الثلاثاء، أغسطس 14، 2007

تمر بلبن

انتهى صانع الفطائر من العجن والتقطيع وشرع في عمل الخلطة وأنا أراقبه
قلت : بتعمل إيه؟
قال : العجينة دي مش مشكلة ركز في الخلطة اللي على الوش
قلت : لأ العجينة دي هي اللي أنا عايز أعرفها
قال :العجينة بتاعتي دي هي سر التميز بتاعي ...عشان كدة هي اللي بتعمل فرق في الطعم
قلت : الفرق في الطعم اللي انت بتقول عليه ده هو اللي مضايقني أنا عايز العجينة الأصلية
قال : العجينة بتاعتي احسن حاجة
قلت : لا ..مش مهم انت شايف إيه
المهم أنا حاكلها إزاي وأتذوقها إزاي
مثلا عندك التمر باللبن هو أكثر حاجة مغذية وما فيهاش أي كلكعة .......تحط التمر على اللبن وخلاص
ومع ذلك باحبه جدا



جزء من منام رأيته بتاريخ 20-6-2007
(بس شكله مفيد) نعم رأيته بذلك الوضوح والجدلية
بعد ما استيقظت من النوم تعجبت جدا من هذا المنام والذي وجدته يمثل واقع حياتي كله ومنهجها
إن التعقيد في الأمور والتكلف ليس من سنة النبي صلى الله عليه وسلم "قل ما أسألكم عليه من أجر وما أنا من المتكلفين
وهو فعل مجهود كبير فيما لا طائل تحته أو تحته طائل قليل وقس على ذلك في مسائل الفكر

منهجي الذي أعيش لأجله وألتزمه وأدعو إليه هو العودة للكتاب والسنة وهو التمر باللبن في هذه الرؤيا
مهما تكلف المتكلفون وبذلوا الجهود في التماس الفكر من هنا وهنا يظل هذا التمر باللبن هو سبيل النجاة

ونبهني أخي المهاجر إلى الله أن هذا المنام يحتمل التفسير على الخلاف في وجهات النظر وأن كل شخص يرى الأمور من زاويته

المهم أني تأثرت جدا بهذا المنام

هناك 32 تعليقًا:

mohand يقول...

السلام عليكم

اعتقد ان عندك حق

بس فيه تعقيب

لو استمريت علي اللبن والتمر
مفيدين اه
بس هل هتقدر تكمل بيهم
مش لازم مذاق اخر ورؤيه اخري

يعني اختلاف وجهات النظر تظهر الافضل دوما

طبعا الاختلاف الواضح الصريح الصحيح

مش الجدل العقيم

يعني اظهار كل واحد رأيه والمستمع يختار او القارئ

مش عارف انا خرجت عن لب الموضوع ولا لا

تحياتي اخي الحبيب

مشروع انسان يقول...

لا حول ولا وقوة الا بالله ملحقتش اول تعليق للاسف خير
ما اجمله من منهج يا بشمهندس ربنا يكرمك ونرجو من الله التزامه وان يكون منهجنا جميعا بس اذا سمعت الكلمتين دول من غيرك كنت قولتله بس الايجابية والتفاعل والكلام ده بس ربنا يكرمك بتوازن بين الاتنين يعنى الدين مش يبقى لينا بس وننسى الدعوة وننسى الناس لا الاتنين معا بورك فيك

محمد عبد الرحمن يقول...

السلام عليكم
تمر بلبن وسر العجينة
دقائق لأتقمص شخصية مفسر الأحلام وأرتدى ملابسهم
تمر باللبن شخصيتك تركز على القيمة وتستعلى على المظهر كما يشرح ذلك أيضا موضوع سر العجينة لأن من يهمه الجوهر وصلب الأمر يفعل مثلك بغض النظر عن بهرج الزينة الخارجى ومن يهمه الفائدة يأخذ التمر بالحليب
الأن سيدى عرفت سر الصنعة منك ويمكننى تفسير كيف أنك تتمثل الفطرة والسنة لتعيش بهما حتى عبر عقلك الباطن عما تشبع به
ولك كل التقدير منى
ملحوظة هذا يفسر لى ما أشرت به على فى موضوع المدونات النظيفة
عاوزين الحلاوة ياريس ولا هنشتغل ببلاش
الحلاوة محددة النوعية متروكة التحديد فى الكمية عاوزين دعوة فى الثلث الأخير بحسن الخاتمة

Jana يقول...

اخى الكريم
بحثت قبل التعليق هنا فى تفسير الاحلام
والحق يقال
انا لا افقه شيئا فى هذا العلم بالذات
ولكنى مؤمنة ان رؤيا كهذه التى رأيتها فى منامك
هى رسالة من الله يريد بها ابلاغك بشء
وبعد ان وجدت ان الكلمة الواحدة تحتمل اكثر من تفسير
وقد تكون هذه التفسيرات المتعددة فى منتهى التناقض
قررت صنع
mix
من هذه المفردات العديدة
بعد ان اخترت كل ماهو يدعو للتفاؤل
فوجدت ان
التمر --- قراءة القرآن والتى تنفع من قرأها فى دينه
اللبن --- فطرة الاسلام او المال الحلال بلا تعب
العجين ---الرزق والاهتمام بمصالح الرعية او السلطان المحبوب عند الناس المساعد لهم بيده ولسانه

وعند تجميع هذه المفردات نصل الى
انك مدون محبوب عند القراء مهتم بمصالح الناس مساعدا لهم بيدك وبلسانك
وتدعوهم الى اتباع فطرة الاسلام بلا تكلف وان قرائتنا للقرأن هى ما ستفيدنا فى ديننا ودنيانا

وهذا ما اراه واقعا ملموسا
وقد ناديت به للتو

تحياتى

الدفاع يقول...

السلام عليكم
جعلها الله رؤيا صالحه ونفعكم بها وادامكم الله تذكرونا بماننسى وتعلمونا ما نجهل

ابن رشد يقول...

متهيئلي لو قضيتها لبن و تمر بس هتزهق

Mai_Jeneen يقول...

يا ريت احلامي بالوضوح و المعاني دي

تذكرة رائعة جداً ... و هامة جداً

BinO يقول...

أنت عايز ايه اكتر من كده
وبعدين وضح فعلاً ان لسان حالنا بيتكلم بنفس اللغة
:)
معذرة لأني مكنتش متابع الفترة الماضية
أعمل خارج المكتب كل الوقت

المهـ إلي الله ـاجر يقول...

رؤيتك حد ذاتها لها قيمة كبيرة وفي شرحها لنا درس آخر للبعد عن االتكلف والوضوح والتبسيط لأن التكلف والإصطناع في حد ذاته يجعل أصحاب الطبائع والفطر السليمة تنفر من أصحاب هذه الأفعال لأن البساطة هي أقصر الطرق للوصول للقلوب

جزاك الله خيرا يا استاذي

وأنا أحبك في الله

الطائر الحزين يقول...

باشمهندس كيف حالك
ياريت اقدر اداوم على التمر بلبن
او التمر لوحدة
او اللبن لوحدة
كدة بقى ثلاث اصناف

يعنى ممكن من الشىء نخرج منه مشتقات أخرى مفيدة وغير متلفة ونافعه وسهلة وبسيطة


هو انت زعلان منى؟ ده سؤال عاض ملوش دعوة بالتعليق

لحظة يقول...

ارى قصد حضرتك ترك الجدال الغير مفيد
والصوت العالي في عرض الآراء والتعصب لها
والخلاف في الرأي الذي يذهب للود كل قضية
والتكلف في عرض لآراء لتصنع مظهر العالم
انا كشخص من عامة المسلمين اتوه في كل هذا
واسمع الحكم او الرأي آخذ به
او افكر فيه
يأخذني هواي الى تركه
وانا اعلم فيه الصواب
والفطرة السليمه تقول
وانا اسمع او اخالف
والموضوع ابسط من ذلك بكثير
"بس انا اللي بقاوح" مش عارفة لامتى
جزاكم الله خيرا

Ahmed يقول...

وعليكم السلام ورحمه الله وبركاته
اخي الكريم
اولا : انا اسف علي تاخير الرد لظروف خارجه عن الاراده
تانيا : انا شاكر لك جدا تعليقك
ثالثا انا باذن الله هرد هنا علي التعليق وهرد عنك لان من حق من قرأ تعليقك أن يسمع ردي

أما ردي علي التعليق يتلخص في الاتي
لقد ذكرت في تعليقك:( وأعلق بهوية أخرى فلاحظ أنني لم يبني على التفاعل السابق )* وارد قائلا :من قال اني سوف اعلق بهويات عديده ولكن هي نفس الهويه التفاعليه ومتتاليه
ولماذا هي متتاليه لاني نفس الشخص لم اتغير اكتسب خبرات وانسي ما لم يلحقه الزمن بتابع ليقوي ما اكتسبت

اما عن المدونه انا معك ان التدوين يصب في استكمال هدف او فكره

ولذلك انا قلت في اخر سطور البوست الاخير
الي اليوم لم اقرر انني سوف انشر اي شيء من كتابتي ولا جديد من ما سوف اكتب باذن الله, وفي خاطري حتي لا يعلم اسلوبي ولا تعقد مقارنه بينه وبين البلوج الاصلي (اي ان نهر الاكتساب من خبرات الاخرين هو موجود بالفعل ولسوف يظهر تأثيره علي تعليقتي

ولكن رغم ما قولته ما اريد الا ان يكون في تعليقي رياء ولا حب ظهور

واخيرا في تعليقي علي البوست ده
ما انا بمسفر لاحلام ولكن عسي ان ينير الله بصيرتي

اما عن التمر واللبن
اما عن اللبن فما تمني رسول الله صلي الله عليه وسلم زياد من نعمه كما تمني ان يزيده الله من اللبن

اللهم ما بارك لنا فيه وزد لنا منه هذا الدعاء لم يتركه رسول الله (صلي الله عليه وسلم) من بعد كل شربه لبن

واما التمر فقد فما اكثر ما ورد عنه في السنه


فعند مولد الطفل الصغير ياذن في اذنه ويوضع شىء من موضغ التمر

وورد في القران في سوره مريم
بسم الله الرحمن الرحيم
** فَنَادَاهَا مِن تَحْتِهَآ أَلاّ تَحْزَنِي قَدْ جَعَلَ رَبّكِ تَحْتَكِ سَرِيّاً * وَهُزّىَ إِلَيْكِ بِجِذْعِ النّخْلَةِ تُسَاقِطْ عَلَيْكِ رُطَباً جَنِيّاً * فَكُلِي وَاشْرَبِي وَقَرّي عَيْناً فَإِمّا تَرَيِنّ مِنَ البَشَرِ أَحَداً فَقُولِيَ إِنّي نَذَرْتُ لِلرّحْمَـَنِ صَوْماً فَلَنْ أُكَلّمَ الْيَوْمَ إِنسِيّاً


واما ما ورد في السنه عن افطار الصائم فعلي تمر ولبن
وكل عام وانت بخير
اول شعبان
واللهم ما بلغنا رمضان

وشكرا علي تشريفك لي وارجوا المدومه
جزانا الله واياكم الي الخير والبر والتقوي

رفقة عمر يقول...

انا قبل التزامى كنت بشوف ناس بتخلينى اخاف من الالتزام من كتر ماهما مشددين على نفسهم ووجهوهم فيها تجهم على طول
ولكنى عندما بدات بحفظ القران
وجدته قد ايه بيخاطب النفس وبيرتقى بها من غير تشدد ولا تعقيد
وقرات فى احاديث الرسول الكريم
وقرات فى كتب السلف
وجدتنى امارس دينى بفضل الله بكل سلاسه من غير تعقيد ولا تشديد
وحياتى بفضل الله طبعيه زى ماكنت بس زاد فيها معرفتى بربى وبرسولى
الحمد لله على نعمه الاسلام وكفى بها نعمه

sakayar يقول...

السلام عليكم ورحمة الله وبركاته
حبيب قلبي أخويا الكبير عصفور المدينة
ازي حضرتك واحشني كتيييير اوي
بالنوسبة للبوست بتاع النهاردة بجد ... هيه دي الحياة اللي انا بحبها ... كل الأمور تبقى ببساطة ومن غير تعقيد ... خطوات متتابعة وبنمشي فيها .. زي ما حضرتك بتقول كتاب وسنة .. الناس بتخاف أوي م الكلمة دي على الرغم من انها أسهل طريقة للتنفيذ لإن أحسن مننا استخدمها زماااان ونجح بيها
لكن الغالبية بيشوفوا ان اللي بيطالب بكده شخص معقد ... مش عايز حاجة أكتر من البساطة في التصرفات والحياة
تحياتي على الحلم الجميل ده
وانا برضه بمووووت في التمر باللبن

أمــانــى يقول...

أســـتاذنا
البساطة مطلوبة ولكن دون الاخلال باى من المعانى يعنى مينفعش يكون اللبن مغشوش واهم شئ اللى هيعملهم هو يكون ازاى لان البساطة وطبيعة الانسان وهو هادى وبيعمل الحاجة وهو مبستم بيظهر اوووى سواء فى الدعوة وحتى فى ابسط الامور على سيبل المثال انا بقى لو عملت الاكل وانا مضايقة لازم يطلع للاسف سئ للغاية يعنى لازم الاقبال على كل شئ بصدر رحب
كالعادة يا استاذنا لازم اطلع معلش بقى استحملنى
الكــبير كــبير
:D

حائر في دنيا الله يقول...

العودة للأصل يفيدنا في التوصل لحل للغد، تلك رؤية لا أشك في صدقها ولا صلاحها....
لربما من كثرة التضليل والتطبيل والحرب على كل مقدس صار المتدين مطلوب للعدالة وظلامي والمنحرف تقدمي وتنويري
أعانك الله وهدانا الي ما فيه الصلاح

مع تحياتي
السلام عليكم

قلب أبيــض يقول...

السلام عليكم
الحلم دة انا على فكرة شفت تقريبا زية شويتين بس عن الطريقة بتاع تصنيع الجبنة
اصل انا شغال كدة
وقلت للحاج ابويا
فقالى هتلاقيك كنت عريان
فانتا ريحتنى لما قريت التفسير
جزيت خيرا

قلب أبيــض يقول...

يعنى ايه كلمة وطن
سؤال محتاج من كل واحد مننا اجابة
شاركونى برايكم
قلب أبيض

فن الحياة يقول...



جزاكم الله كل خير على هذه التذكرة .. فعلا افضل شيء هو الرجوع إلى القرآن الكريم .. والسنة النبوية .. :)

طلامة العقائد ثابته .. اما اجتهاادات الفقهاء في الامور الفرعية فمن اصاب فله اجران ومن اخطاء فله اجر

بارك الله فيكم اخي :)

bastokka طهقانة يقول...

يارب يجعلنا من الداعين الموحدين لوجهه الكريم


الفطرة السليمة من اجمل النعم ربنا يديمها علينا و عليك


اوروفوار

Noony يقول...

السلام عليكم ورحمة الله وبركاته

شد انتباهي انك لسة فاكر تاريخ الرؤية دي :)
بما إني بني آدمة غير طبيعية ومش بحلم بالمرة فماليش في التفاسير خالص ومش عايزة أعرف عنها عشان متقهرش على نفسي أكتر من كدة :) :) :)
بس أنا اعجبت جداً بطيقة تحليلك للموضوع وكفاية انك تنادي بالبعد عن التكلف والكلكعة اللي مالهاش لازمة والرجوع إلى الفطرة وهي البساطة
يا ريت كل الناس بس ترجع للبساطة...المشكلة إن إن الناس البسيطة هي الي بتعاني من الناس المكلكعة

هو التفسير التاني كان اية تاني كدة؟ :)

ربنا يصلح الحال يا رب
نهاد

أحمد المصري يقول...

هيا ايه الحكاية ..عجينة ولين وتمر
والرؤيا واضحة كمان..يا نهار أبيض!!انا مش فاهم حاجة!

عدى النهار يقول...

بعد فترة من ظهور تعبير الرجوع أو العودة إلى الإسلام قرأت أن حسين ملك الأردن قال بل التقدم نحو الإسلام

الحق أن تعبيره أقوى

وطبعاً التقدم نحو الإسلام لايكون إلا بالركون إلى أصوله كما ذكرت

نسرين - أمة الله يقول...

السلام عليكم
تمر ولبن الاتنين اكيد ان شاء الله رؤيا خير
على فكره انا بحبهم على بعض قوى
هو الاكيد ان لو الواحد ساب الامور تمشى ببساطه وعلى راحتها حيرتاح بس ده على طول
جزاك الله كل الخير ورنا يكرمك

http://kasperb4.blogspot.com/ يقول...

كلنا ممكن نعلق على الموضوع ونقول الله معنى رائع جدا وجميل
لكن مش دي هي القضية
المهم ان احنا فعلا نقدر نشرب التمر ابو لبن كله وليس جزء منه

والأهم ان يرزقنا الله الثبات وطول النَفَس والهمة العالية وأن يبعد عنا من يعكر علينا مذاق هذه الخلطة الرائعة

جزاك الله خيرا وربنا يرزقنا العمل بما نعلم

محمد عبد المنعم يقول...

ما هي الكتب التي تشرحها مدونة مدرسة العلوم الشرعية؟

و جزاكم الله خيرا و نفع بكم

Just a Reader يقول...

السلام عليكم...ربنا يجعله خير إن شاء الله ...بحس إن الإنسان اللي شاف المنام أو الرؤية هو أقدر واحد على تفسيرها أو ربطها بحياته سواء في توقيت الحلم أو بعد مرور فترة من الوقت.
تحياتي.

ibn_abdel_aziz يقول...

انا جاي اعلق عشان حاجتين يا محمد
او نقول ثلاثة

اولا حتيجي القاهرة امتي عشان اشوفك؟
ثانيا ، جزاكم الله خيرا علي الاعلان الرسمي اللي انت عامله عشان موضوع الدعاء لي ..مش عارف اقوللك ايه يا محمد بصراحة ...دي حاجة حتي معملهاش اقرب الناس لي ...مش عارف اقوللك ايه ...ما فيش كلام يتقال ...غير ان ربنا يجزيك الخير كله ويعطيك ما تحب في الدنيا والاخرة

وثالثا
تعليقا علي موضوعك

انا اتفق معك
اني كمسلم يجب ان انظر في دوام واستمرار الي تلك المرجعية التي اقف عليها
كتاب الله وسنة نبيه

المشكلة في ان الناس تنظر الي هذين المصدرين نظرات مختلفة تتنوع بتنوع الفهم والبيئة والظروف

بساطة الكتاب والسنة اراها - من وجهة نظري - انهما يامران بالبر وينهيان عن المنكر ويسهلان حاجيات الناس
كتاب الله كتاب حقوق وواجبات وليس كتاب تسالي وحكايات حتي ولو كان فيه حكايات فهي للاعتبار والعمل وليس للانفعال والتعصب

ببساطة
بساطة كتاب الله في كونه كتاب للناس
ومن اجل الناس
ولرحمة الناس

Aml Ghonaim يقول...

سبحان الله ....
نخطىء كثيرا حين نتخيل أن اضافاتنا التى نتخيل أنها جيدة ربما ستناسب الآخرين ؛
وأحيانا على العكس تماما من ذلك ربما ستخالف مناهجهم .....
ما أحبه دااائما وأحب التركيز عليه : ان الاسلام فى جوهره دين غاية فى الرقى والانسانية وسهل التطبيق جدااا ؛
بقى أن نظهره كذلك ...
وتلك حرفتنا :
اظهار الاسلام كما هو ؛ لا كما تراه أفكارنا ...
تدوينة مميزة ؛
جزاكم الله خيراااا

عازف الناى يقول...

كل سنه وانت طيب
رمضان على الابواب
ويحلى فيه التمر واللبن
اكيد كنت بتفكر فى سعر التمر السنه دى وخصوصا رمضان والمدارس ورا بعض
وربنا يستر
اعتذر عن فتره انقطاع وصله النت
ولا اعرف السبب

عصفور المدينة يقول...

mohand
جزاك الله خيرا فيه مشتقات كثير للتمر واللبن وبعدين الملل ده غريزة مش لازم يكون عارف الفايدة فين
يعني ممكن الغريزة تميل لحاجات مشم مفيدة----------
امام الجيل

أكيد أنت الأول لأنك دخلت في نفس التوقين
الإسلام الصحيح ليس فيه تقوقع وانعزال عن الناس وعدم الاهتمام بشأنهم والتواصل معهم ودعوتهم
أنا أقصد المنطلقات يا محمد مش التصرفات
----------
طال الليل

استر يا رب من مفسري الأحلام
دعوت لك كثيرا أخي وهذا من منة الله علي أن ذكرني
اللهم أحينا على القرآن واسلنة وامتنا عليهما
----------
Jana

شكرا على اهتمامك بتأويل الرؤيا
وجزاك الله خيرا على الإطراء وربن يديم المعروف
:)

وتدعوهم الى اتباع فطرة الاسلام بلا تكلف وان قرائتنا للقرأن هى ما ستفيدنا فى ديننا ودنيانا
هذه عبارتك
----------
مدونة الدفاع

جزاك الله خيرا يا هربونجي
----------
shams

مش حازهق وربنا ييسر ذلك حتى الممات شرفيتنا
لي صديق يأكل كل يوم شوربة خضار من 5 سنوات
:)
----------
چـِنين ...عيلة و عايزة افهم

انا لا اعتبر غير بالأحلام التي تكون واضحة كدة اما الهلامية فمش باخذ بيها
----------
BinO

شفت يابينو انت تدعو إل ى أقصر الطرق الموصلة وأنا أدعو إلى البساطة وعدم التكلف في نفس اللحظة
----------
المهـ إلي الله ـاجر

جزاك الله خيرا وتفسيرك إضافة قيمة
وأحبك الله الذي أحببتني فيه
----------
الطائر الحزين

حبيبي ياواد يا حزين
مش زعلان ولا حاجة انت حتعملها نكد ليه
وشكرا على الوصفات
----------
لحظة

تعليقك إضافة قيمة وهو ما قصدته فعلا

----------
أحمد الدرعه


:)
شكرا يا حمادة على التوقيع وأنا عارف إنك عارف إني عارف إنك فاهم
----------
hollow

تعليقك جميل جدا ويؤيده حديث الإسراء والمعراج
----------
رفقه عمر

نعم ابنتاه هو نفس ما قلتيه سلاسة النفس في الطاعة بدون تكلف وحياتنا في طاعة الله نعيم

----------
SAKAyAR

حبيبي ووحشتني ربنا يكرمك

وانا برضه بمووووت في التمر باللبن
شخصيتك راقية جدا أخي الحبيب
----------
أمــانــى

انت ما طلعتيش عن الموضوع ولا حاجة
نفسي تبطلي اعتذارات
----------
حائر في دنيا الله


العودة للأصل يفيدنا في التوصل لحل للغد، تلك رؤية لا أشك في صدقها ولا صلاحها....
جزاك الله خيرا
----------
قلب أبيــض

سبحان الله
وأنت أيضا قلب أبيض ويبدو أنك أخذت ذلك من صناعة اللبن
واللبن في الرؤيا الفطرة
----------

فن الحياة



جزاكم الله كل خير على هذه التذكرة .. فعلا افضل شيء هو الرجوع إلى القرآن الكريم .. والسنة النبوية .. :)

طلامة العقائد ثابته .. اما اجتهاادات الفقهاء في الامور الفرعية فمن اصاب فله اجران ومن اخطاء فله اجر
تعليقك قيم جدا
----------
bastokka طهقانة

آمين وجزاك الله خيرا ومنورانا
وأورفوار أنت أيضا
----------
Noony

تاريخ الرؤيا لأني دونتها في نفس اليوم صوتيا أول ما صحيت وأنا ذاهب لصلاة الفجر
:)
ومرحبا بعودتك وهو فعلا أنا أطالب بالبعد عن التكلف وسأكتب عنه المزيد إن شاء الله
----------
أحمد المصري

والله الرؤيا واضحة ده أنا رحت عندك لقيتك كاتب رمزية برضه

----------
عدى النهار

وطبعاً التقدم نحو الإسلام لايكون إلا بالركون إلى أصوله
جميل تعليقك أخي مدحت
----------
نسرين - أمة الله


هو الاكيد ان لو الواحد ساب الامور تمشى ببساطه وعلى راحتها حيرتاح بس ده على طول
جزاك الله كل الخير ورنا يكرمك
فعلا أختي رفيقة التمر واللبن
----------
آلام وآمال

اللهم ارزقنا الثبات على الهدى
----------
Just a Reader

حمدا لله على سلامتك وأتم الله شفاءك
والرؤيا الغرض منها دائما يكون التطبيق على أمور الحياة فعلا
ونخوفهم فما يزيدهم إلا طغيانا كبيرا
----------
ibn_abdel_aziz

يا عمو مرحبا بك
واقل حق لك علينا الدعاء لك
وأنا سأرسل لك اليوم إن شاء الله
اني كمسلم يجب ان انظر في دوام واستمرار الي تلك المرجعية التي اقف عليها
كتاب الله وسنة نبيه
النظرة المطلوبة كما أشرت يا هندسة فعلا هي نظرة شمولية ولكن مجردة عن التعقيدات والتكلف
والنظرة الشمولية تربط العلم بالعمل
والعمل
حقوق وواجبات

حقوق لله تكفل بثوابها وهو الجنة
وحقوق للعباد فصلها القرآن والسنة كما أشرت
ولكن قد لا ينظر لها البعض ويأخذون ببعض الكتاب ويتركون بعضا
----------
اصرار أمل

سبحان الله ....
نخطىء كثيرا حين نتخيل أن اضافاتنا التى نتخيل أنها جيدة ربما ستناسب الآخرين ؛
وأحيانا على العكس تماما من ذلك ربما ستخالف مناهجهم .....
ما أحبه دااائما وأحب التركيز عليه : ان الاسلام فى جوهره دين غاية فى الرقى والانسانية وسهل التطبيق جدااا ؛
بقى أن نظهره كذلك ...
وتلك حرفتنا :
اظهار الاسلام كما هو ؛ لا كما تراه أفكارنا ...
تعيلقك رائع جدا أختاه ومرحبا بك ومبروك النجاح تاني
----------
عازف الناى

وأنت طيب يا رفيق
فعلا التمر غلي جدا
والمدارس وكويس انك حاسس بآلام الناس كما قلت في التاج عندك
----------

R.M يقول...

كلمات بسيطة
ولكن معناها ذو عمق
وليتنا نتخذه منهجا
منتديات