الاثنين، أغسطس 27، 2007

تدوين كريم

لفتت انتباه الإخوة والأخوات في التدوينة السابقة كلمة
ممنوع التدوين
مما اضطرني إلى كتابة هذه الكلمات التي كنت أريد منذ مدة أن أكتبها وهي ماذا يعني التدوين بالنسبة لي وما علاقة ذلك برمضان
بداية هناك أخ يسمي نفسه هولو ويحاول أن يكون مجهولا للتعليق لسبب أنه يريد أن يقول رأيه بحرية ولا يتأثر بعلاقته بالآخرين
ودار بيني وبينه نقاش حول هذه النقطة أنقل منه بعض أقوالي يتضح منها لمن لا يعرف ماذا يعني التدوين بالنسبة لي وكيف أنه سوف يكون شاقا في رمضان

حيث أن التدوين يبني شخصا اعتباريا وهذا الشخص يكون له أهداف ومباديء والمفروض أن كل تدوينة تصب في استكمال هذا الهدف وكذلك كل تعليق
وسأضرب لك مثالا يتأثر كثير من المدونين جدا عندما أعلق مرة ثم أعود لأجد ردا فأعيد التعليق والتفاعل وأحس أنهم يتأثرون فعلا بذلك ف
إذا كنت أنا ادخل ثاني مرة وأعلق بهوية أخرى فلاحظ أنني لم أبن على التفاعل السابق ولم أسقه حتى يثمر مودة وإخاء

مثلا أنا اسمي هو رمزي(عصفور المدينة ) بعض المدونين يعرفونني واقعا وقابلوني أو كلموني والبعض لا يعرفني وتبقى رمزية الاسم ورمزية الشخص
فالمجهود الذي أبذله مثلا في سبيل التواصل مع مدون أو مدونة والتشارك في الأفكار أحتاج فعلا أن أستثمره أحيانا في أن أطلب أو أوجه توجيها معينا
يعني بالبلدي يكون لي عليه أو عليها دلال ويقبل قولي في الحق

فالتدوين بالنسبة لي هو قراءة وتعليق أكثر منه كتابة كم رأيت من شكاوى بعض المدونين من أولئك الذين يعلقون لأجل التعليق أو تأثرون بتعليقات سابقة وكم تكلمت في هذا الأمر
إنني أتابع ما يقرب من 250 مدونة غير العوارض التي أتابعها مرة ولا أعود ومن وجهة نظري هذا شيء أكثر من القراءة

إن المدونة بالنسبة لي هي صورة إنسان مكتوبة أبني له صورة متكاملة في ذهني وأتكلم معه كما أتكلم مع الأشخاص الحقيقيين يعني هذا أنني أصنع سجلا افتراضيا في عقلي للمدون وأربط كلامه بسابق كلامه
بل وأقرأ تعليقات الآخرين على التدوينات في كثير من الأحيان  .
والهدف هو ما ذكرته التواصل الفكري والدعوة بمفهومها المتكامل الذي يشبه المعايشة والذي يتعدى الموعظة التي يمكن ان أضعها هنا ويمكن أن تجدها في أي منتدى

أما زياة مدونات الآخرين والتفاعل مع كلامهم فهي كما ذكرت مرارا رسائل شخصية موجهة تصل بشكل مباشر سواء كانت موافقة أو مخالفة لوجهة نظر ومنطلقات صاحب المدونة

أضف إلى ذلك أن الاستمرارية في التعليق والمتابعة التي تبنيتها هي بناء لعلاقة خاصة بيني وبين المدونين أدامها الله

لاشك أن هذا يوضح الجهد الذهني الذي يتطلبه ذلك وباختصار فإن هذا متعارض مع رمضان بشكل أو بآخر

وخاصة مع استخدامي في الغالب نظام صارما للمواعيد وتنظيم الوقت في رمضان أسأل الله أن يعيننا على ذلك

وهذا أول عام يأتي فيه رمضان وأنا من المدونين ولندع الأمور تسير في أعنتها وللعلم ليست تدوينة نصيحة رمضان هي آخر تدوينة في شعبان
 ولكن أردت وضعها الآن ليتنبه من لم يستعد وخاصة موضوع اللياقة البدنية
:)
وأتمنى من إخواني الذين لاموني على هذه الكلمة أن يمنوا علي بقراءة بعض التدوينات القديمة إن أمكن وهبة ثواب قراءتها للعبد الفقير
(:
ليس التدوين ذنبا وهو إن شاء الله يعوض جانبا مما قصرنا في الدعوة ويدعو إلى امتثال القدوة كما أوضحت في تدوينة سابقة
كل عام وأنتم بخير وتدوين

هناك 47 تعليقًا:

المهـ إلي الله ـاجر يقول...

السلام عليكم

في رمضان الأوضاع تختلف والأوقات تكون ثمينة والدقائق تكون محسوبة . والمجال خصب لإستثمار الأوقات فيه

وكما وضحت يا بشمهندس أنك تتابع كم مهول من المدونات يحتاج منك وقت غير عادي للمتابعة . لذا فقرارك أراه صائباً في التوقف عن التدوين لأن التدوين بالنسبة لك يختلف عن التدوين بالنسبة لنا

لكنك إن غبت عنا فأنت في القلب وأنت تعرف ذلك

عازف الناى يقول...

بارك الله فيك
وبارك الله لك فى وقتك
واكرمك بالاستفاده منه
ان كنا سنفتقدك فى رمضان على الهوا
فانت ومدونتك
موجودين معنا
كل عام وانتم بخير

رينـــــــــــا يقول...

السلام عليكم
اخبار حضرتك ايه
اولا كل سنه وحضرتك طيب يارب وان شاء الله صيام مقبول مقدما
حضرتك عندك حق جدا
انا بحس ان رمضان دا المفروض انه يكون بس لله مفيش حاجة تشغلنا الا لو ضروريات ربنا يكرمك يارب
ومتنساش تدعيلى بئا الله يكرمك

محمد عبد الرحمن يقول...

السيد الكريم
أقنعتنى بأسباب توقفك عن التدوين والمتابعة بارك الله فيك فقط طلب ربما لا يكون متعبا عند الفطور أدع لأخوانك وأخواتك من المدونين والمدونات بالتوفيق والصلاح
أسأل الله العلى القدير أن يعينك على ذكره وشكره وحسن عبادته

لا تنسى أخى وفقك الله تدعو لأمتنا بطلوع النهار أثناء صلاة القيام
أريد أن أغير إسمى إلى طلع الفجر
وحبذا لو خصصت أخوك بدعاء بحسن الخاتمة فى الثلث الأخير

أمــانــى يقول...

أســـتاذنا
والله يأســاذنا الموضوع هيكون صعب بالنسبة لآى شـخص فى رمضان خصوصآ مع مواعيد العمل ومواعيد معينة للاكل والشرب والتروايح والقيام وعدد قليل من ساعات النوم الموضوع شـاق ويحتاج الى ترتيب ونظام ودقة فى الوقت حتى لا يخرج مننا الشهر كما دخل
هو ممكن حضرتك تواصل مع الناس وتحط مثلآ كل اسبوع موضوع ولا تكلف حضرتك نفسك جهد المتابعة ولا احد يتضايق ويلمتسوا الـعذر

بغلك وبغلنا رمـضان وجــعل جمـيع اعمالك فى مـــــــــــــــيزان حســــــناتك يااااااااااااااارب آمــــــــــــــين ويباركلك فى كـــل شــــــــــــئ ياااااااااااااارب آمـــــــــــــــــــــــــــــــين وكـــل رمضان وحضــرتك طــيب وبالف خـــــير ياااااااااارب آمـــــــــــين

خمسة فضفضة يقول...

السلام عليكم ورحمة الله وبركاته

ازيك يا باشمهندس ، اخبارك ايه ، ان شاء الله بخير

كل سنه وحضرتك طيب انهارده ليلة نصف شعبان ، اللهم اكتبنا فيها من القائمين ولا تجعلنا من الغافلين

تصدق حضرتك انا كمان كنت ناويه اقفل المدونة في رمضان ولحد بعد العيد ان شاء الله جيت الاقي حضرتك بتقترح نفس الاقتراح

انا زي حضرتك كده بالنسبه لمتابعتي للمدونات ، بتابع عدد كبير جدا بس معظمها مش بعلق عليها يمكن لضيق الوقت او يمكن مش بلاقي كلام اقوله لاني مش بحب نظام المدح وخلاص من غير مايكون فيه كلام في صلب موضوع التدوينه
وبرضو ببني رابطه بيني وبين كل مدون بتابعه وكمان برسمله صوره في خيالي من خلال كتاباته حتي لو ما كانتش الصوره دي شبهه

كمان لما بقعد علي النت مش عارفه ازاي الوقت بيتسرب مني في التنقل بين المواقع المختلفه وبين المدونات ، علشان كده ولان الوقت في رمضان ثمين جدا وقصير جدا وبيمشي بسرعه جدا جدا جدا بقاطع النت تماما في رمضان
دي اول سنه ليا كمدونه تمام زي حضرتك بس السنه اللي فاتت عملت كده مع المنتديات اللي كنت مشتركه فيها
وان شاء الله ربنا يعيني علي كده

في حاجه كمان عاوزه اضيفها للستة الممنوعات وهي كتر الاكل و الستات اللي بيقضوا معظم وقتهم جوا المطبخ في عمل الاصناف المختلفه ، ومش عارفه ايه يعني اللي ها يختلف في رمضان ، بالنسبه لي مافيش اي حاجه بتتغير مجرد فقط اضافة كوب عصير علي الاكل وبس ،
كتر الاكل بيخلي الواحد يوخم وما يعرفش يعمل اي حاجه غير النوم

يارب يبلغنا رمضان ويتقبل منا اعمالنا فيه ويجعلنا من عتقاء النار



خالص تحياتي لحضرتك

بنت أبيها يقول...

كلام تمام

الواحد برضوا حط لنفسه انه فى رمضان هيمتنع عن حاجات كتيير

وبالنسبة للتدوين فانا من وجهة نظرى ان المتابعة ممكن تقل

لكن كتاباتى فى المدونة اكيد هتكون موجودة وان كان عددها اقل من المعتاد

انما رمضان مينفعش يعدى من غير ما الواحد يكتب فيه خواطر رمضانية

واى حاجة هكتبها فى رمضان هتكون تحت العنوان ده

Doba يقول...

ربنا يقدرنا جميعا على فعل الصواب

تحياتى -- هبة

رفقة عمر يقول...

برضه مش تحرمنا من حضرتك فى رمضان
نزلنا بوست كل اسبوع
واقفل التعليقات
لازم نطمن على حضرتك
مش هاينفع كدة
كفايه العشره الاواخر من رمضان
واكيد الاعتكاف
طيب بوست و رمضان وخلاص نعيش عليه لغايه العيد ان شاء الله
ربنا يتقبل منك صالح الاعمال اللهم امين
النهاردة ليله النصف من شعبان
ارجوك اجروك لا تنسانى من الدعاء فى هذا اليوم بجد احتاج للدعاء بشدة
وجزاك الله خيرا مقدما

محمود الدوح يقول...

فعلا الواحد فى رمضان لازم يجتهد مع ربنا ويحاول انة يكون وقتة كلة مع ربنا

وعلى فكرة موضوع رمضان زى موضوع الغياب بتاعى كان لسبب ان الوقت مش بتاقية بالساهل

وفى رمضان برضة الواحد هيحاول يكتب بس هيكون مخصص يوم للتدوين والمدونات
ان شاء الله

اللهم بلغنا رمضان

رفقة عمر يقول...

رينااااا

معلش استاذى استاذن حضرتك فى كلمه
لرينا ليه قافله المدونه
يارب خير

غير معرف يقول...

السلام عليك

بالنسبة لموضوع التعليق فعلا الواحد بيبذل قصاري جهده انه يفيد ويستفيد ويبدي رأيه لله واذا وجدت اي فرصه للنصح بنصح وربنا اعلم بالنيات

أحيانا كثيرة اجدني متفق مغ صاحب الكلمات وبحاول اسجل فقط حضور متمنيا له الخير ليس من باب اثبات حضور فقط ولكن انا بالطبع اسعد عندما اجد تعليقات وان موضوعي تمت قراءته من اكبر عدد وبالتالي ومن باب لا يؤمن احدكم حتي يحب لاخيه ما يحب لنفسه فبقوم معلق ولو بتمنياتي لهذا المدون

ويمكن انا بنتفق مع حضرتك في معظم ما تكتب ودا يمكن اللي في احيان كتيرة بيكون ردي قصير او مختصر ويعلم الله كم الاستفادة وكم الاحترام الذي أكنه لحضرتك

بالنسبة لرمضان ....طيب ما حضرتك ممكن تقلل ال 250 دول وتركز مع المدونات الرئيسية بالنسبة لك

وفي حاجة يا استاذ عصفور هو اه التدوين ممكن يبقي بعد رمضان عادي ومش فارقة اللي فارق حاجة واحدة القلوب اللي هتقرالك في رمضان مش هتلاقيها بعد رمضان لان حضرتك طبعا بتشوف القلوب بتبقي مستعدة في رمضان لاي حد ياخد بايديها

وده اللي خلا الشيخ حسان مثلا يقدم حلقات علي قناة الناس في رمضان السنة اللي فاتت ع الهوا وطبعا غيرة من المشايخ

بس طبعا حضرتك ادري بترتيب اولوياتك

اللهم بلغنا رمضان

وجزاكم الله خيرا

غير معرف يقول...

أخى الفاضل الكريم : عصفور المدينة
السلام عليكم ورحمة الله وبركاته
لكل شخص منا ظروفه وفكره ولابد أن نحترم وجهة نظرك ولكن أكثر ما أخشاه وبما أنك من المدونين أصحاب التأثير القوى .. أن يتأثر بك الآخرون ونجد توقف للتدوين فى رمضان
كل عام وأنت بخير أخى الكريم
وأدام الله عليك نعمته وفضله



أخى لى رجاء .. تغيير رابط مدونتى ليكون
مدونة الرسالة
الرابط
http://mmm1962.jeeran.com/
وهى مدونتى السابقة على موقع جيران لأنى قررت الرجوع إلى موقع جيران

وتقبل تقديرى واحترامى
أخوك
محمد الجرايحى

Dr.khaled يقول...

الظاهر الموضوع كبير

لنا عودة ان شاء الله :)

لكن ميتيه؟؟
الله اعلم

أحمد المصري يقول...

دي تاني سنة يعدي حيعدي عليا رمضان فيها وانا مدون بس مش عارف بجد ادون ولا ابطل في رمضان..مش حقدر ابطل تدوين و مش عايز اضيع رمضان..قوللي احلها ازاي دي ؟
ثانيا بجد حتوحشنا أوي أوي أوي في رمضان بس مش حنعطلك عن ربنا..احنا نقدر؟
مع تحياتي00
والسلام عليكم0

عمرو المصري يقول...

السلام عليكم ورحمة الله

والله انا رايي من رايك بالنسبة لموضوع التدوين في رمضان

ومتزعلش من اللي يخالفك
انت ماشاء الله محبيك كتير
واللي بيستنوك اكتر
علس عكس ناس تانية مش فارقة بالنسبة للناس وقوفه من عدمه
اظن انك فاهمني


احسبك علي خير ولا ازكيك علي الله
ربنا يكرمك
والله
انا باحبك في الله


انا شخصيا ناوي اوقف التدوين في رمضان نهائيا

اللهم ان هي تدوينة هنزلها ليلة 15 رمضان لاني مش هافتح الجهاز اساسا طوال الشهر لاني الشهر اللي فات كنت بحدد نص ساعة بس وكانت بتفرد معيا مش اقل من ساعة

انا اولي بيها

كل سنة وانت طيب بمناسبة قرب الشهر الكريم

اسال الله ان نخرج منه عكس مادخلنا


لو فيها مضايقة ليك انا كنت عايز الميل الشخصي بتاعك عشان لو حبيت اكلمك عشان في كام حاجة عايز اسالك عليهم ومش هاعطلك كتير
انا مبعرفش اتكلم اوي
ايميلي
amrelmasry_1001@yahoo.com




سلامي
من
ارض الحرب

محمد عبد الغفار يقول...

التدوين اداه توجهها حيث شئت

مؤمنه يقول...

السلام عليكم ورحمة الله وبركاتهجزاك الله عنا كل خير
بالنسبه لمتابعة المدونه فى رمضان لايكلف الله نفسا الا وسعها
وفقك اللله
والسلام عليكم ورحمة الله وبركاته

محمد عبد المنعم يقول...

سؤال خارج الموضوع الرئيس
إزاي حضرتك بتتابع 250 مدونة و بتعلق كمان
مش حسد و الله بالعكس دي غبطة
بس فعلا فعلا عايز أعرف

و ربنا يعينك على الدعوة كيفما كانت
و على الشحن الإيماني الرمضاني
و للجميع مثل ذلك

احمد الجيزاوى يقول...

بصراحه التوقف عن التدوين فى رمضان لو هيشغل عن العبادةيبقه لزم يتوقف لو مش هيشغل خلاص نكمل
ولكن اطلب منك خدمه اخى واعتقد انك الوحيد فى وسط المدوين تسطيع ان تفيدنى لعلمى بلتزامك الذى اغبتك عليه
ابحث عن كتاب فى الولاء والبراء على النت لشيخ القحطانى بس مش لقيه لو تعرف لو سمحت وجزيك الله خير دلنى ولك الاجر والثواب
احمد الجيزاوى

عصفور المدينة يقول...

أخي أحمد الجيزاوي
الكتاب هنا
http://saaid.net/book/open.php?cat=1&book=141

احمد الجيزاوى يقول...

اخى عصفور المدينه بحق جزاك الله خير على هذا الكتاب بجد كنت محتاجه فى مسيرة طلب العلم ربنه يجعل كل حرف اقراءه او اتعلمه من هذا الكتاب فى ميزان حسناتك
وحقا انى احبك فى الله
اخوك الصغير
احمد الجيزاوى

الفاتح اليعقوبي يقول...

انا قلت لك يااستاذي
فعلا المشكلة ان التدوين بياخذ مجهود ذهني وبدني ورمضان مش محتاج كده الصراحة الفرد يادي اللي عليه ويدوبك عشان يفرغ للقران والعبادات

فالاصل انك من المفترض انك تخرج من كل رمضان وقد زدت عبادة جديدة لم تكن تفعلها من قبل
والله يااخي اني احبك في الله وجزاك الله كل الخير

واسال الله لك كل الخير واساله سبحانه وتعالي ان يرزقك الاخلاص في القول والعمل وان يرضي عني وعنك
والسلام

مهندس مصري بيحب مصر يقول...

با بشمهندس عصفور
ربنا يوفقك الى ما يحبه و يرضاه منك
ومتنساش تدعي لنا
بس أنا متفق مع الرأي اللي بيقول انك تكتب و لو تدوينة إسبوعية على الأقل و تمتنع عن متابعة ال250 مدونة الآخرين حتى ينتهي رمضان
و لا حرمنا الله منك و أعانك الله على كل ما فيه الخير دائماً
و زياراتك السابقة لمدونتي دين في عنقي
أرجو أن أتمكن من سداده قريباً
قواك الله على طاعته دائماً
والسلام ختام

Jana يقول...

اخى الكريم احييك على هذا القرار
كنت قد قررت مسبقا انا ايضا بعدم التدوين فر الشهر الكريم
فأنا فى الاصل لا املك الوقت فى الايام العادية لكتابة بوست الا كل اسبوعين وربما اكثر من ذلك
فما بالك بشهر رمضان الذى قد نندم على ضياع دقيقة منه فى غير مكانها
ناهيك عن بداية المدارس ومذاكرة الاولاد
فقط لى رجاء
الا تنسانى من دعائك فى قيام كل ليلة وعند ختام القرآن فى التروايح وفى التهجد بأن يجعلنى الله ومن احب من عتقاءه هذا العام
وادعو لى مسبقا ان اجد جليس لأطفالى فاستطع ان احضر هذه الصلوات جماعة
حيث الجو الروحانى فلا اجد له مثيل
بارك الله فيك وفى عائلتك
واعزك وتقبل منك

طبيب مسلم يقول...

السلام عليكم
بارك الله فيك
بصراحة كلامك عن التدوين جميل جدا
والواحد لما بيقرأ كلام المدون المفروض انه كلامه...بيرسمله شخصية في مخيلته
وربنا يقدرنا
أما بخصوص التدوين في رمضان
فهو هيكون صعب جدا علي كمان
لأني في بداية الدرساة سوف أعتزل النت إلا قليلا
لأن دراسة الطب متعبة شويتين خصوصا لو انت في سنة 3
وبصراحة
انا نفسي أدون في رمضان
لأننا محتاجين تذكرة مع بعض
بس ربنا يقدرنا ويكون أفضل رمضان
اللهم آمين

غير معرف يقول...

انت بتابع كم مهمول اوى من المدونات والغالب من المدونين برضه بيعمل كده بس بيبقى فيه مدونات الواحد عارف انها مميزة بتاخد منها معلومة او فكرة وتستمتع بالنقاش فيهاومدونتك رائعة ومن هذه المدونات المميزة وان غبت عنا فهناك فيها العديد من البوستات تجذب الواحد لتداولها وقرائتها

Sally يقول...

ربنا يوفاك يارب
البوست دا واللي قبله بالذات
فكروني بحاجه مهمه جدا
جزاك الله خير الجزاء علي التذكره
هي حاجه مهمه ليا يمكن حضرتك متكنش قولتلها بصراحه بس انا وانا بقرا البوست افتكرت الحاجه دي
جزاك الله خير الجزاء

وقرار صائب وموفق ان شاء الله
تحياتي

ولا تنساني من دوعائك
سالي ... رؤية

mohand يقول...

السلام عليكم
مش عارف ليه دايما ااوصل متاخر مع اني بدخل مدونتك بشكل شبه يومي
يعني كل ما افتح المدونات لازم ادخل عندك

عموما انا فهمتك من الاول
لان لو هكمل تدوين في رمضان لازم اتابع

انا شخصيا بتابع الكام مدونه اللي عني في الليسته ومش بلاحق عليهم

وباخد وقت طويل اقري المواضيع والتعليقات بالكامل
دا غير بعض المدونات اللي مش حاططها عندي وبزورها برضه



بالنسبه للاستفزاز
انت بقيت كل حاجه تفسرها باستفزاز
يا اخي والله اخر بوستين ما اقصد بيهم الاستفزاز

انا بس عايز اشوف حاجه وهكتبها في اخر بوست في السلسله اللي هعملها
بعد ما اعيد الاسئلة تاني واشوف الاجابات
دا قصدي

هترتاح من استفزازي في رمضان يا حج
:P:P:P
تحياتي

mohand يقول...

السلام عليكم
مش عارف ليه دايما ااوصل متاخر مع اني بدخل مدونتك بشكل شبه يومي
يعني كل ما افتح المدونات لازم ادخل عندك

عموما انا فهمتك من الاول
لان لو هكمل تدوين في رمضان لازم اتابع

انا شخصيا بتابع الكام مدونه اللي عني في الليسته ومش بلاحق عليهم

وباخد وقت طويل اقري المواضيع والتعليقات بالكامل
دا غير بعض المدونات اللي مش حاططها عندي وبزورها برضه



بالنسبه للاستفزاز
انت بقيت كل حاجه تفسرها باستفزاز
يا اخي والله اخر بوستين ما اقصد بيهم الاستفزاز

انا بس عايز اشوف حاجه وهكتبها في اخر بوست في السلسله اللي هعملها
بعد ما اعيد الاسئلة تاني واشوف الاجابات
دا قصدي

هترتاح من استفزازي في رمضان يا حج
:P:P:P
تحياتي

المجاهدة يقول...

ليس التدوين ذنبا وهو إن شاء الله يعوض جانبا مما قصرنا في الدعوة ويدعو إلى امتثال القدوة

عجبتني جدا الجملة دي
و اتفق مع حضرتك كثيراً فيها :)

كتير كنت بفكر ايه فايدة النت عامة و المنتديات و المدونات و التعليقات
و فعلاً الجملة دي فيها كتير من اللي وصلتله اخيراً

جزاك الله خيراً :)

بهلوله يقول...

مش عارفه اقولك ايه
بس ده اكيد قرار وانت واخده
على العموم انت ادرى الناس بوقتك
وان كنا سنفتقدك

اسلام رفاعى يقول...

ربنا يباركلك فى وقتك ومشكور جهدك
ورمضان كريم

kafrawy يقول...

كل عام و انت بخير



تحياتى

الفقيرة إلى الله أم البنات يقول...

لا يأتى رمضان إلا مرة واحده فى العام
ورمضان به خير لا يوجد فى باقى الاشهر
لذا الصواب ما اخترته اى شئ يعوض إلا دقيقه بدون طاعه فى رمضان
نسأل الله ان يبلغنا رمضان

عصفور المدينة يقول...


المهـ إلي الله ـاجر


في رمضان الأوضاع تختلف والأوقات تكون ثمينة والدقائق تكون محسوبة . والمجال خصب لإستثمار الأوقات فيه
أخي أحمد ,انت في القلب وإن شاء الله نتواصل دائما

عازف الناى

أخي سأفتقدك كثيرا وأفتقد كلامك العذب ومشاعرك الصادقة


رينـــــــــــا

ربنا يكرمك يا عروسة
وكل عام وأنت بخير
وربنا يعينك ويوفقك للطاعة دائما

طال الليل

إن شاء الله ربنا يعيننا على الدعاء
أكرمك الله
إن شاء الله يطلع الفجر

أمــانــى

ربنا يكرمك يا بنتي
وربنا يعيننا جميعا

خمسة فضفضة

وعليكم السلام ورحمة الله وبركاته
منورة يا دكتورة وربنا يعينك
بلاش قفل المدونة ده أحسن بقى عادة وحشة
سيبيها مفتوحة نسترزق منها حسنات أصل كدة كدة فيه ناس بتقرا
بس بخصوص المدح ساعات الواحد بيكتفي بكلمة جزاك الله خيرا يحسس المدون غنه عداد الحسنات بتاعة في تزايد
جزاك الله خيرا على إضافتك المهمة في موضوع الأكل والتنظيم

بنت أبيها

الحمد لله أن الرؤية وضحت
وبعدين إن شاء الله نيجي في العيد نلاقي قائمة كبيرة مطلوب متابعتها
:)
ربنا يعينك على كتابة الخواطر الرمضانية

Doba

بارك الله فيك أستاذة هبة

رفقة عمر


ربنا ييسر والبركة فيك

محمود الدوح

ربنا يعينك والوقت فعلا ضيق

رفقة عمر

رينا خافت منك وفتحت المدونة
مبسوط أوي من إيجابيتك مش حاقعد أنا كل مرة أتكلم

مصراوي أوي

طبعا انت متابع نص المدونات ياراجل
وصراحة أحس انه ظلم لو ميزت بعض المدونات عن بعض كلهم إخواني واحبابي

محمد الجرايحى

جزاك الله خيرا ولا تأثير ولاحاجة الناس معظمها بتقول حندون
مش حنبطل
وبعدين إيه حكاية 1962
:)

ض/خالد

طاااااايب

أحمد المصري

أخيرا لقيت واحد بقاله أكثر من سنة ومشارك معانا
انت كمان حتوحشني جدا بكلماتك الكميلة التي تعمل الذهن


عمرو المصري

وأيضا اخونا من أرض الحرب
السلام عليكم ورحمة الله
جزاك الله خيرا على مدحك
ويا خوفي من تدوينتك في 15 رمضان
آلامنا كثيرة وتزداد في رمضان وقد تعودت على ذلك
أرسلت لك إيميل
وإيميلي موجود في البروفايل

Mohamed A. Ghaffar

نعم أخي أداة ولكن إذا كانالوقت ضيق فقد يكون التخبط وممكن الواحد يعور نفسه بالأداة

مؤمنه

وقنا الله وإياك بارك الله فيك

Muhammad Abdelmonem

بلاش غبطة ولا حسد ولا أي حاجة
عشان العدد عمال يزيد كمان
جزاك الله خيرا على دعائك

مدونه انا بحبك يا مصر

أحمد حبيبي ربنا يكرمك ويعينك
ويوصلك العمرة ويعيدك إلينا سالما ويتقبل منك


اليعقوبي

أهوه اليعقوبي بحاله بيأيدني وبيقول بياخذ مجهود وقت وذهن
جزاك الله خيرا

مهندس مصري

يا هندسة منورنا ربنا يكرمك
وفقنا الله وإياك


Jana

ربنا يعينك على جميع شئونك في رمضان وفي غيره
بارك الله فيك
ولا تنسونا من دعائكم أنتم أيضا

Dr_Moslim

ربنا يعينك وينجحك يا دكتور


hend

فعلا فيه مدونين كتير بيتابعوا عدد كبير من المدونات
وأنا باكلم نفسي وباكلمهم يقيسوا الوقت والمصلحة ويوازنوها

بالله المستعان

أسعدني تعليقك جدا جداجدا
لأنه بيؤيد نظرية عندي أن ساعات الناس بتستفيد من كلام الواحد حاجات ساعات هو ما يقصدهاش وممكن في أوقات هو مايقصدهاش
الواحد مش عارف امتى ييجي حد يقرا كلامك ويستفيد منه
وربنا يتقبل ويعينك

mohand

حتوحشني يا مهند ربنا يكرمك
أنا نفسي أستفزك بس يبدو غني على وشك أنجح عشان خليتك تيجي ترد على كلامي
هههههه

المجاهدة

ربنا يكرمك وينفع بك
وجزاك الله خيرا على وفعلا الواحد لما بيشوف فيه ناس بتنتفع بالكلام بيتعزى شيئا ما عن تقصيره
وايضا يظل يحاسب نفسه إلى معيار كلامه

بهلوله

وأنا أيضا سأفتقدكم
خلي بالك من بهلول وخفي المصاريف
:)

اسلام رفاعى

بارك الله فيك اخي
وبراك الله لي ولك في أوقاتنا


kafrawy

منورنا أول زيارة
ربنا يبارك فيك

ام البنات

ربنا يكرمك يا أختي وجزاكم الله خيرا على التأييد
انا جدة حاكسب بكثرة الأصوات
بما إن فيهم أم البنات

مشروع انسان يقول...

250 مدونة
بتعملهم ازاى دول يا بشمهندس
تعرف احيانا الواحد بيزهق من كتر اللف على المدونات
واحيانا بيخاف انه ينسى حد فى النص
او ينسى مدونة كاملة لمدة كده
فبيبقى فى حيرة وخوف انه يضايق حد بس اكيد الواحد بيستفاد من تعدد المواضيع بس للاسف الافكار كتير بتكون متشابهة عشان ومفيش جديد الا قليل
عايزين دم
عايز حاجة جديدة الاقيها مش عارف هيا ايه بس عايز تجديد

مجهول يقول...

السلام عليكم
جزاك الله خيرا عصفور المدينة علي هذا البوست

التدوين كعالم افتراضي يختلف تقريبا جذريا عن العالم العادي الواقعي

كل منا لم يقابل الاخر ولم يقابل الكثيرين ممن يتابعهم ويقرأ لهم كل يوم تقريبا في مدونات بالنسبه لي تتجاوز المئة مدونة

وكل منا يرسم للاخر صورة في خياله من خلال قراءة الفكر وما يدور في عقله سطورا في مدونته

وهذه في رأيي اعظم من تكوين فكرة من حياة الواقع لو افترضنا عدم التواء الافكار وتضادها في صاحب المدونة

بالنسبة للشهر الكريم
بالطبع التقليل من التدوين او التوقف مؤقتا احبذه
فرمضان غير اي شهر من شهور السنة وله برنامج اخر غير اي شهر
واختلاف مواعيد العمل والانشغال ليلا قد لا يتيح مجالا لمتابعة المدونين او اضافة بوست جديد

لكن مادمت قد ذكرت ان الموضوع اولا واخيرا سبيلا للدعوة الدينية والفكرية المحترمه فما المانع في توقفك عن المتابعه او اختصارها قليلا ولكن لا تمتنع عن التدوين واضافة الموضوعات الجيدة التي تناسب رمضان

فهناك اخوة واخوات لديهم متسع من الوقت لمتابعة التدوين فما المانع من افادتهم ببوست جديد كل مده

كنت افكر في عمل مدونة خاصة لرمضان
تكن بوستات خفيفة
يشترك فيها مدونين
نوع من الافادة والتسلية في ان واحد
بدل من اهدار الوقت امام الكمبيوتر بدون اي وجه افادة

تحياتي لك سيدي الفاضل علي مجهودك

نسرين - أمة الله يقول...

السلام عليكم
والله انا مش جايه متأخره ولا حاجه
تصدق انا دخلت عند حضرتك كام مره من ساعه لما كتبت الموضوع يمكن 4مرات وكل مره افتكر ان كتبت التعليق اكتشتفت النهارده انى مكتبتش حاجه
معلش سامحنى ان بنسى خالص
والحكايه دى بتعمل عندى مشاكل كتيره ومش عارفه اعملها ايه الحمدلله على كل شيء
بالنسبه بقى لحكايه التدوين
الواحد كان ناوى فعلا ان ميكتبش حاجه فى رمضان بس بصراحه كنت ناويه اشوف الناس كاتبه ايه
بالنسبه لحضرتك فاكيد 250 مدونه بتدخلها حتضيع معاك اليوم كله
ربنا يكرمك ويكرمنا خير
ويعطينا من فضل الشهر ده
كل سنه وحضرتك طيب

Unknown يقول...

قرار صائب
التدوين موجود طول السنة لكن رمضان مش بيجى اللى مرة واحدة كل سنة
ربنا يبارك فى اوقاتنا جميعا ويرزقنا حسن ادارتها
كل عام وانتم بخير
ربنا يجعلنا واياكم ممن كتب لهم العتق من النار فى هذا الشهر الفضيل

بهلول يقول...

كنا نتمنى تواصلك معنا فى شهر رمضان
ولكن لك ما تراه
وربنا يكرمك ويوفقك

يقين النصر يقول...

بارك الله فيكم أستاذنا الكريم
طبيعى التدوين يكون صعب جدا فى رمضان
لأن رمضان كل شئ فيه محسوب وهو شهر واحد ..والتدوين لاحقين عليه لكن رمضان؟؟

ahmed mefrh يقول...

المشكل اننا حصرنا العباده و التعبد فيما نريد ان نحصر انفسنا فسه

karamella يقول...

اكن لحضرتك كل احترام
حتي ولو لم ادخل مدونه حضرتك واتعرف علي حضرتك من خلال كتاباتك
عرفتك من خلال كتابات الناس علي حضرتك
ما دخلت مدونه الا وصاحبها يمدح في حضرتك ويشكر ويثني خيرا
نحسبك علي خير ولا نزكيك علي الله
لكن الحق حق
وتسلم ايد حضرتك وكتاباتك
وربنا يعزك ويجعل تعوضيا لك عن غيابك عمل الناس بكلامك ويبقي في ميزان حسناتك

sa7arkash يقول...

تصدق انك انسان محترم جدا
والله باشكرك جدا على كلامك..وعلى مدى اهتمامك بالرد على الناس وتوضيح اهمية التدوين عندك
وانك مش واخد الموضوع هزار وتضييع وقت
لا انت واخده على عاتقك كرسالة وتبتغى بيها وجه الله والنصيحة الخالصه


والله احييك بشدة ودعواتك لينا فى رمضان وربنا يعين الكل
تحيااااتى

عصفور المدينة يقول...


امام الجيل

الله يعينك يا محمد ما انت عارف
RSS
بيساعد جدا والحمد لله ربنا وهبني سرعة القراءة
وحتى لو الموضوعات متشابهة بتكون الجوانب مختلفة

مجهول

أخي مجهول جزاك الله خيرا
ولكني أحاول قدر طاقتي أن أتعامل في هذا العالم الافتراضي بنفس طريقة العالم الحقيقي
وان أصل لصورة حقيقية قدر الإمكان عن الإنسان
فكرة المدونة الخفيفة دي خطرت لي أيضا
وابدا أعانك الله

نسرين - أمة الله

شكرا لتاييدك يا نسرين وبارك الله فيك

مناجاة

قرار صائب
وهذا تاييد آخرمن دكتورة مناجاة بارك الله فيك
تقبل الله منا ومنك

بهلول

ربنا يعيننا وإياك يا أخي أحسن العملية صعبة اوي

يقين النصر

نعم والاتزامات فيه أكثر
بارك الله فيك

ابو مفراح

ليس حصرا لمفهوم العبادة ولكنه تقديم الفاضل على المفضول ولا تنس يا سيدي أن في رمضان أيضا يوجد دعوة على أرض الواقع ويوجد أعمال خيرية
ويوجد محاولة الإتقان والمواظبة في العمل لإعطاء الصورة الصحيحة عن شهر رمضان أنه ليس شهر الكسل
وهذا يمثل عبئا إضافيا

karamella

جزاك الله خيرا وأنا أيضا أحسبك على خير والله يعلم
وأسأل الله أن يديم علينا دعاءكم
وبارك الله فيك

sa7arkash

سأبقى بالإخاء لكم وفيا
فأنتم رفقتي وضياء دربي

ftataljanna يقول...

اول حاجة جزاك الله خيرا على المساعدة دى بس تصدق يا باشمهندس نفسي اجي لك اكتب لك كل اللى عندى وتعمل لى جدول

:D

ماهو دراسة بقى وحاجات تانية واضف الى مكتبتك هذا الانشغال الجديد والكلام ده

واما عن افتقادنا لحضرتك فى شهر رمضان

فبصراحة حاجة تزعل بجد

هامنك امانه

ادعى لى فى رمضان مع جدول دعواتك