنوعات والمحذورات فى رمضان فقط بل ان تكون طول العام حتى يتقبل الله منا رمضان
وفيه حاجات غير الشريط الاخبارى غير محرمة والواحد ممكن يشاهدها فى رمضان
وكمان ليه ممنوع التدوين مش ممكن الواحد يكتب حاجة تدعو لسبيل الله ياخد بها ثواب وجزاء
واللى عايز يتكلم يتكلم المهم يكون الكلام لغرض مفيد او مناقشة المشاكل بطريقة مفيدة

أُكتب بالرصاص يقول...

جزاك الله خيرا يا عصفور

عصفور المدينة يقول...


اليعقوبي

بارك الله فيك مش انا بقول كدة برضة
التدوين ممنووووع

مجهول

جزاك الله خيرا أخي الحبييب
ولا نستغني عن نصائحكم وكل واحد يعالج الموضوع من جهة

المجاهدة

اللهم أعنا وإخواننا أجمعين
والواجب أهو مكتوب ع السبورة ربنا يعيننا على تنفيذه

طال الليل

اللهم آمين وجزاك الله خيرا
وسأفتقدك والله أنا أيضا
وسأفتقد لغتك السلسة الفياضة

الطائر الحزين

حاضر
وفعلا بعض الناس يهتم بالتراويح أكثر من الواجبات
صلاة الفجر صلاة المغرب صلاة العصر


أمــانــى

جزاك الله خيرا يا أختي
واكتبي ما تكسليش

مصراوي أوي

حبيبي ربنا يعينا ويعينك


المهـ إلي الله ـاجر

كل عام وأنت بخير ونحن وأنت على طاعة الله وفي محبة في الله

Maha

جزاك الله خيرا شرفتينا
ربنا يعيننا على التنفيذ

رفقة عمر

رديت على السؤال بتدوينة منفصلة
وفعلا لوفيه خاطرة لازم حاكتبها أكيد مش حاقدر
بس المشكلة في متابعة المدونات الأخرى


وضـّاح

وأنت تقوم بترقيق القلوب بشكل رائع
أكرمك الله


eldoctor

ربنا يعينك يا أخي أنت في طاعة إن شاء الله
ياريتنا كلنا زيك
أثابك الله

مدونة الدفاع

جزاك الله خيرا
وربنا يبلغنا ويعيننا ويتقبل منا


محمد الجرايحى

جزاك الله خيرا يا شيخنا
وتم الإجابة على موضوع التدوين

نسرين - أمة الله

فعلا البنات والنساء يكونون مرهقين أكثر
أنا مقدر والله بس الثواب على قدر المشقة

اصرار أمل

أثابنا الله وإياك استاذة أمل
وتم الإجابة على موضوع التدوين

sa7arkash

أنا مصدق وسعيد ومفتخر بوجودك في مدونتي
بل وضعت لمسة مرح بتعليقك
وربنا يعيننا على التنفيذ

عازف الناى

حبيبي
أجبتك على موضوع التدوين بتدوينة خاصة عشانك انت مخصوص
لعل وجهة النظر اتضحت
أحبك في الله
أنا قلت ان احنا ممكن نختلف في التفاصيل بس لازم يكون فيه قايمة ممنوعات
وكم والله أفتخر بتعليقك هذا
جزاك الله خيرا والله متأثر جد بتعليقك


مؤمنه

وعليكم السلام ورحمة الله وبركاته
وتم الإجابة على موضوع التدوين

Noony

أهلا أستاذة شرفتينا
إن شاء الله فعلا لفتة كريمة أن ندعو لبعضنا
وهذا يعززه ما أشرت إليه من سابق التواصل وفهم بعضنا لبعض
كل عام وأنت وجميعنا بخير

كرم مسلم

وعليكم السلام
ربنا يكرمك على التأييد يا بني ده معظمهم ضدي

mohand

وعليكم السلام ورحمة الله
حبيبي وآدي واحد كمان معايا


حسن ارابيسك

منورنا يا أستاذ حسن ربنا يكرمك ويعيننا على التنفيذ


الباحث عن الحقيقة

صديقي العزيز
وصيتكم بقى المدونة
وتم الإجابة على موضوع التدوين
كل عام وأنت بخير

بنت أبيها

العزيمة يا ابنتي فعلا هي المفتاااااااااح
العزيمة
العزيمة ياعباد الله
وانا قلت وسيلة للمساعدة هي إيه
إن الواحد يورط نفسه بأن يعلم جميع من حوله بالنظام

Doba

شرفتينا أستاذة هبة ربنا يبارك في

Mohamed A. Ghaffar

حبيبي باحب الناس التجاريين اللي بيحسبوها هما دول اللي مؤهلين للمكسب إن شاء الله
ربنا يعيننا وننفذ


Dr_Moslim

بارك الله فيك
أنا معاك أهوة وربنا يعيننا على التنفيذ

hend

صح وأنا معك أيضا القائمة تكون صغيرة ومحددة
وبعدين أنا مش باتكلم عن تحريم وتحليل أنا باتكلم عن اقتصاد في الوقت لصالح أشياء أفضل
طبعا اللي عايز يتكلم يتكلم أنا كنت باتكلم عن ظروفي التي أعلمها جيدا
وتم الإجابة على موضوع التدوين

أُكتب بالرصاص


ربنا ييسر وكلنا نكتب بالرصاص
جزاك الله خيرا ومشرفنا بارك الله فيك

FadFadA يقول...

ربنا يكرمك على النصايح الجميلة ديه
نفعنا الله بها
و بلغنا رمضان و تقبله منا
محمد

شقاوة شعب يقول...

جزاك الله خيرا استاذنا على النصيحة
لكن بجد اطلب من حضرتك تستمر فى التدوين فى رمضان
بخواطرك الايمانية
واى معنى تحب ان يصل الينا

بجد التدوينات دى ان شاء الله هتفيدنا جدا
واحنا فعلا محتاجينها من حضرتك

فكر فى الموضوع
وان شاء الله يكون فى ميزان حسناتك فى رمضان
وشفو بقىالدعوة فى رمضان ثوابها عامل ازاااى

karamella يقول...

ماش اء الله
فتح الله لك
عندك الف حق
وكلامك صحيح
هو رمضان واحد ف السنه
ايام معدوده
ايام من ذهب فان ذهب ... فالله المستعان
انا كنت ناويه ع الحكايه دي بس كنت لسه بفكر وبراي حضرتك وكلامك ثبت ع رايي
دي ساعات غاليه ساعات من ذهب ان شاء الله لازم نستغلها اقصي استغلال وان امكن تاجيل النوم الي ما بعد رمضان ما كناش اتاخرنا
لكنها حكمه الله

عصفور المدينة يقول...


FadFadA

ربنا يبارك فيك يا أستاذ محمد
وشرفتني جدا والله

شقاوة شعب

أختي الفاضلة شرفتيني وبارك الله فيك
وربنا يعينا جميعا
وأعاننا الله وإياك
وأحرجتيني بإطرائك جدا والله

karamella

فعلا الواحد ساعات بيكون نفسه مش ينام