الاثنين، مايو 28، 2007

وسم رقم 0001 - تاج ولا شو اسمه


وأخيرا طالني موضوع التاج والسبب الأستاذة رفقة عمر والأستاذة بنت الجنوب التاج ده لف مسافة كبيرة جدا على بال ما جالي وأهو وصل رغم إن بعض اسئلته مش واضح الغرض من وراها ولكن نوع من تلبية الدعوة وخيرا سأفعل لن أمرره لأحد لأني أرى أنه لف كفاية
أحب شخص لقلبك في الدنيا؟
طبعا أمي وشرعا أمي ثم أبي رحمه الله وجدتيَّّ رحمهما الله
انسان مستعد تضحي بحياتك – ركز فى كلمة حياتك – عشانه؟
حقيقة الكلمة دي فضفاضة شوية ولم أستطع التحديد ففرق بين الحب وبين التضحية بالحياة التضحية بالحياة تدخل في إطار شرعي بعيدا عن العواطف فالحقيقة هذا يستلزم موقف وبعدين بناء على الموقف يكون فيه يا إما حياتك أو حياة فلان وفي هذه الحالة يتم تحكيم الأحكام الشرعية بتحديد الأولويات .. والله مش تحاذق في الإجابة ولكن هذا هو الحق فعلا..يعني مثلا حياتي ولا حياة خطاب رحمه الله..حياتي ولا حياة شامل رحمه الله..حياتي ولا حياة أحد مشايخي وهكذا
انسان كرهته لدرجة الجنون و تمنيت لو تمسك سكينة وتنقض عليه وتغرزها فى قلبه تقتله وتقف تبص لجثته وتشفي غليل قلبك؟
حاجاوب مش زي الأخوة اللي قالوا يا ستير يارب وليه الحقد وكدة إجابتي هي : ج.و.ب ورفيق كفاحه ت.ب
ما هو اسم اجمل كتاب كتبه بشر قراته ومحتفظ به حتي الان؟
مسألة محتفظ بيه دي لها عوامل تعرية كثير منها الاستعارة و التنقل وهكذا أحب الكتب إلى قلبي من حيث المحتوى هو كتاب طريق الهجرتين للإمام بن القيم وقلت الكلام ده في تدوينة سابقة
وأيضا كتاب مجموع فتاوى الإمام بن تيمية بس ده مش عندي ورقي وقرأته كاملا 37 مجلد الآن الطبعة الموجودة 20 مجلد وأيضا أحب كتاب فقه السنة للشيخ سيد سابق نسختي التي خرجت احاديثها كلها على كتب الشيخ الألباني

اسم كتاب كتبه بشر برضة- انت متعلق بيه وبتقرأه كل فترة؟
طريق الهجرتين وباب السعادتين
اهم جهاز منزلى انت متعلق بيه او بتستخدمه كتير؟
سابقا قبل موضوع التخسيس كان الخلاط وكنت أحس قلبي بيرفرف من صوته :) وكان يشاركه هذه المكانة التكييف
والآن تغير الوضع بعد أن أصبحت آكل الفاكهة بدون عصر
أما الآن
x1

مكان تحس بالراحة عندما تدخله؟
أي مسجد مكيف ومفروش فرش لونه سادة غير الأحمر
شىء تحس بالراحة النفسية عندما تنظر اليه؟
البحر وخاصة وقت الغروب
مكان تحس فيه بالحنين الى شىء لا تدرى ماهو و ذكريات جارفة الى لاشىء؟
أي مكان في الأسكندرية وخاصة الأحياء الشعبية
اجمل مدينة زرتها داخل مصر ؟
الأسكندرية طبعا وبعدها الفرافرة
أجمل مكان طبيعي رأيته داخل مصر ؟
الواحات
شخصية كارتونية بتحبها
أحبه? لا إنما نقار الخشب ده ذكريات
نوع هاتفك المحمول؟
نوكيا N70
سرعة بروسيسور جهازك؟
بتختلف بين يوم ويوم
حجم ذاكرة –هارد- جهازك؟
اللاب توب 80 جيجا والديسكتوب 160 واللي في الشنطة 40
المساحة التى تشغلها المواد الاسلامية على جهازك؟
بتختلف أصلي مش من هواة الاقتناء بدون تمييز وأقتني حسب ما أقرأ أو أسمع وغالبا النصوص لا تأخذ مساحة
أهم هدف انت واضعه لحياتك الآن؟
سؤال صعب جدا الأهداف تتغير بين لحظة واخرى فعلا بدون مبالغة ففيه أهداف كثيرة استراتيجية وفيه أهداف بتكون تكتيكية لحظية - لكن نفسي أنطق الشهادتين عند الموت وثاني الأولويات أوصل لأولادي ما توصلت إليه من خبرات وأخلاقيات والله المستعان وأهم شيء أن يقوم الإنسان بواجب الوقت وأن يحذر دائما أن يراه الله حيث نهاه أو أن يفتقده حيث أمره
مواصفات فتاة الأحلام بالنسبة لك؟
السؤال غير مناسب لي وأنا باتكسف من الأسئلة دي..قصدي بأخاف..قصدي ممنوعات ..قصدي يعني متزوج 14 سنة
شعورك لما بتسمع كلمة مصر ؟
باحب اسمعها من غير كلمة جمهورية ودايما افتكر سيدنا يوسف وبافتكر تحية العلم والصول اللي ورانا العذاب في الجيش
شعورك لما بتسمع كلام عن اليهود؟
ده بقة ما ينفعش في تاج ده محور حياة الإنسان محور مشاكلنا ومشاكل الأنبياء صلوات الله عليهم ومحور النجس بس دايما بافتكر موشي ديان عشان ده كان رمز اليهود واحنا صغيرين ..كنا بنغني موشيه ديان أعور وجبان..الخ
شعورك لما بتشوف ظابط شرطة؟
بافتكر يوم ما نجحت في الثانوية العامة وعرض علي أدخل كلية الشرطة ورفضت ..وبافتكر..المطار والسفر والعطلة
شعورك لما بتشوف الكناس العجوز فى الطريق؟
افكارك تجاه شاب ماشى فى الطريق يلبس جلابية بيضاء قصيرة وعمامة وله لحية وبجيبه السواك وبيده المصحف؟
ليه ميكونش السؤال شاب لابس لبس غريب وعامل شعره مش عارفه ايه
نقلت الإجابة أعلاه من أستاذة أماني وأضيف
لا أحب أن يكون المسلم يلبس ثياب شهرة وهذا للنهي الوارد فيها فينبغي على المسلم الملتزم أن يلبس ثياب تلتزم القواعد الشرعية بدون خروج على العرف الصحيح طالما أن هذا العرف لا يخالف الشرع وبعدين الراجل ده أنا كثير باشوفه في المراية أو في فاترينة المحلات بس من غير موضوع العمامة
احساس يراودك فى اشارة مرور مغلقة بسبب مسئول كبير؟
مرتين الله لا يوريكم مرة كان الرئيس حافظ الأسد في زيارة للأسكندرية وكانت الأسكندرية مقسومة شطرين تماما وضاع اليوم ياولدي وعدت إلى مدينتي في نهاية اليوم دون انجز مصلحتي واليوم التاني شبهة كدة بس الظابط نزل طلع الناس اللي نزلوا قعدوا على المحطة القطار وقال لهم اركبوا القطر يا ولاد الكلب- هذه مدونة نظيفة - واتضح أن المسئول لم يسافر بالقطار وضاع اليوم يا ولدي وكانت ستضيع سفرية للخليج


هناك 19 تعليقًا:

رفقة عمر يقول...

طبعا اشكرك على ان حضرتك لبيت طلبنا بالجابه على التاج والحمد لله قربنا اكتر من شخصيتك وقريبا كلنا قريبين قوى من اجابات بعض وخصوصا موقفنا من اليهود دايما كدة اى تاج يمر علينا لازم نمررة لحضرتك استعد بقى للتاجات

Alaa يقول...

0001 ؟

طب افرض يا عم انك كملت لحد 9999 هترقمهم من جديد
خليها أحسن 00000001
و ربنا يدينا و يديك طولة العمر :)
سلام عليكم

مهندس مسلم يقول...

رجل قلبه معلق بالمساجد

و العده

الطائر الحزين يقول...

مبروك التاج
وانا كمان وصلى تاج ويارب اعرف اجاوب

Maha يقول...

إجابات ممتعة وحكيمة للغاية أستاذي الفاضل :)

بارك الله فيك

BinO يقول...

تاج في غاية الحكمة
أهنئك

ma 3lina يقول...

السلام عليكم

زي ما بقول دايما .. إن أجمل ما في التاجات إنها بتقربنا من شخصية المدون .. ما اكدبش على حضرتك كنت عايز امرر التاج ليك .. بس شعرت بإحراج .. لكن الحمد لله التاج جه لحضرتك من أطيب مدونتين ..ربنا يبارك فيهم

ويبارك في حضرتك

غير معرف يقول...

الأخ الفاضل:عصفور المدينة
السلام عليكم ورحمة الله وبركاته
أشكرلك أنك أتحت لنا الفرصة لنفترب منك أكثر ونتعرف عليك بصورة أوضح
وأحييك على حسك الدينى الطيب والذى ظهر جلياً فى ردودك وكلماتك
بارك الله فيك وأعزك
ـــــــــــــــــــــــ
ويشرفنى دعوتك ودعوت قرائك الكرام للإطلاع على أحدث تدويناتى

وصرخت باكية .. واإسلاماااااه ، ولكن لامجيب!!!!

فى انتظاركم
أخوك
محمد

أمــانــى يقول...

السلام عليكم
والله ممــــــتاز وشئ غير عادى ان حضرتك تجاوبت معانا بسرعة وعملت التاج وعلشان كده هابعت لحضرتك كيس كركديه للاســتاذنا الفاضل
:D

ووفقك الله لما يحب ويرضى اللـــهم آمــــــــــــين

رينـــــــــــا يقول...

السلام عليكم
ماشاء الله
اجابات كلها نضج وحكمه
مينفعش تتبنانى :D:D:D

نسرين - أمة الله يقول...

السلام عليكم
استاذ عصفور المدينه
والله اسم على مسمى يعنى على قد ما كتاباتك فيها جانب كبير علمى ودينى بس برضه فيها روح مرح بتخلينا نحب نقرأها ربنا يحميك على فكره فى ناس برضه زى حضرتك الواحد دايما بيحب يمر عليهم
بسم الله ما شاء الله عليكم

Dr.khaled يقول...

الله يهديك يا شيخ

من حق الاخوة ان لا ترفض طلبي

انا بصراحة مكسل اعلق في مدونتي

ولاقيت ان موضوع التاج ده اجباري..رغم ان لا الظروف تساعد ولا النفسية رايقة

لكن يومين كده ونحاول فيه وربنا المستعان

مشروع انسان يقول...

ايه الفلسفة دى كلها انا بقى اما جاوبت على التاج جاوبت من غير ما امنهج كلامى ربنا يكرمك وادعيلى معاك كتير متنساش

Fahd يقول...

السلام عليكم يا اخي

والله تعجبني ردودك التي تمتاز بالعمق وتشي بالنضج لانسان قرر منذ زمن ان يتعلم وان يعرف ويفكر فيما عرف
عجبني ايضا ترددك الحذر في بعض الاسئلة فقد خفت داخلك حدة المغامرة
زادك الله علما وفهما وتقوي وايمان

نقطة مية يقول...

اولا هو تاج و بيمر على الكل و اكيد كان مسيرك في يوم تدوقه....
ثانيا انا قريت اجابات كتير ليه بس انت اول واحد بلاقي في اجاباته هذا القدر من التروي و الحكمة

تحياتي

الدفاع يقول...

مبروك يا عصفور باشا على التاج انا فرحت اوى لموضوع التاج ده عقبال التاج اللى انشاء الله هاتلبسه فى الجنه يارب

عصفور المدينة يقول...

إخواني وأخواتي
جزاكم الله خيرا بتشريفي بقراءة الردود وأنا فهمت موضوع التاج على إنه استخراج لبعض الآراء والمواقف والنواحي في الشخصية فكان لازم أجاوب صح
وبعدين لاحظوا فرق السن
!!!
إحم
!!!
وأنا جاوبت على التاج في 20 دقيقة
عشان نسخت السورس بالألوان من بنت الجنوب

واسمحوالي أعلن عن الفائز بأجمل تعليق
وهو الأستاذ علاء عشان هو لون معي على العنوان
مع فرحي واعتزازي بجميع التعليقات
وشكرا للجميع وإلى تاج آخر في السلسلة

Islamist Bloke يقول...

انا اللى عملت التاج ده
(:

وواضح انه انتشر جدا

بس اجاباتك روعة

جزاك الله خيرا

والسلام

المجاهدة يقول...

:)
ربنا يبارك في حضرتك
:)


كنت اخر وسم اتبعتلي بفكر جدياً ابعته لحضرتك... بس بصراحة احرجت

لاقيت حضرتك بترد على تاجات اهو و عادي ان شاء الله
:)

ربنا يبارك في حضرتك و يعزك
:)