الجمعة، أغسطس 03، 2007

تعلمت 2



كثير من الأحيان عندما يكون هناك خلاف أو اختلاف يكون منظورنا للحياة من خلال زاوية هذا الاختلاف فقط
ونصنف الناس والأفعال والمواقف إلى :
معنا أو علينا
وعندما تدور السنون أو حتى الأيام
وينتهي الخلاف
أو يهدأ الاختلاف ونعيد النظر للأحداث

نجد أننا قد خسرنا أشياء وأشخاصا كثيرين كان من الممكن أن يكونوا معنا


وأن الدنيا ليست كلها "معي أو علي"

وأن الحق المطلق ليس بالضرورة أن يكون قد كان معي

مرتبط : تعلمت
كتبت بتاريخ 6-7-2007

هناك 35 تعليقًا:

رينـــــــــــا يقول...

السلام عليكم
ياربى اول تعليق :D:D:D
انا سعيدة جدا

طبعا حضرتك عندك حق جدا
انا مقتنعه ان اى حد بيختلف مع حد
بيكون بينظر لموضوع الاختلاف من وجهه نظره فقط

بس بردو مقتنعه ان الخلاف لا يفسد للود قضيه

ربنا ما يجيب اى خسارة
وعلى فكرة انا كمان تعلمت :)

تقبل تحياتى

الدفاع يقول...

السلام عليكم
فعلا والله كمخسرنا كثيرا وقد كنت اعتقد انى على حق فعلا انا خسرت و تعلمت ان رؤيتى للحق امر متغير شكرا لكم وجزاك الله خيرا

عازف الناى يقول...

اخى عصفور
ومهما تعلمت
ومهما اقتنعت
عند حدوث اختلاف تنظر للامور من نفس الزاويه
فكبح الجماح مسئله تحتاج الى تدريب وتعليم وصبر وفوق كل هذا شده الايمان
ولان كبح الجماح من المسائل الصعبه
ذكرهم المولى عز وجل بقوله
والكاظمين الغيظ والعافين عن الناس
فأن استطعنا ان نكظم غيظنا فسوف لانقسم الناس
معنا ام علينا

الدفاع يقول...

ماذا تفعل لو كنت رئيسا
ندعوا الجميع للمشاركه
http://masralmkhrosah.blogspot.com/2007/08/blog-post_04.html
مدونه مصر المخروصه

mohand يقول...

السلام عليكم




















عندك حق

محمد عبد الرحمن يقول...

السلام عليكم هذا تحليل عميق يحتاج المرء معه إلى سرد لما مر من خلافات فى حياته وكم خسر وكم ربح إن كان ثمة ربح
والأجدى بالنسبة لى بعد أن علمتنى الطريقة الإستراتيجية فى إدارة الخلاف أولا أن أشكرك
ثانيا أن أدرب نفسى على إدارة الخلاف بطريقة تدفع بإتجاه حل المشكلة وليس صنع مشكلة جديدة وأيضا الفصل بين الخلاف كوجهةات نظر متعارضة وبين المتخالفين كأشخاص لهم القدرة على العفو والتسامح
بارك الله فيك ونفع بعلمك وإلى الأمام لتعلمنا مما علمت رشدا

ftataljanna يقول...

السلام عليكم

ازيك يا استاذ عصفور

فعلا عندك حق فى اللى قلته وبقالى فترة بفكر اكتب بوست اسميه فن الاستماع عن ححكاية انا والاخر دى

انا مؤمنه ان الدنيا ابيض واسود مافيهاش رمادى فى الثوابت

بس في الناس فيها كل الالوان ومش معنى انك بتتعامل معايا يبقى لازم تكون نسخة منى علشان نقدر نتفاهم

أفكار مسلم يقول...

السلام عليكم أخى الكريم
قرأت مدونتكم أرجوكم اسمعونى
جزاكم الله
أما عن تعلمت-
فحقا يجب علينا دائما ان نترك الباب
موارب وسبيل الرجوع مفتوح مع الجميع وللجميع فلا نعلم مستقبلا متى وكيف وعلى ماذا سنلتقى

Future_Preacher يقول...

موضوع مهم جدا
هي الاختلاف مع الاخر
بس المشكلة جوانا فعلا
اي مناقشة ما بين الاصدقاء حتي في امور عليها خلاف لازم و غالبا ما تقلب الي منظور شخصي يعني لو اختلفت في وجهة النظر معاك كأنب بطعن في عقليتك
و يتقلب الموضوع لاختلاف شخصي
علشان كده بنخسر كتيييير
و برضه نقطة حضرتك مهمة اننا مش بنفكر الا من زاوية واحدة و بس و ده يرجع للجمود الفكري اللي موجود عند كثير من الناس مع الاسف

بصراحة كتابات حضرتك قيمة جدا
و مينفعش ادخل مدونتي الا و لازم امر علي حضرتك أولا
و حضرتك دايما سبّاق في المشاركة بالتعليقات
بارك الله فيك

عدى النهار يقول...

أتعشم أن إعادة النظر تقود لعدم تكرار نفس الأسلوب فى تناول أى خلاف أو إختلاف

الناس فعلاً بتخسر كتير نفسياً وصحياً وإجتماعياً وعملياً بسبب الحدة التى تتناول بها أمور شبه يومية ولاتخلوا منها حياة إنسان

ma 3lina يقول...

قال تعالي : ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ

وجعل النبي صلى الله عليه وسلم آية المنافق أنه إذا خاصم فجر

وقال الإمام : رأيي صواب بحتمل الخطأ ورأي غيري خطأ يحتمل الصواب

وقالوا : وابغض عدوك هونا ما عسى ان يكون حبيبك يوما ما

ويبقى التطبيق ..

وَمَا يُلَقَّاهَا إِلَّا الَّذِينَ صَبَرُوا وَمَا يُلَقَّاهَا إِلَّا ذُو حَظٍّ عَظِيمٍ

الطائر الحزين يقول...

صدقتنى بقى ياما عمال اقولك لك وانصح فيك وانت بردة اللى فى راسك فى راسك

خمسة فضفضة يقول...

السلام عليكم ورحمة الله وبركاته


للاسف
كلام صحيح ميه في الميه
كتير اوي بنقع في الخطأ ده وما بنكتشفوش الا بعد فوات الاوان

أمــانــى يقول...

أســــــــــتاذنا
والله ساعات حتى الواحد ماخدش ان ده عليه علشان مش معاه الطرف الاخر هو اللى بياخد كل شئ بالمحمل ده
على العموم أصلآ اصعب حاجة شوفتها فى حيــاتى التعامل مع البنى ادمين فعلشان كده بطلت ازعل من حد خاااااالص يعنى تريح دماغ
مش عارفه شكلى طلعت من الموضوع كالعادة
معلش بقى حضرتك أســتاذنا ولازم تستحمل تلاميذك
جــزاك الله خيــرآ ياااااااااارب آمـــــــــين

جهاد خالد يقول...

(الحق)
وجهات نظر
(الحقيقة)
واحدة لا تتغير
(الأحمق)
من يظن أن
(حقه)
هو
(الحقيقة)


وحمقه من أنه سيكون هو
(الخاسر الوحيد)


تحياتي

الفاتح اليعقوبي يقول...

عدنا عدنا عدنا
عدنا عدنا عدنا
عدنا عدنا عدنا

غير معرف يقول...

هكذا سنة الأولين تجري علينا كما جرت عليهم

لا مناص من الاختلاف في شتى أوجه الحياة المتلاحقة التعاقب ...

لكن المهم هنا هو التوفيق الذي يرزقنا به ربنا لنبصر به حقيقة الأمر في حينه وهو ما سمي في القران به الهداية والرشد.. ( وهيء لنا من أمرنا رشدا ) ...

لك منا طريقته الخاصة في الحكم على الأمور وحكمه في نهاية المطاف على النتائج ... لكن العاقل من تتبع مسار الحكمة من قبله وربطها بطلب الهداية من خالقه ليفوز في النهاية بالسعادة والراحة

دمت بخير

غير معرف يقول...

تدوينة جميلة ومعني صحيح

محناش بوش لعنة الله عليه الي ماشي بالقاعدة دي

تستحضرني كلمة الامام حسن البنا:
فلنتعاون فيما اتفقنا عليه وليعذر بعضنا بعضا فيما اختلفنا فيه

تحياتي وسلام الله عليك

بنات افكارى يقول...

السلام عليكم
الحقيقة يااخي ان فيه ناس ممكن تلاقيها بتختلف لمجرد الخلاف وفقط وفيه ناس بتحب تصمم على رايها حتى لو كان خطا وفيه ناس بتحب تعند لمجرد ان اللي ادامها بيختلف معاها يعني في الاخر احنا اللي بنخصر بعض بادينا لكن لو اخدنا الخلافات دي وحاولنا نستفيد منه هانلاقى ان كل راي حتى لو كان مش معانا اكيد هانقدر نستفيد منه فى شىء ما وبالتالي عمرنا ماهنخسر حد ابداااا
يعني لازم يكون فيه حيادية فى الحوار
جزاكم الله خيرا على الموضوعات الطيبة
السلام عليكم

دكتور حر يقول...

سلاماتي

هكذا هي الحياة رأي ورأي آخر

لكن الحكمة كما قلت هي في الأمتصاص وبعد النظر في لحظة الانفعال والاستجابة لمؤثرات الموقف

عموما سعيد بتعرفي على المدونة الشيقة
بوركتم زدمتم بخير

كرم مسلم يقول...

السلام عليكم

الحق واحد لا يتعدد وينبغى على كل باحث عن الحق ان ينصاع اليه مهما ظهر مكانه كان معه او مع غيره حتى لا يأتى اليوم الذى يندم فيه

جزاك الله خيرا

مزايا العقارية القابضة يقول...

كلام حضرتك سليم

و لكن في اعتقادي أن كثير من الناس لا يتعلمون إلا بالتجربة

و لعل ذلك أوقع في النفس و أبلغ من مجرد السماع لتجارب الآخرين

و لعله خير

اللي اتكسر يتصلح مش كده و لا إيه ؟ إلا لو كان في أساس أو صلب الأمر

المهـ إلي الله ـاجر يقول...

السلام عليكم

انا اري يا أستاذي أن مشكلة الحوارات التي لا يكون من ورائها هدف أو نيه انها لا يصحبها تجرد لله ونبذ فكرة الإنتصار للرأي أو النفس

ولو توفرت تلك الأمور لكان لخلافاتنا نتيجة سواء بالإتفاق أو الإختلاف مع بقاء الود


فهناك منا من يخالف غيره ثم يهدم المعبد علي راسه لمجرد أنه لم يوفق في نقل ما يريده وقد يكون العيب فيه .. والذي يجب فعله أن يترك الأمر مفتوح لعل من ياـي بعد ذلك يكون أقدر علي توصيل الفكرة منه

لحظة يقول...

القوي فقط هو من يستطيع الاختلاف مع الاخرين بدون ان يفقد اعصابه
او قناعاته
او علاقاته الجيده بهم خاصة اذا كانوا مقربين
عرفت ذلك بعد ان اكتشفت ضعفي الكبير تجاه هذه النقطة
جزاكم الله خيرا

Doba يقول...

كل شخص إيمانه ومعتقداته وآرائه تكونت من اختلاف الحوارات وكثرة القراءات والاستطلاع والتعلم - ولا يجدى أبدا أن نأتى بشخص قوى بمعتقداته وثقافاته ونجمعه مع شاب فى مقتبل العمر لا يفقع شىء ونقوم بعمل المقارنة ونبدى إختلاف الآراء - يجب أن يكون هناك مساواة فكرية على الأقل وفى النهاية الاختلاف فى الرأى لايفسد فى الود قضية بمعنى لا يجب ان ينتهى الموقف بمعنا او علينا - كثيرا ما ينتهى الموقف ونتواجه مع أخطائنا مثلما ذكرت - فلابد من التروى فى اتخاذ القرارات

تحياتى -- هبة

مشروع انسان يقول...

انااااااااا جيت
معلش كنت مشغول شوية ولسه راجع والحمد لله
كلام حضرتك جميل جدا ربنا يبارك فيك
فعلا مفبش حد يملك العصمة قد اخطئ فى شئ واصح فى اشياء وهكذا مخالفى فى الراى يا استاذنا الله يكرمك قول لكتير من اخوانا السلفيين ربنا يكرمهم والله نفسى يكونوا بفكرك ده الله يكرمك انشر بينهم هذا الفكر والله نفسى كلنا نتواصل مفيش فرق بينا اصلا ومفيش حاجة اسمها احنا وانتم كلنا مسلمين وطبعا فيه اخوان كده بس للاسف اخوة سلفيين كتير اوى عندهم فكر انهم بس اللى صح واى حد غيرهم فى ضلال مش توافقنى برضه انا مش بهاجم بس والله بقول اللى بشوفه دول عندنا هنا شوية ويبلغوا عننا والله العظيم وبيضيقوا علينا فى الاعمال حاجة تغيظ والله كلامى ده لحرصى على وحدة صف المسلمين ليس اكثر

بهلوله يقول...

ربنا يبارك لك يا استاذ عصفور
ويزيدنا من تدويناتك الرائعه
احب ان اقول
ان الانسان اذا غضب ولم يتمالك اعصابه
اختلط عنده الحابل بالنابل فلا يستطيع ان يميز من معه
او بمعنى ادق من يريد به خير ومن لا يهمه امره
فيمكن ان يقسو عليك عزيز او اخ وقت الغضب وقد يصل مستوى القسوه الى حد الضرب
وهو يريد بك خير او يريد ان يمنعك من الانجراف الى غياهب الغضب
استاذ عصفور
انا بهلول
وجيت قبل بهلوله
بس انا عايز منك خدمه
عايز اكتب تعليقاتى باسم بهلول
ايه العمل ؟؟؟

Gid-Do - جدو يقول...

ابو العصافير

تعليقى هنا خارج حدود موضوعك ـ انا عملت تحديث على فيديو خلع الدبلة ببوست جديد بالصور ـ وكلمتك قلاوز كانت ليها مفعول السحر علشان افتكرت بيها كلمة بريمةـ الزمن وعدم استخدام اللغة دائما بينسى الواحد كلام كتير ـ ارجو زيارتك وتقولى رايك فى سرعة التحميل والسبب ان سرعة تحميلى هنا هى اربعة ميجا بيت فى الثانية وهى السرعة العادية لمشتركين قنوات التليفزون اللى زى حلاتى ـ تحياتى

عصفور المدينة يقول...

بهلول أو بهلولة
ممكن تدوس
Use another account
وبعجين تكتب اسم المستخدم بتاعك بتاع جوجل وكلمة السر

عصفور المدينة يقول...

بارك الله فيكم أنا مركز على إن وجهة النظر وقياس جميع الأمور وتقييم الأشخاص بتكون من معيار ممنطقة الاختلاف



رينـــــــــــا أهلا وسهلا
بارك الله فيك احنا أخذنا تجربة عملية أمس

-----
مدونة الدفاع أهلا وسهلا

وأنا أيضا تعملت مثلك
-----
عازف الناى أهلا وسهلا
نعم أخي وما تعلمته انا تعلمته تطبيقيا فعلا بتجارب السنين التي لك مثلها
-----
مدونة الدفاع أهلا وسهلا

ماذا تفعل لو كنت رئيسا
أعوذ بالله واديني شاركت معاك جبر خاطر
-----
mohand أهلا وسهلا
شكرا للرجالة اللي وقفوا جنبنا
-----
طال الليل أهلا وسهلا
تعليقك قيم جدا و وفعلا تفصيل هذه الحكمة التي قلتها :) هو خبرات سنين ومواقف مرت بي كثيرة أعدت تقييمها
-----
ftataljanna أهلا وسهلا

اكتبي يا ابنتي ونريد ان ننشر ثقافة الحوار الباغي للوصول إلى الحق
-----
أفكار مسلم أهلا وسهلا
حقا يجب علينا دائما ان نترك الباب
موارب وسبيل الرجوع مفتوح مع الجميع وللجميع فلا نعلم مستقبلا متى وكيف وعلى ماذا سنلتقى
دي تعلمتها جداجدا
-----
Future_Preacher أهلا وسهلا

بارك الله فيك كم أسعدني إطارؤك
فعلا نحتاج ألا نوسع مناطق الاختلاف وأن نحلها عقدة عقدة حتى لا تتفرع إلى خلاف
-----
عدى النهار أهلا وسهلا
تعلمت ألا أنفعل كثيرا
-----
ma_3alina أهلا وسهلا
آية المنافق أنه إذا خاصم فجر
والتطبيق يحتاج إلى صبر ومراقبة دائمة للنفس والكلمات وتعبيرات الوجه والتصرفات والأفكار
-----
الطائر الحزين أهلا وسهلا
ماشي ماهو باين نصايحك شغالة :) وعمال احولها تدوينات :)
-----
خمسة فضفضة أهلا وسهلا
بعد فوات الاوان هي دي المشكلة يا دكتورة اللي كتبت عشانها عشان ما حدش يفوت منه الأوان

-----
أمــانــى أهلا وسهلا
حتى لو قابلنا ناس بيحاولوا يقسموا المواضيع لمعي أو ضدي لازم نرجعهم لنقطة الحوار الموضوعي
أنا مثلا حريص أن أضع في وسط كلامي كلمات مثل
لماذا لا تاخذ كلامي على محمل النصيحة يمكن كلامي يطلع صح بص له بعين الاعتبار
ليه بتفترض إن فيه حد مذنب في الموضوع
ليه بتفترض إني باهاجمك عشان اطلعك غلطان
أنا باثير الموضوع يمكن يطلع أنا فاهم غلط
والحقيقة أنني لا أسوق هذه الكلمات من باب الضحك على الدقون ولكن أعيشها بقلبي وهو ما يجعل الاخرين يصدقونها

-----
النجمة الصامدة أهلا وسهلا
اللهم اهدنا لما اختف فيه من الحق بإذنك
-----
اليعقوبي أهلا وسهلا
حمدا لله على السلامة ولو أن تعليقك غير مطابق للمواصفات القياسية
-----
صاحب المضيفة أهلا وسهلا
اللهم هيء لنا من أمرنا رشدا
ولا يزالون مختلفين إلا من رحم ربك
العاقل يستفيد ممن سبقوه ويستفيد من سابق زمانه
-----
مصراوي أوي أهلا وسهلا
فعلا كرهت هذا التصنيف بسبب بوش
وعرفت من يومها ان هذه سمة أهل الباطل إما معي أو علي
-----
بنات افكارى أهلا وسهلا
الخلاف لأجل الخلاف هذا مرض عظيم
ولكن لو فرض عليك الخلاف ففيه آداب وفيه عبادات يجب القيام بها
ولو عرفنا مقدما هذه الحكم التي سقتها فربما يتغير المسار
-----
دكتور حر أهلا وسهلا

مرحبا يا دكتور ومنور وشكرا على تعقيبك

-----
كرم مسلم أهلا وسهلا
قد يتهيأ لنا أننا وصلنا للحق الواحد ولكن حقيقة الأر تكون غير ذلك
وقد يكون أحيانا الآثار السلبية للخلاف أكثر من فوائد الوصول للحق الذ هو اجتهادي
-----
وقف لله تعالى أهلا وسهلا
وأنا تعلمت بالتجارب
-----
المهــ إلي الله ــاجر أهلا وسهلا
فعلا أخي أحمد إذا الحوار لله فهو أرجى أن يصل إلى الحق
وبركة الائتلاف
-----
لحظة أهلا وسهلا
القوي فعلا ينجح في إدارة الخلاف
ولكن هذه القوة مكتسبة بالتمرن
-----
Doba أهلا وسهلا
شكرا لتعليقك القيم
-----
امام الجيل أهلا وسهلا

حمدا لله على سلامتك يامحمد وإن شاء الله نعالج المواضيع الساخنة اللي انت فتحتها وربنا يرحمنا
-----
بهلول أهلا وسهلا
ردت عليك هناك
بس كله إلا الضرب
بهلول أو بهلولة
ممكن تدوس
Use another account
وبعدين تكتب اسم المستخدم بتاعك بتاع جوجل وكلمة السر

Unknown يقول...

الله عليك :)

بهلول يقول...

وعرفت الطريقه
ههههههههههههههههه
بالشكل ده
اعرف اكتب لاسمى انا
مش بهلوله
كنت باتكسف يا راجل وانا باكتب باسم بهلوله
لكن عارف انا عملت اميل جديد خالص
بدل من اميل بهلوله
ولو انى مش عارف انقل مدونتى مكن عندها
ولكن كده كويس وانا خلاص ارتحت
فلتسقط بهلوله
وليحيا بهلول

اسلام رفاعى يقول...

من اجل رفع الظلم عن المظلومين
عذرا للتحليق خارج السرب
ادعوك للمشاركة فى حملة رفع الظلم عن الطلاب المختطفين
التفاصيل بمدونتى
ارجوك انشرها

karamella يقول...

نفسي بس كل اما نختلف مع حد في وجهة نظر نحط نفسنا مكانه ونبص للموضوع بوجهة نظره هو اكيد حنعرف نتفاهم ساعتها او نوصل لنقطة اتفاق
جزاكم الله خيرا يا عصفورنا

و القادم....أجمل يقول...

السلام عليكم

الموضوع بيبأه ثورة وقتيه
يعني الخلاف او الاختلاف يحصل
و نغضب و نقول معانا و علينا
بس الشاطر اللي ينسي بعد العتاب
لأنه بجد هيريح نفسه

:)

تقديري لحضرتك